ورتا تۇستا ىرىقتى ورىندا بولدى
_ سەرپىمدىلىكتەن، ومىرشەڭدىك كۇشتەن، قوزعاۋشى كۇشتەن شينجياڭ ەكونوميكاسىنا نازار
![](http://kazakh.ts.cn/pic/003/528/316/00352831602_19f9565f.jpg)
7 - ايدىڭ 24 - كۇنى جۇمىسشى اۋات اۋدانى اۋات قالاشىعى قۇمباق الەۋمەتتىك اۋماعىنداعى شينجياڭ جيڭي توقىماشىلىق عىلىم - تەحنيكا شەكتى جاۋاپكەرشىلىك سەرىكتەستىگىنىڭ توقىماشىلىق سەحىندا جۇمىس ىستەۋدە. بىرنەشە كۇننەن بەرى اتالعان سەرىكتەستىك قاۋىرت جۇمىس ىستەپ، 1800 توننا ءجىپ ونىمدەر تاپسىرىسىن ءوندىرىپ، بازاردى قامداۋعا شىنايى كەپىلدىك ەتتى.
□ سۋرەتتى باۋ لياڭتيڭ تۇسىرگەن
□ انار بۇلت \ شينجياڭ گازەتىنىڭ ٴتىلشىسى شى شين
شينجياڭ ەكونوميكاسىنىڭ ”جارتى جىلدىق مالىمەتى“ جۋىقتا جاريالاندى. الدىڭعى جارتى جىلدا شينجياڭنىڭ وڭىرلىك ٴوندىرىس جالپى ٴونىم قۇنى 921 ميلليارد 140 ميلليون يۋان بولىپ، تۇراقتى باعا بويىنشا ەسەپتەگەندە، سايكەس مەزگىلدەگىدەن %5.4 ارتقان.
دۇنيە ٴجۇزى ەكونوميكاسى ورنىقسىز ىلگەرىلەگەن ۇلكەن جاعدايدا، شينجياڭ ”مەملەكەتتىڭ زور ٴىسىن“ ەستە بەرىك ساقتاپ، ”مەملەكەتتىڭ كەلەلى مىندەتىن“ مىقتاپ ارقالاپ، مەملەكەتتىڭ قاجەتىنە قىزمەت وتەپ، داۋىرمەن بىرگە ىلگەرىلەپ، مەملەكەتتىڭ كەلەلى ستراتەگيالىق ورنالاستىرۋىمەن ٴبىر باعىتتا كۇش سالىپ، جالپى تۇلعالىق جاقتان ورنىقتى، بەلسەنە جاقسارۋعا بەت العان قادام باستى.
شاحمات ويناۋدا ورتا تۇستا ىرىقتىلىققا قول جەتكىزۋ وتە ماڭىزدى. ”الدىڭعى جارتى مايداندا“ جاقسى ٴجۇرىپ، بەينەسى تاماشا بولدى، ”سوڭعى جارتى مايداندا“ ايانباي ايقاسىپ، قامال الۋعا بەرىك نەگىز قالادى.
سەرپىمدىلىك: ٴوز”ورنىن“ كوزدەپ جوعارى ساپالى دامۋدى تىڭعىلىقتى ىلگەرىلەتتى
7 ـ ايدىڭ 7 ـ كۇنى تۇستەن بۇرىن جازدىق كيىم ـ كەشەكتەردى تولتىرا تيەگەن جۇك تاسىمالى جالدامالى ۇشاعى ٴۇرىمجى ديۋوپۋ حالىقارالىق اۋەجايىنان ۆەنگرياعا قاراي ۇشىپ، شينجياڭ بيانجياڭ قوناق ٴۇيى شەكتى جاۋاپكەرشىلىك سەرىكتەستىگىنىڭ بيىل جىل باسىنان بەرگى بازاردا ساتىپ الۋ ساۋدا تاسىلىندەگى ەكسپورت سوماسى رەكوردىن جاڭالادى.
سايكەس مەزگىلدەگىدەن %2215 ارتقاندىعى، بيانجياڭ قوناق ۇيىندە وسى سىرتقى ساۋدا جاڭا كاسىپ كۇيىنىڭ مولشەرىنىڭ ارتىپ، ساپاسىنىڭ ورنىقتى بولۋى شينجياڭنىڭ ازيا _ ەۆروپا التىن ارناسى رولىنىڭ كۇن سايىن كورنەكتىلەنە تۇسكەنىن ايگىلەدى.
