شۇي جيانساي:
ٴوزى كىرىسىپ ناقتى ىستەپ، اۋەلگى ماقساتتى امالياتتا ايگىلەدى
□ انار بۇلت \ شينجياڭ گازەتىنىڭ ٴتىلشىسى ۋي يۇڭگۇي، ەرىكتى ٴتىلشى گو چىڭ
جاسىل اعاش، گۇل تەڭىزى، جانعا جايلى كۇن نۇرى. 7 ـ ايدىڭ 8 ـ كۇنى باعراش اۋدانى تابانجوكىن اۋىلى وۋاتى قىستاعىنا بارعانىمىزدا تەگىس تە ٴتۇزۋ اسفالت جولدار، سۋ سىڭبەيتىن توعانداعى سىلدىراپ اققان سۋ، اق قابىرعالى، سۇرعىلت توبەلى بەيقۇت ۇيلەر كوزىمىزگە شالىندى...
”قىستاعىمىزدا قازىرگىدەي زور وزگەرىستىڭ بولۋىن شۇي جيانساي شۋجيدىڭ قاجىرلى ەڭبەگىنەن بولە قاراۋعا بولمايدى“، ـ دەدى قىستاق تۇرعىندارى.
شۇي جيانساي 2018 ـ جىلى 5 ـ ايدا وۋاتى قىستاعى پارتيا ياچەيكاسىنىڭ شۋجيى بولىپ سايلانعاننان بەرى، ”سەركەلىك“ اسەرىن ساۋلەلەندىرىپ، القانى كۇشەيتىپ، كاسىپ سالاسىن گۇلدەندىرىپ، باسقارۋدى ساپالىلاندىرىپ، قىزۋ ىنتامەن ناقتى ىستەر ىستەپ، اۋىلداستاردى جوعارى باستامادا جوبالانعان، جوعارى ولشەممەن ورىن تۇراقتاندىرىلعان، جوعارى ساپامەن ىلگەرىلەتەتىن اۋىل ـ قىستاقتى گۇلدەندىرۋ جولىمەن جۇرۋگە باستادى.
نەگىزگى ساتى قامالىن كۇشەيتتى
نەگىزدىڭ جاقسى بولۋ ـ بولماۋىنىڭ تەتىگى كادرلاردا. قىستاق كادرلارىنىڭ ٴىس تىندىرىپ، ناتيجە جاراتۋ بەلسەندىلىگى جوعارى بولماۋ ماسەلەسىنە مەڭزەس، شۇي جيانساي قىستاقتا تۇراتىن قىزمەت اترەتىمەن اقىلداسىپ، پارتيا مۇشەلەرىن ٴنومىر جيناقتاپ باسقارۋدى جۇزەگە اسىرىپ، پارتيا مۇشەلەرىن سالاۋاتىن ايگىلەۋگە، وبراز ورناتۋعا، ۇلگى بولۋعا شابىتتاندىردى. ٴار ايدا ٴنومىر جيناۋدا الدا تۇرعان 3 پارتيا مۇشەسى مەن كادردى ماداقتاپ، سيلاپ، ٴۇرتىس 6 رەت الدا تۇرعاندارىن شينجياڭعا كومەكتەسەتىن ولكە، قالالارعا بارىپ قىزمەت تەكسەرىپ، ۇيرەنىپ، كوز اياسىن كەڭەيتۋگە الدىمەن سايكەستىرە ورنالاستىردى، بۇل پارتيا مۇشەلەرى مەن كادرلاردىڭ كومەسكى قابىلەتى مەن ٴىس ىستەۋ ىنتاسىن بارىنشا تاسقىنداتتى.
