”ٴاربىر جاڭا ٴونىمدى اشۋ ۇجىمنىڭ توزىمدىلىگىن بارىنشا سىنايدى“
□ انار بۇلت \ شينجياڭ گازەتىنىڭ ٴتىلشىسى يۇي جياڭيان
جاستىقتىڭ ۇلكەندىگىندەي اق ٴتۇستى شاقپاق _ قويمالجىڭ بۋتيل بەنزولدى كاۋچۇك (SSBR) ٴوندىرىس جەلىسىنەن ”اعىپ“ شىعىپ، دەرەۋ قوراپتالىپ دورباعا سالىنىپ، قامباعا تاسىلىپ جينالىپ، ونان سوڭ ماشيناعا تيەلىپ وڭتۇستىككە قاراي تاسىمالداندى. 7 ـ ايدىڭ 24 ـ كۇنى جۇڭگو مۇناي توبى مايتاۋ مۇناي حيميا بولىمشە سەرىكتەستىگى مولشەرمەن 210 توننا SSBR ٴوندىردى.
SSBR دەگەن نە؟ ەستىر قۇلاققا بەيتانىس وسى ٴونىم، ٴىس جۇزىندە، ٴاربىر ادامنىڭ تۇرمىسىمەن تىعىز بايلانىستى. ۇنەمى كەزىگەتىن بالوننىڭ شيكىزاتى وسى SSBR. الدىڭعى اپتادا عانا دۇنيە جۇزىندەگى ەڭ ۇلكەن بالون 14 ـ كەزەكتى جۇڭگو شينجياڭ حالىقارالىق كەن كاسىبى جانە جابدىق كورمەسىندە بوي كورسەتتى، كورمەگە قويىلعان دۇنيە جۇزىندەگى ەڭ ۇلكەن 63 ديۋمدىق دارەجەدەگى، ديامەترى 4 مەتردەن اساتىن بالوندا مايتاۋ مۇناي حيميا سەرىكتەستىگى وندىرگەن SSBR شيكىزاتى بار.
مايتاۋ مۇناي حيميا سەرىكتەستىگىنىڭ 2023 ـ جىلعى SSBR جالپى ٴونىم مولشەرى 100 مىڭ توننادان اسىپ، ەل ٴىشى بازارىن يەلەۋ سالىستىرماسى %45 بولىپ، ەل ىشىندەگى بىردەن ـ ٴبىر قوس دەڭگەيلى فۋنكتسيونالدى SSBR ٴونىمىن ٴۇرتىس ورنىقتى وندىرە الاتىن ٴارى SSBR ٴوندىرۋ قۋاتى ەڭ ۇلكەن، ونىمدەرى ەڭ تولىق كاسىپورىنعا اينالدى.
ناتيجەنىڭ استارىندا زەرتتەۋ ـ اشۋ ۇجىمىنىڭ قاجىرلىلىقپەن ىزدەنىس جاساعان جاپالى ەڭبەگى بار.
2009 ـ جىلى مايتاۋ مۇناي حيميا سەرىكتەستىگى بۋتيل بەنزولدى كاۋچۇك جابدىعىن جاساپ، وندىرىسكە قوستى، بۇل ەلىمىز كىرگىزگەن تۇڭعىش بۋتيل بەنزولدى كاۋچۇك جابدىعى. شەتەل ساۋداگەرلەرىنىڭ تەحنيكا جەتكىزۋ بارىسىنداعى قۇرساۋلاۋى سەبەپتى ولار وندىرگەن SSBR ونىمدەرىنىڭ بازارداعى مويىندالۋ دارەجەسى تومەن بولىپ، ساتىلۋ جولىن ٴونىمدى اشۋعا شاراسىز قالعان بولاتىن.
