انار بۇلت \ شينجياڭ گازەتىنىڭ ٴتىلشىسى سو رۇڭجى 8 ـ ايدىڭ 8 ـ كۇنى ۇرىمجىدەن حابارلايدى. 8 ـ ايدىڭ 6 ـ كۇنى شينجياڭ كورلا المۇرتى كاسىپ سالاسىن دامىتۋ شەكتى سەرىكتەستىگىنىڭ ”كونچى الابى“ ساۋدا ماركاسىنداعى كورلا المۇرتىنىڭ ەرەكشە دارەجەلى جەمىسى شينجياڭداعى تۇڭعىش شياڭگاڭنىڭ جوعارى ساپالى ”正“ تاڭبالى انىقتاما كۋالىگىنە يە بولدى، بۇل كورلا المۇرتىنىڭ شياڭگاڭعا، ٴتىپتى، حالىقارالىق جوعارى دەڭگەيدەگى بازارعا كىرۋ ”جول كۋالىگىن“ العاندىعىن ايگىلەدى.
”وسىدان بۇرىن، كوپتەگەن قامداۋ ساۋداگەرلەرى ٴبىزدىڭ شياڭگاڭ بازارىن اشۋىمىزعا كومەكتەسەتىندىگىن ٴبىلدىردى، الايدا انىقتاما كۋالىگى بولماعاندىقتان، كورلا المۇرتى شياڭگاڭ، اۋمىن بازارىنا كىرە الماعان ەدى“. وسى سەرىكتەستىكتىڭ القا باستىعى گاۋ يۋان بىلاي دەدى: شينجياڭ ولشەمى تەكسەرىلەتىن ونىمدەردى تەكسەرىپ ولشەۋ، انىقتاما بەرۋ شەكتى سەرىكتەستىگىنىڭ كومەگىندە، شينجياڭ المۇرت كاسىپ سالاسىنداعى باستاماشى كاسىپورىننىڭ ونىمدەرى شياڭگاڭنىڭ ساپالى”正“ تاڭبالى انىقتاما كۋالىگىنە قول جەتكىزىپ، ”كونچى الابى“ ماركاسىنىڭ حالىقارالىق تانىمالدىلىعىن جوعارىلاتتى ٴارى كورلا المۇرتىنىڭ جوعارى دەڭگەيدەگى ساپا وبرازىن قالىپتاستىردى.
شياڭگاڭنىڭ جوعارى ساپالى ”正“ تاڭبالى انىقتاماسى _ شياڭگاڭ ولشەم جانە تەكسەرۋ انىقتاۋ ورتالىعىنىڭ (STC) ونىڭ انىقتاما ولشەمىنەن جانە ساپا تەكسەرۋىنەن وتكەن ماركالارعا تاراتاتىن انىقتاما كۋالىگى. وسى ورتالىق ونىمدەردى تەكسەرۋ جانە كۋالاندىرۋمەن اينالىساتىن شياڭگاڭداعى تاريحى ەڭ ۇزاق دەربەس، كاسىپتىك، پايدا تابۋدى كوزدەمەيتىن ۇيىم، ول اتقارىپ وتىرعان جوعارى ساپالى ”正“ تاڭبالى انىقتاماسى _ حالىقارالىق بازار تۇگەل مويىنداعان ايرىقشا قۇزىرلى ٴونىم ساپاسى انىقتاماسى، تۇتىنۋشىلاردىڭ ازىق ـ تۇلىك حاۋىپسىزدىگى مەن ساپاسى جونىندەگى سەنىم كورسەتكىشى.
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى مىنالاردى العا قويدى: حالىقارالىق جوعارى ولشەمدى ەكونوميكا ـ ساۋدا ەرەجەسىمەن ىرىقتىلىقپەن ۇشتاسىپ، مال ـ مۇلىك ۇقىعىن قورعاۋ، شارۋاشىلىق قوسىمشا قاراجاتى، ورتا ولشەمى، ەڭبەك قورعاۋ، ۇكىمەتتىك ساتىپ الۋ، ەلەكتروندى ساۋدا، فينانس سالاسى سياقتى جاقتاردا ەرەجەنىڭ، ەرەجە ـ ٴتۇزىمنىڭ، باسقارۋدىڭ، ولشەمنىڭ ٴوزارا ۇلاسۋىن، ۇيلەسۋىن جۇزەگە اسىرىپ، جاريا، ورنىقتى، مەجەلى تۇزىمدىك ورتانى قالىپتاستىرۋ كەرەك. ”حالىقارالىق ولشەممەن تىعىز ۇشتاسقاندا عانا، ٴبىز حالىقارالىق بازاردىڭ قاجەتى جانە ەرەجەسىنە اناعۇرلىم ويداعىداي ۇيلەسىپ، ٴونىمنىڭ ساپاسى مەن قىزمەت وتەۋ دەڭگەيىن ۇزدىكسىز جوعارىلاتىپ، شينجياڭنىڭ ەرەكشەلىككە يە، ساپالى ونىمدەرىن سىرتقا شىعارۋعا مۇمكىندىك جاساپ، جوعارى دەڭگەيدەگى سىرتقا ەسىك اشۋدى جۇزەگە اسىرا الامىز“، ـ دەدى شينجياڭ ولشەمى تەكسەرىلەتىن ونىمدەردى تەكسەرىپ ولشەۋ، انىقتاما بەرۋ شەكتى سەرىكتەستىگىنىڭ القا باستىعى لي يان.
