قۇربان ٴيسىلام:
جاقسى ”پاراۆوز“ بولىپ، بايۋ جولىنا باستادى
□ انار بۇلت \ شينجياڭ گازەتىنىڭ ٴتىلشىسى جاڭ جىلي، ەرىكتى ٴتىلشى دىڭ ليجۋان
”وسى بىرنەشە جىلدا قىستاقتا جىل سايىن وزگەرىس تۋىلدى، ۇيىمىزگە توك پار ورناتتىق، قورشاعان ورتا دا بارعان سايىن جاقسارىپ كەلەدى، كوپشىلىكتىڭ بارلىعى تۇرمىسىمىز بارعان سايىن ۇمىتكە تولى بولدى دەستى.“ 7 ـ ايدىڭ 8 ـ كۇنى توقسۋ اۋدانى بەيسەنبى بازار قالاشىعى اراٴمالى قىستاعىنىڭ تۇرعىنى ابىلا مامۇت جۇمىس ىستەپ اۋىلىنا ورالعان دوسىنا كەزىگىپ، اڭگىمەلەسكەندە تۇرمىسىنداعى وزگەرىستەردى تىلگە تيەك ەتتى.
اراٴمالى قىستاعىنىڭ وزگەرىسىن ٴبىر ادامنان جانە ٴبىر ۇجىمنان بولە قاراۋعا بولمايدى. 2019 ـ جىلى قۇربان ٴيسىلام قىستاق پارتيا ياچەيكاسىنىڭ شۋجيى بولىپ سايلانعاننان كەيىن، اقسۋ ايماقتىق مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىنىڭ قىستاقتا تۇراتىن قىزمەت اترەتىنىڭ كومەگىندە پارتيا قۇرىلىسى جەتەكشىلىگىنە تاباندى بولىپ، جۇيەلىلەنگەن باۋلۋ ارقىلى قورعاندى بەكەمدەۋ، ٴبىر تۇلعالاندىرا ىلگەرىلەتىپ كىرىستى ارتتىرۋعا كومەكتەسۋ، توعىسپالى دامىپ ورتانى ساپالىلاندىرۋ جاقتارىندا ۇزدىكسىز كۇش سالىپ، ەڭ ۇتىمدى قىزمەت ٴادىسىن بىرتىندەپ تاۋىپ، ”پاراۆوزداي“ قىستاق تۇرعىندارىن بايۋعا باستادى.
”جاقسى القا“ قۇردى
”توقسۋ اۋدانى نيۋدودو مال شارۋاشىلىعى شارۋالار كاسىپتىك سەلبەستىك كووپەراتيۆىنىڭ باعىمشىلىق شاعىن اۋماعىنىڭ ماڭى لاس، بىلىققان، ناشار بولعاندىقتان، تۇرعىندار ۇنەمى ارىز ايتا كەلەتىن، مەن كوپ رەت بارعانىممەن، ماسەلەنى شەشىپ بەرە المادىم، ٴسىز ماعان جول كورسەتسەڭىز“. بيىل 5 ـ ايدا قىستاق پارتيا ياچەيكا شۋجيى كەڭسەسىندە قىستاقتىڭ زاپاس كادرى ايجامال اسەن قىزمەت بارىسىندا جولىققان ماسەلەسىن ايتىپ، اۋىر كۇرسىندى.
”ٴبىز بىرىككەن ٴماجىلىس اشىپ، قاراستى اۋماقتاعى بايلىقتى جانداندىرۋ ارقىلى بۇقاراعا قىزمەت وتەۋىمىزگە بولادى“... ـ دەدى قۇربان.
