جۇڭگو كوممۋنيستىك پارتياسى ورتالىق كوميتەتى ساياسي بيۋروسى ٴماجىلىس اشتى
كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى
«فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ٴبىرقانشا بەلگىلەمەنى» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى
شينحۋا اگەنتتىگىنىڭ 7 ـ ايدىڭ 30 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 7 ـ ايدىڭ 30 ـ كۇنى ٴماجىلىس اشىپ، كەزەكتەگى ەكونوميكالىق جاعدايعا تالداۋ جاسادى جانە ونى اقىلداستى، سوڭعى جارتى جىلداعى ەكونوميكالىق قىزمەتتى ورنالاستىردى، «فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ٴبىرقانشا بەلگىلەمەنى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى.
ٴماجىلىس بىلاي دەپ قارادى: بيىل جىل باسىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، وڭىرلەر، تاراۋلار قيىندىققا قارسى اتتانىپ، بەلسەنە ىسكەرلىك كورسەتىپ، رەفورما جاساۋدى، ەسىك اشۋدى تەرەڭدەتىپ، ماكرولىق رەتتەۋ ـ مەڭگەرۋدى كۇشەيتىپ، حاۋىپ ـ قاتەرلەرگە، سىن ـ سايىستارعا ٴونىمدى توتەپ بەردى، ەكونوميكالىق اينالىم جالپى جاقتان ورنىقتى بولىپ، ورنىقتىلىق بارىسىندا ىلگەرىلەپ، قايتا ورلەۋ، جاقسارۋ كۇيى جالعاسىپ، جاڭا قوزعاۋشى قۋات، جاڭا باسىمدىق جەدەل جەتىلىپ، جوعارى ساپالى دامۋ تىڭعىلىقتى ىلگەرىلەتىلىپ، قوعامدىق كەلەلى جاعدايدىڭ ورنىقتىلىعى ساقتالدى.
ٴماجىلىس مىنالاردى اتاپ كورسەتتى: قازىر سىرتقى ورتانىڭ وزگەرىسى اكەلگەن ٴتيىمسىز ىقپال كوبەيىپ، ەل ىشىندەگى ٴونىمدى سۇرانىس جەتكىلىكسىز بولىپ، ەكونوميكالىق اينالىمدا جىكتەلۋ جارىققا شىقتى، ٴتۇيىندى سالالاردا حاۋىپ ـ قاتەرلەر، كومەسكى كىناراتتار ٴالى دە ٴبىرشاما كوپ، جاڭا، كونە قوزعاۋشى قۋاتتىڭ اۋىسۋىندا ٴالى دە قيىندىقتار ورىن تەۋىپ وتىر. بۇلار دامۋ بارىسىنداعى، تيبىن وزگەرتۋ بارىسىنداعى ماسەلەلەر، ٴبىز ٴارى حاۋىپ ـ قاتەر تانىمىن جانە تومەنگى شەكتە ويلاۋدى كۇشەيتىپ، بەلسەندى دە ىرىقتى تۇردە توتەپ بەرۋىمىز، ٴارى ستراتەگيالىق تاباندىلىقتى ساقتاپ، دامۋ سەنىمىن بەكەمدەپ، جۇڭگو ەكونوميكاسىنىڭ بولاشاعى نۇرلى نازارياسىن اسقاقتاتۋىمىز كەرەك.
