شينحۋا اگەنتتىگىنىڭ 7 ـ ايدىڭ 29 ـ كۇنى بەيجيڭنەن بەرگەن حابارى (ٴتىلشى سۇن ي). 7 ـ ايدىڭ 29 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭدەگى دياۋيۇيتاي مەملەكەتتىك قوناق ۇيىندە جۇڭگوعا رەسمي ساپارمەن كەلگەن يتاليا زۇڭليى مەلونيمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن يتاليا بايىرعى جىبەك جولىنىڭ ەكى باسىنا ورنالاسقان، ەكى ەلدىڭ تاريحى ۇزاق دوستىق بارىس ـ كەلىسى شىعىس پەن باتىس وركەنيەتىنىڭ اۋىس ـ كۇيىسىنە، ٴوزارا ۇلگى الۋىنا جانە ادامزات قوعامىنىڭ دامۋىنا، العا باسۋىنا ماڭىزدى ۇلەس قوسقان، بەيبىتشىلىكتى، سەلبەسۋدى، اشىق تا سيىسىمدى بولۋدى، ٴوزارا ۇيرەنىپ، ٴوزارا ۇلگى الۋدى، ٴوزارا پايدا جەتكىزىپ تەڭ يگىلىككە كەنەلۋدى وزەك ەتكەن جىبەك جولى رۋحى _ جۇڭگو مەن يتاليا ەكى ەلدىڭ ورتاق بايلىعى. كەزەكتە دۇنيە ٴجۇزىنىڭ 100 جىلدىق وزگەرىسى جەدەل قۇبىلۋدا، ٴار ەل توعىسسا، ىنتىماقتاسسا، بىرگە العا باسادى، توماعا ـ تۇيىق بولسا، بولشەكتەنسە، كەرى شەگىنەدى. جۇڭگو مەن يتاليا ەكى ەل جىبەك جولى رۋحىن ۇستانىپ جانە اسقاقتاتىپ، ەكى جاقتى قارىم ـ قاتىناسقا تاريحي ولشەممەن، ستراتەگيالىق بيىكتەن جانە ۇزاق بولاشاقتىق تۇرعىدان قاراپ جانە ونى دامىتىپ، جۇڭگو _ يتاليا قارىم ـ قاتىناسىنىڭ ورنىقتى قاداممەن الىسقا جەتۋىن ىلگەرىلەتۋى كەرەك.
شي جينپيڭ بىلاي دەپ باسا دارىپتەدى: جۇڭگو ـ يتاليا قارىم ـ قاتىناسىنىڭ اقاۋسىز، ورنىقتى دامۋى ەكى ەلدىڭ جانە ەكى ەل حالقىنىڭ ورتاق مۇددەسىنە ۇيلەسەدى. كەزەكتەگى حالىقارالىق جاعدايدا ۇزدىكسىز تەرەڭ وزگەرىس تۋىلىپ وتىرسا دا، جۇڭگو جاقتىڭ جۇڭگو _ يتاليا قارىم ـ قاتىناسىنا باسا ٴمان بەرۋ جانە ونى ويداعىداي دامىتۋ تىلەگى وزگەرگەن جوق، جۇڭگو ـ يتاليا قارىم ـ قاتىناسىنىڭ سەلبەستىك جاساپ تەڭ يگىلىككە كەنەلەتىن ٴمانى وزگەرگەن جوق، ەكى ەل حالقىنىڭ دوستىق سۇيىسپەنشىلىگى وزگەرگەن جوق. ەكى جاق دوستىق بارىس ـ كەلىس ٴداستۇرىن جالعاستىرىپ، ۇزدىكسىز ٴبىرىن ـ ٴبىرى ٴتۇسىنۋى جانە ٴبىرى ـ ٴبىرىنىڭ تاڭداعان دامۋ جولىنا قۇرمەت ەتۋى كەرەك. جۇڭگو _ يتاليا ەكى ەل كاسىپ سالاسى باسىمدىعى ارقىلى ٴبىرىن ـ ٴبىرى تولىقتاپ، ٴبىرىن ـ ٴبىرى وراي ساناپ كەلەدى، ەكى جاق ٴوزارا ەسىكتى