انار بۇلت \ شينجياڭ گازەتىنىڭ ٴتىلشىسى لۋ فىڭباۋ 8 ـ ايدىڭ 9 ـ كۇنى ۇرىمجىدەن حابارلايدى. جۇڭگو تەمىر جولى ٴۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 8 ـ ايدىڭ 7 ـ كۇنى كەشتە، تولتىرا كومىر تيەگەن 86463 ـ كەزەكشى جۇك پويەزىنىڭ شىحىزى ۆوگزالىنا ٴدال ۋاعىندا جەتۋىنە ساي، شينجياڭ تەمىر جولىنىڭ ”جولاۋشىلار پويەزى ۇلگىسىندەگى“ كومىردى اينالمالى تاسيتىن پويەزى كۇنىنە ورتا ەسەپپەن 25 جۇپقا جەتىپ، ۇدايى قاتىناۋدى جۇزەگە اسىرعان. جۇك پويەزىنىڭ ”جولاۋشىلار پويەزى ۇلگىسىندە“ قاتىناۋى شينجياڭنىڭ تەمىر جول تاسىمالى ۇلگىسىندە تۋىلعان جاڭا وزگەرىس.
”جولاۋشىلار پويەزى ۇلگىسىندەگى“ كومىردى اينالمالى تاسيتىن پويەز _ كاسىپورىندار زات يەسىنىڭ قاجەتىنە ساي، تۇراقتى تيەۋ ـ ٴتۇسىرۋ بەكەتى، تۇراقتى تاسىمال لەنياسى، تۇراقتى پويەز رەت سانى، تۇراقتى اتتانۋ ـ جەتۋ ۋاقىتى سياقتى جولاۋشىلار پويەزى ۇلگىسى قولدانىلعان، كومىر وندىرىلەتىن وڭىرلەر مەن تومەنگى بۋىنداعى كاسىپورىندار اراسىندا قاتىنايتىن كومىردى اينالمالى تاسيتىن پويەز.
”قاريدارلار تاپسىرىس بەرسە، پويەز ۋاقىت تولسا بولدى جولعا شىعادى، بەينە سىرتتان تاماق جەتكىزگەندەي، زاتتى تۇراقتى ورىنعا جەتكىزىپ بەرەدى“، ـ دەدى جۇڭگو تەمىر جولى ٴۇرىمجى مەكەمەسى توبى شەكتى سەرىكتەستىگى زات تاسىمالى ٴبولىمىنىڭ ورىنباسار مەڭگەرۋشىسى حۋاڭ جيان. جۇك پويەزىن ”جولاۋشىلار پويەزى ۇلگىسىنە“ وزگەرتكەندە پويەز قاتىناۋ قاريتاسىنان قاتىناۋ لەنياسى، ايالدايتىن ۆوگزال، جۇرەتىن جانە جەتەتىن ۋاقىتى، كەزەكشى پويەز سياقتىلاردى تەكسەرۋگە بولادى، بۇل پويەز تاسىمالىن ۇيىمداستىرۋ ونىمدىلىگىن جوعارىلاتىپ، كاسىپورىنداردى اناعۇرلىم ورنىقتى تاسىمال كۇشىمەن قامدايدى.
7 ـ اي كىرگەننەن بەرى، كومىر، حيميا ونەركاسىبى سياقتى جالپىلىق زاتتاردى تاسىمالداۋ قاجەتى كۇن سايىن ارتىپ، شينجياڭ تەمىر جولىنىڭ سول ايداعى جۇك جونەلتۋ مولشەرى 20 ميلليون 877 مىڭ تونناعا جەتىپ، سايكەس مەزگىلدەگىدەن %9.24 ارتتى. شينجياڭ تەمىر جول تاراۋلارى كاسىپورىنداردىڭ تاسىمال سۇرانىسىمەن ىرىقتى تۇردە ۇشتاسىپ، تاسىمالدى ۇيىمداستىرۋ رەفورماسىن تەرەڭدەتىپ، كاسىپورىنداردى تەز، ٴدال، ورنىقتى تاسىمال قۋاتىمەن قامتاماسىز ەتىپ، 7 ـ ايدا ”جولاۋشىلار پويەزى ۇلگىسىندەگى“ كومىردى اينالمالى تاسيتىن پويەزدى جۇرگىزدى.