كەڭسەدەن شىققان سوڭ ايجامال باعىمشىلىق شاعىن اۋماعىنىڭ جاۋاپتىسىنا حابارلاسىپ، بىرىككەن ٴماجىلىس اشىپ كوپ رەت اقىلداسۋ ارقىلى باعىمشىلىق شاعىن اۋماعىنا ەكى قوقىر ـ قوقسىقتى تۇرگە ٴبولۋ ٴۇيىن ورناتتى ٴارى وركەنيەت بويىنشا ٴنومىر جيناۋ تۇزىمىنە بىرلەستىرىپ وركەنيەتكە جات ارەكەتتەردى تەكسەرۋ، اشكەرەلەۋ سيلىعىن شىعاردى. بۇل شارا قىستاق تۇرعىندارىنىڭ ورتا تازالىعىن قورعاۋ بەلسەندىلىگىن بارىنشا قوزعادى.
”قۇربان شۋجي قىستاقتاعى جاس كادرلارعا كومەكتەسىپ ۇيرەنۋ جوسپارىن جاساپ، ەسەيۋ تىزىمدىگىن شىعارىپ، بىزگە قولما ـ قول تاجىريبە، ٴادىس ۇيرەتتى. ونىڭ كومەگىندە قىزمەتىمىزدە كوپ ىستەر ساتىنە باستى“، ـ دەدى ايجامال.
اراٴمالى قىستاعىندا 6 زاپاس كادر بار، قۇربان مەن قىستاقتا تۇراتىن قىزمەت اترەتىنىڭ جەتەكشىلىگىندە، قىستاق ”ەكى كوميتەتى“ كادرلاردى ”تاڭداۋ، باۋلۋ، كومەكتەسۋ ـ جەتەكتەۋ، ىستەتۋ، باسقارۋ“ تۇتاس تىزبەك قىزمەت مەحانيزمىن ۇسىندى. قازىر 4 زاپاس كادر قىستاق كادرلار قوسىنىنا قوسىلدى.
”جاقسى جول“ ىزدەدى
”سەمينتال سيىرىن باعىپ، مۇزداتىلعان ۇرىقپەن تۇقىمدى اسىلداندىرۋ تەحنيكاسى ارقىلى ۇرىقتانۋ سالىستىرماسىن %90كە جوعارىلاتتىق، 200 كۇندە بۇزاۋلايدى، ٴبىر جىلدا قاتارعا قوسىلادى“... باعىمشىلىق شاعىن اۋماعىندا قىستاق تۇرعىنى ادىل توحتى ەكسكۋرسيالاۋعا كەلگەن قىستاق تۇرعىندارىنا سويىس سيىر باعىمشىلىعى جاعدايىن تانىستىردى.
ٴاسىلى ادىل وتباسىنداعى 5 جاندا 3 مۋ جەر، 4 سيىر عانا بار بولاتىن، وتباسى كىرىسى جالاڭ ەدى. تاياۋ جىلداردان بەرى قىستاق پارتيا ياچەيكاسىنىڭ سايكەستىرۋىمەن ونىڭ وتباسى اقشا تابۋ، سيىر ساتىپ الۋ، اماناتتاپ باقتىرۋ ٴتاسىلى ارقىلى باعىمشىلىق شاعىن اۋماعىمەن اماناتتاپ باقتىرۋ كەلىسىمىنە جانە جۇمىستانۋ توقتامىنا قول قويىسىپ، جالپى 34 سويىس سيىر باعىپ، ٴار جىلى كەمىندە 30 مىڭ يۋان پايدا ٴبولىسىن الىپ، تۇرمىسى بارعان سايىن باردام بولا ٴتۇستى.