اشىق ۇستاۋعا، سەلبەستىك جاساسۋعا تاباندى بولۋى كەرەك. جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى ەندى عانا جابىلدى، جۇڭگو جاق جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتىپ، جۇڭگو ۇلگىسىندەگى وسىزامانداندىرۋعا قۋاتتى قوزعاۋشى كۇش ۇستەيدى ٴارى يتاليا سياقتى ەلدەرمەن سەلبەستىكتى ۇلعايتۋعا جاڭا وراي سيلايدى. جۇڭگو جاق يتاليا جاقپەن ەكونوميكا ـ ساۋداعا قارجى قوسۋ، ونەركاسىپتىك جاساۋ، عىلىم ـ تەحنيكادا جاڭالىق اشۋ، ٴۇشىنشى جاق بازارى سياقتى ٴداستۇرلى سەلبەستىكتى ساپالىلاندىرۋدى، دارەجەسىن جوعارىلاتۋدى ىلگەرىلەتىپ، ەلەكترلى اۆتوكولىك، جاساندى زەردە سياقتى جاڭادان گۇلدەنگەن سالالاردا سەلبەستىك جاساۋدى اقىلداسۋدى قالايدى. جۇڭگو جاق يتاليا كاسىپورىندارىنىڭ جۇڭگوعا كەلىپ قارجى قوسۋىن قارسى الادى، يتاليانىڭ اناعۇرلىم كوپ ساپالى ونىمدەرىن يمپورت ەتۋدى قالايدى، يتاليا جاقتىڭ جۇڭگو كاسىپورىندارىنىڭ يتالياعا بارىپ دامۋىنا ٴادىل، جاريا، حاۋىپسىز، شەتكە قاقپايتىن شارۋاشىلىق ـ ساۋدا ورتاسىن ازىرلەۋىن ٴۇمىت ەتەدى. ەكى جاق وركەنيەتتە ٴوزارا ۇلگى الۋ جەتىستىكتەرىن قاستەرلەپ، مادەنيەتتى جالعاستىرۋدى جانە وندا جاڭالىق اشۋدى قوس باعىتتا ٴوزارا جەبەۋدى ىلگەرىلەتىپ، ەكى ەل حالقىنىڭ سۇيىسپەنشىلىگىن جەبەۋى كەرەك. جۇڭگو جاق يتاليا جاقتىڭ 2026 ـ جىلعى قىسقى وليمپيادا سپورت جارىسىن وتكىزۋىن قولدايدى، يتاليا جاقتىڭ جۇڭگو ازاماتتارىنىڭ يتالياعا بارۋىنا ۆيزا بەرۋدە قولايلى شارالار ازىرلەۋىن ٴۇمىت ەتەدى.
شي جينپيڭ بىلاي دەپ باسا دارىپتەدى: ەكونوميكا جاھاندانعان داۋىردە الەمدىك كاسىپ سالا تىزبەگىندە، قامداۋ تىزبەگىندە ەسىكتى اشىق ۇستاۋعا، سەلبەستىك جاساسۋعا تاباندى بولعاندا عانا، تەڭ يگىلىككە كەنەلۋگە، دامۋعا بولادى. جۇڭگو بەيبىت دامۋ جولىمەن جۇرۋگە تاباندى بولادى، ەشقاشان زورەكەرلىككە ۇمتىلعان ەمەس، ٴارقايسى ەلمەن دامۋ ورايىن تەڭ ٴبولىسۋدى قالايدى. يتاليا جاقتىڭ جۇڭگونىڭ دامۋ ۇستانىمىن ٴتۇسىنىپ جانە قولداپ، جۇڭگو مەن ەۆروپانىڭ تىلدەسۋىن، سەلبەستىك جاساسۋىن كۇشەيتۋدى ىلگەرىلەتۋدە، جۇڭگو _ ەۆروپا قارىم ـ قاتىناسىنىڭ بەلسەندى، ورنىقتى دامۋىن جەبەۋدە ورەلى رول ساۋلەلەندىرۋىن ٴۇمىت ەتەدى.
