شينجياڭنىڭ ەكى جەرىندەگى سىناق تۇيىنىندە سيگنالدى كۇشەيتۋ ىلگەرىلەتىلدى
جەر استى كولىك توقتاتۋ الاڭىنا تۇسە بەرە ”حابارسىز قالۋ“ اۋرەسى شەشىلدى
انار بۇلت \ شينجياڭ گازەتىنىڭ ٴتىلشىسى فان چيۇڭيان
ٴسىز دە جەر استىنا تۇسە بەرە ”حابارسىز قالۋ“، ليفتكە شىقسا بولعانى ”تور ٴۇزىلۋ“، سىندى ”حابارلاسۋ اياسىنان تىس اۋماققا“ كەز بولىپ مازاسىزدانىپ ٴجۇرسىز بە؟ ٴار ۇلت بۇقاراسىنىڭ حابارلاسۋ جاعىنداعى شۇعىل، قيىن، ۋايىمداعان، ٴزارۋ ماسەلەلەرىن شىن مانىندە شەشۋ ٴۇشىن، شينجياڭ ”سيگنالدى كۇشەيتۋ · تيانشاندى سيفرمەن ۇلاستىرۋ“ ارناۋلى ارەكەتىن ورىستەتۋدە، حوتان ايماعى، ٴۇرىمجى قالاسى ىلگەرىندى ـ كەيىندى ليفتتە جانە الەۋمەتتىك جەر استى كەڭىستىگىندە سيگنالدى كۇشەيتۋ ارناۋلى سىناق ٴتۇيىنى ارەكەتىن ورىستەتتى.
شينجياڭ حابار ـ بايلانىستى باسقارۋ مەكەمەسىنىڭ جەتەكشىلىگىندە، ەكى جەر تۇرعىندار اۋماعى، سونداي ـ اق تۇرار جاي قۇرىلىسىنداعى، ٴتۇيىندى ساۋدا ساراي ـ ەرەن بازارلارىنداعى، ساۋدا ىستەرى عيماراتىنداعى جانە قوناقجايلارداعى، الەۋمەتتىك ورىندارداعى ليفت جانە جەر استى كەڭىستىگى سياقتى بۇقارا نازار اۋدارىپ وتىرعان ”حابارلاسۋ اياسىنان تىس اۋماقتى“ توڭىرەكتەي وتىرىپ، نىسانالى كۇش سالىپ، دالمە ـ ٴدال شارا قولدانىپ، جىلجىمالى ينتەرنەت جەلىسىمەن قامتۋداعى جانە كاسىپتىك قىزمەت وتەۋ ساپاسىنداعى شەشۋشى ماسەلەلەردى شەشىپ، كلەنتتەردىڭ سەزىنۋىن ونان ارى جوعارىلاتتى.
قازىر حوتان ايماعىنداعى، ٴۇرىمجى قالاسىنداعى حابار ـ بايلانىستى باسقارۋ كەڭسەلەرى قاتىستى تاراۋلارمەن بەلسەنە ٴتۇيىلىسىپ، نەگىزدىك تەلەگراف كاسىپورىندارىن جانە تيەتا سەرىكتەستىگىن ۇيىمداستىرىپ اداقتاۋ قىزمەتىن ورىنداپ بولدى. حوتان ايماعى جالپى 2350 ليفتتى، 120 الەۋمەتتىك جەر استى كەڭىستىگىن اداقتادى؛ ٴۇرىمجى قالاسى 39 مىڭ 52 ليفتتى، 953 الەۋمەتتىك جەر استى كەڭىستىگىن اداقتادى.