اراٴمالى قىستاعى قالا ماڭىنداعى قىستاق، شارۋالاردىڭ جان باسىنا ورتا ەسەپپەن 1.3 مۋ ەگىستىك جەر تۋرا كەلەدى، ٴداستۇرلى ەگىمشىلىك كاسىبى ارقىلى جوعارى قارجى قوسۋدى، جوعارى ٴونىم الۋدى جۇزەگە اسىرۋى توتەنشە قيىن. سيىر شارۋاشىلىعى توقسۋ اۋدانىنىڭ نەگىزگى كاسىپ سالالارىنىڭ ٴبىرى، قۇربان قىستاق ”ەكى كوميتەتىمەن“، قىستاقتا تۇراتىن قىزمەت اترەتىمەن اقىلداسىپ، كاسىپ سالاسى ارقىلى جۇمىستانۋدى جەبەۋدى دامۋ بەتالىسى ەتىپ، ”قىستاق كوللەكتيۆى + سەلبەستىك كووپەراتيۆى + شارۋالار“ سيىر بورداقىلاۋ بويىنشا بىرىگىپ دامۋ، بايۋ جوسپارىن اتقارىپ، مال شارۋاشىلىعى باعىمشىلىق نىسان قارجىسىنان 975 مىڭ يۋانعا بەلسەندىلىكپەن قول جەتكىزىپ، 75 سەمينتال سيىر ساتىپ الىپ بورداقىلاپ، باعىمشىلىق شاعىن اۋماعىن سۇيەمەلدەپ، بىتىراندى باعىمشىلىقپەن شۇعىلداناتىن 24 وتباسىن اماناتتاپ باقتىرۋ ارقىلى پايدا ٴبولىسۋ، مال ـ مۇلىك قوسۋ، جارنا قوسۋ سياقتى تاسىلدەر ارقىلى بىرىگىپ دامۋعا اتتانىسقا كەلتىردى، سونىمەن بىرگە اۋدان، اۋىل ەكى دارەجەلى مال شارۋاشىلىق تەحنيكتەرىن مەرزىمدى ۋاقىتتا اسىل تۇقىم جەتىلدىرۋ، جەم ـ ٴشوپ دايىنداۋ سياقتى تەحنيكا تۇيىندەرىنە جەتەكشىلىك ەتۋگە ۇسىنىس ەتىپ، 2782 سيىردى قورادا باقتى.
”سيىر اماناتتاپ باعىلادى، ەڭبەككۇش تە ازات بولدى، ٴبىز اۋداندىق جۇمىستاندىرۋعا قىزمەت وتەۋ ورتالىعىنىڭ، ماڭايداعى كاسىپورىنداردىڭ 130دان استام ساپالى جۇمىس ورنى بايلىعىنا بەلسەندىلىكپەن قول جەتكىزىپ، قىستاقتا قامداۋ، قاجەتسىنۋ تۇعىرىن ورناتۋ ارقىلى ساياساتتى ۇگىتتەۋ، ارناۋلى ورىندا قىزمەتكەر قابىلداۋ، وتباسىلارىنا بارىپ جۇمىس ورنىن تانىستىرۋ سياقتى جەلىلەس قيمىلدار ارقىلى دالمە ـ ٴدال قىزمەت وتەدىك، قازىر تۇتاس قىستاقتا 9 رەت ٴتۇرلى قىزمەتكەر قابىلداۋ جينالىسىن اشىپ، جۇمىس ىزدەگەن 64 بۇقارا ”ەسىك الدىندا“ ورنىقتى جۇمىستاندى“، ـ دەپ تانىستىردى قۇربان.
”جاقسى ۇلگى“ ورناتتى
”ەستۋگە قاراعاندا، اراٴمالى قىستاعىنداعى روزا گۇلى باعى شارۋالار شاتتىعى ساياجايى اۆتونوميالى رايون دارەجەلى 3 جۇلدىزدى شارۋالار شاتتىعى ساياجايى بولىپ باعالانىپتى، ٴبىز ادەيى ارالاپ كورۋگە كەلدىك“، ـ دەدى 6 ـ ايدىڭ 21 ـ كۇنى ساياحاتشى ايگۇل عوپۇر.