”جولاۋشىلار پويەزى ۇلگىسىندەگى“ كومىردى اينالمالى تاسيتىن پويەز جۇندۇڭ، كۇشار، باي اۋدانى كومىر ٴوندىرۋ وڭىرلەرىن باستالۋ ٴتۇيىنى ەتىپ، وڭتۇستىك، سولتۇستىك شينجياڭعا بارادى، ۇدايى قاتىناعاننان كەيىن، كۇنىنە ورتا ەسەپپەن تاسيتىن كومىر 78 مىڭ تونناعا جەتىپ، شىحىزى، سانجى، كۇيتۇن، اقسۋ، قاشقار سياقتى جەرلەردەگى كومىر قاجەت ەتەتىن تومەنگى بۋىنداعى كاسىپورىنداردىڭ ٴوندىرىس قاجەتىن ٴونىمدى تۇردە قاناعاتتاندىرا الادى.
”جولاۋشىلار پويەزى ۇلگىسىندەگى“ كومىردى اينالمالى تاسيتىن پويەزدىڭ قاتىناۋى وڭىرلەر اراسىنداعى قوعامدىق زات اينالىمىنىڭ نارقىن تومەندەتىپ، فاكتورلاردىڭ اينالىم ونىمدىلىگىن جوعارىلاتىپ، ەكونوميكانى ارتتىراتىن ومىرشەڭدىك كۇشتى ارتتىرۋعا سەپتىگىن تيگىزەدى.
”تاياۋ مەزگىلدەن بەرى ٴار كۇنى جەتەتىن كومىر پويەزى ٴبىر پويەزدەن كوپ بولىپ، كاسىپورىننىڭ جازعى قاۋىرت مەزگىلدە ەنەرگيا پايدالانۋ قاجەتىن قاناعاتتاندىردى“. شۇيجوۋ كەن ىستەرى (توبى) شينجياڭ تيانشان كەن شارۋاشىلىعى شەكتى جاۋاپكەرشىلىك سەرىكتەستىگى اقسۋ جىلۋ ەلەكتر بولىمشە سەرىكتەستىگى تيجارات باسقارۋ ٴبولىمىنىڭ ورىنباسار باستىعى ۋاڭ لۇڭ بىلاي دەدى: كاسىپورىننىڭ قور مولشەرىن تومەندەتۋىنە ساي، كومىر ساقتاۋ شىعىنى ٴبىرشاما ازايىپ، قامبادا ساقتاۋ نارقى تومەندەدى.
7 ـ ايدان بەرى شينجياڭ تەمىر جول تاراۋلارى 10 مىڭ توننالىق سىناق پويەزىن، تۇڭعىش رەتكى ”ٴبىر تاپسىرىس تۇزىمدەگى“ تەمىر جول ـ تەڭىز بىرلەسكەن تاسىمال ارناۋلى پويەزىن ٴساتتى جۇرگىزدى، بۇل رەت ”جولاۋشىلار پويەزى ۇلگىسىندەگى“ كومىردى اينالمالى تاسيتىن كەزەكشى پويەز ۇدايى قاتىناۋدى جۇزەگە اسىردى، بۇل شينجياڭنىڭ تەمىر جول تاسىمالى ۇلگىسىندە جاساعان رەفورماسىنىڭ ۇزدىكسىز تەرەڭدەگەندىگىنىڭ بەلگىسى.
”سوڭعى مەزگىلدە سۇرانىسقا نەگىزدەلىپ، ’جولاۋشىلار پويەزى ۇلگىسىندەگى‘ كومىردى اينالمالى تاسيتىن كەزەكشى پويەزدىڭ قاتىناۋ كولەمىن يكەمدى كوبەيتىپ، شينجياڭ ەكونوميكاسىنىڭ جوعارى ساپالى دامۋىنا جاڭا قوزعاۋشى قۋات قوسامىز“، ـ دەدى حۋاڭ جيان.
