□ انار بۇلت \ شينجياڭ گازەتىنىڭ ٴتىلشىسى باي سۋجۇن
8 ـ ايدىڭ 10 ـ كۇنى ساعات 9دا جىڭ اۋدانى باجياحۋ ەگىنشىلىك الاڭى تۇڭعىش كەزەكتى 10 مىڭ مۋلىق الاقات ەكولوگيالىق ٴدالىزى ”قىستاق جۇگىرۋ جارىسىن“ وتكىزدى، بۇكىل اۋداننان كەلگەن 200دەن استام جۇگىرۋ اۋەسكەرى اتىزدىڭ ەكى جاعىنداعى جولدا جارىستى.
وسى رەتكى جالپى 10 كيلومەترلىك ”قىستاق جۇگىرۋ جارىسىندا“ جارىس جولى الاقات ٴدالىزىن اينالىپ وتەدى، جول بويىنداعى اۋىل ـ قىستاق كوركەم كورىنىسى، حالىقتىق تۇسەلحانا، شارۋا ۇيلەرى سياقتىلار جارىسقا كورىك قوستى. ٴبىر جارىم ساعاتتان كەيىن جارىس اياقتادى، باجياحۋ ەگىنشىلىك الاڭى مال شارۋاشىلىق 3 ـ اترەتىنەن كەلگەن شالقار نۇرجۇما ەرلەر گرۋپپاسىنىڭ اعا جۇلدەگەرى، جىڭ اۋدانى ورتالىعىنىڭ تۇرعىنى ۋاڭ تيڭمەي ايەلدەر گرۋپپاسىنىڭ اعا جۇلدەگەرى بولىپ، ٴاربىرى قۇنى 6000 يۋاندىق سيىرعا يە بولدى؛ 4 جۇلدەگەردىڭ ٴاربىرى قۇنى 3000 يۋاندىق بۇزاۋعا يە بولدى؛ ٴۇشىنشى بولعان 6 جۇلدەگەردىڭ ٴاربىرى قۇنى 1200 يۋاندىق قويعا يە بولدى؛ ۇزدىكتەر سيلىعىن العانداردىڭ ٴاربىرى ٴبىر ۇلكەن اتەشكە، ٴبىر جاشىك جالپاق شاپتولعا، ٴبىر قاپ الاقاتقا يە بولدى.
”مەن جارىستا بىرىنشىلىكتى الدىم. ەسىك الدىندا جارىسقا قاتىناسقانىما وتە قۋانىشتىمىن، مۇنداي قيمىلدىڭ بۇدان كەيىن ۇنەمى وتكىزىلۋىن ٴۇمىت ەتەمىن“، ـ دەدى شالقار تەبىرەنە.
جىڭ اۋدانى باجياحۋ ەگىنشىلىك الاڭى پارتكومىنىڭ ورىنباسار شۋجيى، الاڭ باستىعى قادىرجان ادام بىلاي دەدى: وسى رەتكى جارىستىڭ الاڭىن، سيلىق بۇيىمدارىن قىستاق تۇرعىندارى كومەك رەتىندە قامداعان، جارىس جولى اۋىل سالت ـ ساناسىن كورنەكتىلەندىرىپ، ٴتىپتى دە كوپ ادامنىڭ دەنە تاربيە قيمىلىنا ات سالىسىپ، جالپى حالىقتىق دەنە شىنىقتىرۋ ونىمدىلىگىنە قول جەتكىزۋگە مۇمكىندىك جاساۋمەن بىرگە شار تاراپتان كەلگەن قوناقتاردى تاماشالاۋعا، سەزىنۋگە باۋراپ، اۋىل شارۋاشىلىق ونىمدەرىنىڭ ساتىلۋىن جانە اۋىل ـ قىستاق ساياحاتىن جانداندىردى.
” ’قىستاق جۇگىرۋ جارىسى‘ وتكىزىلەدى ەكەن دەگەن حاباردى ەستىگەن كوپشىلىك جابال اتتانىسقا كەلدى. باعىمشىلىق ٴىرى وتباسىلارى مەن ەگىمشىلىك ٴىرى وتباسىلارى باستاماشىلدىقپەن ٴۇن قوستى، بىرەۋلەر سيىر، قوي بەرسە، بىرەۋلەر اتەش جانە جەمىس ـ جيدەك بەردى، بىرەۋلەر ەرىكتى بولۋعا تىزىمدەلدى“. باجياحۋ ەگىنشىلىك الاڭى مال شارۋاشىلىق 3 ـ اترەتى پارتيا ياچەيكاسىنىڭ شۋجيى ەلزات سايلانبەك بىلاي دەدى: ٴبىز قۇرعان جىڭ اۋدانى تابىن باعىمشىلىق كاسىپتىك سەلبەستىك كووپەراتيۆى 6 سيىر، مال شارۋاشىلىق 1 ـ اترەتىنىڭ بايۋعا باستاماشىسى 6 قوي بەردى.
جىڭ اۋدانى باجياحۋ ەگىنشىلىك الاڭى شۇيلاۋدا شاپتول باقشاسىنىڭ جاۋاپتىسى جاڭ چياۋ بىلاي دەدى: جۇگىرۋ اۋەسكەرلەرىنە جايلى، تازا، ەركىن ورتا جانە تاماشا جارىس تاماشالاۋ ورنىن ازىرلەۋ ٴۇشىن، الدىڭعى مەزگىلدە كوپتەگەن قىستاق تۇرعىندارى وتىرعى، ساحنا قۇرۋ قىزمەتىنە وزدىكتەرىنەن قاتىناستى، تاعى بىرەۋلەر ٴوز قاراجاتىمەن مينەرال سۋ، قاربىز سياقتى زاتتار ساتىپ الىپ، جارىسقا قاتىناسۋشىلارعا بەردى. قيمىل جالپىعا وتە جاناسىمدى بولدى، جولداسىم ەكەۋىمىز ٴوزىمىز باققان 20 اتەش پەن 300 كيلوگرام جالپاق شاپتولدى جارىسقا اتادىق. كەلەر جىلى تاعى دا وسىلاي ۇزدىكسىز قولدايمىز.