ساياحات تۇتىنۋىن جانداندىرىپ، قونىس ورتاسىن وڭاۋ جەتىستىكتەرىن ۇزدىكسىز تەرەڭدەتۋ ٴۇشىن، قۇربان سەيىل قۇرۋ، اۋىل شارۋاشىلىعى، ساياحات توعىسپالى دامۋ جاڭا ۇلگىسىن بەلسەندىلىكپەن جولعا قويىپ، ”ٴبىر قىستاقتا ٴبىر ەرەكشەلىك بولۋمەن“ ۇشتاستىرىپ، 5 پارتيا مۇشەسىن، سونداي ـ اق بايۋعا باستاۋشىلاردى الدىمەن سىناپ، الدىمەن اتقارۋعا شابىتتاندىرىپ، جەرگىلىكتى جاعدايعا قاراي سەيىل تۇسەلحاناسى، جەمىس ـ جيدەك، كوكونىس ٴۇزۋ باقشاسى سياقتى اۋىل ـ قىستاق ساياحات كاسىپ سالاسىنان 4 ورىندى جوسپارلادى، تۇلعالادى. اۋلانى جوسپارلاۋمەن، تۇلعالاۋمەن ۇشتاستىرىپ، سول جەردىڭ وزىنەن ماتەريال الۋ، كونە زاتتاردان پايدالانۋ، سول جەردىڭ وزىنەن كورىنىس الۋ ٴتاسىلىن قولدانىپ، ەگىن ەگۋدى سەزىنۋ، جاسىل وسىمدىكتەردى تاماشالاۋ، قىزىقتى ەگىس جاتتىعۋى، سەيىلدەي ٴجۇرىپ جەمىس ـ جيدەك، كوكونىس ٴۇزۋ سياقتى 7 ٴتۇرلى ەگىس جۇمىستارىن سەزىنۋ اۋماعىن دەن قويا جوسپارلاپ، قونىس ورتاسىنىڭ ساپاسىن ٴوسىرىپ، دارەجەسىن جوعارىلاتۋدى جەبەدى.
قازىر اراٴمالى قىستاعى كوشە بويىنداعى ساۋدا دۇكەنى، جەمىس ـ جيدەك، كوكونىس ٴۇزۋ باقشاسى، شارۋالار شاتتىعى ساياجايى سياقتى 152 ناقتى شارۋاشىلىق تۇلعاسىن اشىپ، 124 وتباسىنىڭ اۋلا ورتاسىن ساپالىلاندىرىپ، 634 بۇقارانى جاقىن ماڭدا شارۋاشىلىق قۇرۋعا، جۇمىستانۋعا باستادى.
قۇربان مەن قىستاقتا تۇراتىن قىزمەت اترەتى ۇكىمەت قۇرىلىسى نىسانىنا قول جەتكىزۋ، ٴوزى قارجى قۇراۋ سياقتى تاسىلدەر ارقىلى 500 مىڭ يۋان قارجى قوسىپ، ٴبىر ٴبولىم بوس تۇرعان جەرلەردە ”ٴتورت شاعىن باقشا كورىنىسىن“ تۇلعالاپ، جاڭادان سۋمەن شايىلاتىن الەۋمەتتىك دارەتحانا جانە مونشا سالىپ، قاراستى اۋماقتاعى توپىراق جولدى قاتتىلاندىرىپ، جول شامىن ورناتىپ، ورمان بەلدەۋىن، گۇل بەلدەۋىن جوسپارلاپ، 417 وتباسىنىڭ توك پار جابدىعىن پايدالانۋىنا كومەكتەسىپ، بۇقارانىڭ قاراستى اۋماقتاعى ٴۇيىنىڭ بەت ـ بەينەسىن وزگەرتىپ، ساپاسىن جوعارىلاتىپ، دارەجەسىن وسىرۋگە باستادى... ٴسويتىپ، قونىسقا جايلى، كاسىپكە ىڭعايلى، ساياحاتقا قولايلى اۋىل ـ قىستاق تارتىمدىلىعىن ۇزدىكسىز ارتتىرىپ، بۇقارانىڭ باقىت كورسەتكىشىن جوعارىلاتتى.
”مەن ۇزدىكسىز بۇقارانى باستاپ ارتىقشىلىقتى ساۋلەلەندىرىپ، تىنباي جاڭالىق اشىپ، اۋىل شارۋاشىلىعى، ساياحات كاسىپ سالاسىنىڭ دامۋىنا كۇش سالىپ، اۋىل ـ قىستاقتى گۇلدەندىرۋدىڭ تاعى دا تىڭ ساتىعا كوتەرىلۋىنە دەم بەرەمىن“، ـ دەدى قۇربان تولىق سەنىممەن.