ەكونوميكانى باقىلاۋدىڭ ماڭىزدى تەرەزەسى رەتىندە، سىرتقى ساۋدا _ ەكونوميكانىڭ ارتۋىن جەبەيتىن ماڭىزدى قوزعالتقىش، ەل ٴىشى، حالىقارا سىندى قوس اينالىمدى تۇتاستىراتىن ماڭىزدى توراپ.
بۇگىندە شينجياڭ ”5 شەكارا وتكەلى 8 ەلمەن تۇتاسقان، ٴبىر جولى ەۆروپا _ ازيانى جالعاعان“ وزگەشە ورىن باسىمدىعىنا سۇيەنىپ سىرتقا باعىتتالعان ەكونوميكالىق دامۋدى جەدەل ىلگەرىلەتۋدە. سىرتقا اشىق ۇستالعان 18 شەكارا وتكەلى شىعىسپەن ۇلاسىپ، باتىسقا شىعاراتىن، ەۆروپا مەن ازيانى تۇستاستىراتىن ”التىن ارنا“ قۇرىپ، شينجياڭ سىرتقى ساۋداسىنىڭ”التىن قۇنىن“ جارىققا شىعاردى _ الدىڭعى جارتى جىلدا شينجياڭنىڭ سىرتقى ساۋدا يمپورت ـ ەكسپورت جالپى قۇنى 220 ميلليارد يۋاننان اسىپ، سايكەس مەزگىلدەگىدەن %48.4 ارتتى.
بۇل ارتۋ شينجياڭ ەكونوميكاسىنىڭ سەرپىمدىلىگىن ايگىلەپ عانا قويماي، ەكونوميكانىڭ ۇزاق ۋاقىت جاقسارۋعا بەت الۋىنىڭ مەجەسى مەن سەنىمىن دە جەتكىزدى.
وزگەشە جاعدايدا ٴبىر ٴوڭىردىڭ ەكونوميكا نەگىزىن ٴتىپتى دە ويداعىداي تەكسەرۋگە بولادى. سوڭعى جىلدارى امەريكاداعى، باتىستاعى جۇڭگوعا قارسى كۇشتەردىڭ شينجياڭعا سوقتىعىپ، كۇيە جاققان ارەكەتتەرى تولاستامادى. قىم ـ قۋىت، كۇردەلى ەل ٴىشى، حالىقارا جاعدايىندا شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ستراتەگيالىق ورنىن كوزدەپ، مەملەكەت قاجەتىن، شينجياڭ يقۋاتىن تياناق ەتىپ، بۇكىل مەملەكەتتىڭ دامۋ كەلەلى جاعدايىنا قىزمەت وتەۋ بارىسىندا جاڭا ىسكەرلىك كورسەتتى، جاڭا جاۋاپكەرشىلىك ارقالاۋدى ايگىلەدى.
ابدەن شىڭدالعان بولات بەرىك بولادى، جاۋىن ـ شاشىندى وتكەرگەن قاراعاي ٴتۇزۋ وسەدى. 2023 ـ جىل _ 3 جىلعى جاڭا تيپتى ايدارشا ۆيرۋس ىندەتىنەن ساقتانۋ ـ تىزگىندەۋ جاڭا كەزەڭگە وتكەننەن كەيىنگى ەكونوميكا قالپىنا كەلىپ، دامىعان ٴبىر جىل بولدى. شينجياڭنىڭ GDP، قارجى قوسۋ، تۇتىنۋ، يمپورت ـ ەكسپورت، قازىنا، تۇرعىندار كىرىسى سىندى 6 ٴتۇيىندى كورسەتكىشىنىڭ ارتۋ قارقىنى تۇتاس ەلدە الدىڭعى بەس ورىندى يەلەدى.
ٴبىرشاما جوعارى باستالۋ تۇيىنىندە شينجياڭنىڭ بيىل الدىڭعى جارتى جىلدا جانە دە %5.4 ارتۋدى جۇزەگە اسىرۋى استە كەزدەيسوقتىق ەمەس. شينجياڭ ەكونوميكاسىنىڭ جارتى جىلدىق ناتيجە قاعازىن اقتارساق، ەكونوميكانىڭ جالپى جاعدايى ورنىقتى، كاسىپ سالاسى تىرەگى ورنىقتى، سۇرانىستى جەبەۋ ورنىقتى، حالىق تۇرمىسىن قامتاماسىز ەتۋ ورنىقتى بولعان.