ٴماجىلىس مىنالاردى باسا دارىپتەدى: سوڭعى جارتى جىلداعى رەفورما، دامۋ، ورنىقتىلىق مىندەتى وتە اۋىر، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتتىڭ ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، جوعارى ساپالى دامۋدى كۇش سالا ىلگەرىلەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى ارقاۋ ەتىپ رەفورمانى اناعۇرلىم جاپپاي تەرەڭدەتىپ، ماكرولىق رەتتەۋ ـ مەڭگەرۋ سەرپىنىن ارتتىرىپ، جاڭالىق اشۋ ارقىلى دامۋعا دەم بەرۋدى تەرەڭدەتىپ، ىشكى سۇرانىس كومەسكى كۇشىن ىشكەرىلەي اشىپ، جاڭا قوزعاۋشى قۋاتتى، جاڭا باسىمدىقتى ۇزدىكسىز كۇشەيتىپ، شارۋاشىلىق تۇلعالارىنىڭ ومىرشەڭدىگىن كۇشەيتىپ، بازار مەجەسىن ورنىقتىرىپ، قوعامنىڭ سەنىمىن كۇشەيتىپ، ەكونوميكانىڭ ۇزدىكسىز قايتا ورلەۋ، جاقسارۋ كۇيىن نىعايتىپ، حالىق تۇرمىسىن شىن مانىندە قامتاماسىز ەتىپ جانە جاقسارتىپ، قوعامنىڭ ورنىقتىلىعىن ساقتاپ، تۇتاس جىلداعى ەكونوميكالىق، قوعامدىق دامۋ نىساناسىن، مىندەتىن بۇلجىماي ورىنداۋ كەرەك.
ٴماجىلىس مىنالاردى باسا دارىپتەدى: رەفورمانى قوزعاۋشى كۇش ەتىپ، ارتۋدى ورنىقتىرۋدى، قۇرىلىمدى رەتتەۋدى، حاۋىپ ـ قاتەردەن ساقتانۋدى جەبەپ، ەكونوميكالىق ٴتۇزىلىس رەفورماسىنىڭ جەتەكتەۋ رولىن تولىق ساۋلەلەندىرىپ، شارت ـ جاعدايى پىسىپ ـ جەتىلگەن، سەزىپ بىلە الاتىن ٴبىر توپ رەفورما شاراسىن دەر كەزىندە العا قويۋ كەرەك. ”ەكىدەن تيتتەي دە اۋىتقىماۋعا“ تاباندى بولىپ جانە ونى تياناقتاندىرىپ، ٴتۇرلى مەنشىكتەگى شارۋاشىلىقتىڭ ارتىقشىلىقتار ارقىلى ٴبىرىن ـ ٴبىرى تولىقتاۋىن، بىرگە دامۋىن جەبەپ، مال ـ مۇلىك ۇقىعىن قورعاۋ، بازارعا كىرۋگە رۇقسات ەتۋ، كۇيرەۋ تارتىبىمەن بازاردان شەگىنۋ سياقتى بازار شارۋاشىلىعى نەگىزدىك تۇزىمدەرىن كەمەلدەندىرۋ، كەيبىر جەرلەردىڭ اكىمشىلىك، قىلمىستىق ىستەر تاسىلدەرىنەن پايدالانىپ ەكونوميكالىق داۋ ـ شارعا ارالاسۋىنان ساقتانۋ جانە ونى تۇزەتۋ كەرەك. كاسىپورىنشىلار رۋحىن اسقاقتاتىپ، رەفورما جاساۋ، جاڭالىق اشۋ جانە ٴادىل باسەكە بارىسىندا اناعۇرلىم كوپ دۇنيە جۇزىندە بىرەگەي كاسىپورىنداردى جەدەل قۇرۋ كەرەك.
