شي جينپيڭ ورتالىق پەن مەملەكەت ورگاندارىنىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋى، دايەكتىلەندىرۋى، ورگان پارتيا قۇرىلىسىنىڭ جوعارى ساپالى دامۋىن ىلگەرىلەتۋى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
جالپى ٴماجىلىس رۋحىن ۇيرەنۋدە، ۇگىتتەۋدە، دايەكتىلەندىرۋدە جاقسى باستاماشى بولىپ، ورگان پارتيا قۇرىلىسى ساپاسىن جاپپاي جوعارىلاتىپ، ۇلگىلى ورگان قۇرۋ كەرەك
ساي چي اڭگىمە ماجىلىسىنە قاتىناستى ٴارى ٴسوز سويلەدى
شينحۋا اگەنتتىگىنىڭ 7 ـ ايدىڭ 31 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جۋىقتا ورتالىق پەن مەملەكەت ورگاندارىنىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋى، دايەكتىلەندىرۋى، ورگان پارتيا قۇرىلىسىنىڭ جوعارى ساپالى دامۋىن ىلگەرىلەتۋى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ويداعىداي ۇيرەنۋ، ويداعىداي دايەكتىلەندىرۋ _ كەزەكتەگى جانە بۇدان بىلايعى ٴبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى، ورتالىق پەن مەملەكەت ورگاندارى _ پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ”ەڭ العاشقى ٴبىر كيلومەترى“، جالپى ٴماجىلىس رۋحىن ۇيرەنۋدە، ۇگىتتەۋدە، دايەكتىلەندىرۋدە جاقسى باستاماشى بولۋى كەرەك.
شي جينپيڭ بىلاي دەپ باسا دارىپتەدى: جاڭا داۋىردەگى جاڭا جورىقتا پارتيانىڭ جالپى بەتتىك باسشىلىعىنا جانە پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولىپ جانە ونى كۇشەيتىپ، رەفورمانى ونان ارى جاپپاي تەرەڭدەتۋدىڭ نەگىزگى تاقىرىبىن، كەلەلى پرينسيپتەرىن، كەلەلى شارالارىن، ٴتۇبىرلى كەپىلىن تەرەڭ ٴتۇسىنىپ جانە يگەرىپ، رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدە الدا ٴجۇرۋ، ۇلگى كورسەتۋ كەرەك. پارتيا ورتالىق كوميتەتىنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىنە ـ ٴوزى توڭكەرىس جاساۋى جونىندەگى ماڭىزدى يدەياسىن ىشكەرىلەي دايەكتىلەندىرىپ، ورتالىق پەن مەملەكەت ورگاندارىنىڭ پارتيا قۇرىلىسى قىزمەتى ٴماجىلىسىنىڭ رۋحىن دايەكتىلەندىرۋدىڭ، تياناقتاندىرۋدىڭ امالياتتىق تاجىريبەلەرىن قورىتىندىلاپ، ويداعىداي پايدالانىپ، پارتيا قۇرىلىسى ٴتۇزىمى رەفورماسىن تەرەڭدەتىپ، ”ەكىنى قورعاۋدى“ باستاماشىلدىقپەن ورىنداۋ، نازاريامەن قارۋلانۋدى باستاماشىلدىقپەن تەرەڭدەتىپ، نەگىزگى ساتىنىڭ نەگىزىن باستاماشىلدىقپەن بەكەمدەپ، باستاماشىلدىقپەن ستيلدى دۇرىستاپ، ٴتارتىپتى قاتايتىپ، شىرىكتەسۋگە قارسى تۇرىپ، ورگان پارتيا قۇرىلىسىنىڭ ساپاسىن جاپپاي جوعارىلاتىپ، ٴبىرىنشى شارشى توپتا ويداعىداي ٴجۇرىپ، ”ۇشتە ۇلگى“ بولىپ، ۇلگىلى ورگان قۇرۋ كەرەك. ورتالىق پەن مەملەكەت ورگاندارى قىزمەت كوميتەتى اناعۇرلىم ويداعىداي مىندەت اتقارىپ، جاۋاپكەرشىلىكتى ادا ەتىپ، تۋراشىلدىقتان اينىماي جاڭالىق اشىپ، تياناقتاندىرۋدى مىقتى يگەرىپ، جوعارى ساپالى پارتيا قۇرىلىسى ارقىلى جوعارى ساپالى دامۋدى جەبەۋ بارىسىندا تىڭ جاۋاپكەرشىلىك ارقالاۋدى، تىڭ ىسكەرلىك كورسەتۋدى ايگىلەۋى كەرەك.
ورتالىق پەن مەملەكەت ورگاندارىنىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ، ورگان پارتيا قۇرىلىسىنىڭ جوعارى ساپالى دامۋىن ىلگەرىلەتۋ جونىندەگى اڭگىمە ٴماجىلىسى 7 ـ ايدىڭ 31 ـ كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق پەن مەملەكەت ورگاندارى قىزمەت كوميتەتىنىڭ شۋجيى ساي چي ماجىلىسكە قاتىناسىپ، شي جينپيڭنىڭ ماڭىزدى نۇسقاۋىن جەتكىزدى ٴارى ٴسوز سويلەدى.
