انار بۇلت \ شينجياڭ گازەتىنىڭ ٴتىلشىسى يىن لۋ 8 ـ ايدىڭ 22 ـ كۇنى كورلادان حابارلايدى. 8 ـ ايدىڭ 22 ـ كۇنى 5 كۇندىك 2024 ”شينجياڭ جاقسى جەر“ شينجياڭعا باعىتتامالى كومەكتەسۋ بەيزاتتىق مادەنيەت مۇرالارىن كورمەلەۋ قيمىلى (تومەندە قىسقارتىلىپ ”بەيزاتتىق مادەنيەت مۇرالارى كورمەسى“ دەلىنەدى) بايىنعولين موڭعۇل اۆتونوميالى وبلىسى كورلا قالاسىنىڭ ٴماجىلىس ـ كورمە ورتالىعىندا باستالدى.
وسى كەزەكتى بەيزاتتىق مادەنيەت مۇرالارى كورمەسىن مادەنيەت جانە ساياحات مينيسترلىگى، شينجياڭ ۇيعۇر اۆتونوميالى رايوندىق حالىق ۇكىمەتى باس بولىپ، اۆتونوميالى رايوندىق مادەنيەت جانە ساياحات مەڭگەرمەسى، بايىنعولين موڭعۇل اۆتونوميالى وبلىستىق حالىق ۇكىمەتى مىندەتىنە الىپ وتكىزدى. بەيزاتتىق مادەنيەت مۇرالارى كورمەسى ”مادەنيەت جاۋھارى، حالىقتىڭ بەيزاتتىق مادەنيەت مۇراسى“ نەگىزگى تاقىرىبىمەن تىعىز بايلانىستىرىپ، بەيزاتتىق مادەنيەت مۇرالاردىڭ مەملەكەت دارەجەلى كورمەلەۋ تۇعىرىن قۇرىپ، بەيزاتتىق مادەنيەت مۇرالارىن وزەك ەتىپ، كورمەلىك قويىلىم، مادەنيەت جاسامپازدىعى، زەرتتەۋ ـ ۇيرەنۋ، كۋايشان، ساياحات جەلىسى سياقتى كوپتەگەن فورمالاردى توعىستىرىپ، ەلىمىزدىڭ بەيزاتتىق مادەنيەت مۇرالاردى قورعاۋ جەتىستىكتەرىن تارتىمدى كورسەتىپ، بەيزاتتىق مادەنيەت مۇرالاردىڭ وسى زامانعى تۇرمىسقا ەنۋىن ىلگەرىلەتىپ، حالىقتىڭ ورتاق يگىلىكتەنۋىن جۇزەگە اسىردى.
وسى كەزەكتى بەيزاتتىق مادەنيەت مۇرالارى كورمەسىندە كورمەگە قاتىناسقان ەل ىشىندەگى باسقا ولكەلەر بۇرىنعى كەزەكتەگىلەردەن كوپ بولىپ، 21گە كوبەيدى، كورمەگە قاتىناسقان بەيزاتتىق مادەنيەت مۇرالارى نىسانى مەن بەيزاتتىق مادەنيەت مۇرالاردى جالعاستىرۋشىلارىنىڭ سانىندا دا تىڭ سەرپىلىس جۇزەگە استى. نەگىزگى جينالىس الاڭىنداعى ”الۋان ٴتۇرلى بەيزاتتىق مادەنيەت مۇرالاردا“ جيىنى 24 كورمە اۋماعى ورنالاستىرىلىپ، ٴداستۇرلى شەبەرلىك، تەاتر، مۋزيكا، ٴبي، اسەمونەر، شيپاگەرلىك ـ دارىگەرلىك سياقتىلاردى ٴوز ىشىنە العان 300دەن استام بەيزاتتىق مادەنيەت مۇرا نىسانىن قامتىپ، 400دەن استام جالعاستىرۋشى ايگىلەۋگە جانە ىقپالداستىققا ات سالىستى، جالعاستىرۋشىلاردىڭ ىشىندە جاستاردىڭ سانى جارتىسىنان استى، 95 ـ جىلدان كەيىن تۋعان، 2000 ـ جىلدان كەيىن تۋعان جاس جالعاستىرۋشىلار دا از ەمەس؛ ”ساۋساق ۇشىنداعى بەيزاتتىق مادەنيەت مۇرالارى“ بويىنشا 42 ٴتۇرلى ٴداستۇرلى اسەمونەر، ٴداستۇرلى شەبەرلىك ٴتۇرى بويىنشا بەيزاتتىق مادەنيەت مۇرالارى ۋاكىلدىك سيپاتتى جالعاستىرۋلارىنىڭ كورەرمەندەرمەن ىقپالداستىعى ۇيىمداستىرىلدى؛ ”مۋزيكا ـ ٴبي بەيزاتتىق مادەنيەت مۇرالارى“ بويىنشا ٴداستۇرلى مۋزيكا، ٴداستۇرلى ٴبي، ٴان ـ كۇي تۇرىندەگى بەيزاتتىق مادەنيەت مۇرالارى ۋاكىلدىك سيپاتتى نىساندارىنىڭ 15 رەتكى قويىلىمى ۇيىمداستىرىلدى.