ٴماجىلىس مىنالاردى اتاپ كورسەتتى: ماكرولىق ساياسات ارقىلى ۇزدىكسىز كۇش سالۋ، اناعۇرلىم كۇش بەرۋ كەرەك. كەرى پەريودتىق رەتتەۋدى كۇشەيتىپ، بەلسەندى قازىنا ساياساتى مەن ورنىقتى دا اقاۋسىز اقشا ساياساتىن ويداعىداي اتقارىپ، تۇراقتاندىرىلعان ساياسات ـ شارالاردى جەدەل جاپپاي تياناقتاندىرىپ، مولشەردى ارتتىرۋدىڭ ٴبىر توپ ساياسات ـ شارالارىن ەرتەرەك ازىرلەۋ ٴارى ۇيلەسىمدى ۋاقىتتا ۇسىنۋ كەرەك. ارناۋلى قارىز تاراتۋ، پايدالانۋ ٴۇردىسىن جەدەلدەتىپ، اسا ۇزاق مەرزىمدى ەرەكشە زايومنان ويداعىداي پايدالانىپ، مەملەكەتتىڭ كەلەلى ستراتەگياسىنا جانە ٴتۇيىندى سالالاردىڭ حاۋىپسىزدىك قابىلەتى قۇرىلىسىنا قولداۋ كورسەتىپ، زور كولەمدى جابدىق جاڭالاۋدى جانە كوپ تۇتىنىلاتىن، شىدامدى تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋدى اناعۇرلىم زور سەرپىنمەن ىلگەرىلەتۋ كەرەك. قازىنالىق شىعىس قۇرىلىمىن ساپالىلاندىرىپ، ”ٴۇشتى قامتاماسىز ەتۋ“ تومەنگى شەگىن ساقتاۋ كەرەك. كوپ ٴتۇرلى اقشا ساياساتى قۇرالىن كەشەندى قولدانىپ، فينانستىڭ تۇلعالىق ەكونوميكانى قولداۋ سەرپىنىن ارتتىرىپ، قوعامدىق جالپىلىق قارجى قۇراۋدىڭ وزىندىك قۇنىن ورنىقتىلىق بارىسىندا تومەندەتۋدى جەبەۋ كەرەك. حالىق اقشاسى سىندىرىلىمىنىڭ ۇيلەسىمدى بىركەلكى دەڭگەيدەگى نەگىزگى ورنىقتىلىعىن ساقتاۋ كەرەك. ماكرولىق ساياسات بەتالىسىنىڭ بىركەلكىلىگىن شىن مانىندە كۇشەيتىپ، ٴار جاقتىڭ جوعارى ساپالى دامۋدى بىرگە ىلگەرىلەتۋىنىڭ قۇدىرەتتى بىرىككەن كۇشىن قالىپتاستىرۋ كەرەك. ەكونوميكالىق ٴىرى ولكەلەردىڭ ۇلكەن جاۋاپكەرلىك ارقالاۋ رولىن ۇزدىكسىز ويداعىداي ساۋلەلەندىرۋ كەرەك.
ٴماجىلىس مىنالاردى باسا دارىپتەدى: تۇتىنۋدى سەرپىلتۋدى ٴتۇيىن ەتىپ، ەل ىشىندەگى سۇرانىستى كەڭەيتىپ، ەكونوميكالىق ساياساتتىڭ كۇش سالۋ ٴتۇيىنىن حالىق تۇرمىسىنا تيىمدىلىك جەتكىزۋگە، تۇتىنۋدى جەبەۋگە كوبىرەك بەيىمدەۋ، تۇرعىنداردىڭ كىرىسىن كوپ ارنامەن كوبەيتىپ، ورتاشا، تومەن كىرىستى شوعىردىڭ تۇتىنۋ قۋاتى مەن تىلەگىن كۇشەيتىپ، تۇتىنۋعا قىزمەت كورسەتۋدى تۇتىنۋدىڭ سيىمدىلىعىن كەڭەيتىپ، دارەجەسىن جوعارىلاتۋدىڭ ماڭىزدى تۇتقاسى ەتىپ، مادەنيەت ـ ساياحات، قارتتاردى كۇتىمدەۋ، بالا تاربيەلەۋ، ٴۇي جۇمىستارى سياقتى تۇتىنۋلارعا قولداۋ كورسەتۋ كەرەك. حالىقتىق قارجى قوسۋدىڭ بەلسەندىلىگىن ونان ارى جۇمىلدىرىپ، ٴونىمدى قارجى قوسۋدى كەڭەيتۋ كەرەك.
