تۇڭعىش بيولوگيالىق سينتەزدىك حيميالىق شيكىزات ٴدارى مەملەكەتتىڭ تىركەۋگە الدىرۋ رۇقساتىن الدى
شينجياڭنىڭ ەرەكشە ٴدارى ـ دارمەك كاسىپ سالاسى جاڭالىق اشا دامۋدىڭ جاڭا كەزەڭىنە ٴوتتى
انار بۇلت \ شينجياڭ گازەتىنىڭ ٴتىلشىسى ياڭ شۋحان 8 ـ ايدىڭ 10 ـ كۇنى ۇرىمجىدەن حابارلايدى. تاياۋدا ىلە چۋاننيڭ بيولوگيالىق تەحنيكا جارنا شەكتى سەرىكتەستىگى مەملەكەتتىك ٴدارى ـ دارمەك باقىلاۋ ـ باسقارۋ مەكەمەسى تەكسەرىپ ماقۇلداپ تاراتقان حيميالىق شيكىزات ٴدارى ”شيۇڭچۇيياڭدانسۋان“ جونىندەگى «حيميالىق شيكىزات ٴدارىسىن بازارعا شىعارۋ ٴوتىنىشىن بەكىتۋ حابارلاندىرۋىن» تاپسىرىپ الدى، بۇل رايونىمىزدىڭ تۇڭعىش بيولوگيالىق سينتەزدىك حيميالىق شيكىزات ٴدارىسىنىڭ مەملەكەتتىڭ تىركەۋگە الدىرۋ رۇقساتىن الۋى.
بيولوگيالىق ٴدارى ـ دارمەك كاسىپ سالاسى _ شينجياڭنىڭ ”سەگىز ٴىرى كاسىپ سالاسى شوعىرىنداعى“ ٴتۇيىندى كاسىپ سالاسى تىزبەگىنىڭ ٴبىرى، وسى ٴونىمنىڭ بەكىتىلىپ تىركەلۋى رايونىمىزداعى كاسىپورىنداردىڭ ٴدارى ـ دارمەك شالا بۇيىمدارىن وندىرەتىن كاسىپورىننان ٴدارى ـ دارمەك وندىرەتىن كاسىپورىنعا قاراي قارىشتاۋىن جۇزەگە اسىرعاندىعىنان دەرەك بەرىپ، كوپ تۇتىنىلاتىن نەگىزگى ٴدارى ـ دارمەك ونەركاسىپ بۇيىمدارىنان، شيكىزات وڭدەلمەگەن ونىمدەرىنەن ٴتىپتى دە جوعارى قوسىمشا قۇندى شيكىزات دارىلەرىنە بۇرىلىس جاساۋىن ورىنداعان شەشۋشى سەرپىلىس سانالادى.
”بۇل سەرىكتەستىكتىڭ حيميالىق شيكىزات بويىنشا زەرتتەپ جاساعان ٴارى ٴدارى ـ دارمەك جولىمەن تىركەۋگە ٴوتىنىش ەتكەن تۇڭعىش ٴتۇرى“. وسى سەرىكتەستىكتىڭ ساپا باس باقىلاۋشىسى ۋاڭ حۇي بىلاي دەدى: سەرىكتەستىك تالاي جىل ۋاقىت جۇمساپ، عىلىم ـ تەحنيكادا جاڭالىق اشۋ ارقىلى تەحنولوگيانىڭ دارەجەسىن جوعارىلاتتى. بۇل ٴتۇر بەكىتىلگەننەن كەيىن، ەل ٴىشى ـ سىرتىندا شيكىزات ٴدارى بويىنشا ساتۋعا بولادى، تۇرلىشە ٴدارى ـ دارمەك وندىرەتىن كاسىپورىنداردىڭ تىكەلەي ىلىكتەس پايدالانۋىنا بەرىلەدى، سەرىكتەستىكتىڭ ەل ٴىشى ـ سىرتىنداعى بازارلاردا جىلدىق ساتىلۋ سوماسى مەجەمەن 50 ميلليون يۋاننان اسادى.