وسىعان سايكەس، ”سەگىز ٴىرى كاسىپ سالاسى شوعىرى“ تىرەك بولعان وسىزاماندانعان كاسىپ سالاسى جۇيەسى اناعۇرلىم گۇلدەنە ٴتۇستى _ تابيعي گاز ٴونىم مولشەرى بۇكىل ەل بويىنشا 2 ـ ورىندى يەلەپ، ٴتۇيىندى اۋماقتارداعى مۇناي ـ تابيعي گاز بارلاۋ، اشۋ ۇزدىكسىز ىلگەرىلەتىلدى؛ كولەمنەن جوعارى ونەركاسىپتىك كومىر ٴونىم مولشەرى 240 ميلليون توننا بولىپ، ٴونىم مولشەرى بۇكىل ەل بويىنشا 4 ـ ورىندا تۇرىپ، ارتۋ قارقىنى بۇكىل ەل بويىنشا 2 ـ ورىندى يەلەدى؛ جاڭا ەنەرگيانىڭ دامۋىندا ”تاماشا كورىنىس“ مەيلىنشە جارىققا شىقتى؛ دۇمبە ٴبيدايدىڭ زور كولەمدەگى بىرلىك ٴونىم دەڭگەيى تاعى دا بۇكىل ەل بويىنشا 1 ـ ورىندى يەلەدى...
جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، جاڭا كاسىپ سالاسى، جاڭا كاسىپ كۇيى، جاڭا ٴتاسىل ۇزدىكسىز جارىققا شىقتى. بيىل الدىڭعى جارتى جىلدا شينجياڭنىڭ جوعارى تەحنيكالى جاساۋ كاسىبىنە قارجى قوسۋىندا ەكى ورىندى سانمەن ارتۋ بەلەڭ بەردى. جاڭالىق اشۋ ارقىلى دامۋعا دەم بەرۋدە ادەتتەگى الەۋمەتتىك مەجە ەسەپ شىعىمىندا عىلىم ـ تەحنيكا شىعىمى سايكەس مەزگىلدەگىدەن %61 ارتىپ، حۋايرۋ تاجىريبەحاناسى شينجياڭ بازاسى، فوتوۆولت ماتەريالدارى جانە باتارەياسى مەملەكەتتىك ٴتۇيىندى تاجىريبەحاناسى قاتارلى جوعارى ەنەرگيا دارەجەلى جاڭالىق اشۋ تۇعىرلارى الدەقاشان جوعارى ساپالى دامۋدى پارمەندى جەبەۋ كۇشىن، تىرەكتىك كۇشىن ايگىلەدى.
اۋىل شارۋاشىلىعىنىڭ دامۋى جالپى تۇلعالىق جاقتان ورنىقتى بولىپ، ونەركاسىپ ٴوندىرىسى ورنىقتىلىق بارىسىندا جاقسارۋعا بەت الدى، تۇراقتى مۇلىككە قارجى قوسۋ كولەمى ۇزدىكسىز كەڭەيدى... العا باسقان ٴار قادام تامشى تاس تەسەتىن تاباندىلىقپەن ٴجۇرىلدى.
ومىرشەڭدىك كۇش: كوپ سالا گۇلدەنىپ ـ كوركەيدى
7 ـ ايدىڭ 17 ـ كۇنى شياۋمي عىلىم ـ تەحنيكا شەكتى جاۋاپكەرشىلىك سەرىكتەستىگىنىڭ قۇرۋشىسى، القا باستىعى لەي جۇن الەۋمەتتىك جەلى تۇعىرىندا بەينەجازبا جاريالاپ، ٴوزىنىڭ شياۋمي SU7 اۆتوكولىگىمەن التايعا كەلىپ سەرگىپ قايتقىسى كەلەتىندىگىن ايتىپ، سايتتاستاردىڭ قىزۋ تالقىسىن تۋدىردى.
شينجياڭ كوپتەگەن ساياحاتشىنىڭ بارعىسى كەلەتىن ”ارمان القابى“ بولىپ كەلەدى.
