”بيىل شاپپالىقتىڭ ٴوسۋى جاقسى، شابىلعان ٴشوپ قىستاقتا باعىلاتىن سيىر، قويلارىمنىڭ قىستان وتۋىنە نەگىزىنەن جەتەدى، كوڭىلىم نەداۋىر ورنىعىپ قالدى. قىستاق پارتيا ياچەيكاسى مەن قىستاق كادرلارىنا ەرەكشە العىس ايتامىن، ٴار جىلى ٴشوپ شابۋ ماۋسىمىندا كەلىپ كومەكتەسەدى!“ 8 ـ ايدىڭ 12 ـ كۇنى تولى اۋدانى تەمىرتام قالاشىعى ارپاسالعان قىستاعىنداعى قاجىكەن جانات.
كۇزدىڭ كىرۋىمەن، شوپتەر سارعايىپ، تولى اۋدانىنىڭ ٴارقايسى اۋىل ـ قالاشىقتارىنداعى جايلىمداردا 4 دوڭگەلەكتى، كوتەرمەلى ٴشوپ ورۋ ماشيناسى مەن ۇزىن وراق بىرگە مايدانعا شىقتى، ورىپ الىنعان ٴشوپ پەن تايلانعان ٴشوپ بۋماسى قاتار ـ قاتار ٴتىزىلىپ، جايلىمنىڭ كوركىن اسىرىپ، مالشىلاردىڭ قاربالاس بەينەسىمەن توعىسىپ، التىن كۇزدەگى مول ءونىم الۋدىڭ كوركەم كورىنىسىنە اينالدى. تولى اۋدانى تەمىرتام قالاشىعى ارپاسالعان قىستاعى مەن حاتۋ قىستاعى سىندى 2 مال شارۋاشىلىق قىستاعىنىڭ ماڭىنداعى جايلىمدا قاربالاستىق كورىنىس مەن مۇندالاپ ، كوپشىلىك ٴوز مالدارىنىڭ قىستان امان وتۋىنە ”ازىق“ دايىنداپ جاتتى.
مالشى قاجىكەن جانات ارپاسالعان قىستاعىنىڭ ماڭىنداعى جايىلىمدا ارقالاپ كوتەرىپ جۇرەتىن ٴشوپ ماشيناسىمەن ٴشوپ ورۋدا، قىستاق پارتيا ياچەيكاسىنىڭ شۋجيى ياڭ پىڭ قىستاق كادرلارىن باستاپ، ونىڭ ٴشوپ شاۋىپ، باۋلاۋىنا كومەكتەسىپ، بىرگە قاربالاستىققا ٴتۇستى.
حاتۋ قىستاعىنىڭ ماڭىنداعى جايىلىمدا قىستاق كادرلارى، قىستاقتا تۇراتىن قىزمەت اترەتى مالشىلارمەن بىرگە ٴشوپ ورۋ قاربالاستىعىنا ءتۇستى. قىستاق پارتيا ياچەيكاسىنىڭ شۋجيى ەركىنبەك جۇماش بىلاي دەپ تانىستىردى: قازىر جايلىمدا ٴشوپ شابۋ، ٴشوپ باۋلاۋ، تاسۋ جۇمىسى نەگىزىنەن ماشينالاسىپ، ەڭبەك كۇشەمەلىلىگى جەڭىلدەۋمەن بىرگە، ۋاقىت تا ۇنەمدەلدى، بيىلعى ٴشوپ شابۋ مىندەتى ٴبىر اپتا بۇرىن ورىندالادى.
تولى اۋدانى تەمىرتام قالاشىعىنداعى ەكى مال شارۋاشىلىق قىستاعىندا قازىر 2 ميلليون 200 مىڭ مۋدان استام جايىلىم بار ، الايدا تاۋلى وڭىردەگى ٴشوپتىڭ ٴوسۋى تۇگەلدەي ”تابيعاتقا سۇيەنەدى“، قىس ماۋسىمىندا مالدى جەم ـ شوپپەن قامداۋ قىسىمىن ٴونىمدى تۇردە جەڭىلدەتۋ ٴۇشىن، تەمىرتام قالاشىعى پارتكومى، قالاشىق ۇكىمەتى بەلسەنە شارا قولدانىپ، قالاشىق رايونىنان اعىپ وتەتىن كوكتال وزەنىنىڭ ەكى جاعالاۋىنا توسپا سالىپ، سۋ جەتكىزىپ، قىستاقتىڭ ماڭىنداعى جەردەگى 8000 مۋدان استام شاپپالىقتى سۋارىپ، ٴشوپتىڭ ٴوسۋ جاعدايىن جەبەپ، ەكى قىستاققا وتىرىقتانعان مالشىلاردىڭ تۇراقتى باعىمىنداعى 10 مىڭنان استام مالدىڭ قىسقى جەم - ٴشوپ ماسەلەسىن شەشىپ، تاۋ قويناۋىنداعى مال شارۋاشىلىق رايوندارىنىڭ قىسقى جەم - ٴشوپ تاپشىلىعىن كۇش سالا تولىقتادى. ساناققا نەگىزدەلگەندە، تۇتاس قالاشىقتاعى ەكى مال شارۋاشىلىق قىستاعىنان بيىل مەجەمەن 4200 توننا اينالاسىندا ٴشوپ جيىلادى ەكەن.
”مالشىلاردىڭ تىرشىلىك تىرەگى بولعان جايلىمدى ويداعىداي قورعاپ، مالدىڭ قىستان امان وتۋىنە كەپىلدىك ەتۋ، مالشىلاردىڭ ٴونىمدى، كىرىستى ارتتىرۋىنا مۇمكىندىك جاساۋ قالاشىق پارتكومنىڭ، قالاشىق ۇكىمەتىنىڭ جانە جايلىم باقىلاۋ ـ باسقارۋ تاراۋلارىنىڭ باستى تولعاقتى ماسەلەسى. ٴبىز تۇتاس قالاشىقتىڭ مال شارۋاشىلىق رايوندارىنداعى جايلىم مەن مالدىڭ تەپە ـ تەڭدىگىن ساقتاۋ قىزمەتىن ۇزدىكسىز ورنىقتى ىلگەرىلەتىپ، جايلىم ەكولوگياسىن قورعاۋ تەبىنىن ارتتىرىپ، ورايدى مىقتى يگەرىپ، مالشى بۇقاراسىن كۇزگى ٴشوپ شابۋ جانە قىسقى جەم ـ ٴشوپ دايىنداۋ قىزمەتىن ورىستەتۋگە ٴتارتىپتى ۇيىمداستىرىپ، تۇتاس قالاشىقتاعى 40 مىڭنان استام مالدىڭ قىستان امان وتۋىنە تاماشا نەگىز قالايمىز“، ـ دەدى تەمىرتام قالاشىعىنىڭ ورىنباسار باستىعى نۇربولات تەمىراقىن.