مايتاۋ مۇناي حيميا سەرىكتەستىگى بازار قاجەتىنە نەگىزدەلىپ، جۇڭگو مۇناي توبىنىڭ قورشاعان ورتانى قورعاۋ تيبىندەگى كاۋچۇك مايى بايلىعىنان پايدالانىپ، بۇرىنعى بار تەحنولوگيانى بۇزىپ، ساقينالى الكان قورشاعان ورتانى قورعاۋ تيبىندەگى ماي قۇيىلعان SSBR جەلىلەس ونىمدەرىن جاساپ، ٴوندىرىپ، ەۆروپا وداعىنىڭ قاتىستى زاڭ ـ ەرەجەلەرىنىڭ قورشاعان ورتانى قورعاۋ تالابىنا جەتتى. مۇندا ساقينالى الكان قورشاعان ورتانى قورعاۋ تيبىندەگى ماي قۇيىلعان SSBR ونىمدەرىنىڭ ۇشەۋى ەل ٴىشى بالون جاساۋ سالاسىندا كولەمدى پايدالانىلىپ، بالونعا ىستەتىلەتىن SSBR بۇكىلدەي يمپورت ەتىلەتىن جاعدايدى وزگەرتتى.
ٴاربىر جاڭا ٴونىمدى اشۋدا 100 رەتتەن استام تاجىريبە جاساۋعا تۋرا كەلەدى، ۇجىمنىڭ توزىمدىلىگىن ەڭ سىنايتىنى _ شۇباتىلعان ٴمان ـ ماعىناسىز ساندى مالىمەتتەر، مۇنىڭ ٴبارىن، ٴسوز جوق، دالمە ـ ٴدال ەستەلىككە الۋ كەرەك. SSBR72612F فۋنكتسيونالدى سىناق ٴدارىسىنىڭ قۇرامىن تۇراقتاندىرۋ سىناعىن مىسالعا الساق، ۇجىم مۇشەلەرى تۇپ ـ تۋرا 3 اي بويى تاجىريبەحانادان شىقپاي، جۇيەنى سان رەت تازالاپ قايتا باستاپ، ەستەلىككە الىنعان ساندى مالىمەتكە جانە سىناق ناتيجەسىنە تالداۋ جاساۋ ارقىلى سينتەزدىك كاۋچۇك سۇيىقتىعىنىڭ كورسەتكىشىنە ىقپال جاسايتىن شەشۋشى فاكتورلاردى تۇراقتاندىردى.
”مۇنداي سىناقتى ۇجىمنىڭ ٴاربىر مۇشەسى، كەمىندە، 350 رەتتەن استام جاسايدى، ۇيقىسى قانباعاندىقتان كوپ ادامنىڭ كوزىنىڭ اينالاسى قارايىپ كەتتى“، ـ دەدى مايتاۋ مۇناي حيمياسى سەرىكتەستىگى زەرتتەۋ ورنى مۇناي حيميا ونەركاسىبىنىڭ 1 ـ دارەجەلى ينجەنەرى يان رۇڭ.
سوڭعى جىلدارى تومەنگى بۋىنداعى تۇتىنۋشىلاردىڭ قاجەتىنە جانە ەل ٴىشى ـ سىرتىنداعى زەرتتەۋ ـ اشۋ قىزۋ تۇيىندەرىنە ۇشتاستىرىپ، اتالعان سەرىكتەستىك تاعى دا ىلگەرىندى ـ كەيىندى فۋنكتسيونالدى، قىستىق بالون، جوعارى مىنني، تومەن ەتيلەن نەگىزدى، جوعارى دەڭگەيلى شاقايعا پايدالانىلاتىن جەلىلەس SSBR ونىمدەرىن جاساپ، ەل ىشىندەگى بالون كاسىپورىندارىنىڭ كاسىپ سالاسىنىڭ دارەجەسىن وسىرۋىنە جانە وتاندىق بالونداردىڭ ساپاسىن جوعارىلاتۋعا تىرەك بولدى.
مايتاۋ مۇناي حيميا سەرىكتەستىگى كاۋچۇك ٴبولىمىنىڭ ورىنباسار ديرەكتورى، باس ينجەنەر ياڭ چاڭحۇي مىنالاردى ٴبىلدىردى: سەرىكتەستىگىمىز اشقان SSBR جۇڭگونىڭ جاسىل بالون كاسىپ سالاسى تىزبەگىن جانداندىرىپ، ەلىمىزدىڭ كاۋچۇك ونەركاسىبىندە ٴىرى ەلدەن قۋاتتى ەلگە، بالون ونىمدەرىنىڭ تومەن، ورتا دەڭگەيدەن جوعارى دەڭگەيگە قادام تاستاۋىنا بەرىك ماتەريال نەگىزىن ازىرلەپ، وتاندىق بالونداردىڭ حالىقارالىق باسەكەدە ”قيىننان قامال الۋىنا“ دەم بەردى.
