شينحۋا اگەنتتىگىنىڭ 7 ـ ايدىڭ 30 ـ كۇنى بەيجيڭنەن بەرگەن حابارى. 7 ـ ايدىڭ 30 ـ كۇنى مەملەكەت ٴتوراعاسى شي جينپيڭ نيكولاس مادۋرو موروسقا تەلەگرامما جولداپ، ونىڭ ۆەنەسۋەلا بوليۆار رەسپۋبليكاسىنىڭ زۇڭتۇڭى بولىپ تاعى دا سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: زۇڭتۇڭ مىرزا بيلىك جۇرگىزگەننەن بەرى، ۆەنەسۋەلا ۇكىمەتى مەن حالقىن باستاپ، ٴوز ەلىنىڭ مەملەكەت جاعدايىنا ۇيلەسەتىن دامۋ جولىمەن جۇرۋگە تاباندى بولىپ، مەملەكەت قۇرىلىسى ىستەرىندە كورنەكتى تابىستارعا قول جەتكىزدى. جۇڭگو مەن ۆەنەسۋەلا ٴبىر ـ بىرىنە سەنەتىن جاقسى دوستار، بىرگە داميتىن جاقسى سەرىكتەر. جۇڭگو جاق ۆەنەسۋەلا جاقتىڭ مەملەكەتتىڭ يەلىك ۇقىعىن، ۇلتتىڭ ار ـ نامىسىن، قوعام ورنىقتىلىعىن قورعاۋداعى قۇلشىنىسىن بۇرىنعىداي باتىل قولدايدى، ۆەنەسۋەلا جاقتىڭ سىرتتىڭ كيلىگۋىنە قارسى تۇرعان ادىلەتتى ٴىسىن باتىل قولدايدى. مەن جۇڭگو _ ۆەنەسۋەلا قارىم ـ قاتىناسىنىڭ دامۋىنا ايرىقشا ٴمان بەرەمىن، زۇڭتۇڭ مىرزامەن بىرگە قۇلشىنىپ، جۇڭگو مەن ۆەنەسۋەلانىڭ بارلىق جاعدايدا بىردەي ستراتەگيالىق سەرىكتەستىك قارىم ـ قاتىناسىنىڭ ۇزدىكسىز تىڭ ساتىعا كوتەرىلۋىنە ۇزدىكسىز جەتەكشىلىك ەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.
