انار بۇلت \ شينجياڭ گازەتىنىڭ ٴتىلشىسى رىن چۇنشياڭ 8 ـ ايدىڭ 12 ـ كۇنى ۇرىمجىدەن حابارلايدى. 8 ـ ايدىڭ 7 ـ كۇنى ساعات 13تە شينجياڭ مەديتسينا داشۋەسىنە قاراستى 1 ـ شيپاحانانىڭ تىنىس جولى اۋرۋلارى ٴبولىمى امبولاتورياسىندا 60 جاستاعى ناۋقاس ياڭ شۋفاڭ تىنىس جولى اۋرۋلارى ٴبولىمىنىڭ مامانى شيا يۇيدىڭ ەمدەۋ بولمەسىنە بارىپ رەتسەپ جازدىردى. ”ساعات 11دەن اسقاندا شيپاگەر ماعان شيپاحانانىڭ ەمدەۋدى قامسىزداندىرۋ تەرەزەسىنەن ەرەكشە ٴدارى ـ دارمەك پايدالانۋدى ەستەلىككە الۋعا ٴوتىنىش ەتۋدى تاپسىردى، قازىر ەستەلىككە الۋدان ٴوتتى، وتە تەز ەكەن“، ـ دەدى ياڭ شۋفاڭ جايراڭداپ.
سول كۇنى تاڭەرتەڭ ياڭ شۋفاڭ الدىڭعى كۇندەگى قاتىستى تەكسەرۋ ناتيجەسىن الىپ، شيا يۇيگە بارىپ قايتا كورىنەدى. دياگنوز قويۋ ارقىلى ونىڭ سوزىلمالى توسىلۋ سيپاتتى وكپە اۋرۋىنا شالدىققاندىعى انىقتالادى، ناۋقاس جاعدايىنا قاراي، بۋديگفور تۇمانداتقىش ٴدارىسىن ٴسىمىرۋ ارقىلى باسەيتۋگە بولادى. بۇل ٴدارى ”قوس ارنالى“ ٴدارى ـ دارمەكتى باسقاراتىن ەرەكشە اۋرۋ تۇرىندەگى ٴدارى ـ دارمەككە جاتادى، تۇڭعىش پايدالانۋدان بۇرىن ەرەكشە ٴدارى ـ دارمەكتى ەستەلىككە الۋدى ٴوتىنىش ەتۋگە تۋرا كەلەدى، تەكسەرىپ بەكىتۋدەن وتكەننەن كەيىن عانا ەرەكشە ٴدارى ـ دارمەك ەمدەۋ قامسىزداندىرۋىنىڭ ەسەپتەن كوتەرۋ مامىلەسىنەن يگىلىكتەنە الادى. بيىل شينجياڭ مەديتسينا داشۋەسىنە قاراستى 1 ـ شيپاحانا ەرەكشە دارىلەردى ەستەلىككە الۋ ٴتارتىبىن كەمەلدەندىردى، ادەتتەگى ناۋقاستاردى تەكسەرىپ بەكىتۋ 2 قىزمەت كۇنىنەن اسىپ كەتپەۋى كەرەك، ناۋقاسى ٴبىرشاما اۋىر، اۋرۋ جاعدايى شۇعىل ەرەكشە ناۋقاستارعا قاراتا ەرەكشە دارىلەردى تەكسەرىپ بەكىتۋدە ”دەرەۋ ٴوتىنىش ەتۋ، دەرەۋ يگىلىكتەنۋدى“ ورىنداۋعا بولادى.
”مەن تۇستەن بۇرىن ەستەلىككە الۋ ٴوتىنىشىن تاپسىردىم دا ٴدارى جازدىردىم ٴارى ٴدارىنى قولىما الىپ ۇلگىردىم، ەكىنشى رەت شاپقىلاۋىمنىڭ قاجەتى جوق“، ـ دەدى ياڭ شۋفاڭ.
تەكسەرۋ بولمەسىندە قايتالاي تەكسەرۋدى كۇتىپ وتىرعان 68 جاستاعى ناۋقاس جين كىنيڭ دە باسىن يزەپ القاي جونەلدى. ”بۇرىن ىستەتكەن ٴدارى ـ دارمەگىمنىڭ 3 ايلىق ىستەتىلۋ مولشەرى ەسەپتەن كوتەرىلگەننەن كەيىن، شامامەن 280 يۋان اقشانى ٴوزىم تولەدىم. بۋديگفور سىمىرىلەتىن تۇمانداتقىش ٴدارىسىن اۋىستىردىم، 3 قوراپ ٴدارىنى ەسەپتەن كوتەرگەننەن كەيىن، ٴوز قالتامنان 172 يۋان عانا تولەدىم. باعاسى ارزانداپتى، ٴدارىنىڭ ٴونىمى دە جاقسى“، ـ دەدى.
