_ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسىنىڭ ۇگىت لەكسيا قيمىلى تۋرالى جالپى شولۋ
□ انار بۇلت \ شينجياڭ گازەتىنىڭ ٴتىلشىسى جاڭ لەي
رەفورما جەلكەن جايىپ، دابىل قاعىپ، قايتا جورىققا اتتانۋعا قۋزادى.
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى جابىلعاننان كەيىن، شينجياڭ پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋىنا ساي، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسىن جەدەل ۇيىمداستىرىپ، 8 ـ ايدىڭ باس شەنىنەن باستاپ، بۇكىل شينجياڭ كولەمىندە جالپى ٴماجىلىس رۋحى جونىندە ۇگىت لەكسيا جاساۋ قيمىلىن شوعىرلى ورىستەتتى.
ورتاق تانىم ۇگىت لەكسيا بارىسىندا شوعىرلاندى، يدەيا ۇيرەنۋ بارىسىندا جوعارىلادى. تارىم وزەنى جاعاسىنان التاي تاۋىنىڭ ەتەگىنە دەيىن، ورگان، ورىنداردان، كاسىپورىن باقشا رايونىنا دەيىن، اتىز باسىنان قالا، اۋىل، الەۋمەتتىك اۋماقتارعا دەيىن... بىرنەشە كۇننەن بەرى اۆتونوميالى رايوننىڭ ۇگىت لەكسيا ۇيىرمەسىنىڭ مۇشەلەرى 10 گرۋپپاعا ٴبولىنىپ، اۆتونوميالى رايونعا توتە قاراستى ورگاندارعا، ٴارقايسى ايماق، وبلىس، قالالارعا بارىپ ۇگىت لەكسيا جۇرگىزىپ، جالپى ٴماجىلىس رۋحىن جاپپاي ىشكەرىلەي ٴتۇسىندىردى ٴارى نەگىزگى ساتىداعى كادرلارمەن، بۇقارامەن بەتپە ـ بەت، ىقپالداستىق فورمادا اڭگىمە وتكىزىپ، ۇگىت لەكسيا جۇرگىزىپ، جالپى ٴماجىلىس رۋحىنىڭ تيانشان الابىنا، سان مىڭداعان وتباسىنا جەتۋىن ىلگەرىلەتتى.
قازىرگە دەيىن اۆتونوميالى رايوننىڭ ۇگىت لەكسيا ۇيىرمەسى اۆتونوميالى رايونعا توتە قاراستى ورگانداردا، ٴارقايسى ايماق، وبلىس، قالالاردا 15 رەت شوعىرلى ۇگىت لەكسيا بايانداما ٴماجىلىسىن اشىپ، 14 رەت ٴتۇرلى فورمادا ٴوزارا ىقپالداستىق ۇگىت لەكسيا جۇرگىزىپ، تىكە تىڭداعاندار جانە بولىمشە جينالىس الاڭىندا تىڭداعاندار 100 مىڭنان استى.
دەن قويا ۇيىمداستىرىپ، ۇگىت لەكسيا ورلەۋىن كوتەردى
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى _ جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتكەن شەشۋشى مەزگىلدە اشىلعان ٴبىر رەتكى توتەنشە ماڭىزدى ٴماجىلىس. جالپى ٴماجىلىس رۋحىن ويداعىداي ۇيرەنۋ، ويداعىداي ۇگىتتەۋ، ويداعىداي دايەكتىلەندىرۋ _ كەزەكتەگى جانە مۇنان بىلايعى ٴبىر مەزگىلدەگى كەلەلى ساياسي مىندەت.
اۆتونوميالى رايوندىق پارتكوم جالپى ٴماجىلىس رۋحىن ۇيرەنۋ، ۇگىتتەۋ، دايەكتىلەندىرۋ قىزمەتىنە ايرىقشا ٴمان بەردى. 7 ـ ايدىڭ 19 ـ كۇنى اۆتونوميالى رايوندىق پارتكومنىڭ تۇراقتى كوميتەتى ٴماجىلىس اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن، اسىرەسە، باس شۋجي شي جينپيڭنىڭ قىزمەت بايانداماسى مەن ماڭىزدى ٴسوزىنىڭ رۋحىن مۇقيات جەتكىزىپ، ۇيرەنىپ، دايەكتىلەندىرىپ، ۇيرەنۋ، ۇگىتتەۋ، دايەكتىلەندىرۋ قىزمەتىن اقىلداستى، ورنالاستىردى. 3 كۇننەن كەيىن، اۆتونوميالى رايون كادرلار جينالىسىن اشىپ، ۇيرەنۋ، ۇگىتتەۋ، دايەكتىلەندىرۋ قىزمەتى جونىندە ىشكەرىلەي جان ـ جاقتى ورنالاستىرۋ جاسادى.