قىستاق كادرلارىنىڭ قابىلەتى مەن ساپاسىنىڭ تومەن بولۋ ماسەلەسىنە مەڭزەس، شۇي جيانساي مىناداي ۇسىنىس قويدى: ”1 + 1“ جۇپ قۇراۋ، كومەكتەسۋ، جەتەكتەۋ مەحانيزمىن ورناتىپ، قىستاقتا تۇراتىن قىزمەت اترەتىنىڭ مۇشەلەرى مەن قىستاق كادرلارى ”بىرگە ٴبىر“ بويىنشا ٴوزارا كومەكتەسىپ، جەتەكتەپ، دەڭگەيىن جوعارىلاتىپ، قىزمەتتە ٴادىس ـ امال ۇيرەتىپ، وي جەلىسىن جەتكىزىپ، ٴادىس ـ شارالاردى العا قويدى، پارتيا مۇشەلەرى مەن كادرلاردى قىزمەتىنەن ەسەپ بەرۋ بويىنشا باعالاۋ، ۋادەسىن امالياتتا ورىنداۋ، بۇقاراعا قىزمەت وتەۋ سياقتى نەگىزگى تاقىرىپتىق قيمىلداردى ۇدايىلاندىرا ورىستەتىپ، پارتيا مۇشەلەرى مەن كادرلاردىڭ كوللەكتيۆ تانىمىن، داڭق تانىمىن جانە جاۋاپكەرشىلىك ارقالاۋ تانىمىن كۇشەيتتى.
قىزمەت اترەتىنىڭ كومەكتەسۋى، جەتەكتەۋى ارقىلى قىستاق كادرلارى رۋحاني جاقتان سەرپىلىپ، قايراتى تاسقىنداپ، ەڭسەسى كوتەرىلدى. قىستاق پارتيا ياچەيكاسىنىڭ ۇيىمداستىرۋ مۇشەسى لاڭ سىمان قۋانا بىلاي دەدى: ”قازىر بۇقارانىڭ قىستاق كادرلارىن مويىنداۋ دەڭگەيى اناعۇرلىم جوعارىلادى، ٴبىزدىڭ دە ماڭدايىمىز جارىق بولدى“.
كوللەكتيۆ شارۋاشىلىقتى ۇلعايتتى
بۇرىنعى وۋاتى قىستاعىندا قىستاق تۇرعىندارىنىڭ كوبى ەگىن، مال شارۋاشىلىعىمەن شۇعىلداناتىن، كىرىستى ارتتىرۋ جولى جالاڭ، قىستاق كوللەكتيۆ شارۋاشىلىعىنىڭ دامۋى باياۋ ەدى.
”قايتكەندە اۋىلداستاردىڭ بەلسەندىلىگىن جۇمىلدىرىپ، ولاردى كوللەكتيۆ شارۋاشىلىقتى دامىتۋعا ات سالىسۋعا جەتەكتەۋگە بولادى؟“ بۇل جونىندە شۇي جيانساي باستان ـ اياق ويلانىپ كەلەدى.
2018 ـ جىلى 12 ـ ايدا وۋاتى قىستاعى جارنا ەكونوميكا سەلبەستىك كووپەراتيۆىن قۇرىپ، كوللەكتيۆ شارۋاشىلىقتى باسقارۋ ٴادىسى بويىنشا جارناگەرلەر ٴماجىلىسى، القالار كەڭەسى، باقىلاۋ القاسى سىندى ”ٴۇش ٴماجىلىس“ بويىنشا ٴبولىپ قۇرىلعان باسقارۋ ٴتۇزىلىسىن قۇردى.
وۋاتى قىستاعى ”ٴۇش مال ـ مۇلىكتى اداقتاۋدى“ تۇتقا ەتىپ، ”ٴتورتتى كەڭەسۋدى، ەكىنى جاريا ۇستاۋدى“ قاتاڭ تياناقتاندىرىپ، پارتيا مۇشەلەرى مەن كادرلاردى، بۇقارا ۋاكىلدەرىن پارتيا قۇرىلىسىن اقىلداسۋعا، قىستاق ىستەرىن اقىلداسۋعا، دامۋدى اقىلداسۋعا، كىرىستى ارتتىرۋدى اقىلداسۋعا ۇيىمداستىرىپ، كوللەكتيۆ مال ـ مۇلىكتى جانداندىردى.