بيىل 6 ـ ايدا شياڭگاڭ ولشەم جانە تەكسەرۋ ـ انىقتاۋ ورتالىعى (STC) اۆتونوميالى رايوندىق بازار باقىلاۋ ـ باسقارۋ مەكەمەسىمەن، اۆتونوميالى رايوندىق مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىمەن بىرگە شينجياڭ ولشەمى تەكسەرىلەتىن ونىمدەردى تەكسەرىپ ولشەۋ، انىقتاما بەرۋ شەكتى سەرىكتەستىگىن قۇرىپ، شينجياڭنىڭ ەرەكشەلىككە، باسىمدىققا يە كاسىپ سالاسىن تياناق ەتىپ، جوعارى ساپالى ”正“ تاڭبالى سياقتى انىقتاما بەرۋ، كەڭەس سۇراۋ قىزمەت وتەۋىن ورىستەتىپ، كاسىپورىندار شينجياڭنان شىقپاي ـ اق حالىقارا مويىندايتىن قۇزىرلى انىقتاماعا يە بولا الاتىن بولدى.
شينجياڭ ولشەمى تەكسەرىلەتىن ونىمدەردى تەكسەرىپ ولشەۋ، انىقتاما بەرۋ شەكتى سەرىكتەستىگىنىڭ ماماندار ۇجىمى كورلا المۇرتى سەرىكتەستىگىنىڭ جەمىس اعاش ەگۋ جاعدايىنا كوپ رەت سول جەردىڭ وزىندە تەكسەرۋ جۇرگىزىپ، سەرىكتەستىكپەن كاسىپورىن ولشەمىنە وزگەرىس ەنگىزۋدى اقىلداسىپ، جوعارى حاۋىپتى نىسانداردى الدىن الا تەكسەرىپ، كاسىپورىننىڭ ىشكى جاقتاعى باسقارۋدى جانە ونىمدەردى دارەجەگە ٴبولىپ مەڭگەرۋ جۇيەسىن ساپالىلاندىرۋىنا كومەكتەسىپ، حالىقارالىق بازاردىڭ ساپانى مەڭگەرۋدەگى شەشۋشى تۇيىندەرىن ىشكەرىلەي ۇعىسىپ، سەرىكتەستىكتىڭ شياڭگاڭنىڭ جوعارى ساپالى ”正“ تاڭبالى انىقتاماسىنا يە بولۋ سالىستىرماسىن جوعارىلاتتى.
60 مىڭ مۋدان استام ”كونچى الابى“ ساۋدا ماركاسىنداعى كورلا المۇرتى مول ٴونىم بەرگەلى تۇر، لي يان بىلاي دەپ تانىستىردى: كورلا المۇرتى سەرىكتەستىگىنىڭ شياڭگاڭ ولشەم جانە تەكسەرۋ ـ انىقتاۋ ورتالىعى (STC) وتكىزگەن ارناۋلى ساتۋ ـ كورمەلەۋ قيمىلىنا قاتىناسۋىنا كومەكتەسىپ، ”كونچى الابى“ ماركاسىنىڭ تانىمالدىلىعىن جوعارىلاتىپ، شياڭگاڭ _ اۋمىن جانە حالىقارالىق بازاردى كەڭەيتەمىز.
قازىر شينجياڭ ولشەمى تەكسەرىلەتىن ونىمدەردى تەكسەرىپ ولشەۋ، انىقتاما بەرۋ شەكتى سەرىكتەستىگى شينجياڭ گويە توبى شەكتى سەرىكتەستىگى سياقتى كوپ كاسىپورىننىڭ ”جۇقا قابىقتى جاڭعاق“، ”جاسىل مەيىز“، ”ونسۋ كۇرىشى“ سياقتى اۋىل شارۋاشىلىق، ورمان جالاڭ ونىمدەرىنىڭ شياڭگاڭنىڭ جوعارى ساپالى ”正“ تاڭبالى انىقتاماسىنا ٴوتىنىش ەتۋىنە كومەكتەسىپ، شينجياڭنىڭ ەرەكشەلىككە يە ونىمدەرىنىڭ حالىقارالىق بازارعا بەت الۋىنا ۇزدىكسىز كۇش سالۋدا.