ساناق ساندى مالىمەتتەرىندە كورسەتىلۋىنشە، الدىڭعى جارتى جىلدا شينجياڭ جالپى قابىلداعان ساياحاتشى جيىنى 120 ميلليون 179 مىڭ 600 ادام ـ رەت بولىپ، سايكەس مەزگىلدەگىدەن %16.28 ارتقان؛ ساياحات كىرىسى 131 ميلليارد 657 ميلليون يۋان بولىپ، سايكەس مەزگىلدەگىدەن %37.39 ارتقان.
7 ـ ايداعى ساياحاتتى باقىلاۋ ـ ولشەۋ ساندى مالىمەتتەرىندە كورسەتىلۋىنشە، 7 ـ ايدىڭ 1 ـ كۇنىنەن 8 ـ ايدىڭ 31 ـ كۇنىنە دەيىنگى جازعى دەمالىس تاسىمال كەزىندە بۇكىل ەلدىڭ جەر ـ جەرىنەن شينجياڭعا كەلىپ ـ كەتەتىن ۇشاق بەلەتىنە الدىن الا تاپسىرىس بەرۋ مولشەرى سايكەس مەزگىلدەگىدەن مولشەرمەن %27 ارتقان.
مۇنىمەن ٴبىر ۋاقىتتا شينجياڭنىڭ تەمىر جول، حالىقتىق اۆياتسيا سياقتىلارى ىركەس ـ تىركەس قۋانارلىق”جىل ورتاسى جاۋاپناماسىن“ تاپسىرىپ، ٴبىر ـ بىرلەگەن ”تىڭ دەڭگەيگە جەتۋ“، ”سايكەس مەزگىلدەگىدەن ارتۋ“ جىلجىمالى شينجياڭنىڭ تىڭ تىنىسى مەن ومىرشەڭدىگىن ايگىلەدى.
”ساياسات ونىمدىلىگىنىڭ ۇزدىكسىز شىعارىلۋىنا ىلەسە، ەكونوميكا اينالىمىنداعى بەلسەندى فاكتورلار جينالىپ، جارقىن تۇيىندەر كوبەيىپ، شينجياڭ ەكونوميكاسى دامۋىنىڭ سەرپىمدىلىگىن، كومەسكى كۇشىن جانە ومىرشەڭدىگىن ونان ارى ايگىلەدى“، ـ دەدى اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى حاۋ جۇنچيڭ.
قۇنارلى توپىراقتا گۇلدەر قۇلپىرادى.
6 ـ ايدىڭ سوڭىنا دەيىن، شينجياڭدا تىزىمگە الىنعان شارۋاشىلىق تۇلعالارى 2 ميلليون 515 مىڭ 100 مىڭ (بيڭتۋانداعى 273 مىڭدى قامتيدى) بولىپ، سايكەس مەزگىلدەگىدەن %6.67 ارتتى، ساناققا، باقىلاۋ ـ ولشەۋگە ەنگىزىلگەن كولەمنەن جوعارى (شەكتەلگەن سومادان جوعارى) كاسىپورىندار ۇزدىكسىز ارتىپ، 6 ـ ايدىڭ سوڭىنا دەيىن بۇكىل شينجياڭداعى جاڭادان كوبەيگەن زاڭدى تۇلعالى كاسىپورىندار 25 مىڭ بولىپ، الدىڭعى جىلعى سايكەس مەزگىلدەگىدەن 3000 كوبەيدى. ەرەكشە ترانسفورماتور سەرىكتەستىگى جارنا شەكتى سەرىكتەستىگى، جينفىڭ عىلىم ـ تەحنيكا جارنا شەكتى سەرىكتەستىگى سياقتىلار دۇنيە جۇزىلىك ساحناداعى جارقىراعان ”شينجياڭ تانىسقىسىنا“ اينالىپ، قالىڭ ورتا، شاعىن كاسىپورىندار دا وزدەرىنە باپ كەلگەن ازيا _ ەۆروپا قويناۋىندا تۇتاسىپ، جۇلدىزدارداي ساۋلە شاشىپ، ومىرشەڭدىگىن قاۋلاتتى.
حالىقتىق شارۋاشىلىق شينجياڭنىڭ دامۋ ومىرشەڭدىگىن باقىلاۋدىڭ تاعى ٴبىر تۇرعىسى بولا الادى. تيپتىك ”قورشاعان ورتا ەكونوميكاسى“ رەتىندە، قاي جەردىڭ شارۋاشىلىق ـ ساۋدا ورتاسى جاقسى بولسا، كاسىپورىندار سولاي قاراي بەتتەيدى، قارجى سولاي قاراي اعادى.
