انار بۇلت \ شينجياڭ گازەتىنىڭ ٴتىلشىسى ٴرايدا
شىلىڭگىر ىستىق جاز كۇنى. ەلىمىزدىڭ باتىس سولتۇستىك بولىگىندەگى باقتى شەكارا وتكەلىندە شەكارا وتكەلىنەن كىرىپ ـ شىققان اۆتوكولىكتەر قايشالىستى؛ باقتى جۇڭگو — قازاقستان شەكارا تۇرعىندارىنىڭ ٴوزارا بازارشىلاۋ ساۋدا رايونىنداعى جىبەك جولى مادەنيەت تاۋارلارى سارايىندا كوزدىڭ جاۋىن الاتىن يمپورت تاۋارلارى جەر ـ جەردەگى تۇتىنۋشىلاردى ساتىپ الۋعا باۋرادى؛ شينجياڭ تارباعاتاي ٴتۇيىندى وركەندەتۋ، ەسىك اشۋ سىناق رايونى الدىمەن دامىتۋ اۋماعىنداعى نىسان قۇرىلىستارىنىڭ جۇمىس باسىندا ٴىرى تۇرپاتتى ماشينا ـ جابدىقتار، اۆتوكولىكتەر قايشالىسىپ، قاۋىرت جۇمىس جۇرگىزدى...
7 ـ ايدىڭ 15 ـ كۇنى سىناق رايونى الدىمەن دامىتۋ اۋماعىنداعى ٴسان ـ ي (تارباعاتاي) جەل ەلەكتر جابدىقتارى شەكتى سەرىكتەستىگىنىڭ ٴوندىرىس سەحىنا بارعانىمىزدا، جۇمىسشىلاردىڭ قالاقشالاردى جاساپ دايىنداپ جاتقاندىعىن كوردىك.
سىناق رايونىنىڭ الدىمەن دامىتۋ اۋماعىنا تۇڭعىش توپتا ىرگە تەپكەن كاسىپورىن رەتىندە، وسى سەرىكتەستىك وندىرگەن جەلدەتكىش قالاقشاسى جانە گەنەراتور اگراگاتتار بازارى شينجياڭ ٴىشىن، ورتا ازيانى جانە ەۆروپانى شارپىدى.بيىل 6 ـ ايعا دەيىن، 199 پار 597 قالاقشا، 39 گەنەراتور نەگىزگى قۇرىلعىسى، 31 جەل دوڭعالاق ٴوندىرىپ، جالپى ٴونىم قۇنى شامامەن 542 ميلليون يۋان بولدى.
”سىناق رايونىنىڭ الدىمەن دامىتۋ اۋماعىنداعى تۇڭعىش توپتاعى ساۋداگەر شاقىرىپ، قارجى ەنگىزگەن كاسىپورىن جانە تۇڭعىش توپتا ىرگە تەپكەن كاسىپورىن رەتىندە، ٴبىز تارباعاتايدىڭ مول جەل كۇشى بايلىعىنا، وزگەشە جاعراپيالىق ورنىنا، سونداي ـ اق جەرگىلىكتى ۇكىمەت قامداعان ٴتيىمدى شارالارىنا قىزىقتىق. جاڭا ەنەرگيا كاسىپورنى رەتىندە، ٴبىز ۇكىمەتتىڭ ساۋدا ارقىلى ساۋداگەر شاقىرۋىنا ۇزدىكسىز سايكەسىپ، ساۋدا ارقىلى ساۋداگەر باۋراپ، تارباعاتايدىڭ جاسىل، تومەن كومىر قىشقىل گازدى، جوعارى دەڭگەيلى جاساۋ جاعىنداعى جاڭا ەنەرگيا جابدىقتارىن جاساۋ بازاسىن قۇرۋىنا دەم بەرەمىز“، ـ دەدى سان ـ ي (تارباعاتاي) جەل ەلەكتر جابدىقتارى شەكتى سەرىكتەستىگىنىڭ قابىلداۋ ىستەرىنە جاۋاپتى ديرەكتورى ۋاڭ زىياۋ.
7 - ايدىڭ 12 - كۇنى شينجياڭ تارباعاتاي ٴتۇيىندى وركەندەتۋ، ەسىك اشۋ سىناق رايونى الدىمەن دامىتۋ اۋماعىنداعى سان ـ ي (تارباعاتاي) جەل ەلەكتر جابدىقتارى شەكتى سەرىكتەستىگىنىڭ قالاقشا ءوندىرۋ ناق مايدانى. سۋرەتتى داي جياۋمەي تۇسىرگەن
2020 ـ جىلى 12 ـ ايدىڭ 15 ـ كۇنى مەملەكەتتىك كەڭەس حابارلاندىرۋ جاريالاپ، شينجياڭ تارباعاتاي ٴتۇيىندى وركەندەتۋ، ەسىك اشۋ سىناق رايونىن قۇرۋدى بەكىتتى، قوسىلدى. سول جىلى 12 ـ ايدىڭ 22 ـ كۇنى مەملەكەتتىك دامۋ جانە رەفورما كوميتەتى «شينجياڭ تارباعاتاي ٴتۇيىندى وركەندەتۋ، ەسىك اشۋ سىناق رايونى قۇرىلىسىن اتقارۋ جوباسىن» باسىپ تاراتىپ، سىناق رايونى كولەمىنىڭ شاۋەشەك قالاسى، ٴدوربىلجىن اۋدانى، شيحۋ قالاسى، ساۋان قالاسى، قوبىقسارى موڭعۇل اۆتونوميالى اۋدانى، تولى اۋدانى، شاعانتوعاي اۋدانىنىڭ ٴىشىنارا وڭىرلەرى جانە بيڭتۋان 9 ـ شىسىنىڭ ٴىشىنارا تۋان ـ الاڭى، ت. ب ەكەندىگىن، جالپى اۋدانى 15 مىڭ 951.43 شارشى كيلومەتر ەكەندىگىن ايقىندادى.
