شي جينپيڭ مادەنيەت مۇرالارىن جانە جاراتىلىستىق مۇرالاردى قورعاۋ، جالعاستىرۋ، پايدالانۋ قىزمەتىن كۇشەيتۋ جونىندە ماڭىزدى نۇسقاۋ بەرىپ بىلاي دەپ باسا دارىپتەدى
جۇڭحۋا ۇلتىنىڭ مادەنيەت جاۋھارى مەن جاراتىلىستىق اسىلدارىن ويداعىداي قورعاپ، جاڭا داۋىردە مادەنيەت مۇرالارى مەن جاراتىلىستىق مۇرالاردىڭ جاڭا ومىرشەڭدىك كۇشىن قاۋلاتۋ، جاڭا كەلبەتىن ايگىلەۋ كەرەك
شينحۋا اگەنتتىگىنىڭ 8 ـ ايدىڭ 6 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا مادەنيەت مۇرالارىن جانە جاراتىلىستىق مۇرالاردى قورعاۋ، جالعاستىرۋ، پايدالانۋ قىزمەتىن كۇشەيتۋ جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: ”بەيجيڭ ورتا ٴوس سىزىعى _ جۇڭگو ارمانداعىداي استانا ٴتارتىبىنىڭ تاماشا تۋىندىسى“ جانە ”بادانجيلين قۇمدىعى _ قۇم، تاۋ، كول شوعىرى“، ”جۇڭگو حۋاڭحاي (وباحي) جىل قۇستارىنىڭ مەكەندەيتىن جەرى (2 ـ مەرزىم)“ «دۇنيە جۇزىلىك مۇرالار تىزىمىنە» ٴساتتى ەنگىزىلدى، بۇل زاتتىق وركەنيەت پەن رۋحاني وركەنيەتى ٴوزارا سايكەسكەن، ادام مەن تابيعات جاراسىمدى بىرگە ٴومىر سۇرەتىن جۇڭگو ۇلگىسىندەگى وسىزامانداندىرۋدى قۇرۋ جونىنەن بەلسەندى مانگە يە، دۇنيە ٴجۇزىنىڭ وركەنيەت گۇلزارىنا كورىكتى ٴتۇس قوستى.
شي جينپيڭ بىلاي دەپ باسا دارىپتەدى: وسى رەتكى بەيزاتتىق مادەنيەت مۇراسىنا ٴوتىنىش ەتۋدىڭ تابىستى بولعاندىعىن وراي ەتىپ، مادەنيەت مۇرالارىن جانە جاراتىلىستىق مۇرالاردى تۇتاس تۇلعالىق، جۇيەلى قورعاۋدى ونان ارى كۇشەيتىپ، مۇرالاردى قورعاۋ قابىلەتى مەن دەڭگەيىن شىنايى جوعارىلاتىپ، جۇڭحۋا ۇلتىنىڭ مادەنيەت جاۋھارى مەن جاراتىلىستىق اسىلدارىن ويداعىداي قورعاۋ كەرەك. مادەنيەت مۇرالارىن جانە جاراتىلىستىق مۇرالاردى جالعاستىرۋ، پايدالانۋ قىزمەتىن ٴۇرتىس كۇشەيتىپ، جاڭا داۋىردە ونىڭ جاڭا ومىرشەڭدىك كۇشىن قاۋلاتىپ، جاڭا كەلبەتىن ايگىلەپ، حالىق بۇقاراسىنىڭ تاماشا تۇرمىس قاجەتىن اناعۇرلىم ويداعىداي قاناعاتتاندىرۋ كەرەك. مادەنيەت مۇرالارى جانە جاراتىلىستىق مۇرالار سالاسىنداعى حالىقارالىق اۋىس ـ كۇيىستى، سەلبەستىكتى كۇشەيتىپ، الەمدىك وركەنيەت باستاماسىن امالياتتا ايگىلەۋگە، ادامزات تاعدىرلاس ورتاق تۇلعاسىن قۇرۋدى ىلگەرىلەتۋگە ٴىس جۇزىندىك ارەكەتپەن جاڭا دا اناعۇرلىم زور ۇلەس قوسۋ كەرەك.
جاقىندا ٴۇندىستاننىڭ جاڭا دەليىندە وتكىزىلگەن بىرلەسكەن مەملەكەتتەر ۇيىمى وقۋ ـ اعارتۋ، عىلىم، مادەنيەت ۇيىمىنىڭ 46 ـ كەزەكتى دۇنيە جۇزىلىك مۇرالار جينالىسى قارار ماقۇلداپ، ەلىمىزدىڭ دۇنيە جۇزىلىك مادەنيەت مۇرالارىنا كورسەتىلگەن نىسان ”بەيجيڭ ورتا ٴوس سىزىعى _ جۇڭگو ارمانداعىداي استانا ٴتارتىبىنىڭ تاماشا تۋىندىسى“ جانە دۇنيە جۇزىلىك جاراتىلىستىق مۇرالارعا كورسەتىلگەن نىسان ”بادانجيلين قۇمدىعى _ قۇم، تاۋ، كول شوعىرى“، ”جۇڭگو حۋاڭحاي (وباحي) جىل قۇستارىنىڭ مەكەندەيتىن جەرى (2 ـ مەرزىم)“ «دۇنيە جۇزىلىك مۇرالار تىزىمىنە» ەنگىزىلدى. سونىمەن ەلىمىزدە دۇنيە جۇزىلىك مۇرالاردىڭ جالپى سانى 59 تۇرگە جەتىپ، دۇنيە جۇزىندە الدىڭعى قاتاردا تۇردى.
