شي جينپيڭ قوسىننان بوساعان اسكەريلەر قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى:
قوسىننان بوساعان اسكەريلەردى شىنايى تۇردە ويداعىداي قابىلداپ ورنالاستىرۋ، ويداعىداي قىزمەت وتەپ قامتاماسىزداندىرۋ، ويداعىداي تاربيەلەپ باسقارۋ، ولاردىڭ رولىن ويداعىداي ساۋلەلەندىرۋ، ۇقىق ـ مۇددەسىن ويداعىداي قورعاۋ كەرەك
شينحۋا اگەنتتىگىنىڭ 7 ـ ايدىڭ 29 ـ كۇنى بەيجيڭنەن بەرگەن حابارى. مەملەكەتتىك قوسىننان بوساعان اسكەريلەر قىزمەتى ٴماجىلىسى 7 ـ ايدىڭ 29 ـ كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قوسىننان بوساعان اسكەريلەر قىزمەتى جونىندە ماڭىزدى نۇسقاۋ بەردى ٴارى ماداقتالىپ ـ سيلانعان ۇلگىلى ورىندار مەن جەكەلەردى قىزۋ قۇتتىقتادى، قوسىننان بوساعان اسكەريلەر قىزمەتىمەن اينالىساتىن جولداستاردان شىنايى حال سۇرادى.
شي جينپيڭ بىلاي دەپ باسا دارىپتەدى: قوسىننان بوساعان اسكەريلەر _ پارتيا مەن مەملەكەتتىڭ قىمباتتى بايلىعى، جۇڭگو ۇلگىسىندەگى وسىزامانداندىرۋدى ىلگەرىلەتۋدەگى ماڭىزدى كۇش، قوسىننان بوساعان اسكەريلەر قىزمەتى رەفورما، دامۋ، ورنىقتىلىق جانە ارميانى قۇدىرەتتەندىرۋ، ارميانى گۇلدەندىرۋ ىستەرىنە سايادى. جاڭا داۋىردەگى جاڭا جورىقتا قوسىننان بوساعان اسكەريلەر قىزمەتىندە جاڭا جاۋاپكەرشىلىك ارقالاۋ، جاڭا ىسكەرلىك كورسەتۋ كەرەك. جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ٴۇشىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، ەكونوميكالىق، قوعامدىق دامۋعا قىزمەت وتەۋ، مەملەكەت قورعانىسى مەن ارميا قۇرىلىسىنا قىزمەت وتەۋ باعىتىن دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قاجەتىن، قوسىننان بوساعان اسكەريلەردىڭ تىلەگىن كوزدە ۇستاپ، رەفورمانى ونان ارى جاپپاي تەرەڭدەتىپ، ۇيىمدىق باسقارۋ جۇيەسىن، قىزمەت اينالىمى جۇيەسىن، ساياسات ـ ٴتۇزىم جۇيەسىن ۇزدىكسىز كەمەلدەندىرىپ، قوسىننان بوساعان اسكەريلەردى شىنايى تۇردە ويداعىداي قابىلداپ ورنالاستىرىپ، ويداعىداي قىزمەت وتەپ قامتاماسىزداندىرىپ، ويداعىداي تاربيەلەپ باسقارىپ، ولاردىڭ رولىن ويداعىداي ساۋلەلەندىرىپ، ۇقىق ـ مۇددەسىن ويداعىداي قورعاپ، اسكەرلىكتى بۇكىل قوعام ارداقتايتىن كاسىپكە اينالدىرۋ، قوسىننان بوساعان اسكەريلەردى بۇكىل قوعام قۇرمەتتەيتىن ادامعا اينالدىرۋ كەرەك. قالىڭ قوسىننان بوساعان اسكەريلەردىڭ توڭكەرىستىك اسكەري قاسيەتىن ماڭگى ساقتاپ، سەنىمدى بەكەمدەپ، وتاندى ٴسۇيىپ، ٴوزىن ارناپ، قايراتتانا ىسكەرلىك كورسەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋىن ٴۇمىت ەتەمىن.
مەملەكەتتىك كەڭەستىڭ مۇشەسى شىن يچين ماجىلىستە شي جينپيڭنىڭ ماڭىزدى نۇسقاۋىن جەتكىزدى ٴارى ٴسوز سويلەدى. ول مىنانى ٴبىلدىردى: باس شۋجي شي جينپيڭنىڭ ماڭىزدى نۇسقاۋى قوسىننان بوساعان اسكەريلەر قىزمەتىنە ايرىقشا ٴمان بەرەتىندىگىن جانە قالىڭ قوسىننان بوساعان اسكەريلەرگە ىقىلاستى قامقورلىعىن تولىق ايگىلەدى. باس شۋجي شي جينپيڭنىڭ ماڭىزدى نۇسقاۋىن مۇقيات تياناقتاندىرىپ، نازاردى جۇڭگو ۇلگىسىندەگى وسىزامانداندىرۋ قۇرىلىسىنا شوعىرلاندىرىپ، رەفورمانى ونان ارى جاپپاي تەرەڭدەتىپ، مەملەكەتتى قۇدىرەتتەندىرۋگە، ارميانى قۇدىرەتتەندىرۋگە قىزمەت وتەۋ، قىزمەت وتەۋ، قامتاماسىز ەتۋ دەڭگەيىن جوعارىلاتۋ، حاۋىپ ـ قاتەردەن ساقتانۋ جانە ونى جويۋ جاعىندا تىڭ جاۋاپكەرشىلىك ارقالاپ، تىڭ ىسكەرلىك كورسەتىپ، قالىڭ قوسىننان بوساعان اسكەريلەردى وسىزامانداندىرۋ قۇرىلىسى امالياتىنا بەلسەنە ات سالىسۋعا جەتەكتەپ، قوسىننان بوساعان اسكەريلەر قىزمەتىن جوعارى ساپالى دامىتۋدا ۇزدىكسىز جاڭا جاعداي اشۋ كەرەك.
ٴماجىلىس 397 مەملەكەتتىك قوسىننان بوساعان ۇلگىلى اسكەريدى جانە قوسىننان بوساعان اسكەريلەر قىزمەتىندەگى 100 مەملەكەتتىك ۇلگىلى ورىندى، 80 ۇلگىلى جەكەنى ماداقتاپ ـ سيلادى.
ورتالىق اسكەري ىستەر كوميتەتىنىڭ مۇشەسى مياۋ حۋا ماجىلىسكە قاتىناستى.