ساي چي بىلاي دەپ اتاپ كورسەتتى: ورتالىق پەن مەملەكەت ورگاندارى ساياسي دەڭگەيدى جوعارىلاتىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جانە باس شۋجي شي جينپيڭنىڭ ماڭىزدى نۇسقاۋىنىڭ رۋحىن ٴبىر تۇلعالى ويداعىداي ۇيرەنىپ، دايەكتىلەندىرىپ، ٴۇشىنشى جالپى ٴماجىلىستىڭ كەلەلى ٴمانىن تەرەڭ تانىپ، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ٴبىر قىدىرۋ جاڭا يدەيالارىن، جاڭا كوزقاراستارىن، جاڭا تۇجىرىمدارىن تەرەڭ ٴتۇسىنىپ، ٴۇشىنشى جالپى ٴماجىلىس «قاۋلىسىنىڭ» باي مازمۇنىن تەرەڭ يگەرىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرۋى كەرەك. بورىش پەن مىندەتتى امالياتتا ايگىلەپ، ساياسي بەتالىستى مىقتى يگەرىپ، نەگىزگى تۇلعالىق جاۋاپكەرشىلىكتى كۇشەيتىپ، رەفورمانى تياناقتاندىرۋدى مىقتى يگەرىپ، عىلمي ادىسكە تاباندى بولىپ، ٴار دارەجەلى پارتيا ۇيىمدارى مەن پارتيا مۇشەلەرىنىڭ، كادرلاردىڭ رەفورمانى يگەرۋ، دامۋدى جەبەۋ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، كۇشتى جاۋاپكەرشىلىكپەن ٴۇشىنشى جالپى ٴماجىلىس رۋحىن ويداعىداي دايەكتىلەندىرۋ، تياناقتاندىرۋ كەرەك.
ساي چي جۋىق جىلداردان بەرى تاراۋلاردىڭ باس شۋجي شي جينپيڭنىڭ ورگان پارتيا قۇرىلىسى جونىندەگى ماڭىزدى ٴسوزى مەن ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرۋ ٴادىسى مەن ونىمدىلىگىن تولىق تۇراقتاندىرىپ، بىلاي دەپ باسا دارىپتەدى: ورتالىق پەن مەملەكەت ورگاندارىنداعى ٴار دارەجەلى پارتيا ۇيىمى مەن قالىڭ پارتيا مۇشەسى، كادرلار ساياسي ادالدىقتى كۇشەيتىپ، ساياسي قابىلەتتى جوعارىلاتىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ۇزدىكسىز ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ امالياتتا ايگىلەۋدىڭ ٴبىرىنشى شارشى توبىندا ويداعىداي ٴجۇرۋى كەرەك. قىزمەت جاۋاپكەرشىلىگىن تۇراقتاندىرۋمەن تىعىز بايلانىستىرىپ، نازاريامەن قارۋلانۋدى تەرەڭدەتىپ، ۇيرەنۋ ارقىلى رۋحتى سومداۋدىڭ، ۇيرەنۋ ارقىلى اقىل ـ پاراساتتى ارتتىرۋدىڭ، ۇيرەنۋ ارقىلى ستيلدى دۇرىستاۋدىڭ، ۇيرەنۋ ارقىلى ىستەۋدى جەبەۋدىڭ باياندى مەحانيزمىن اقاۋسىزداندىرىپ، جاس كادرلاردى تاربيەلەۋدى، جەتەكتەۋدى كۇشەيتۋ؛ ولقىلىقتاردى تولىقتاۋ، ٴالسىز بۋىنداردى كۇشەيتۋ مەن ساپانى جوعارىلاتۋدى، فۋنكتسيانى كۇشەيتۋدى قاتار جۇرگىزۋگە تاباندى بولىپ، نەگىزگى ساتىنىڭ نەگىزىن بەكەمدەۋ؛ ۇزدىكسىز تۇردە ستيلدى دۇرىستاپ، ٴتارتىپتى قاتايتىپ، شىرىكتەسۋگە قارسى تۇرىپ، فورماشىلدىقتان، تورەشىلدىكتەن ساقتانۋ جانە ونى وڭاۋ ٴتۇزىم مەحانيزمىن اقاۋسىزداندىرىپ، ۇدايىلىق پەن ورتالىقتاندىرۋ ۇشتاستىرىلعان ٴتارتىپ تاربيەسى مەحانيزمىن ورناتۋ؛ ورگان پارتيا قۇرىلىسى جاۋاپكەرشىلىگىن قاتاڭ تياناقتاندىرىپ، ٴتۇزىمنىڭ قاتاڭ تەجەمىن اناعۇرلىم كۇشەيتىپ، پارتيا قۇرىلىسى ٴتۇزىم رەفورماسىن تەرەڭدەتۋ ارقىلى ورگان پارتيا قۇرىلىسىنىڭ جوعارى ساپالى دامۋىن ىلگەرىلەتىپ، رەفورمانى ونان ارى جاپپاي تەرەڭدەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە پارمەندى كەپىلدىك ازىرلەۋ كەرەك.
ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى ورگانىنداعى، ورتالىق كوميتەت سىرتپەن بايلانىس جاساۋ بولىمىندەگى، مەملەكەتتىك باس جۇمىسشى ۇيىمىنداعى، مەملەكەتتىك دامۋ جانە رەفورما كوميتەتىندەگى، عىلىم ـ تەحنيكا مينيسترلىگىندەگى، مەملەكەتتىك كەڭەس كەڭسەسىندەگى جاۋاپتى جولداستار پىكىر اۋىستىرىپ ٴسوز سويلەدى.
جياڭ شينجى ماجىلىسكە قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنىڭ پارتيا باسشىلىق گرۋپپالارىنىڭ (پارتكوم) شۋجيلەرى، ورتالىق پەن مەملەكەت ورگاندارىنداعى تاراۋلاردىڭ ورگان پارتكوم شۋجيلەرى، ۇنەمىلىك ىستەرگە جاۋاپتى ورىنباسار شۋجيلەرى، ورتالىق پەن مەملەكەت ورگاندارى قىزمەت كوميتەتىندەگى جاۋاپتى جولداستار، ت.ب ماجىلىسكە قاتىناستى.