4 جىلدان بەرى تارباعاتاي ايماعى الدىمەن اتقارىپ، الدىمەن سىناق ەتۋدى كورنەكتىلەندىرىپ، «شەكارا بويىنداعى ٴتۇيىندى وڭىرلەردىڭ وركەندەۋىن، ەسىك اشۋىن قولداۋ جونىندەگى ٴبىرقانشا ساياسات ـ شارالار تۋرالى پىكىردىڭ» ٴتيىمدى ساياساتتىق رولىن تولىق ساۋلەلەندىرىپ، باقتى شەكارا وتكەلى، شاۋەشەك قالاسىنىڭ شەكارا ەكونوميكالىق سەلبەستىك رايونىن دانەكەر ەتىپ، جوبا جاساۋدى قاتار ورىستەتۋ، نىسان قۇرىلىسىن بىرگە ىلگەرىلەتۋ، ورنالاستىرۋ جوباسىن بىرگە ساپالىلاندىرۋ ٴتاسىلىن قولدانىپ، سىناق رايونىندا الدىمەن دامىتىلاتىن 4 فۋنكتسيالىق رايون قۇرىلىسىن جاپپاي باستادى.
تارباعاتاي ايماقتىق پارتكوم، اكىمشىلىك مەكەمەسى سىناق رايونى قۇرىلىسىن تىعىز ارقاۋ ەتىپ، ٴتۇزىلىس ـ مەحانيزمدە تىڭ ناتيجەگە قول جەتكىزۋدى ۇزدىكسىز ىلگەرىلەتىپ، ”رايوندار مەن رايونداردى بىرىكتىرۋ“ باسقارۋ ۇلگىسىن ورناتىپ، سىناق رايونىندا الدىمەن دامىتىلاتىن وڭىرلەرگە تولىق ۇقىق بەرىپ، قۋات ۇستەپ، سىناق رايونى نىساندارىن تەكسەرىپ بەكىتۋ، ۋاكىلدىك رەتىندە باسقارۋ، كومەكتەسۋ، ٴبىتىرۋ سياقتى ”4 ٴتۇرلى ٴتۇزىمدى“ جاسامپازدىقپەن ورتاعا قويىپ، اناعۇرلىم ساپالى قارجى قوسۋ ورتاسىن قالىپتاستىرىپ، الدىمەن دامىتىلاتىن اۋماق رەتىندە جوقتان بار بولدى، ٴبىر توپ جاڭاشا، عىلىم ـ تەحنيكالىق كاسىپورىندار ىرگە تەۋىپ، دامۋ نەگىزى، كاسىپ جۇيەسى بىرتىندەپ كەمەلدەندى.
2021 ـ جىلى 5 ـ ايدا سىناق رايونى الدىمەن دامىتۋ وڭىرىندە تۇڭعىش توپتاعى ساۋداگەر شاقىرىپ، قارجى ەنگىزگەن كاسىپورىندار ىرگە تەپتى، قازىرگە دەيىن مەملەكەتتىك ەلەكتر قارجى قوسۋ سەرىكتەستىگى، سان ـ ي اۋىر ەنەرگيا، جۇڭگو سۋ ەلەكتر 4 ـ مەكەمەسى، جينفىڭ عىلىم ـ تەحنيكاسى سياقتى شينجياڭنىڭ ٴىشى ـ سىرتىنداعى 109 كاسىپورىن ىرگە تەۋىپ، 160 نىسان جۇمىس باستادى.
2023 ـ جىلى 4 ـ ايدا سىناق رايونىن الدىمەن دامىتۋ وڭىرىندە تۇڭعىش كاسىپورىن وندىرىسكە قوسىلعاننان تارتىپ قازىرگە دەيىن 7 كاسىپورىن وندىرىسكە قوسىلدى ٴارى تارباعاتاي ايماعىنىڭ جەل ەلەكتر جابدىقتارىن جاساۋ كاسىبىندەگى اقتاڭداقتى تولتىردى، سىناق رايونىن الدىمەن دامىتىپ، وسى ”سىناق اتىزىنىڭ“ جەتەكشىلىك رولى ۇزدىكسىز كورنەكتىلەندى.