ٴبىر ۇلەس ورنالاستىرۋدا، توعىز ۇلەس تياناقتاندىرۋدا. رايونىمىز ساياسي ساپاسى جاقسى، نازاريالىق دەڭگەيى جوعارى، ۇگىت لەكسيا قابىلەتى كۇشتى ٴبىر توپ تىرەكتى كۇشتەردى دەن قويا سۇرىپتاپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسىن جوعارى ولشەممەن ۇيىمداستىردى.
8 ـ ايدىڭ 2 ـ كۇنى اۆتونوميالى رايون پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحى جونىندە ۇگىت لەكسيا جاساۋ قىزمەتىنە اتتانىسقا كەلتىرۋ ٴماجىلىسىن اشىپ، بۇكىل رايون كولەمىندە جالپى ٴماجىلىس رۋحىن ۇيرەنۋ، ۇگىتتەۋ، دايەكتىلەندىرۋ ورلەۋىن جەدەل كوتەرۋدى باسا دارىپتەدى. بۇقارامەن جاناسىمدى، جالىندى، باۋرامدى ۇگىت لەكسيا قيمىلدارى شينجياڭنىڭ بايتاق دالاسىندا جەدەل ورىستەتىلدى. ۇگىت لەكسيا ۇيىرمەسىنىڭ مۇشەلەرى جاندى مىسالدار، ەگجەي ـ تەگجەيلى جيناقتاۋ، جاندى ٴتۇسىندىرۋ ارقىلى جالپى ٴماجىلىستىڭ نەگىزگى رۋحىن، نەگىزگى مازمۇنىن جان ـ جاقتى، جۇيەلى تانىستىرۋمەن بىرگە، نازاردى ٴتۇيىندى جاقتارعا شوعىرلاندىرىپ، شەشۋشى ماسەلەلەردى شوعىرلى ٴتۇسىندىرىپ، تىڭدارمانداردىڭ جالپى ٴماجىلىس رۋحىن ٴتۇسىنۋىن جانە يگەرۋىن تەرەڭدەتتى.
ٴىس جۇزىندىكپەن بايلانىستىرىپ، جالپى ٴماجىلىس رۋحىن ەگجەي ـ تەگجەيلى ٴتۇسىندىردى
جالپى ٴماجىلىس رۋحىن ۇيرەنۋدىڭ تەتىگى _ وزەكتى مازمۇن مەن رۋحاني ٴمانىن ٴتۇسىنىپ، ونى ٴارقايسى ايماق، وبلىس، قالالاردىڭ ناقتى ارەكەتىنە اينالدىرۋ.
8 ـ ايدىڭ 9 ـ كۇنى اۆتونوميالى رايوننىڭ ۇگىت لەكسيا ۇيىرمەسىنىڭ ۇگىت لەكسيا بايانداما ٴماجىلىسى قارامايلى قالاسىندا وتكىزىلدى. اۆتونوميالى رايوننىڭ ۇگىت لەكسيا ۇيىرمەسىنىڭ مۇشەلەرى باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ٴبىر قىدىرۋ جاڭا يدەيالارىن، جاڭا كوزقاراستارىن، جاڭا تۇجىرىمدارىن ىشكەرىلەي ۇيرەنۋ، ٴتۇسىنۋ، جالپى ٴماجىلىس العا قويعان رەفورمانى ونان ارى جاپپاي تەرەڭدەتۋدىڭ كەلەلى شارالارىن جاپپاي دالمە ـ ٴدال ٴتۇسىنۋ، ٴتۇرلى رەفورما مىندەتتەرىنىڭ تياناقتانىپ، ناتيجە كورسەتۋىن بار كۇشپەن ىلگەرىلەتۋ سياقتى جاقتار توڭىرەگىندە ىشكەرىلەي ۇگىت لەكسيا جاسادى.