ەمدەۋ قامسىزداندىرۋىنداعى ”مەملەكەتتىڭ كەلىسىم مەرزىمىندە ەمدەۋدى قامتاماسىزداندىرۋ بىتىمىندە باعاسى تۇراقتاندىرىلعان دارىلەردىڭ“ ۇدايىلاندىرىلا ىلگەرىلەتىلۋىنە بايلانىستى، مەملەكەتتىك ەمدەۋدى قامتاماسىزداندىرۋ مەكەمەسى كەلىسىپ بەكىتىلگەن ٴدارى ـ دارمەكتىڭ ”قوس ارنالى“ باسقارۋ مەحانيزمىن ورناتىپ، ەمدەۋ قۇرىلىمدارى مەن بولشەك ساتىلاتىن ٴدارى ـ دارمەك دۇكەندەرىن كەلىسىلگەن دارىلەرمەن قامداۋدى قامتاماسىزداندىرۋ كولەمىنە ەنگىزدى ٴارى بىردەي ەسەپتەن كوتەرۋ ساياساتىن اتقاردى. رايونىمىز كلينيكالىق قۇنى جوعارى، سۇرانىسى شۇعىل، قاراجاتى جوعارى ٴدارى ـ دارمەكتەردى ”قوس ارنالى“ باسقارىلاتىن ٴدارى ـ دارمەك تىزىمىنە ٴتۇيىندى تۇردە ەنگىزدى، ”قوس ارنالى“ ٴدارى ـ دارمەك مولشەرىنىڭ ۇزدىكسىز ارتۋىنا بايلانىستى، سيرەك كەزدەسەتىن اۋرۋلاردى، ەرەكشە اۋرۋلاردى قامتىعان ٴدارى ـ دارمەكتەر دە ۇزدىكسىز كوبەيدى، قازىر رايونىمىزدا ”قوس ارنالى“ ٴدارى ـ دارمەكتەردىڭ سانى 229 تۇرگە جەتتى.
” ’قوس ارنا‘ ساياساتىن اتقارىپ، ناۋقاستار ەرەكشە ٴدارى ـ دارمەكتەردى ەستەلىككە الۋ ٴتارتىبىن ورىنداعاننان كەيىن، شيپاحانالاردا جانە تۇراقتى بولشەك ساتۋ ٴدارى ـ دارمەك دۇكەندەرىندە ەمدەۋدى قامتاماسىزداندىرۋ بويىنشا تىكەلەي توراپتان توعىسۋ ارقىلى ەمدەۋ قامتاماسىزداندىرۋ ەسەبىن جابۋعا بولادى، ناۋقاستار تەك ٴوزى تولەيتىن بولىگىن ۇستىنە السا بولعانى، نەگىزگى ەمدەۋدى قامسىزداندىرۋ، سالماقتى اۋرۋلار بويىشا ەسەپتەن كوتەرۋ سياقتىلاردى ٴبىر بەكەت ۇلگىسىندە شەشىپ، ناۋقاستاردىڭ ٴدارى ـ دارمەكتەن پايدالانۋ قامتىمدىلىعىن جوعارىلاتىپ، ناۋقاستاردىڭ ەمدەلۋ اۋىرتپالىعىن جەڭىلدەتۋگە بولادى“، ـ دەدى شينجياڭ مەديتسينا داشۋەسىنە قاراستى 1 ـ شيپاحانانىڭ ەمدەۋدى قامسىزداندىرۋ كەڭسەسىنىڭ جاۋاپتىسى.
وسى جاۋاپتى بىلاي دەپ تانىستىردى: شينجياڭ مەديتسينا داشۋەسىنە قاراستى 1 ـ شيپاحانا ”مەملەكەتتىڭ كەلىسىم مەرزىمىندە ەمدەۋدى قامسىزداندىرۋ بىتىمىندە باعاسى تۇراقتاندىرىلعان دارىلەردەن“ كلينيكالىق پايدالانۋ جانە ۇلەستىرۋ قىزمەت جوباسىن جاساپ، ٴدارى ـ دارمەك تىزىمدىگىن رەتتەۋ مەن شيپاحانانىڭ ٴدارى ـ دارمەك ۇلەستىرۋدەگى بىرلەسىپ قيمىلداۋ ۇزاق ٴونىمدى مەحانيزمىن ورناتىپ، جاڭادان ەنگىزىلگەن ٴدارى ـ دارمەكتەردىڭ ەمدەۋدى قامسىزداندىرۋ ينفورماتسياسىنىڭ ٴار دارەجەلى ەمدەۋدى قامسىزداندىرۋمەن بىردەي بولۋىنا كەپىلدىك ەتىپ، كەلىسىپ بەكىتىلگەن ٴدارى ـ دارمەكتەردىڭ شيپاحانالارعا ٴساتتى كىرۋىنە، ىستەتىلۋىنە كەپىلدىك ەتتى. بيىل جىل باسىندا 229 ٴتۇرلى ”قوس ارنالى“ ٴدارى ـ دارمەك شيپاحانالاردىڭ ٴدارى ـ دارمەك سوزدىك قويماسىنا ەنگىزىلدى.
اۋرۋدىڭ قايتالانۋ مولشەرى جوعارى، پايدالانۋ مولشەرى جوعارى دارىلەر ۇنەمىلىك ٴدارى ـ دارمەكتەردى باسقارۋ كولەمىنە ەنگىزىلىپ، امبولاتوريا ٴدارىحانالارىنان كەز كەلگەن ۋاقىتتا الۋعا بولادى، ال اۋرۋدىڭ قايتالانۋ مولشەرى تومەن، پايدالانۋ مولشەرى از ەرەكشە ازىرلەنگەن تۇرلەرگە بالنيتساعا جاتقان ناۋقاستاردىڭ كلينيكالىق قاجەتى بولسا، ۋاقىتتىق ساتىپ الۋلارىنا بولادى، 4 ساعاتتا شيپاحاناعا بارىپ پايدالانۋىنا بولادى، امبولاتوريادا ەمدەلگەن ناۋقاستار سىرتتاي رەتسەپ جازۋ ۇلگىسىن دە جۇزەگە اسىرا الادى، ٴدارى ـ دارمەكتەردىڭ قول جەتىمدىلىگىنە كەپىلدىك ەتەدى.
شينجياڭ مەديتسينا داشۋەسىنە قاراستى 1 ـ شيپاحانا تاعى ”قوس ارنالى“ ٴدارى ـ دارمەكتەردى ناۋقاستار ەستەلىككە الدىرۋدىڭ جاسىل ارناسىن اشىپ، ەستەلىككە الۋدى جوعارى ونىمدىلىكپەن تەكسەرۋدى جۇزەگە اسىردى.