”اۋىلدىق پارتكوم مەن قىستاقتا تۇراتىن قىزمەت اترەتىنىڭ قولداۋىندا، قىستاق ٴبىر ميلليون يۋاننان استام كوللەكتيۆكە تاۋەلدى مال ـ مۇلىكتى قايتارىپ الىپ، كوللەكتيۆ شارۋاشىلىقتى زورايتۋعا، جارناگەرلەردىڭ پايدا ٴبولىسۋىن جۇزەگە اسىرۋعا نەگىز قالادى“. وۋاتى قىستاعى تۇرعىندار كوميتەتىنىڭ ورىنباسار مەڭگەرۋشىسى تۇرعۇن توحتى بىلاي دەدى: قىستاق دارەجەلى جارنا ەكونوميكا سەلبەستىك كووپەراتيۆىن قۇرۋ ارقىلى وۋاتى قىستاعى دامۋداعى ولقىلىقتاردى تالقانداپ، كوللەكتيۆ جايلىم مەن قامىستى القاپتى سىرتقا كوتەرمەگە بەرۋ، جەم ـ ٴشوپ تولىقتاماسىن بەرۋ، ساۋىن سيىر باعۋ سياقتى نىساندار ارقىلى قىستاقتىڭ كوللەكتيۆ شارۋاشىلىق كىرىسىن 430 مىڭ يۋانعا جەتكىزدى.
قىستاق كوللەكتيۆ ەكونوميكاسىنىڭ ۇزدىكسىز دامىپ، زورايۋىنا ىلەسە، قىستاق تۇرعىندارىنىڭ يگىلىك مامىلەسى دە ۇزدىكسىز جوعارىلادى، ”20 مەتردەن ارتىق اۋلا تامىن جيناسا نەمەسە 100 كۆادىرات مەتردەن ارتىق قورا سالسا، قىستاق تۇرعىنى ۋاكىلدەرىنىڭ تەكسەرىپ وتكىزىپ الۋىندا تولىمدى بولعاننان كەيىن ٴاربىر قۇرىلىس ٴۇشىن 3000 يۋان كومەك اقشا بەرىلدى؛ جوعارى مەكتەپكە وتكەن ٴاربىر وقۋشىعا 2000 يۋان كومەك اقشا بەرىلدى؛ قىستاق تۇرعىندارىنىڭ زەينەتكەرلىك قامسىزداندىرۋىن ٴبىر تۇتاس جوسپارلاۋ بويىنشا تولەنەتىن قارجىسىن تۇگەلدەي قىستاق كوللەكتيۆى تولەدى...“ يگىلىكتەنگەن پايدا جونىندە سويلەگەن قىستاق تۇرعىنى حۋ جيجيان بارىنە قانىق ەكەن.
اۋىل ـ قىستاقتى وڭاۋدى مىقتى يگەردى
تاڭ سارىدە وۋاتى قىستاعىنا كۇننىڭ تۇڭعىش ساۋلەسى تۇسكەن كەزدە، تاماشا ٴان ”باعراش كولى مەنىڭ مەكەنىم“ ۇلكەن لابادان تارالىپ، تىنىشتىقتاعى قىستاقتى وياتتى. قىستاق تۇرعىندارىنىڭ اۋلا ەسىگى ارت ـ ارتىنان اشىلىپ، كوپشىلىك قولدارىنا سىبىرتكى، شەلەك الىپ، ۋادەلەسىپ قويعانداي اۋلادان شىعىپ، جولدى تازالاي باستادى.