8 ـ ايدىڭ 1 ـ كۇنى ٴتىلشى ٴۇرىمجى ٴماجىلىس ـ كورمە ۋ ـ يۋە الاڭىنىڭ جەر استى كولىك توقتاتۋ الاڭىنا كىرگەندە، باسقا جەر استى كولىك توقتاتۋ الاڭدارىمەن ۇقسامايتىندىعىن، بۇل ارادا قول تەلەفون سيگنالىنىڭ تولىق ەكەندىگىن بايقادى. ”بۇرىن الارماندار ەكىلىكتى جايمالاپ اقشا تولەگەندە، سيگنال تارتپاي قالاتىن جاعداي تۋىلاتىن، قازىر بۇنداي جاعداي جوق بولدى“، ـ دەدى جەر استى كولىك توقتاتۋ الاڭىنىڭ ٴبىر شەتىندەگى ەرەن بازارداعى يلي سيىر ٴسۇتىن ارناۋلى ساتۋ دۇكەنىنىڭ الارماندارعا نۇسقاۋ كورسەتۋشىسى چاڭ چيڭ.
”بيىل 7 ـ ايدا ٴبىز ’بىرگە قۇرۋ، بىرگە يگىلىكتەنۋ، شوعىرلى، جوعارى ٴونىمدى بولۋ‘ پرينسيبى بويىنشا، ليفت جانە جەر استى كولىك توقتاتۋ الاڭىنىڭ جىلجىمالى حابارلاسۋ تورابى قۇرىلىسىن ورىنداپ، بولمە ٴىشى ورنالاسىم جۇيەسىن جاڭادان ورناتىپ، 3 كيلومەتردەن اساتىن حابارلاسۋ كابەلىن جاتقىزىپ، 300دەن استام انتەننا ورناتتىق، قازىر 3 حابارلاسۋ كاسىپورنىنىڭ سيگنالى وسى جەردى تولىق قامتىدى“، ـ دەدى جۇڭگو تيەتا جارنا شەكتى سەرىكتەستىگى ٴۇرىمجى قالالىق بولىمشە سەرىكتەستىگىنىڭ ورىنباسار باس ديرەكتورى جاسۇر جاپار. وسى رەتكى ارناۋلى سىناق ٴتۇيىنى ارەكەتىندە تيەتا سەرىكتەستىگى حابارلاسۋ نەگىزدىك جابدىقتارى قۇرىلىسىنا جاۋاپتى بولدى.
ٴۇرىمجى قالالىق حابار ـ بايلانىستى باسقارۋ كەڭسەسىنىڭ قىزمەتكەرى لي يۇنفي بىلاي دەپ تانىستىردى: ٴۇرىمجى قالاسى بيىل 286دان استام الەۋمەتتىك جەر استى كەڭىستىگىنىڭ جىلجىمالى حابارلاسۋ ينتەرنەت جەلىسىمەن تولىق قامتىلۋىن ورىنداۋدى جوسپارلادى، ٴتۇيىندى ورىنداردىڭ شەشۋشى تۇيىندەرىنىڭ قاتىستى قامتۋ ولشەم ـ تالاپتارىنا جەتۋىنە شىنايى كەپىلدىك ەتەدى؛ سونىمەن بىرگە 7024 ليفتتىڭ جىلجىمالى حابارلاسۋ تورىمەن جوعارى ساپالى قامتىلۋىن جۇزەگە اسىرادى.
ٴۇرىمجى قالاسى ٴماجىلىس ـ كورمە ورتا جولى جۇڭحاي ۋانجين تۇرعىندار اۋماعىندا تۇراتىن قالا تۇرعىنى ساي ميڭ شاعىن اۋماقتا ٴجۇرىلىپ جاتقان سيگنالدىڭ دارەجەسىن جوعارىلاتۋ قىزمەتىن القادى، ”بۇرىن كولىك توقتاتۋ ورنىندا سيگنال بىردە بار، بىردە جوق بولاتىن، قازىر توتەنشە ورنىقتى بولدى“.
”ليفت جانە الەۋمەتتىك جەر استى كەڭىستىگى سيگنالىنىڭ ىشكەرىلەي قامتىلۋى شۇعىل جاعدايعا توتەپ بەرۋ، كومەك سۇراۋ جولىنداعى سيگنالدىڭ دارەجەسىن جوعارىلاتۋدى جۇزەگە اسىرىپ، بۇقارانىڭ ٴتۇرلى تۇرمىستىق قاجەتىن اناعۇرلىم ويداعىداي قاناعاتتاندىرىپ، قالا تۇرعىندارىنىڭ تابىس سەزىمىن، باقىت سەزىمىن جوعارىلاتتى“، ـ دەدى لي يۇنفي.
