انار بۇلت \ شينجياڭ گازەتىنىڭ ٴتىلشىسى شى شين 8 ـ ايدىڭ 6 ـ كۇنى ۇرىمجىدەن حابارلايدى. ”’ٴبىر تالون ٴتۇزىمى‘ ۇلكەن ماسەلەنى شەشتى“، ـ دەدى شينجياڭ حۇيچىڭ جاڭا ماتەريال عىلىم ـ تەحنيكا شەكتى سەرىكتەستىگىنىڭ باس ديرەكتورى لي زىدۇڭ قۋانا. تاياۋدا ول تۇرعان سەرىكتەستىك ”ٴبىر تالون تۇزىمىندەگى“ سيفرلى زات الۋ تالونىن كەپىلگە قويۋ كاسىبى ارقىلى 33 توننا بولات ماتەريالىنا قارجى قۇراۋ قاجەتىن جۇزەگە اسىردى. بۇل _ شينجياڭ بويىنشا تۇڭعىش ”ٴبىر تالون تۇزىمىندەگى“ سيفرلى زات الۋ تالونىن كەپىلگە قويۋ كاسىبى.
”ٴبىر تالون تۇزىمىندەگى“ سيفرلى زات الۋ تالونى _ قۇرلىق ـ تەڭىز جاڭا ارناسى تاسىمال شەكتى سەرىكتەستىگى كوپ فورمالى بىرلەسكەن تاسىمالداۋ تيجاراتشىسى رەتىندە قول قويىپ تاراتقان كوپ فورمالى بىرلەسكەن تاسىمالداۋ تالونى، ول ”ىشكى قۇرلىق _ شەتەلدەگى نىسانالى جەر“ سىندى كوپ فورمالى بىرلەسكەن تاسىمالداۋ جالپى جولىن ٴونىمدى بايلانىستىرادى. بۇل سەرىكتەستىك بلوكچەين تەحنيكاسىنىڭ تومەنگى ساتى تۇعىرىنان پايدالانىپ، ”قۇرلىق ـ تەڭىز تىزبەگى“ سيفرلى زات الۋ تالونى تۇعىرىن جەلىگە شىعارىپ، قۇرلىق ـ تەڭىز جاڭا ارناسىندا ”ٴبىر تالون تۇزىمىندەگى“ زات الۋ تالونىنىڭ سيفرلانا اينالىمعا ٴتۇسۋىن ىلگەرىلەتتى.
زات الۋ تالونىنىڭ ماڭىزدى رولىن شىنايى ساۋلەلەندىرۋ ٴۇشىن، سيفرلاندىرۋ ارقىلى ارنا قۇرىلىسىنا قۋات ۇستەپ، قاتىستى ورىنداردىڭ زور كۇشپەن قولداۋىندا، قۇرلىق ـ تەڭىز جاڭا ارناسىمەن جۇمىس جۇرگىزۋ شينجياڭ شەكتى سەرىكتەستىگى (تومەندە قىسقارتىلىپ ”قۇرلىق ـ تەڭىز جاڭا ارناسى شينجياڭ سەرىكتەستىگى“ دەلىنەدى) ٴۇرىمجى بانكەسىمەن بىرلەسىپ ”ٴبىر تالون تۇزىمىندەگى“ سيفرلى زات الۋ تالونىنا فينانستىق قىزمەت وتەۋ ۇلگىسىن جاسامپازدىقپەن العا قويدى. وسى ۇلگىدە قارجى قۇراۋشى كاسىپورىنداردىڭ ۇقىق بەرۋىمەن قۇرلىق ـ تەڭىز جاڭا ارناسى شينجياڭ سەرىكتەستىگى كاسىپورىنعا قول قويىپ بەرگەن ”ٴبىر تالون تۇزىمىندەگى“ سيفرلى زات الۋ تالونىن بانكەگە بەرىپ، ونى قارجى قۇراۋدىڭ نەگىزى ەتكەن، ٴۇرىمجى بانكەسى جانە دە وسى ”ٴبىر تالون تۇزىمىندەگى“ سيفرلى زات الۋ تالونىنا نەگىزدەلىپ قارجى قۇرايتىن كاسىپورىندارىنىڭ زات ينفورماتسياسىن الادى، سونىمەن بىرگە كاسىپورىنداردىڭ شارۋاشىلىق جاعدايىنا ۇشتاستىرىپ، قارجى قۇراۋعا قولداۋ كورسەتەدى.