ۇگىت لەكسيا الاڭىندا دۋ قول شاپالاق ٴۇنى ۇزاققا دەيىن تولاستامادى. ٴماجىلىس الاڭىنىڭ ٴىشى ـ سىرتىندا اسقاق جىگەرمەن ەكپىندەي العا ىلگەرىلەۋدىڭ جالىندى ىنتاسى تاسقىندادى.
”دامۋ جانە رەفورما جۇيەسىنىڭ كادرى رەتىندە، مەن جاۋاپكەرشىلىگىمنىڭ اۋىر ەكەندىگىن تەرەڭ سەزىندىم“. قارامايلى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى فان چييۇڭ تەرەڭ اسەر الىپ مىنالاردى ٴبىلدىردى: جالپى ٴماجىلىس رۋحىن ىشكەرىلەي ۇيرەنىپ، دايەكتىلەندىرىپ، رەفورما سىندى ”شەشۋشى شارادان“ ويداعىداي پايدالانۋعا تاباندى بولىپ، ەكونوميكا مەن قوعام سالاسىنداعى رەفورمانى جاپپاي تەرەڭدەتۋ مىندەتتەرىن تاباندىلىقپەن ويداعىداي ەگجەي ـ تەگجەيلى، ناقتى تياناقتاندىرىپ، قارامايلى رايونىنىڭ جوعارى ساپالى دامۋىنا ۇزدىكسىز پارمەندى قوزعاۋشى كۇش ۇستەيمىز.
اۆتونوميالى رايونعا توتە قاراستى ورگاندار جالپى ٴماجىلىس رۋحىن ۇيرەنۋ، ۇگىتتەۋ، دايەكتىلەندىرۋ جاعىندا الدىڭعى لەكتە ٴجۇرۋى كەرەك. 8 ـ ايدىڭ 13 ـ كۇنى اۆتونوميالى رايوننىڭ ۇگىت لەكسيا ۇيىرمەسىنىڭ اۆتونوميالى رايونعا توتە قاراستى ورگانداردىڭ ارناۋلى ۇگىت لەكسيا بايانداما ماجىلىسىندە ۇگىت لەكسيا ۇيىرمەسىنىڭ مۇشەلەرى نەگىزگى تاقىرىپتى تىعىز ارقاۋ ەتىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ كەلەلى ٴمانىن تەرەڭ ٴتۇسىنۋ جانە يگەرۋ، باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنۋ، ٴتۇسىنۋ، «قاۋلىدا» العا قويىلعان كەلەلى شارالاردى جاپپاي دالمە ـ ٴدال ٴتۇسىنۋ، جالپى ٴماجىلىس رۋحىن دايەكتىلەندىرۋدى، تياناقتاندىرۋدى بار كۇشپەن ويداعىداي يگەرۋ سياقتى 4 جاقتان جالپى ٴماجىلىس رۋحىن جۇيەلى ٴتۇسىندىردى جانە ىشكەرىلەي ۇعىندىردى.
مىنبەدە بار زەيىنىمەن سويلەدى، مىنبە استىندا مۇقيات تىڭدادى. ”ۇگىت لەكسيا بايانداماسىنىڭ كوز اياسى كەڭ، تاقىرىبى ايقىن بولىپ، مەنى ايرىقشا جەلپىندىردى“. اۆتونوميالى رايوندىق قاتىناس ـ تاسىمال مەڭگەرمەسى كەڭسەسىنىڭ 1 ـ دارەجەلى تەكسەرىپ ـ زەرتتەۋشىسى حۋ جياڭبو تولتىرا جازىلعان ەستەلىك داپتەرىن كورسەتىپ بىلاي دەدى: جالپى ٴماجىلىس ورنالاستىرعان قاتىناس ـ تاسىمال رەفورماسى مىندەتىن تەرەڭ ٴتۇسىنىپ، شينجياڭنىڭ قاتىناس ـ تاسىمال سالاسىنداعى ٴتۇرلى رەفورمالاردى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە كۇش قوسامىن.
