شينحۋا اگەنتتىگىنىڭ 8 ـ ايدىڭ 3 ـ كۇنى بەيجيڭنەن بەرگەن حابارى. 8 ـ ايدىڭ 3 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ سۋلينگە تەلەگرامما جولداپ، ونىڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعاندىعىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەدى: ٴسىزدىڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعاندىعىڭىزدان قۋانا حابار تاپتىم، مەن جۇڭگو كوممۋنيستىك پارتياسى ورتالىق كوميتەتى اتىنان ٴارى ٴوز اتىمنان ٴسىزدى قىزۋ قۇتتىقتايمىن.
جۋىق جىلداردان بەرى ۆيەتنام كوممۋنيستىك پارتياسى 13 ـ قۇرىلتاي قارار رۋحىن دايەكتىلەندىرىپ، تياناقتاندىرىپ، پارتيانىڭ ٴوز قۇرىلىسىن ىشكەرىلەي ىلگەرىلەتىپ، سوتسياليستىك قۇرىلىس جانە جاڭالىق اشۋ، ەسىك اشۋ ىستەرىن ىلگەرىلەتۋدە جاڭا تابىستارعا قول جەتكىزدى. ٴبىز ۆيەتنام كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ۆيەتنام بۇكىل پارتياسى مەن بۇكىل ەل حالقىنىڭ ۆيەتنام كوممۋنيستىك پارتياسى 13 ـ قۇرىلتايىندا العا قويىلعان نىسانا ـ مىندەتتەردى جەڭىسپەن ورىنداپ، 14 ـ قۇرىلتايدىڭ دايىندىق قىزمەتىن ورنىقتى ىلگەرىلەتىپ، پارتيا قۇرۋدىڭ، مەملەكەت قۇرۋدىڭ ”قوس 100 جىلدىق“ نىساناسىنا ۇزدىكسىز قادام تاستايتىنىنا سەنەمىز.
جۇڭگو مەن ۆيەتنام _ تاۋ ـ وزەنى تۇتاسقان سوتسياليستىك دوس كورشى ەل. بىلتىر 12 ـ ايدا مەن ۆيەتنامدا مەملەكەتتىك ساپاردا بولىپ، ەكى جاق ستراتەگيالىق مانگە يە جۇڭگو _ ۆيەتنام تاعدىرلاس ورتاق تۇلعاسىن قۇرۋدى بىرگە جاريالاپ، ەكى پارتيا، ەكى ەل قارىم ـ قاتىناسىنىڭ جاڭا ساپارىن، جاڭا پاراعىن اشتىق. مەن باس شۋجي سۋلين جولداسپەن بىرگە جۇڭگو _ ۆيەتنام تاعدىرلاس ورتاق تۇلعاسى قۇرىلىسىنىڭ تەرەڭدەۋىنە، ناقتىلانۋىنا جەتەكشىلىك ەتىپ، ٴداستۇرلى دوستىقتى بىرگە ساۋلەلەندىرىپ، ساياسي ٴوزارا سەنىمدىلىكتى بەكەمدەپ، ستراتەگيالىق تىلدەسۋدى تەرەڭدەتىپ، ناقتى ىستەر سەلبەستىگىن ىلگەرىلەتىپ، ەكى ەل حالقىنا اناعۇرلىم كوپ ىرىس ـ قۇت اكەلىپ، ادامزاتتىڭ بەيبىتشىلىگى مەن العا باسۋ ىستەرىنە بەلسەندى ۇلەس قوسۋدى قالايمىن.
ٴسىزدىڭ مارتەبەلى قىزمەت ورنىڭىزدا تىڭ تابىستارعا قول جەتكىزۋىڭىزدى تىلەيمىن!
