اۋىل شارۋاشىلىعىنىڭ وسىزاماندانعان دامۋىن ونان ارى ىلگەرىلەتىپ، ەگىس اتىزدارىنىڭ ساپاسى مەن ٴوندىرىس قۋاتىن جوعارىلاتۋ ٴۇشىن، كەزەكتە جەمسارى اۋدانى سانتاي قالاشىعىنىڭ جوعارى ولشەمدى ەگىنجاي قۇرىلىسىنىڭ 2 ـ توپتاعى نىسانىنا جەدەل دايىندىق جاسالۋدا، جوسپار بويىنشا 7 ـ ايدىڭ سوڭىندا رەسمي جۇمىس باستالادى.
2 ـ توپتاعى جوعارى ولشەمدى ەگىنجاي قۇرىلىسى نىساندارىنىڭ ٴساتتى جۇمىس باستاۋىنا شىنايى كەپىلدىك ەتۋ ٴۇشىن، جەمسارى اۋدانى سانتاي قالاشىعى اۋىل شارۋاشىلىعى كەڭسەسى بەلسەنە ارەكەتتەنىپ، ٴار جاقپەن بايلانىس جاساۋدى، سايكەسۋدى كۇشەيتىپ، سابان تاسۋ، تامشىلاتىپ سۋارۋ تاسپاسىن جيناپ الۋ سياقتى الدىڭعى مەرزىمدىك قىزمەتتەردى بار كۇشپەن ىلگەرىلەتتى.
جوعارى ولشەمدى ەگىنجاي قۇرىلىسى — ”استىق وندىرىسىندە جەرگە سۇيەنۋ، استىق وندىرىسىندە تەحنيكاعا سۇيەنۋ“ ستراتەگياسىن تياناقتاندىرۋداعى ماڭىزدى شارا، اۋىل شارۋاشىلىعىنىڭ جالپىلىق ٴوندىرىس قۋاتىن جوعارىلاتۋدا، مەملەكەتتىڭ استىق حاۋىپسىزدىگىن قامتاماسىز ەتۋدە ماڭىزدى مانگە يە. جەمسارى اۋدانى سانتاي قالاشىعىنىڭ جوعارى ولشەمدى ەگىنجاي قۇرىلىسى نىسانىنىڭ اتقارىلۋى مەن ۇزدىكسىز ىلگەرىلەتىلۋى جەرگىلىكتى ورىننىڭ اۋىل شارۋاشىلىعىنىڭ دامۋىنا جاڭا وراي جانە ومىرشەڭدىك كۇش الا كەلىپ، اۋىل ـ قىستاقتى گۇلدەندىرۋ ستراتەگياسىنىڭ ىشكەرىلەي اتقارىلۋىن ىلگەرىلەتىپ، شارۋالاردىڭ كىرىسىن ارتتىرىپ، اۋقاتتانۋىنا دەم بەرەدى.
ۇعىسۋعا قاراعاندا، بيىل سانتاي قالاشىعى 60 مىڭ مۋلىق جوعارى ولشەمدى ەگىنجاي قۇرۋدى جوسپارلاعان، جۇمىس باستاعالى تۇرعان 2 ـ توپتاعى نىسان كولەمى 9000 مۋعا جەتىپ، سانتاي قالاشىعى ياڭجۋانتايزى قىستاعى، باجيادي قىستاعى، دۇڭدي قىستاعى، لاۋجۋاڭۋان قىستاعى سياقتى جەرلەردى كولەمىنە قامتيدى ەكەن. وسىدان بۇرىن 1 ـ توپتاعى 20 مىڭ مۋدان استام جوعارى ولشەمدى ەگىنجاي قۇرىلىسى نىسانى كوكتەمگى ەگىستەن بۇرىن قۇرىلىس جۇرگىزگەن بولاتىن، 3 ـ توپتاعى نىسان كۇزگى جيىن ـ تەرىننەن كەيىن جۇرگىزىلەدى دەپ جوسپارلانۋدا.
جەمسارى اۋدانى سانتاي قالاشىعىنىڭ ورىنباسار باستىعى چياۋ چاڭشۇي بىلاي دەدى: ”ٴبىز جوعارى ولشەمدى ەگىنجاي قۇرىلىسىنىڭ تالابى مەن ولشەمى بويىنشا، نىساننىڭ اياق الىسىن جەدەلدەتىپ، ينجەنەريا ساپاسىنا شىنايى كەپىلدىك ەتىپ، قۇرىلىستى ەرتەرەك اياقتاتۋعا كۇش سالىپ، ەگىنجايدىڭ تىڭ ومىرشەڭدىك كۇشىن قاۋلاتىپ، اۋىل شارۋاشىلىعى ٴونىمىنىڭ ارتۋىنا، شارۋالاردىڭ كىرىسىن ارتتىرۋعا بەرىك نەگىز قالايمىز“.
(جەمسارى اۋداندىق توعىسپالى مەديا ورتالىعىنىڭ ءتىلشىسى: ءدىلنۇر جۇرات، ەرىكتى ءتىلشى: چىن جيە)