مەلوني مىنالاردى ٴبىلدىردى: 2022 ـ جىلى 11 ـ ايدا بالي ارالىندا ديدارلاسقاننان كەيىن ۇسىنىس بويىنشا جۇڭگوعا ساپارلاي كەلگەنىمە قاباعات قۋانىشتىمىن. بيىل يتاليا مەن جۇڭگونىڭ جالپى بەتتىك ستراتەگيالىق سەرىكتەستىك قارىم ـ قاتىناسىن ورناتقاندىعىنىڭ 20 جىلدىعىنا جانە ماركو پولونىڭ دۇنيە سالعاندىعىنىڭ 700 جىلدىعىنا تۋرا كەلىپ وتىر. يتاليا مەن جۇڭگو وركەنيەتتى بايىرعى ەلدەر رەتىندە، باستان ـ اياق ٴبىر ـ ٴبىرىنىڭ ارتىقشىلىقتارىنا ٴسۇيىنىپ، ٴوزارا ۇلگى الىپ كەلەدى. كەزەكتە حالىقارالىق جاعداي تەرەڭ قۇبىلۋدا، جۇڭگو ماڭىزدى ٴىرى ەل رەتىندە، الەمدىك سىن ـ سايستارعا توتەپ بەرۋ جاعىنداعى رولى تەڭدەسسىز. يتاليا جاق جۇڭگونىڭ حالىقاراداعى مارتەبەسىنە جانە رولىنا ايرىقشا ٴمان بەرەدى، ۇزاقتان جالعاسقان جىبەك جولى رۋحىنا مۇراگەرلىك ەتىپ، جۇڭگو جاقپەن اناعۇرلىم تىعىز، اناعۇرلىم جوعارى دەڭگەيدەگى سەرىكتەستىك قارىم ـ قاتىناستى دامىتىپ، يتاليا مەن جۇڭگونىڭ جالپى بەتتىك ستراتەگيالىق سەرىكتەستىك قارىم ـ قاتىناسىنىڭ جاڭا تاراۋىن اشىپ، دۇنيە ٴجۇزىنىڭ بەيبىتشىلىگى مەن العا باسۋىنا جاڭا ۇلەس قوسۋدى قالايدى. يتاليا جاق ٴبىر جۇڭگو ساياساتىن اتقارۋعا تاباندى بولادى، جۇڭگو جاقپەن تىلدەسۋدى، سەلبەستىك جاساسۋدى كۇشەيتىپ، اناعۇرلىم كوپ كومەسكى كۇشتى اشىپ، ەكى ەلدىڭ ەكونوميكا ـ ساۋداعا قارجى قوسۋ، ەلەكترلى اۆتوكولىك، جاساندى زەردە سياقتى سالالارداعى سەلبەستىگىن تەرەڭدەتىپ، گۋمانيتارلىق اۋىس ـ كۇيىستى نىعايتىپ، اناعۇرلىم كوپ يتاليا ونىمدەرىنىڭ جۇڭگو بازارىنا كىرۋىن ىلگەرىلەتۋدى ٴۇمىت ەتەدى. يتاليا جاق ”بايلانىستى الشاقتاتىپ، تىزبەكتى ۇزۋگە“ جانە قورعانىمپازدىققا قارسى تۇرادى، ەۆروپا وداعىنىڭ جۇڭگومەن قارىم ـ قاتىناسىن تەرەڭدەتۋدى، ناقتىلاندىرۋدى ىلگەرىلەتۋدە بەلسەندى رول اتقارۋدى قالايدى.
ەكى جاق «جۇڭحۋا حالىق رەسپۋبليكاسى مەن يتاليا رەسپۋبليكاسىنىڭ جالپى بەتتىك ستراتەگيالىق سەرىكتەستىك قارىم ـ قاتىناستى كۇشەيتۋ جونىندەگى ارەكەت جوسپارىن (2024 ـ جىلدان 2027 ـ جىلعا دەيىن)» جاريالادى.
ۋاڭ ي كەزدەسۋگە قاتىناستى.