ۇلكەندىگى قويىن كومپيۋتەرگە جەتپەيتىن قارا قوبدي مەن جاقىن، الىس ارالىقتى جابدىقتان قۇرالعان سىمسىز تىكە قويۋ پۋنكتى تەحنيكاسى حوتان ايماعىنداعى، ٴۇرىمجى قالاسىنداعى ارناۋلى سىناق ٴتۇيىنى ارەكەتىندە قولدانىلۋدا.
”بۇنداي تەحنيكا ادام اعىنى از، ايالدايتىن ۋاقىتى قىسقا ليفت، سونداي ـ اق جەر استى كولىك توقتاتۋ الاڭدارىنا ۇيلەسەدى، ادام اعىنى زور بولمە ٴىشى ورنالاسىم جۇيەسىمەن سالىستىرعاندا، وزىندىك قۇنى ٴتىپتى دە تومەن“، ـ دەدى جۇڭگو تيەتا حوتان بولىمشە سەرىكتەستىگى حابارلاسۋ، تاراتۋ ٴبولىمىنىڭ ديرەكتورى ۋاڭ جۇن.
قازىر حوتان ايماعى 526 ليفت، 44 الەۋمەتتىك جەر استى كەڭىستىگىنىڭ جىلجىمالى حابارلاسۋ تورى قۇرىلىسىن جانە ونى ساپالىلاندىرۋ جۇمىسىن ورىنداپ بولدى.
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە وسىزاماندانعان نەگىزدىك قۇرىلعى قۇرىلىسى ٴتۇزىلىس ـ مەحانيزمىن اقاۋسىزداندىرۋ ورتاعا قويىلدى. شينجياڭنىڭ حابار ـ بايلانىس كاسىپ سالاسى ىركەس ـ تىركەس ”سيگنالدى كۇشەيتۋ · تيانشاندى سيفرمەن ۇلاستىرۋ“ ارناۋلى ارەكەتىن، سونداي ـ اق ”كەڭ جولاقتى شەكارا ٴوڭىر“ قۇرىلىسىن ۇزدىكسىز ىلگەرىلەتىپ، تاراۋلاردىڭ سايكەسۋىن، سەلبەستىگىن كۇشەيتىپ، جىلجىمالى حابارلاسۋ تورىمەن قامتۋ قابىلەتىن ونان ارى جوعارىلاتىپ، 5G ينتەرنەت قۇرىلىسىن بەلسەنە ورىستەتىپ، شەكارا وڭىردەگى كەڭ جولاقتى ينتەرنەت قامتۋىن ۇزدىكسىز كەمەلدەندىرىپ، شينجياڭنىڭ جوعارى ساپالى دامۋىنا ينتەرنەت نەگىزىن، تىرەگىن ازىرلەيدى.
شينجياڭ حابار ـ بايلانىستى باسقارۋ مەكەمەسىنىڭ قاتىستى جاۋاپتىسى مىنالاردى ٴبىلدىردى: مەكەمە پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جوعارى ساپالى دامۋدى تياناق ەتىپ، تۇتاس رايوننىڭ جاڭاشا ونەركاسىپتەنۋىن، جاڭاشا وندىرگىش كۇشىن ىلگەرىلەتۋ ۇردىسىندە اناعۇرلىم بەلسەندى رول اتقارىپ، پارتيا ورتالىق كوميتەتىنىڭ رەفورمانى ونان ارى جاپپاي تەرەڭدەتۋ جونىندەگى ستراتەگيالىق ورنالاستىرۋلارىن جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ شينجياڭ امالياتىنىڭ ناقتى ارەكەتىنە شىن مانىندە اينالدىرادى.