نازاردى الدىڭعى جارتى جىلداعى شينجياڭعا بۇرساق، كولەمنەن جوعارى حالىقتىق ونەركاسىپ كاسىپورىندارىنىڭ ارتقان قۇنى سايكەس مەزگىلدەگىدەن %16.2 ارتىپ، ارتۋ قارقىنى كولەمنەن جوعارى ونەركاسىپتىڭ ارتقان قۇنىنان 7.9 پايىز جوعارى بولعان؛ حالىق اراسىنداعى قارجى قوسۋ سايكەس مەزگىلدەگىدەن %13.8 ارتىپ، ارتۋ قارقىنى تۇراقتى مۇلىككە قارجى قوسۋدان 6.1 پايىز جوعارى بولعان.
ادالدىق ەتسەڭ جۇرت قادىرلەيدى. شينجياڭ ەكونوميكاسىنىڭ دامۋىندا قۋاتتى سەرپىمدىلىك، تولىق ومىرشەڭدىك جانە وراسان زور كومەسكى كۇش ايگىلەنىپ، حالىقارالىق ساپالى فاكتور بايلىعىن باۋرايتىن ”قۋاتتى ماگنيت ورىسىنە“ اينالىپ، حالىقاراداعى، ەل ىشىندەگى ٴار ٴتۇرلى شارۋاشىلىق تۇلعالارى شينجياڭدى ۇناتتى، شينجياڭدى تاڭدادى.
تايپيڭياڭ قۇرىلىسى، شانشي قۇرىلىس جارنا تىزگىندەۋ توبى، جۇڭگو ەلەكتر قۇرىلىسى، گۋاڭجوۋ ٴدارى ـ دارمەك توبى سياقتى دۇنيە جۇزىندەگى 500 ەگەي كاسىپورىن ىلگەرىندى ـ كەيىندى كەلىپ جايعاستى؛ مەملەكەت قارجى قوسقان ورتالىق كاسىپورىندارى ٴوز باسىمدىقتارىن تياناق ەتىپ، شينجياڭنىڭ بايلىق ارتىقشىلىعىمەن ۇشتاستىرىپ، شينجياڭنىڭ ”سەگىز ٴىرى كاسىپ سالاسى شوعىرى“ قۇرىلىسىن ارقاۋ ەتىپ، ەنەرگيا اشۋ، نەگىزدىك قۇرىلعىلار قۇرىلىسى، ونەركاسىپتىڭ تيبىن وزگەرتىپ، دارەجەسىن جوعارىلاتۋ سياقتى كوپتەگەن سالاعا بەلسەنە ات سالىستى؛ تاياۋدا عانا اياقتاعان 8 ـ كەزەكتى جۇڭگو _ ازيا _ ەۆروپا كورمەسىندە 360تان استام سەلبەستىك نىسانىنىڭ كەلىسىمىنە قول قويىلىپ، قول قويىلعان كەلىسىم سوماسى 610 ميلليارد يۋاننان استى... بۇلاردىڭ ٴبارى قارجى قوسۋشىلاردىڭ شينجياڭدى تاڭداپ ورنالاستىرۋ جاساۋداعى بەرىك سەنىمىن كورنەكتىلەندىردى.
جۇمىستانۋ جاعدايىنىڭ ۇزدىكسىز جاقسارىپ، تۇرعىندار كىرىسىنىڭ ورنىقتى ارتۋى دا شينجياڭ ەكونوميكاسى دامۋىنىڭ ومىرشەڭدىگى جەتەرلىكتەي ەكەندىگىن تەڭ قادامدا دالەلدەدى. ال ”الدىڭعى جارتى مايدانداعى“ ورنىقتى دا اقاۋسىز العا ىلگەرىلەۋگە ىشكەرىلەي ٴۇڭىلۋ ارقىلى ادامدار تۇتاس جىلداعى ەكونوميكانىڭ ارتۋىنا اناعۇرلىم زور ٴۇمىت ارتىپ، اناعۇرلىم كۇشتى سەنىمدە بولدى.