جوعارى مەكتەپتەر _ جالپى ٴماجىلىس رۋحىن ۇيرەنەتىن، ۇگىتتەيتىن، دايەكتىلەندىرەتىن ماڭىزدى شەپ. 8 ـ ايدىڭ 12 ـ كۇنى اۆتونوميالى رايوننىڭ ۇگىت لەكسيا ۇيىرمەسى قاشقار ايماعىنداعى ۇگىت لەكسيا بايانداما ٴماجىلىسىن اياقتاتقاننان كەيىن، قاشقار داشۋەسىنىڭ شينچۋان مەكتەپ اۋماعىندا اڭگىمە، اۋىس ـ كۇيىس ٴماجىلىسىن وتكىزدى. اۆتونوميالى رايوننىڭ ۇگىت لەكسيا ۇيىرمەسىنىڭ مۇشەلەرى ساياسي سوزدەردى، نازاريالىق سوزدەردى جاستاردىڭ سوزىنە، تۇرمىستىق سوزگە اينالدىرىپ، ماجىلىسكە قاتىناسقان كادرلارمەن، وقىتۋشى ـ وقۋشىلارمەن ۇگىت لەكسيا نەگىزگى تاقىرىبى توڭىرەگىندە اقتارىلا اڭگىمەلەستى.
”جالپى ٴماجىلىس ٴبىز جاستارعا جاڭا تاريحي بورىش جۇكتەدى، مەن كاسىپتىك بىلىمدەردى ۇزدىكسىز ۇيرەنىپ، ىسىلعان ونەرىمدى شىڭداپ، ٴىس جۇزىندىك ارەكەتىم ارقىلى پارتيا مەن مەملەكەتتىڭ ۇندەۋىنە ٴۇن قوسامىن“، ـ دەدى قاشقار داشۋەسى ماركسيزم شۋەيۋانىنىڭ وقۋشىسى حۋ جيانشيڭ تەبىرەنە.
نەگىزگى ساتىنى ىشكەرىلەي ارالاپ، جالپى ٴماجىلىس رۋحىن تيانشان الابىنا تاراتتى
8 ـ ايدىڭ 9 ـ كۇنى شاۋەشەك قالاسى شينچىڭ ٴمالىسى قاراٴدوڭ الەۋمەتتىك اۋماعىنىڭ تۇرعىنى سالىقجان ٴيمىننىڭ ۇيىنەن ٴالسىن ـ ٴالى شاپالاق ٴۇنى كوتەرىلدى. اۆتونوميالى رايوننىڭ ۇگىت لەكسيا ۇيىرمەسىنىڭ مۇشەلەرى وسى اراعا كەلىپ جالپى ٴماجىلىس رۋحى جونىندە ۇگىت لەكسيا جاسادى ٴارى ٴار ۇلت بۇقاراسىمەن بەتپە ـ بەت ىقپالداسىپ پىكىر اۋىستىردى.
سالىقجان ٴيمىن _ مەملەكەتتىك ۇلتتار ىنتىماعىنداعى، العاباسارلىعىنداعى ۇلگىلى جەكە، 10 نەشە جىلدى ٴبىر كۇندەي وتكىزىپ، ٴوز ٴۇيىنىڭ اۋلاسىندا مەملەكەت تۋىن شىعارۋ سالتىن وتكىزىپ كەلەدى. ۇگىت لەكسيا ۇيىرمەسىنىڭ مۇشەلەرى ”جۇڭحۋا ۇلتى ورتاق تۇلعا تانىمىن بەكەمدەۋ ٴتۇزىم ـ مەحانيزمىن اقاۋسىزداندىرۋ“ سياقتى جاقتاردى ارقاۋ ەتىپ، قارا ٴدوڭ الەۋمەتتىك اۋماعىنىڭ ٴىس جۇزىندىك جاعدايىمەن ۇشتاستىرىپ ۇگىت لەكسيا جاساپ، سول جەردەگى ادامداردىڭ كۇشتى ۇندەستىگىن تۋدىردى.
”جاڭا داۋىردە رەفورمانى جاپپاي تەرەڭدەتۋدىڭ كەلەلى جەتىستىكتەرىن قالاي تانۋ كەرەك“، ”حالىق سانىنىڭ قارتتانۋىنا بەلسەنە توتەپ بەرىپ، زەينەتكەرلىك ىستەرى مەن زەينەتكەرلىك كاسىپ سالاسى ساياساتى مەحانيزمىن كەمەلدەندىرۋدى، دامىتۋدى قالاي ٴتۇسىنۋ كەرەك“... التاي قالاسى شاشۋ جولى ٴمالىسى شۋەدۋ الەۋمەتتىك اۋماعىندا ۇگىت لەكسيا ۇيىرمەسىنىڭ مۇشەلەرى ناقتى ماتەريالدارمەن، شىنايى اسەرلەرمەن جالپى ٴماجىلىس رۋحىن ىشكەرىلەي ٴتۇسىندىردى.