زەرتتەۋ ـ اشۋ ساتىسىندا، اۆتونوميالى رايوندىق ٴدارى ـ دارمەك باقىلاۋ ـ باسقارۋ مەكەمەسى ”شيۇڭچۇيياڭدانسۋاننىڭ“ جالپى بارىسىن قاداعالاپ، الدىڭعى ۇشىنا ارالاسىپ، ارناۋلى ادام قاداعالاپ، ٴار جاقتاعى تەحنيكالىق كۇشتەردى سايكەستىرىپ، كاسىپورىندى تىركەۋگە الدىرۋدى ٴوتىنىش ەتۋ بارىسىندا جولىققان قيىنشىلىقتار مەن ماسەلەلەردى شەشىپ، ساياساتتىق، تەحنيكالىق جاقتان باستان ـ اياق جەتەكشىلىك ەتتى.
”سوڭعى 3 جىلدان بەرى مەملەكەتتىك ٴدارى ـ دارمەك باقىلاۋ ـ باسقارۋ مەكەمەسىنىڭ زور كۇشپەن قولداۋىندا، ٴدارى ـ دارمەكتى تەكسەرىپ باعالاۋ، تەكسەرىپ بەكىتۋ ٴتۇزىمى رەفورماسىن ۇزدىكسىز تەرەڭدەتۋ ارقىلى رايونىمىزدا مەملەكەتتىك ٴدارى ـ دارمەك باقىلاۋ ـ باسقارۋ مەكەمەسىنىڭ ٴدارى ـ دارمەك بەكىتۋ ٴنومىرىن جاڭادان العانداردان ٴبىر جاڭا جۇڭي ٴدارى، 2 حيميالىق ۇقساتىپ جاسالعان ٴدارى، ٴبىر شيكىزات ٴدارى، 4 بيولوگيالىق ٴونىم بار“، ـ دەپ تانىستىردى اۆتونوميالى رايوندىق ٴدارى ـ دارمەك باقىلاۋ ـ باسقارۋ مەكەمەسىنىڭ قاتىستى جاۋاپتىسى.
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە جاڭاشا ٴدارى ـ دارمەك پەن ەمدەۋ اسپاپتارىن دامىتۋعا قولداۋ كورسەتۋ مەحانيزمىن اقاۋسىزداندىرىپ، جۇڭگوشا ٴدارى ـ دارمەك پەن شيپاگەرلىكتى جالعاستىرۋ، وندا جاڭالىق اشۋ، ونى دامىتۋ مەحانيزمىن كەمەلدەندىرۋ ورتاعا قويىلدى.
سوڭعى جىلدارى اۆتونوميالى رايوندىق ٴدارى ـ دارمەك باقىلاۋ ـ باسقارۋ مەكەمەسى اۆتونوميالى رايوندىق پارتكوم مەن ۇكىمەتتىڭ شەشىمدەرىن، ورنالاستىرۋلارىن مىقتاپ ارقاۋ ەتىپ، ٴدارى ـ دارمەكتى باقىلاۋ ـ باسقارۋ قىزمەتىن جوبالاپ، ىلگەرىلەتىپ، نازاردى اۆتونوميالى رايوننىڭ ”سەگىز ٴىرى كاسىپ سالاسى شوعىرى“ قۇرىلىسىنا شوعىرلاندىرىپ، رەفورمانى جاپپاي تەرەڭدەتىپ، ٴدارى ـ دارمەك كاسىپ سالاسىنىڭ تىزبەكتى ۇزارتۋىنا، تىزبەكتى تولىقتاۋىنا، تىزبەكتى كۇشەيتۋىنە بار كۇشپەن قىزمەت وتەپ، شينجياڭنىڭ ەرەكشە ٴدارى ـ دارمەك كاسىپ سالاسى قارىشتاپ العا دامىدى.