قوزعاۋشى كۇش: رەفورمانى ونان ارى جاپپاي تەرەڭدەتۋ ارقىلى سوڭعى جارتى مايداندا ناتيجە جاراتۋعا ۇمتىلدى
قازىرگى جاعدايدان الىپ قاراعاندا، شينجياڭ ەكونوميكالىق اينالىمى ورنىقتىلىق بارىسىندا جاقسارعان تاماشا جاعدايدى جالعاستىرىپ، جوعارى ساپالى دامۋ تىڭعىلىقتى ىلگەرىلەتىلىپ، نەگىزگى ماكرولىق كورسەتكىشتەر مەجەلەگەندەي بولدى. ناتيجەنى كورۋمەن قاتار، دامۋدا ٴدوپ كەلگەن قيىندىقتارعا، سىن ـ سايىستارعا دا، ٴسوز جوق، تۋرا قاراۋ كەرەك، ماسەلەن، امەريكا باستاعان جۇڭگوعا قارسى كۇشتەر ٴالى دە ادامدىق ۇقىقتى جەلەۋ ەتىپ، شينجياڭنىڭ باسىمدىققا يە كاسىپ سالالارىن ۇزدىكسىز قىسپاققا الۋدا؛ ماسەلەن، تۇتىنۋدىڭ السىرەۋى، ٴونىمدى قاجەتسىنۋدىڭ جەتكىلىكسىز بولۋى سەبەپتى ميكرو تۇلعالاردىڭ سەزىنۋى مەن ماكرولىق ساندى مالىمەتتەر اراسىنداعى ”تەمپەراتۋرا پارقى“ زورايۋدا.
رەفورما جاساعاندا عانا، العا ىلگەرىلەۋگە بولادى، دامۋداعى قيىن ماسەلەلەردى شەشۋ ٴۇشىن، رەفورمانى جاپپاي تەرەڭدەتۋگە سۇيەنۋ كەرەك.
بيىل جىل باسىنان بەرى ٴبىر قىدىرۋ ساياسات ـ شارالار ٴجيى شىعارىلىپ، ساياساتتىڭ ونىمدىلىگى ۇزدىكسىز كورنەكتىلەندى _
شارۋاشىلىق تۇلعالارىنىڭ ٴىس ٴبىتىرۋى بارعان سايىن قولايلىلاسىپ، ”ٴبىر سايتتا ٴبىر تۇتاس ٴبىتىرۋ“، ”ٴبىر جولدا ٴبىراق ٴبىتىرۋ“ سياقتى حالىققا قولايلى، كاسىپورىندارعا ٴتيىمدى قىزمەت كورسەتۋلەرگە كۇش سالىنىپ، ۇكىمەتتىك قىزمەت كورسەتۋدىڭ ونىمدىلىگى جاپپاي جوعارىلادى؛
حالىقتىق شارۋاشىلىقتىڭ دامۋىن جەبەيتىن 19 شارا شىعارىلىپ، شارۋاشىلىق ـ ساۋدا ورتاسى ۇزدىكسىز ساپالىلانىپ، شينجياڭنىڭ حالىقتىق شارۋاشىلىعىنىڭ تىڭ تىنىسى، ومىرشەڭدىگى قاۋلاپ، حالىقتىق شارۋاشىلىقتىڭ جوعارى ساپالى دامۋى جەبەلدى؛
تۇتىنۋدى كەڭەيتۋ قىزمەتىنە قاتىستى اتقارۋ جوباسى باسىپ تاراتىلىپ، تۇتىنۋدىڭ ”قوزعالتقىشى“ وتالىپ، جوعارى ساپالى دامۋدىڭ باياندى قوزعاۋشى كۇشى ۇزدىكسىز كۇشەيتىلدى؛
زور كولەمدە جابدىق جاڭالاۋ مەن تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋدى ىلگەرىلەتۋ ٴۇشىن، “1+ 10+ 1” ساياساتتىق جۇيەسى جاسالىپ، نازار ٴتۇيىندى سالالارعا كۇش سالۋعا، ٴونىمدى قارجى قوسۋدى كەڭەيتۋگە اۋدارىلىپ، بۇقارانىڭ كوپ تۇرلىلەنگەن قاجەتى قاناعاتتاندىرىلىپ، كومەسكى تۇتىنۋ جانداندىرىلىپ، قوزعاۋشى كۇشتى وزگەرتۋ، جاڭاشا وندىرگىش كۇشتەردى جەتىلدىرۋ ىلگەرىلەتىلدى.
...