”الەۋمەتتىك اۋماق _ نەگىزگى ساتى پارتيا ۇيىمىنىڭ نەرۆ ۇشى، بۇقارامەن بايلانىس جاسايتىن، بۇقاراعا قىزمەت وتەيتىن ەڭ كىشكەنتاي كلەتكا“. شۋەدۋ الەۋمەتتىك اۋماعىنىڭ كادرى شيۇڭ ياڭفي بىلاي دەدى: الەۋمەتتىك اۋماق كادرى رەتىندە، جالپى ٴماجىلىس رۋحىن باستاماشىلدىقپەن ويداعىداي ۇيرەنىپ، ويداعىداي ٴتۇسىنىپ، حالىق بۇقاراسى ەڭ كوڭىل ٴبولىپ وتىرعان، ەڭ تىكە، ەڭ رەال مۇددە ماسەلەلەرىن ٴىس جۇزىندىك ارەكەتىم ارقىلى شەشەمىن.
قۇمىل جينفىڭ جەل ەلەكتر جابدىقتارى شەكتى سەرىكتەستىگىندە اۆتونوميالى رايوننىڭ ۇگىت لەكسيا ۇيىرمەسىنىڭ مۇشەلەرى عىلىم ـ تەحنيكادا جاڭالىق اشۋ، جاڭاشا وندىرگىش كۇشتەردى جەتىلدىرۋ، جوعارى ساپالى دامۋ سياقتى مازمۇندار توڭىرەگىندە كاسىپورىننىڭ جۇمىسشى ـ قىزمەتكەرلەرىمەن بەتپە ـ بەت اڭگىمەلەستى.
”ۇيرەنۋ، اڭگىمەلەسۋ ارقىلى مەملەكەتتىڭ كەلەسى قادامداعى رەفورما باعىتى جونىندە اناعۇرلىم ايقىن تانىمعا يە بولدىم“. وسى سەرىكتەستىكتىڭ ورىنباسار زاۆود باستىعى ۋ يوۋۋىن مىنالاردى ٴبىلدىردى: جالپى ٴماجىلىس رۋحىمەن ۇشتاستىرىپ، سيفرلاندىرىپ، زەردەلەندىرىپ جاڭالاۋ مەن ٴوندىرىستىڭ ٴارقايسى بۋىنىنىڭ ىشكەرىلەي توعىسۋىن ۇزدىكسىز ىلگەرىلەتىپ، ٴوندىرىس ونىمدىلىگىن ونان ارى جوعارىلاتامىز.
...
ەگجەي ـ تەگجەيلى، ىشكەرىلەي جۇرگىزىلگەن ۇگىت لەكسيالار العا باسۋ ورتاق تانىمىن ۇيىستىردى، شىنايى سۇيىسپەنشىلىككە تولى ىقپالداستىق ەكپىندەي ىلگەرىلەۋ كۇشىن قاۋلاتتى. بۇكىل رايونداعى قالىڭ پارتيا مۇشەلەرى، كادرلار، بۇقارا تەرەڭ شابىت الىپ، جابال مىنالاردى ٴبىلدىردى: اۆتونوميالى رايوننىڭ ۇگىت لەكسيا ۇيىرمەسىنىڭ ۇگىت لەكسيا بايانداماسىن تىڭداپ ٴتۇسىنىپ، ەستە بەرىك ساقتاپ، ۇندەستىك تاپتىق، جالپى ٴماجىلىس رۋحىن ونان ارى جەتە ۇيرەنىپ، جەتە يگەرىپ، ٴبىر نيەتپەن سەلبەسىپ، رەفورمانى ونان ارى جاپپاي تەرەڭدەتۋ جوباسىن قۇرىلىس جۇرگىزۋ چەرتوجىنا اينالدىرىپ، كۇش ـ قۋاتتى تاسقىنداتىپ، ەرلىكپەن العا باسىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازامىز.