7 ـ ايدىڭ 31 ـ كۇنى قۇرلىق ـ تەڭىز جاڭا ارناسى شينجياڭ سەرىكتەستىگىنىڭ، ٴۇرىمجى بانكەسىنىڭ جانە قارجى قۇراۋشى كاسىپورىننىڭ تىزە قوسا سەلبەسۋىندە، ٴۇرىمجى بانكەسى قارجى قۇراۋشى كاسىپورىن شينجياڭ حۇيچىڭ جاڭا ماتەريال عىلىم ـ تەحنيكا شەكتى سەرىكتەستىگىنە 155 مىڭ 100 يۋان قارىز اقشا بەردى. شينجياڭ بويىنشا تۇڭعىش رەتكى ”ٴبىر تالون تۇزىمىندەگى“ سيفرلى زات الۋ تالونىن كەپىلگە قويۋ كاسىبى ٴساتتى تياناقتاندى.
قۇرلىق ـ تەڭىز جاڭا ارناسى شينجياڭ سەرىكتەستىگىنىڭ ورىنباسار باس ديرەكتورى جاڭ يۇنلۇڭ بىلاي دەپ تانىستىردى: وسىنداي كاسىپتىك جاڭالىق اشۋ ارقىلى قاريدارلار سيفرلى زات الۋ تالونى تۇعىرىندا تەكسەرۋ، سۇراستىرۋ، اينالىمعا سالۋ جۇمىستارىن جۇرگىزۋىنە بولادى، تۇتاس بارىسى جوعارى ٴونىمدى، قولايلى، سەنىمدى بولىپ، قاعاز جۇزىندەگى زات الۋ تالونىن جەتكىزۋ ونىمدىلىگى تومەن بولۋ سياقتى قيىن تۇيىندەردى شەشۋمەن بىرگە، قاريدارلار ٴۇشىن قارجى قۇراۋدى جۇزەگە اسىرىپ، كاسىپورىن قارجىسىنىڭ پايدالانىلۋ مولشەرىن ٴونىمدى جوعارىلاتىپ، كاسىپورىنداردىڭ جالپىلىق وزىندىك قۇنىن تومەندەتتى.
ٴۇرىمجى بانكەسى جونىنەن العاندا، وسى كاسىپتىڭ تياناقتانۋى شينجياڭ ەركىن ساۋدا سىناق رايونىنىڭ فينانستىق قىزمەت وتەۋدە جاڭالىق اشۋىنا نەگىز قالادى، سونىمەن بىرگە قارجى قۇراۋشى كاسىپورىنداردىڭ ىركىندى قارىز اقشاسىن جانداندىرۋىنا كومەكتەسەدى.
كەلەسى ساتىدا قۇرلىق ـ تەڭىز جاڭا ارناسى شينجياڭ سەرىكتەستىگى قاريدارلاردىڭ تۇرلىشە قاجەتىنە ساي، تەمىر جول، تەڭىز جولى بىرلەسكەن تاسىمالى، تاس جول، تەمىر جول بىرلەسكەن تاسىمالى سياقتى كوپ فورمالى بىرلەسكەن تاسىمال كاسىبىن وسى جاڭا فينانستىق قىزمەت وتەۋمەن ۇشتاستىرىپ، ”ٴبىر تالون تۇزىمىندەگى“ سيفرلى زات الۋ تالونىن زات ۇقىعى جانە فينانستىق قاسيەت جاعىنا ۇزارتۋدى جانە قولدانۋدى ىلگەرىلەتەدى.