_ جۇڭگو (شينجياڭ) ەركىن ساۋدا سىناق رايونىنىڭ جۇڭي ٴدارى ـ دارمەكتەرىنە، ۇلت ٴدارى ـ دارمەكتەرىنە قىزمەت كورسەتۋ ارناۋلى ٴبانىن قۇرىپ، اۆتونوميالى رايوننىڭ رەفورما سىناق ٴتۇيىنى مىندەتىنىڭ 4 تۇرىنە باستاماشى بولىپ، ”رۇقسات الۋدى كەشىرۋدى“ الدىمەن اتقارىپ، الدىمەن سىناۋدان ۇلگى كورسەتۋ ٴتۇيىنىن قالىپتاستىرىپ، ”الدىن الا ارالاسۋ، ٴبىر كاسىپورىنعا ٴبىر شارا قولدانۋ، جالپى بارىسقا جەتەكشىلىك ەتۋ، زەرتتەۋ ـ تەكسەرۋ بىرلەسىپ قيمىلداۋ“ سىندى قىزمەت وتەۋ ۇستانىمىن جاپپاي امالياتتا ايگىلەپ، جۇڭي ٴدارى ـ دارمەكتەرىنىڭ، ۇلت ٴدارى ـ دارمەكتەرىنىڭ جالعاسۋىن، جاڭالىق اشا دامۋىن ىلگەرىلەتتى؛
_ وڭىرلىك حالىق اراسىنداعى ٴدارى ماتەريالدارى ولشەمىن مالىمدەۋ ٴتارتىبىن كەمەلدەندىرىپ، كاسىپ سالاسىن دامىتۋ تۇعىرىن قۇرىپ، گۋاڭدۇڭ، گۋاڭشي، جىجياڭ، انحۇي سياقتى جەرلەرگە بارىپ تەكسەرۋ ـ زەرتتەۋ جۇرگىزىپ، 11 كاسىپورىندى شاڭحاي اجارلاندىرۋ كورمەسىنە، قازاقستاننىڭ ەمدەۋ جانە اۋىز قۋىسى حالىقارالىق كورمەسىنە قاتىناسۋعا ۇيىمداستىردى، ورتا ازياداعى 5 ەلدىڭ حالىقارالىق تىركەۋ ساياساتىن تياناقتاندىرۋى جونىندە زەرتتەۋ ـ تالقى، اۋىس ـ كۇيىس ٴماجىلىسىن ۇيىمداستىرىپ اشىپ، شينجياڭ كاسىپورىندارىنىڭ ”شينجياڭنان شىعۋىنا، شەتەلگە شىعۋىنا“ دەم بەردى.
قازىر اۆتونوميالى رايوندىق ٴدارى ـ دارمەك باقىلاۋ ـ باسقارۋ مەكەمەسى كاسىپ ستيلى قۇرىلىسىنان قامال الۋدىڭ 3 جىلدىق ارناۋلى ارەكەتىن نەگىزگى تاقىرىپتىق تاربيەنىڭ جەتىستىكتەرىن ۇزدىكسىز بەكەمدەۋمەن، كەڭەيتۋمەن، ٴدارى ـ دارمەكتى باقىلاۋ ـ باسقارۋداعى قيىن ماسەلەلەردى شەشۋمەن ۇشتاستىرىپ، ٴبىر تۇتاس جوسپارلاپ ىلگەرىلەتىپ، رەفورمانى اناعۇرلىم جاپپاي تەرەڭدەتۋگە بەرىك نەگىز قالادى.
”رەفورمانى سانالى تۇردە اناعۇرلىم كورنەكتى ورىنعا قويۋ كەرەك“. اۆتونوميالى رايوندىق ٴدارى ـ دارمەك باقىلاۋ ـ باسقارۋ مەكەمەسىنىڭ قاتىستى جاۋاپتىسى مىنالاردى ٴبىلدىردى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ٴتۇرلى رەفورما ورنالاستىرۋلارىنىڭ ناقتى شارالارىن مۇقيات، ەگجەي ـ تەگجەيلى تياناقتاندىرىپ، ٴدارى ـ دارمەكتى باقىلاۋ ـ باسقارۋدىڭ تۇتاس بارىسىنداعى رەفورمانى تەرەڭدەتىپ، ٴدارى ـ دارمەكتى باقىلاۋ ـ باسقارۋ جۇيەسى مەن قابىلەت قۇرىلىسىن جاپپاي كۇشەيتىپ، ٴدارى ـ دارمەك كاسىپ سالاسىنىڭ جوعارى ساپالى دامۋىن بەلسەنە قولدايمىز.