ٴماجىلىس مىنالاردى اتاپ كورسەتتى: جاڭادان گۇلدەنگەن كاسىپ سالالارىن جانە بولاشاق كاسىپ سالالارىن جەتىلدىرۋ، زورايتۋ كەرەك. جوعارى دەڭگەيلى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى زور كۇشپەن ىلگەرىلەتىپ، شەشۋشى، وزەكتى تەحنيكالاردان قامال الۋدى كۇشەيتىپ، ٴداستۇرلى كاسىپ سالالارىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتۋ كەرەك. زەرەن كاسىپورىنداردى، پىراق كاسىپورىنداردى پارمەندى، ٴونىمدى قولداۋ، دامىتۋ كەرەك. كاسىپ تەجەمىن كۇشەيتىپ، ”ىشكى باسەكە ۇلگىسىندەگى“ قاتەرلى باسەكەدەن ساقتانۋ جانە ونى تيۋ كەرەك. بازاردىڭ جاقسىسىن الىپ، جامانىن جاراقسىز ەتۋ مەحانيزمىن كۇشەيتىپ، مەشەۋ، تومەن ٴونىمدى ٴوندىرىس قۋاتىن شەگىندىرۋ ارناسىن ىركىلىسسىزدەندىرۋ كەرەك.
ٴماجىلىس مىنالاردى اتاپ كورسەتتى: جوعارى دەڭگەيدە سىرتقا ەسىك اشۋدى ىلگەرىلەتىپ، بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق ـ ساۋدا ورتاسىن ونان ارى قالىپتاستىرىپ، تۇزىمدىك ەسىك اشۋدى ورنىقتى قاداممەن كەڭەيتىپ، جاساۋ كاسىبى سالاسىنداعى شەتەل قارجىسىنىڭ كىرۋىنە رۇقسات ەتۋدى شەكتەۋ شارالارىن ”جوعالتۋ“ تالابىن تياناقتاندىرىپ، قىزمەت وتەۋ كاسىبى بويىنشا ەسىك اشۋدى كەڭەيتۋدىڭ جاڭا ٴبىر كەزەك تۇيىندە سىناق ەتۋ شاراسىن ۇسىنىپ، شەتەل قارجىسىنان پايدالانىپ ورنىقتى بولىپ قايتا ورلەۋدى جەبەۋ كەرەك. سىرتقى ساۋدا دامۋىنىڭ جاڭا قوزعاۋشى قۋاتىن بەلسەنە جەتىلدىرىپ، ارالىق ونىمدەر ساۋداسىن، جاسىل ساۋدانى كەڭەيتۋ كەرەك. ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدى تىڭعىلىقتى ىلگەرىلەتۋ كەرەك.
ٴماجىلىس مىنالاردى باسا دارىپتەدى: ٴتۇيىندى سالالارداعى حاۋىپ ـ قاتەرلەردەن ۇزدىكسىز ساقتانۋ جانە ونى جويۋ كەرەك. قورا ـ جاي بازارىنىڭ ورنىقتى، اقاۋسىز دامۋىن جەبەيتىن جاڭا ساياساتتى ويداعىداي تياناقتاندىرىپ، ىركىندىنى ٴسىڭىرۋ مەن ارتقان مولشەردى ساپالىلاندىرۋدى ٴوزارا ۇشتاستىرۋعا تاباندى بولىپ، ىركىندى تاۋار ۇيلەردى ساتىپ الىپ، قامتاماسىز سيپاتتى ٴۇي ەتۋگە بەلسەنە قولداۋ كورسەتىپ، ٴۇيدى وتكىزىپ بەرۋگە شىنايى كەپىلدىك ەتۋ قىزمەتىن ونان ارى ويداعىداي ىستەپ، قورا ـ جايدى دامىتۋدىڭ جاڭا ۇلگىسىن جەدەل قالىپتاستىرۋ كەرەك. جەرگىلىكتى ورىنداردىڭ قارىزدى جويۋ جوبالارىن كەمەلدەندىرىپ جانە تياناقتاندىرىپ، شارت ـ جاعداي ازىرلەپ، جەرگىلىكتى قارجى قۇراۋ تۇعىرلارىنىڭ قارىز حاۋىپ ـ قاتەرىن جەدەل جويۋ كەرەك. حاۋىپ ـ قاتەردەن ساقتانۋدى، باقىلاۋ ـ باسقارۋدى كۇشەيتۋدى، دامۋدى جەبەۋدى ٴبىر تۇتاس جوسپارلاپ، قارجى قوسۋشىلاردىڭ سەنىمىن سەرپىلتىپ، كاپيتال بازارىنىڭ ىشكى ورنىقتىلىعىن جوعارىلاتۋ كەرەك.
