”مىنەكي، ءبىز ۇشىپ بارامىز!“ 8-ايدىڭ 9-كۇنى، حوتان ايماعى شەريا اۋدانى داماگۋ اۋىلى گۇلتەرگەن قىستاعى جانە شورحانا قىستاعىنان كەلگەن 22 باستاۋىش مەكتەپ وقۋشىسى جۇڭگو حالىقتىق اۆياتسيا مەكەمەسىنىڭ قىستاقتا تۇراتىن قىزمەت اترەتىنىڭ ەكى ءبىرىنشى شۋجيىنىڭ باستاۋىندا، حۋاشيا اۆياتسيا سەرىكتەستىگىنىڭ CRJ900 جولاۋشىلار ۇشاعىنا وتىرىپ، كەريا اۋدانىنان حوتان اۋەجايىنا دەيىن ۇشاققا وتىرۋدى سەزىندى. وسى رەتكى سەزىنۋ اۋىل - قىستاقتاعى ۇشاققا وتىرىپ كورمەگەن بالالارعا ەرەكشە ءبىر كانيكول سيلادى، سونىمەن قوسا، ولاردىڭ حالىقتىق اۆياتسيا ىستەرى جونىندە تەرەڭ تانىمعا يە بولۋىنا مۇمكىندىك جاسادى، وسى رەتكى قيمىلدى حوتان كۇنگاڭ اۋەجايى جانە حۋاشيا اۆياتسيا سەرىكتەستىگى زور كۇشپەن دەمەدى.
بالالار كەزەكشى ۇشاققا وتىرۋ راسمياتىن ءبىتىرۋ، حاۋىپسىزدىك تەكسەرۋى، ۇشاق كۇتۋ، ۇشاققا شىعۋ سياقتى بارىستاردى سەزىندى.
قيمىل وتكىزىلگەن كۇنى، بالالار ەرتەمەن كەلىپ، كەريا ۋانفاڭ اۋەجايىنىڭ تەرمينالىنا كەلىپ، كەزەكشى ۇشاققا وتىرۋ راسمياتىن ءبىتىرۋ، حاۋىپسىزدىك تەكسەرۋى، ۇشاق كۇتۋ، ۇشاققا شىعۋ سياقتى بارلىق بارىستى ءوز كوزدەرىمەن كوردى. ۇشاق كۇتىپ تۇرعان كەزىندە، ەكى ءبىرىنشى شۋجي ۇشاق كۇتۋ زالىنىڭ سىرتىنداعى مۇنارا تەكشەسى مەن ۇشاق الاڭقىسىندا ۇقساماعان تۇرپاتتاعى ۇشاقتاردى نۇسقاپ، حالىقتىق اۆياتسيا جانە اۋە قاتىناسىن باسقارۋ ىستەرىنە قاتىستى بىلىمدەردى بالالارعا ءتۇسىندىردى.
ۇشاققا تۇڭعىش وتىرعان بالالار ەرەكشە قۋاندى.
ساعات 10نان 20 مينۋت وتكەندە، ۇشاق ءدال ۋاعىندا قوزعالىپ سىرعىما جولعا بەتتەدى، ونان كەيىن سىرعىما جولدا قارقىن تەزدەتىپ، دوڭگەلەك جيناۋ، جەردەن كوتەرىلۋ، بيىكتەۋ بارىستارىنان كەيىن، اسپانعا قاراي ورنىقتى ۇشتى. تۇڭعىش ۇشاققا وتىرعان بالالار العاشىندا ابىرجىعان بەينە بايقاتتى، الايدا كوپ وتپەي، قۋانىشتارى قوينىنا سيماي، تەرەزە جاققا تاعاتسىزدانا قارادى، 40 نەشە مينۋت كەڭىستىكتە ۇشۋدان كەيىن حوتان كۇنگاڭ اۋەجايىنا ورنىقتى قوندى.
حالىقتىق اۆياتسيانىڭ دەمەۋىندە قىستاقتاعى بالالار ۇشاققا وتىردى.
”ۇشاققا وتىرعان كەرەمەت - اق ەكەن، وتە ورنىقتى، اۆتوكولىكتەن دە ورنىقتى ەكەن، مەن جاقسى ۇيرەنىپ، ەسەيگەندە ۇشقىش بولامىن“،-دەدى گۇلتەرگەن قىستاعىنان كەلگەن ءماتياسىن. ”حوتانداعى ءشولدى القاپ مۇنشالىقتى ۇلكەن بولار ما، ەسەيگەندە مەكەنىمدى كوركەيتۋگە، مەكەنىمدى بارعان سايىن جاسىلداندىرۋعا كۇش قوسامىن“!،-دەدى شورحانا قىستاعىنان كەلگەن ماتكەرىم. اۋەدە ۇشۋ بالالاردى وزدەرىنىڭ مەكەنى جونىندە جاڭا تانىمعا يە ەتتى.
حالىقتىق اۆياتسيانىڭ دەمەۋىندە قىستاقتاعى بالالار ۇشاققا وتىردى.
جۇڭگو حالىقتىق اۆياتسيا مەكەمەسىنىڭ قىستاقتا تۇراتىن قىزمەت اترەتى كوپ جىلداردان بەرى گۇلتەرگەن قىستاعى مەن شورحانا قىستاعى سىندى ەكى قىستاققا تۇرىپ كومەكتەسۋ - سۇيەمەلدەۋ قىزمەتىن ورىستەتتى. تۇيىندە سۇيەمەلدەۋدى جانە اۋىل-قىستاقتى گۇلدەندىرۋدى ورىستەتۋمەن بىرگە، حالىقتىق اۆياتسيانىڭ بايلىق ابزالدىلىعىن تولىق ساۋلەلەندىرىپ، كومەكتەسۋ - سۇيەمەلدەۋ شاراسىندا جاڭالىق اشىپ، حالىقتىق اۆياتسيا بىلىمدەرىن جالپىلاستىردى.
”ءبىز قىستاقتاعى بالالارعا وسىنداي قيمىل وتكىزىپ بەرۋ ارقىلى ولاردىڭ كوز اياسىن كەڭەيتىپ، ارمانعا قانات قاعۋىنا، ونان دا ماڭىزدىسى، ولاردىڭ حالىقتىق اۆياتسيا ارقىلى وتاننىڭ قۇدىرەتتەنگەنىن سەزىنۋىنە مۇمكىندىك جاسادىق“،-دەدى جۇڭگو حالىقتىق اۆياتسيا مەكەمەسىنىڭ قىستاقتا تۇراتىن قىزمەت اترەتى باس جەتەكشىسى جاڭ لەي.
(ەرىكتى تىلشىلەر جوۋ يۋە، ياڭ لەي)