جوعارى ساپالى دامۋ _ ايالدامايتىن ۇتىلامالى جارىس.
3 ـ توقسانعا قادام تاستاپ، كەيىنگى جارتى مايدانعا ويىسقاننان كەيىن، قىم ـ قۋىت، كۇردەلى حالىقارا، ەل ٴىشى جاعدايىندا، شينجياڭ ەكونوميكاسىندا قالاي ۇزدىكسىز كۇش سالىپ، تۇتاس جىلدىق ارتتىرۋ نىساناسىن جۇزەگە اسىرۋعا بولادى؟
ەندى عانا تابىسپەن جابىلعان پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانى ونان ارى جاپپاي تەرەڭدەتۋدىڭ باستى مىندەتتەرى مەن كەلەلى شارالارىن ورنالاستىرىپ، شينجياڭ ەكونوميكاسىنىڭ العا باسۋ بەتالىسى اناعۇرلىم ايقىندالا ٴتۇستى.
7 ـ ايدىڭ 19 ـ كۇنى اۆتونوميالى رايوندىق پارتكومنىڭ تۇراقتى كوميتەتى ٴماجىلىس اشىپ، پارتيا ورتالىق كوميتەتىنىڭ قاتىستى قىزمەت تالاپتارىن دايەكتىلەندىرىپ، تياناقتاندىرىپ، اۆتونوميالى رايوننىڭ ەكونوميكالىق قىزمەتىن زەرتتەپ ورنالاستىرىپ، جەر ـ جەردەن، تاراۋلاردان ورايدى، اۋقىمدى ٴدال يگەرىپ، ماسەلەگە، جەتەرسىزدىكتەرگە ىشكەرىلەي تالداۋ جاساپ، اناعۇرلىم پارمەندى شارالار ارقىلى ارتىقشىلىقتى اسىرىپ، ولقىلىقتاردى تولىقتاپ، باعىتتامالى ىستەپ، شارانى ٴدال اتقارىپ، ەكونوميكادا ساپانىڭ ٴونىمدى ارتۋى مەن مولشەردىڭ ۇيلەسىمدى ارتۋىن جۇزەگە اسىرۋدى ىلگەرىلەتۋدى تالاپ ەتتى.
7 ـ ايدىڭ 24 ـ كۇنى اۆتونوميالى رايون 2024 ـ جىلعى الدىڭعى جارتى جىلداعى ەكونوميكالىق اينالىمعا تالداۋ جاساۋ ٴماجىلىسىن اشىپ، مىنانى باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى، تياناقتاندىرۋدى جوعارى دەڭگەيدەگى ساياسي سانالىلىقپەن ويداعىداي يگەرىپ، نازاردى ەكونوميكا قىزمەتىنىڭ ٴتۇيىندى مىندەتتەرىنە شوعىرلاندىرىپ، ورايدى مىقتاپ يگەرىپ، باسىمدىقتان ويداعىداي پايدالانىپ، رەفورمانى ونان ارى جاپپاي تەرەڭدەتۋ ارقىلى دامۋدىڭ قوزعاۋشى قۋاتىن ارتتىرىپ، 3 ـ توقسانداعى نىسانا ـ مىندەتتەردى ورىنداۋعا شىنايى كەپىلدىك ەتۋ كەرەك.
ەكى رەتكى ٴماجىلىس شينجياڭنىڭ ”سوڭعى جارتى مايداندا“ ۇمتىلا ىستەۋ تەبىنىن تولىق جەتكىزدى.
”الدىڭعى جارتى مايداندا“ يە بولعان قايراتى مەن سەنىمى بار، ٴدال مەملەكەتتىڭ كەلەلى ستراتەگيالىق ورايلارىنىڭ قاباتتاسۋىنىڭ جانە وزىندىك باسىمدىعىنىڭ جىلدام شىعارىلۋىنىڭ شەشۋشى كەزەڭىندە تۇرىپ، رەفورمانى جاپپاي تەرەڭدەتۋ ارقىلى جاڭا قوزعالىس قۋاتتى تاسقىنداتىپ، شينجياڭ تۇتاس جىلداعى دامۋدىڭ مەجەلى نىساناسىنا قاراي بۇلجىماي ەكپىندى ىلگەرىلەپ، جوعارى ساپالى دامۋدىڭ ورنىقتى قاداممەن الىسقا بەتتەۋىن ىلگەرىلەتەدى.