_ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”رەفورمانىڭ ناقتى ونىمدىلىگىنە اناعۇرلىم باسا ٴمان بەرۋ“، ”رەفورمانى تياناقتاندىرۋدى شەگە قاعۋ رۋحىمەن ويداعىداي يگەرۋ كەرەك“، پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى «جۇڭگو كوممۋنيستىك پارتياسى ورتالىق كوميتەتىنىڭ رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسىن» قاراپ ماقۇلداپ، جۇڭگو ۇلگىسىندەگى وسىزامانداندىرۋدى ارقاۋ ەتە وتىرىپ رەفورمانى ونان ارى جاپپاي تەرەڭدەتۋدىڭ جالپى تۇلعالىق ورنالاستىرۋىن عىلمي جوبالاپ، بىلاي دەپ باسا دارىپتەدى: ”بۇكىل پارتيا جوعارىدان تومەنگە دەيىن ٴبىر نيەت، ٴبىر تىلەكپەن «قاۋلىنى» دايەكتىلەندىرۋدى، تياناقتاندىرۋدى ويداعىداي يگەرىپ، رەفورمانى ونان ارى جاپپاي تەرەڭدەتۋدىڭ ستراتەگيالىق ورنالاستىرۋلارىن جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قۇدىرەتتى كۇشىنە اينالدىرۋى كەرەك“.
”ٴارى رەفورمانىڭ جەبەۋشىلەرى، ٴارى رەفورمانىڭ ىسكەرلەرى بولۋ كەرەك“، جاڭا داۋىردە رەفورمانى جاپپاي تەرەڭدەتۋدە تاريحي ۇلى تابىستارعا قول جەتكىزۋدىڭ تەتىگى ورنالاستىرۋدى، تياناقتاندىرۋدى، باقىلاۋ ـ تەكسەرۋدى شەگە قاعۋ رۋحىمەن يگەرۋدە. ورتالىق دەڭگەيىندە جالپى تۇلعالىق جوبالاۋدان، ٴبىر تۇتاس جوسپارلاپ سايكەستىرۋدەن، جالپى تۇلعالىق ىلگەرىلەتۋدەن، تياناقتاندىرۋدى قۋزاۋدان وڭىرلەردىڭ، تاراۋلاردىڭ مىندەتتى ايقىنداۋىنا، جاۋاپكەرشىلىكتى تياناقتاندىرۋىنا، قۇرىلىس مەرزىمىن ٴجىتى ورنالاستىرۋىنا، بىرتىندەپ ىلگەرىلەتۋىنە دەيىن، ونان قاتىستى تاراۋلاردىڭ ىشكەرىلەي باقىلاۋ ـ تەكسەرۋىنە، رەفورمانىڭ تياناقتانۋىن جەبەۋگە شىنداپ كىرىسۋىنە دەيىن... بۇكىل پارتيا جوعارىدان تومەنگە دەيىن تياناقتاندىرۋدى يگەرۋدى رەفورما قىزمەتىن ىلگەرىلەتۋدىڭ ٴتۇيىنى ەتىپ، ٴبىر ۇلەس ورنالاستىرۋعا، توعىز ۇلەس تياناقتاندىرۋعا تاباندى بولىپ، تەمىرگە ٴىز، تاسقا تاڭبا قالدىرارداي مىقتى يگەرىپ، رەفورمانىڭ ورنىقتى، ٴتارتىپتى ىلگەرىلەۋىنە شىنايى كەپىلدىك ەتىپ، كوپتەگەن سالادا تاريحي سيپاتتى وزگەرىستى، جۇيەلىك سيپاتتى قايتا سومداۋدى، جالپى تۇلعالىق سيپاتتى قايتا قۇرۋدى جۇزەگە اسىردى. اماليات جاقسى شەشىم، جاقسى جوبا جاسالعان سوڭ، تەتىگى تياناقتاندىرۋدا ەكەندىگىن تولىق دالەلدەدى. تياناقتاندىرۋدى مىقتى يگەرگەندە عانا، رەفورمانىڭ ۇزدىكسىز تىڭ ونىمدىلىكتەرگە قول جەتكىزۋىن ىلگەرىلەتۋگە بولادى.
پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ويداعىداي ۇيرەنۋ، ويداعىداي دايەكتىلەندىرۋ _ كەزەكتەگى جانە بۇدان بىلايعى ٴبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى. يدەيا مەن ارەكەتتى باس شۋجي شي جينپيڭنىڭ ماڭىزدى ٴسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، رەفورمانى يگەرۋدىڭ كەلەلى ساياسي جاۋاپكەرشىلىگىن باتىل ارقالاپ، رەفورمانى ىلگەرىلەتۋدىڭ ساياسي سانالىلىعىن كۇشەيتۋ كەرەك. جالپى ٴماجىلىستىڭ رۋحىن ىشكەرىلەي ۇيرەنىپ، ٴتۇسىنىپ، رەفورمانى ونان ارى جاپپاي تەرەڭدەتۋدىڭ نەگىزگى تاقىرىبىن، كەلەلى پرينسيپتەرىن، كەلەلى شارالارىن، ٴتۇبىرلى كەپىلىن تەرەڭ ٴتۇسىنىپ جانە يگەرىپ، رەفورمانى ىلگەرىلەتۋدەگى يدەيالىق سانالىلىقتى كۇشەيتۋ كەرەك. رەفورمانى تياناقتاندىرۋدى شەگە قاعۋ رۋحىمەن ويداعىداي يگەرىپ، پارتيا ورتالىق كوميتەتىنىڭ رەفورمانى ونان ارى جاپپاي تەرەڭدەتۋ جونىندەگى شەشىمدەرى مەن ورنالاستىرۋلارىن بۇكىل پارتيادا، ٴسوز جوق، شىندىققا جۇگىنىپ ناقتى ىستەر ىستەۋ ارقىلى تياناقتاندىرۋدى مىقتى يگەرۋ، باتىل تۇردە شەبەرلىكپەن تياناقتاندىرۋدى مىقتى يگەرۋ، رەفورمانى ىلگەرىلەتۋدىڭ ارەكەت سانالىلىعىن كۇشەيتۋ كەرەك.
باس شۋجي شي جينپيڭ بىلاي دەپ باسا دارىپتەدى: ”رەفورمادا جوسپارلاۋعا ٴمان بەرۋ كەرەك، ونان دا ماڭىزدىسى، تياناقتاندىرۋدى ويداعىداي يگەرۋ كەرەك. شەگە قاعۋ رۋحىن ساۋلەلەندىرىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، ناقتى جاعدايعا تەكسەرۋ جۇرگىزىپ، ناقتى شارا اتقارىپ، ناقتى ونىمدىلىككە تالپىنىپ، فورماشىلدىقتان قاتاڭ ساقتانىپ جانە ونى جەڭىپ، سىرتى جىلتىراعان وبراز ينجەنەرياسىمەن، حالىقتى قالجىراتىپ، اقشانى بوسقا شاشاتىن ناتيجە ينجەنەرياسىمەن اينالىسۋدان قاتاڭ ساقتانۋ كەرەك“. تياناقتاندىرۋدى يگەرۋ _ پارتيانىڭ ساياسي لۋشيانىنىڭ، يدەيالىق لۋشيانىنىڭ، بۇقارالىق لۋشيانىنىڭ ٴتۇبىرلى تالابى ٴارى باسشى كادرلاردىڭ پارتيالىلىعى مەن ناتيجە كوزقاراسىن ولشەيتىن ماڭىزدى بەلگى ەكەندىگىن جەتە تانۋ كەرەك. اتقارۋ جوباسىن ويداعىداي جاساپ، دالمە ـ ٴدال شارا اتقارىپ، ٴدال ۋاعىندا، ۇيلەسىمدى ىستەپ، بار كۇشتى سالىپ ٴىس تىندىرىپ، شاماعا قاراي ٴىس ىستەپ، ٴىس جۇزىندىكتەن الشاقتاۋدان قاتاڭ ساقتانۋ كەرەك. ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، يدەيانى ازات ەتۋگە، شىندىقتى ٴىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ ناقتى ٴىس ىستەۋگە تاباندى بولۋ كەرەك. ۇيىمدىق باسشىلىقتى كۇشەيتىپ، كادرلاردى ٴورىس اشا العا ىلگەرىلەۋگە، ٴىس تىندىرىپ ناتيجە شىعارۋعا ىنتالاندىرىپ، پارتيا ورتالىق كوميتەتىنىڭ رەفورما شەشىمدەرىنىڭ، ورنالاستىرۋلارىنىڭ ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.