بۇگىنگى تاڭدا، سىناق رايونى قۇرىلىسىنىڭ نىق قاداممەن ىلگەرىلەۋىنە ساي، باقتى شەكارا وتكەلى مەن باقتى جۇڭگو — قازاقستان شەكارا تۇرعىندارىنىڭ ٴوزارا ساۋدا بازارى دا جالىندى تىنىس بايقاتتى. 2024-جىلدىڭ الدىڭعى جارتى جىلىندا، باقتى شەكارا وتكەلىندە جالپى 30 مىڭ 812 اۆتوكولىك كەدەننەنٴوتىپ، سايكەس مەزگىلدەگىدەن %6.42 ارتىپ، ٴبىر كۇندە شەكارادان كىرىپ ـ شىعاتىن اۆتوكولىك ەڭ كوپ بولعاندا 607گە جەتىپ، تاريحتاعى ەڭ جوعارى ورەگە جەتتى؛ باقتى جۇڭگو — قازاقستان شەكارا تۇرعىندارى ٴوزارا ساۋدا بازارى جيىنى 2937 اۆتوموبيلگە تيەلگەن كوپ تۇتىنىلاتىن تاۋارلاردى يمپورت ەتتى، سالماعى 64 مىڭ 800 توننا، زات قۇنى 289 ميلليون يۋان، شەكارا تۇرعىندارىنان 39 مىڭ ادام (رەت) قاتىناستى.
7 - ايدىڭ 12 - كۇنى ساياحاتشىلار باقتى جۇڭگو — قازاقستان شەكارا تۇرعىندارىنىڭ ٴوزارا بازارشىلاۋ ساۋدا رايونىنداعى جىبەك جولى مادەنيەت تاۋارلارى سارايىندا زات ساتىپ الۋدا. سۋرەتتى داي جياۋمەي تۇسىرگەن
شينجياڭ تارباعاتاي ٴتۇيىندى وركەندەتۋ، ەسىك اشۋ سىناق رايونى پارتيا قىزمەتى كوميتەتىنىڭ مۇشەسى، باسقارۋ كوميتەتىنىڭ ورىنباسار مەڭگەرۋشىسى گاۋ جيان بىلاي دەپ تانىستىردى: 4 جىلدان بەرى سىناق رايونى بار كۇشپەن الدىمەن اتقارىپ، الدىمەن سىناق ەتىپ، باتىلدىقپەن ىسكە كىرىسىپ، باتىلدىقپەن سىناق ەتىپ، سىناق رايونى قۇرىلىسىن بار كۇشپەن ىلگەرىلەتتى ٴارى بەلگىلى ونىمدىلىككە قول جەتكىزدى.
”الداعى جەردە ٴبىز كەلەلى نىسان مىندەتتەرى، كەلەلى تۇزىمدە جاڭالىق اشۋ، كەلەلى ساياسات ـ شارالار سىندى ’ٴۇش تىزىمدىكتى‘ تياناقتاندىرۋدى تۇتقا ەتىپ، نەگىزدىك قۇرىلعى قۇرىلىسىن كۇشەيتىپ، تەمىر جول ارناۋلى لەنياسى، حالىقارالىق زات اينالىمى باقشاسى، قامتاماسىزداندىرۋ سيپاتتى تۇرعىن ٴۇي سياقتى ٴتۇيىندى نىسان قۇرىلىستارىن ورىندايمىز. ’3+N‘ كاسىپ جۇيەسىن جەدەل ورناتىپ، ەرەكشە باسىمدىققا يە كاسىپتەردى كۇش سالا دامىتىپ، سىناق رايونىندا الدىمەن دامىتىلاتىن وڭىرلەردىڭ مايلى شەكىلدەۋىكتى جىنتىكتەي وڭدەۋ، ارپا وڭدەۋ سياقتى اۋىل شارۋاشىلىق ونىمدەرى نىساندارىنىڭ وندىرىسكە قوسىلۋىن بەلسەنە ىلگەرىلەتىپ، حالىقارالىق زات اينالىمى باقشاسىن، استىق زات اينالىمى باقشاسىن پايدالانۋعا بەرەمىز. سىرتقا ەسىك اشۋ قابىلەتى مەن دەڭگەيىن ۇزدىكسىز جوعارىلاتىپ، شەكارا وتكەلدەرىنىڭ كەدەننەن وتكىزۋ ونىمدىلىگىن ونان ارى جوعارىلاتىپ، شەكارا اتتاعان ەلەكتروندىق ساۋدا كاسىپورىندارىن بەلسەنە ەنگىزىپ، تارباعاتاي كەشەندى قورعامالى باجى رايونىن، شەكارا اتتاعان ەلەكتروندىق ساۋدا جالپىلىق سىناق رايونىن ٴوتىنىش ەتۋدى جەدەل ىلگەرىلەتىپ، سىناق رايونىن ەسىك اشۋدىڭ جاڭا بيىگى ەتىپ قۇرىپ شىعامىز“، ـ دەدى گاۋ جيان.