ٴماجىلىس مىنالاردى اتاپ كورسەتتى: اۋىل ـ قىستاقتى جاپپاي گۇلدەندىرۋدى تىڭعىلىقتى ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل ـ قىستاق حالقىندا كولەمدى قايتا كەدەيلەسۋ، كەدەيلەسۋ تۋىلماۋىنا شىنايى كەپىلدىك ەتۋ كەرەك. ەگىستىك جەردى قورعاۋ مەن ساپاسىن جوعارىلاتۋدى كۇشەيتىپ، اۋىل شارۋاشىلىعى ٴوندىرىسىن ويداعىداي يگەرىپ، تۇتاس جىلدا استىقتان مول ٴونىم الۋعا قۇلشىنا قول جەتكىزۋ كەرەك.
ٴماجىلىس مىنالاردى باسا دارىپتەدى: حالىق تۇرمىسىن قامتاماسىزداندىرۋ جانە جاقسارتۋ سەرپىنىن ارتتىرۋ كەرەك. جۇمىستاندىرۋدى الدىمەن ەسكەرۋ ساياساتىن كۇشەيتىپ، جوعارى مەكتەپتەن وقۋ بىتىرگەن وقۋشىلار سياقتى ٴتۇيىندى شوعىردى جۇمىستاندىرۋدى ويداعىداي ىستەۋ كەرەك. تومەن كىرىستى حالىقتى قۇتقارۋ، كومەكتەسۋ ـ سۇيەمەلدەۋدى كۇشەيتىپ، قوعامدىق قامتاماسىزداندىرۋ تورىن ٴجيى، بەرىك توقۋ كەرەك. تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ قىزمەتىن بار كۇشپەن ويداعىداي ىستەپ، جازدا ەلەكترمەن قامداۋدىڭ قاۋىرت مەزگىلىندە ەنەرگيامەن، ەلەكترمەن قامداۋدى ويداعىداي ىستەپ، ٴوندىرىس حاۋىپسىزدىگىن ويداعىداي يگەرىپ، ازىق ـ تۇلىك حاۋىپسىزدىگى، قوعام اماندىعى سياقتى ماسەلەلەردى مۇقيات شەشۋ كەرەك. لاستانۋدان ساقتانۋدان جانە ونى جونگە سالۋدان قامال الۋ شايقاسىن ىشكەرىلەي ويداعىداي جۇرگىزىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى تىڭعىلىقتى تۇردە ويداعىداي ىلگەرىلەتۋ كەرەك. ”15 ـ بەسجىلدىق“ جوبانىڭ الدىڭعى مەرزىمدىك زەرتتەۋ، جوسپارلاۋ قىزمەتىن ويداعىداي ىستەۋ كەرەك.
ٴماجىلىس مىنالاردى اتاپ كورسەتتى: فورماشىلدىق، تورەشىلدىك _ ٴسىڭىستى كىنارات، قاساڭ دەرت، ٴسوز جوق، زور كۇش سالىپ، باتىل تۇزەتۋ ـ وڭاۋ كەرەك. نەگىزگى ساتى _ پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ”ەڭ سوڭعى ٴبىر كيلومەترى“، فورماشىلدىقتىڭ، تورەشىلدىكتىڭ بۇعاۋىندا قالۋعا بولمايدى. ورتالىق كوميتەت شۋجيچۋى تاباندىلىقپەن جىبەرمەي ۇستاپ، ورتالىق دەڭگەيىندە فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى بەلگىلى مەرزىمدە قۋزاۋ ـ تەكسەرۋ جۇرگىزۋى، ورتالىق جانە مەملەكەت ورگاندارىنىڭ ٴارقايسى تاراۋلارى، ٴارقايسى ولكە دارەجەلى پارتكومدار مەن ۇكىمەتتەر قىزمەتتەردى ورنالاستىرعاندا شىندىقتى ٴىس جۇزىنەن ىزدەۋى، ولكەدەن تومەن ٴار دارەجەلى پارتكومدار تۇلعالىق جاۋاپكەرشىلىكتى ويداعىداي اتقارۋى، ٴار دارەجەلى ٴتارتىپ تەكسەرۋ، باقىلاۋ ـ تەكسەرۋ ورگاندارى باقىلاۋدى اتقارۋدى كۇشەيتۋى كەرەك.