بىرنەشە جىلدان بەرى وۋاتى قىستاعىنىڭ ”ەكى كوميتەتى“ قىستاقتا تۇراتىن قىزمەت اترەتىمەن بىرگە قىستاق تۇرعىندارىن قىستاقتىڭ بەت ـ بەينەسىن جاقسارتۋعا ۇزدىكسىز باستاپ، اۋلانى تازارتۋ، قورشاعان ورتانى كورىكتەندىرۋ ينجەنەرياسىن اتقارىپ، ٴار اپتانىڭ جۇما كۇنىن ورتا تازالىعى كۇنى ەتىپ بەلگىلەپ، كادرلار اۋماقتارعا ٴبولىپ كوتەرمەگە الۋ، پارتيا مۇشەلەرى بولىكتەرگە ٴبولىپ كوتەرمەگە الۋ، شارۋا وتباسىلارى ٴۇيىنىڭ الدى ـ ارتىن تازالاۋعا جاۋاپتى بولۋ ارقىلى گرۋپپالار ٴبىرىن ـ ٴبىرى باعالاپ، قىستاق تۇرعىندارى ٴبىرىن ـ ٴبىرى باقىلاپ، قىستاق تۇرعىندارىنىڭ ورتا تازالىعىن وڭاۋعا قاتىناسۋ بەلسەندىلىگى مەن ىرىقتىلىعىن بارىنشا جۇمىلدىردى.
پارتيا قۇرىلىسى ارقىلى اۋىل ـ قىستاقتى وڭاۋعا جەتەكشىلىك ەتۋدە ورىن تەپكەن كورنەكتى ماسەلەلەردى ٴونىمدى شەشۋ ٴۇشىن، شۇي جيانساي ”انار ٴدانى قىزمەت وتەۋ پۋنكتى“ اۋىل ـ قىستاق وركەنيەتى جونىنەن ٴنومىر جيناۋ ەرەن بازارىنا سۇيەنىپ، ”پارتيا قۇرىلىسى ارقىلى جەتەكشىلىك ەتۋ، قوعام قولداۋ، بۇقارا ات سالىسۋ، ٴنومىر جيناۋ ۇيلەسىمدى بولۋ، سيلاۋ مەن جازالاۋدى ۇشتاستىرۋ“ سىندى اۋىل ـ قىستاق وركەنيەت امالياتىنىڭ ٴنومىر جيناۋ ٴتۇزىمىن ۇزدىكسىز ىلگەرىلەتىپ، دۇرىس باعىتتا ىنتالاندىرۋدى كۇشەيتىپ، قىستاق تۇرعىندارىنىڭ سانالى تۇردە بىرگە قۇرۋ، بىرگە وڭاۋ، بىرگە يگىلىكتەنۋ ىنتاسى مەن قوزعاۋشى كۇشىن قاۋلاتىپ، ”شاعىن ٴنومىر جيناۋ“ ارقىلى اۋىل ـ قىستاقتى وڭاۋدىڭ ”كەلەلى جاعدايىن“ جەبەدى.
قازىر وۋاتى قىستاعى ٴار توقساندا ٴبىر رەت وركەنيەتتى وتباسى، كورىكتى اۋلا، جاقسى ەنە، جاقسى كەلىن سياقتىلاردى باعالاۋ، ماداقتاۋ قيمىلىن ۇيىمداستىرىپ ورىستەتىپ، تيپتىك ۇلگى اسەرى ارقىلى قىستاق تۇرعىندارىن العا باسۋعا، ىزگىلىككە تالپىنۋعا، قارتتارعا وپالى بولۋعا، تۋىس ـ تۋعاندارىن ايالاۋعا، وتباسىن ۇقىپتىلىقپەن، ۇنەمشىلدىكپەن باسقارۋعا جەتەكتەپ، بىرتىندەپ وزگەرتۋ بارىسىندا قىستاق تۇرعىندارىنىڭ جان دۇنيەسىن سۇلۋلاندىرىپ، رۋحىن سەرپىلىتتى.
نەگىزگى ساتىنى قانشالىقتى كوپ ارالاساڭ، جۇرەككە سونشالىقتى شىنايى سۇيىسپەنشىلىك ۇيالايدى. ”ۇيىمنىڭ سەنىمى مەن بۇقارانىڭ مويىنداۋى مەنىڭ ەڭ ۇلكەن قوزعاۋشى كۇشىم. وۋاتى قىستاعىنىڭ دامۋى، اۋىلداستاردىڭ ٴتىپتى دە جاقسى تۇرمىس كەشىرۋى ٴۇشىن ۇزدىكسىز قۇلشىنا كۇرەسەمىن“، ـ دەدى شۇي جيانساي.
