اۆتونوميالى رايوندىق حالىق قۇرىلتايى تۇراقتى كوميتەتى تۇراقتى كوميتەت ماجىلىسىنە سىرتتاي قاتىناسقان ۋاكىلدەر اڭگىمە ٴماجىلىسىن اشتى
ۋاكىلدەردىڭ رولىن ساۋلەلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا دەم بەرۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ لەي 7 ـ ايدىڭ 25 ـ كۇنى ۇرىمجىدەن حابارلايدى. 7 ـ ايدىڭ 24 ـ كۇنى تۇستەن كەيىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 12 ـ ماجىلىسىنە سىرتتاي قاتىناسقان ۋاكىلدەر اڭگىمە ٴماجىلىسى اشىلىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي ۇيرەنۋدى، ۇگىتتەۋدى، دايەكتىلەندىرۋدى ارقاۋ ەتىپ، ۋاكىلدەردىڭ رولىن ساۋلەلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا دەم بەرۋ جونىندە پىكىر ـ ۇسىنىستار تىڭدالدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى ٴارى ٴسوز سويلەدى.
”پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۋىل ـ قىستاقتى گۇلدەندىرۋدى جاپپاي ىلگەرىلەتۋ كەرەك“، ”جۇڭحۋا ۇلتى ورتاق تۇلعا تانىمىن بەكەمدەۋدى ٴتۇرلى قىزمەتتەرمەن توعىستىرۋ كەرەك“، ”قىزمەت ورنىن تياناق ەتىپ، ۋاكىلدەر قىزمەتىنىڭ نەگىزگى ساتىنى باسقارۋمەن تەرەڭدەي توعىسۋىن جەبەۋ كەرەك“... ماجىلىستە اۆتونوميالى رايوندىق حالىق قۇرىلتايى تۇراقتى كوميتەتىنىڭ ماجىلىسىنە سىرتتاي قاتىناسقان مەملەكەتتىك جانە اۆتونوميالى رايوندىق حالىق قۇرىلتايىنىڭ 10 ۋاكىلى ٴماجىلىستىڭ نەگىزگى تاقىرىبىن ارقاۋ ەتىپ، وزدەرىنىڭ مىندەت اتقارۋ جاعدايىمەن ۇشتاستىرا وتىرىپ پىكىر اۋىستىرىپ، ٴسوز سويلەدى؛ سىرتتاي قاتىناسقان 10 ۋاكىل جازباشا پىكىر الماستىردى. ٴزۇمىرات وبۇل مىنالاردى ٴبىلدىردى: كوپشىلىكتىڭ ۇسىنىس ـ پىكىرلەرىن مۇقيات زەرتتەپ، بەلسەنە قابىلدايمىز نەمەسە قاتىستى تاراۋلاردىڭ اقىلداسىپ ٴبىر جاقتى ەتۋىنە دەر كەزىندە جولدايمىز.
ٴزۇمىرات وبۇل بىلاي دەپ اتاپ كورسەتتى: پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى _ جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ شەشۋشى كەزەڭىندە اشىلعان ٴبىر رەتكى توتەنشە ماڭىزدى ٴماجىلىس. جالپى ٴماجىلىس ماقۇلداعان «قاۋلى» رەفورمانى اناعۇرلىم جاپپاي تەرەڭدەتۋدىڭ ايبىندى جوباسىن عىلمي كەسكىندەدى، ول رەفورمانى اناعۇرلىم جاپپاي تەرەڭدەتۋگە جەتەكشىلىك ەتەتىن تۇعىرنامالىق حۇجات. بۇكىل رايونداعى ٴار دارەجەلى حالىق قۇرىلتايى ۋاكىلدەرى جالپى ٴماجىلىستىڭ رۋحىن ىشكەرىلەي ۇيرەنۋدى، ٴتۇسىنۋدى ماڭداي الدى ٴىرى ٴىس ەتىپ، ۇيرەنۋ، وي جۇگىرتۋ، امالياتتا ايگىلەۋ، ٴتۇسىنۋ، جەتە ۇيرەنىپ، جەتە ٴتۇسىنۋ، ۇيرەنگەندى قولدانا ٴبىلۋ ارقىلى يدەيا مەن ارەكەتتى جالپى ٴماجىلىستىڭ رۋحىمەن اناعۇرلىم ويداعىداي بىرلىككە كەلتىرۋى كەرەك.
ٴزۇمىرات وبۇل بىلاي دەپ باسا دارىپتەدى: ٴار دارەجەلى حالىق قۇرىلتايى ۋاكىلدەرى جالپى ٴماجىلىستىڭ رۋحىن باستاماشىلدىقپەن ويداعىداي ۇيرەنىپ، ۇگىتتەپ، دايەكتىلەندىرىپ، ۇيرەنۋ جانە امالياتتان وتكىزۋ بارىسىندا ساياسي دەڭگەيدى ۇزدىكسىز جوعارىلاتىپ، مىندەت اتقارۋ قابىلەتىن كۇشەيتىپ، بەلسەنە جاۋاپكەرشىلىك ارقالاپ، ىسكەرلىك كورسەتىپ، رەفورمانى اناعۇرلىم جاپپاي تەرەڭدەتۋگە، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە اقىل ـ پاراسات، كۇش ـ قۋات ارناۋ كەرەك. پارتيانىڭ نازارياسى مەن لۋشيان، باعىت ـ ساياساتىنىڭ ۇگىت لەكسياشىسى بولىپ، جاندى مىسالدار، ەگجەي ـ تەگجەيلى، شىنايى ساندى مالىمەتتەر، باقىتتى تۇرمىس ارقىلى ٴار ۇلت بۇقاراسىنا جالپى ٴماجىلىستىڭ رۋحىن ويداعىداي ۇگىتتەپ، ٴار ۇلت كادرلارى مەن بۇقاراسىن پارتيانىڭ مەيىرىنە العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە تاربيەلەۋ، جەتەكتەۋ كەرەك.
ٴزۇمىرات وبۇل بىلاي دەپ باسا دارىپتەدى: ٴار دارەجەلى حالىق قۇرىلتايى ۋاكىلدەرى جالپى بارىستىق حالىق دەموكراتياسىن دامىتۋ جۇڭگو ۇلگىسىندەگى وسىزامانداندىرۋدىڭ ماندىك تالابى ەكەندىگىن تەرەڭ تانىپ، حالىق بۇقاراسىمەن بايلانىستى نىعايتىپ، حالىق تىلەگىن كەڭىنەن قابىلداپ، حالىق پاراساتىن توپتاپ، حالىقتىڭ ۇنىنە جاۋاپ قاتۋ كەرەك. حالىق قۇرىلتايىنىڭ دەموكراتيانى، حالىق رايىن بەينەلەۋ تۇعىرى مەن دانەكەرىنەن ويداعىداي پايدالانىپ، حالىق قۇرىلتايى ۋاكىلدەرىنىڭ نەگىزگى ساتىنى باسقارۋداعى ماڭىزدى رولىن ساۋلەلەندىرىپ، ٴار ۇلت بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن تولىق قوزعاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ پارمەندى بىرىككەن كۇشىن ۇيىستىرۋ كەرەك.
لي نيڭپيڭ اڭگىمە ماجىلىسىنە قاتىناستى.