ٴماجىلىس مىنالاردى باسا دارىپتەدى: ٴتۇزىم قۇرىلىسىن جانە ونى اتقارۋدى كۇشەيتىپ، نەگىزگى ساتىنىڭ اۋىرتپالىعىن جەڭىلدەتۋ مەن قۋات ۇستەۋدى ٴبىر تۇتاس جوسپارلاپ، ورتالىقتىڭ سەگىز ٴتۇرلى بەلگىلەمەسى مەن ونى اتقارۋدىڭ ەگجەي ـ تەگجەيلى ەرەجەسىنىڭ رۋحىن ونان ارى قاتاڭ تياناقتاندىرىپ، ۇزدىكسىز حۇجاتتاردى ىقشامداپ، جيىندى ازايتىپ، قۋزاپ تەكسەرۋدى، تەكسەرۋدى، باعالاۋدى ٴبىر تۇتاس جوسپارلاپ جۇيەگە ٴتۇسىرىپ، تىم ٴجيى كەزىگەتىن، تىم كۇردەلى ماسەلەلەردى شىن مانىندە شەشىپ، نەگىزگى ساتىدان ۋاقىتشا كادر اۋىستىرۋدى قاتاڭ جۇيەگە ٴتۇسىرىپ، اكىمشىلىك ىستەر جىلجىمالى ينتەرنەت قولدانبالى باعدارلاماسىن جۇيەلىلەندىرىپ باسقارۋدى كۇشەيتىپ، ”ساۋساق ۇشىنداعى فورماشىلدىقتى“ وڭاپ، نەگىزگى ساتىنىڭ ۇقىعىن، جاۋاپكەرشىلىگىن ونان ارى رەتكە سالىپ، بايلىقتىڭ، قىزمەت وتەۋدىڭ، باسقارۋدىڭ نەگىزگى ساتىعا ٴتۇسىرىلۋىن ىلگەرىلەتىپ، ۇلگىلى ورىن قۇرۋ جانە ولشەمگە جەتكىزۋ قيمىلدارىن ىقشامداپ، ۇلگىلى ورىن قۇرۋدىڭ ناقتى ونىمدىلىگىنە ايرىقشا ٴمان بەرۋ كەرەك. پارتيا مۇشەلەرىنىڭ، كادرلاردىڭ، اسىرەسە، نەگىزگى ساتى بۇقاراسىنىڭ اڭىسى كۇشتى بولعان كورنەكتى ماسەلەلەرگە مەڭزەس، بايقالعان زامان وڭاۋ؛ بەلگىلى تيپتىك سيپاتى، جالپىلىق سيپاتى بار ماسەلەلەرگە مەڭزەس، ارناۋلى وڭاۋدى جانە تازالاۋدى كۇشتى شوعىرلاندىرا ورىستەتىپ، نەگىزگى ساتىنى شىن مانىندە فورماشىلدىقتىڭ، تورەشىلدىكتىڭ بۇعاۋىنان قۇتىلدىرىپ، قالىڭ پارتيا مۇشەلەرىن، كادرلاردى دۇرىس ناتيجە كوزقاراسىن ورناتۋعا جەتەكتەۋ، جاۋاپكەرشىلىك ارقالاپ، ىسكەرلىك كورسەتىپ، اناعۇرلىم زور زەيىن ـ زەردەسىن تياناقتاندىرۋدى يگەرۋگە جۇمساۋعا جىگەرلەندىرۋ كەرەك.