ٴارقايسى ولكە، قالالاردىڭ بەيزاتتىق مادەنيەت مۇرالارى كورمەسىنە قاتىناستىرىلعان كورمە بۇيىمدارىنان تيانجين قالاسىنىڭ ياڭليۋچيڭ كوكتەم مەرەكەسى مەرەكەلىك اعاش ويما سۋرەتى، بالشىق ٴمۇسىنشى جاڭنىڭ رەڭدى مۇسىندەرى، حىبەي ولكەسىنىڭ ديڭجوۋ فارفور بۇيىمدارىن كۇيدىرىپ جاساۋ شەبەرلىگى، يشۇي سيا ساۋىتىن جاساۋ شەبەرلىگى، جياڭسۋ ولكەسىنىڭ يشيڭ قىش ـ فارفور بۇيىمىن جاساۋ شەبەرلىگى، شۇيجوۋدىڭ جۇپار ٴيىستى قالتاسى، فۋجيان ولكەسىنىڭ جۇڭگو ٴداستۇرلى شايىن جاساۋ شەبەرلىگى جانە وعان قاتىستى ٴداستۇر، شۇنپۋ ايەلدەرى ٴداستۇرى (گۇل قاداۋ)، گۋاڭدۇڭ ولكەسىنىڭ شياڭيۇن ٴجىپ بوياۋ شەبەرلىگى، ارىستان ٴبيى (گۋاڭدۇڭنىڭ ارىستان وياتۋى)، حىنان ولكەسىنىڭ ٴداستۇرلى ۇن تاماق جاساۋ شەبەرلىگى (فاڭچىڭ حۇيميانىن، ماحۋانى جاساۋ شەبەرلىگى) سياقتىلار بار.
اناعۇرلىم كوپ جاستار مەن ورەندەردى بەيزاتتىق مادەنيەت مۇرالارىن جالعاستىرۋعا ات سالىسۋعا باۋراۋ ٴۇشىن، بەيزاتتىق مادەنيەت مۇرالارى كورمەسى ارنايى ”بەيزاتتىق مادەنيەت مۇرالارى بويىنشا زەرتتەۋ ـ ۇيرەنۋ“ قيمىل بولىگىن بەلگىلەپ، كوللەكتيۆ ۇيىمداستىرۋ، سول جەردە تىزىمدەۋ سياقتى ادىستەر ارقىلى قاعاز ويما، ۇننان جاسالعان ٴمۇسىن، بالشىق ٴمۇسىن سياقتىلاردى ىقپالداستىرىپ ۇيرەتۋ بۋىنىن ورىستەتتى. مۇنان تىس، بەيزاتتىق مادەنيەت مۇرالارى كورمەسى تاعى ”بەيزاتتىق مادەنيەت مۇرالارى بازارى“ بولىگىن بەلگىلەدى.
بەيزاتتىق مادەنيەت مۇرالارى كورمەسىنىڭ بەتاشار زالىندا ٴارقايسى ولكە، قالالار مەن شينجياڭ ٴوزارا ۇسىنعان 44 بەيزاتتىق مادەنيەت مۇرالارى كورمەلىك بۇيىمى شوعىرلى كورسەتىلدى، بەيجيڭ قالاسىنىڭ جيڭتايلان جاساۋ شەبەرلىگى تۋىندىسى «حۋامان تايحى»، حىنان ولكەسىنىڭ رۋجوۋ فارفورىن جاساۋ شەبەرلىگى تۋىندىسى «جاراسىمدىلىق فارفورى» سياقتىلاردى قامتىپ، ۇلتتار ىنتىماعى، گۇلدەنۋ، جاراسىمدىلىق سىندى نەگىزگى تاقىرىپتى ايگىلەدى.
بەيزاتتىق مادەنيەت مۇرالارى كورمەسى كەزىندە تاعى كورلا قالاسىنىڭ اققۋ وزەنى كورىنىس ٴوڭىرى، بايىنعولين وبلىستىق مۇراجاي، بايىنعولين وبلىستىق اسەمونەر سارايى، بايىنعولين وبلىستىق كىتاپحانا، كورلا قالالىق سالت ـ سانا مادەنيەت مۇراجايى سياقتى جەرلەر بەيزاتتىق مادەنيەت مۇرالارى كەشكى ساياحاتى، مادەنيەت مۇراجايىن ىزدەنىسپەن ەكسكۋرسيالاۋ سياقتى قيمىلداردى سايكەستى وتكىزەدى.
بەيزاتتىق مادەنيەت مۇرالارى كورمەسى 2021 ـ جىلدان باستاپ شينجياڭدا ٴۇرتىس 4 كەزەك وتكىزىلىپ، قوعامدىق اڭىسى جاقسى بولىپ، حالىق بۇقاراسىنىڭ بەيزاتتىق مادەنيەت مۇرالارى جەتىستىگىنەن بىرگە يگىلىكتەنۋىندەگى ماڭىزدى دانەكەرگە جانە شينجياڭدى مادەنيەتپەن نارلەندىرۋ قىزمەتىن ىشكەرىلەي ىلگەرىلەتۋدىڭ ماڭىزدى شاراسىنا اينالدى.