ورتاق تانىم _ ەكپىندەي ىلگەرىلەۋدىڭ قوزعاۋشى كۇشى، رەفورمانى ونان ارى جاپپاي تەرەڭدەتۋدە، ٴسوز جوق، ورتاق تانىمدى كۇشەيتۋ كەرەك. بۇكىل پارتيانىڭ، بۇكىل ەل حالقىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، ويدى ٴبىر اراعا شوعىرلاندىرىپ، كۇشتى ٴبىر اراعا جۇمساۋ كەرەك. ”حالىق بۇقاراسى _ مول كۇش ـ قۋاتتىڭ تەڭىزى ٴارى مول اقىل ـ پاراساتتىڭ تەڭىزى“. تەكسەرۋ ـ زەرتتەۋدى جاپپاي جۇرگىزىپ، بۇقارالىق لۋشيانمەن ويداعىداي ٴجۇرىپ، حالىقتىڭ قاجەتىن ٴبىلىپ، حالىقتان اقىل ـ كەڭەس الىپ، نەگىزگى ساتىنىڭ جانە بۇقارانىڭ ٴتول جاسامپازدىق رۋحىنا قۇرمەت ەتىپ، بۇقارانىڭ شۇعىل، قيىن، ۋايىمداعان، ٴزارۋ ىستەرىنەن رەفورمانىڭ كۇش سالۋ ٴتۇيىنى مەن قامال الۋ ٴتۇيىنىن ٴداپ باسىپ تابۋعا ٴمان بەرىپ، بۇقارانىڭ تابىس سەزىمىن، شىنايى مويىنداۋ دەڭگەيىن كۇشەيتۋ كەرەك. دەموكراتيانى ساۋلەلەندىرۋگە، كوپ پاراساتىن ساۋلەلەندىرۋگە تاباندى بولىپ، رەفورما شەشىمىنىڭ عىلميلىعىن جانە رەفورمانى تياناقتاندىرۋداعى اتقارۋ قابىلەتىن كۇشەيتۋ كەرەك. ٴار جاقتىڭ رەفورما بەلسەندىلىگىن تولىق جۇمىلدىرىپ، رەفورما ورتاق تانىمىن ونان ارى ۇيىستىرىپ، ناقتى ناتيجەسى، ناقتى ونىمدىلىگى جانە حالىق بۇقاراسىنىڭ ريزا بولۋ دەڭگەيى ارقىلى رەفورمانى سىننان وتكىزگەندە عانا، ٴسوز جوق، رەفورمانى ىلگەرىلەتۋدىڭ قۇدىرەتتى بىرىككەن كۇشىن قالىپتاستىرۋعا بولادى.
جاڭا باستاما، جاڭا ورنالاستىرۋ، جاڭا اتتانىس. پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانى ونان ارى جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدىڭ كەڭ كەلەشەگىن اشۋدىڭ داۋىرلىك دابىلىن قاقتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، رەفورما جاساۋ، ەسىك اشۋ تۋىن بيىك ۇستاپ، قايراتتانا ۇمتىلىپ، ٴورىس اشا العا ىلگەرىلەسەك، ٴبىز، ٴسوز جوق، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا تىڭ دا اناعۇرلىم زور كەرەمەتتەر جاراتا الامىز.
(شينحۋا اگەنتتىگىنىڭ 7 ـ ايدىڭ 24 ـ كۇنى بەيجيڭنەن بەرگەن حابارى)
