_ اۆتونوميالى رايوندىق 10 ـ كەزەكتى پارتكوم ون ەكىنشى جالپى ٴماجىلىسىنىڭ رۋحىن دايەكتىلەندىرۋ، تياناقتاندىرۋ تۋرالى
□ گازەتىمىزدىڭ شولۋشىسى
مەملەكەت حاۋىپسىزدىگى _ جۇڭگو ۇلگىسىندەگى وسىزامانداندىرۋدىڭ ورنىقتى، باياندى بولۋىنىڭ ماڭىزدى نەگىزى. اۆتونوميالى رايوندىق 10 ـ كەزەكتى پارتكوم ون ەكىنشى جالپى ٴماجىلىسى ”قوعام ورنىقتىلىعىن قورعاۋدى ماڭداي الدى ورىنعا قويۋعا تاباندى بولىپ، مەملەكەت حاۋىپسىزدىگىن قورعاۋ ٴتۇزىلىس ـ مەحانيزمىن كەمەلدەندىرۋ كەرەك“ دەپ ايقىن العا قويدى. ٴبىز جالپى ٴماجىلىستىڭ ورنالاستىرۋى بويىنشا، جالپى تۇلعالىق مەملەكەت حاۋىپسىزدىگى كوزقاراسىن ىشكەرىلەي امالياتتا ايگىلەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، مەملەكەت حاۋىپسىزدىگى جۇيەسى مەن قابىلەتىن وسىزامانداندىرۋدى ۇزدىكسىز ىلگەرىلەتۋىمىز كەرەك.
شينجياڭنىڭ قوعام ورنىقتىلىعى مەن باياندى تىنىشتىعى بۇكىل ەلدىڭ رەفورما، دامۋ، ورنىقتىلىق كەلەلى جاعدايىنا سايادى، وتان تۇتاستىعىنا، ۇلتتار ىنتىماعىنا، مەملەكەت حاۋىپسىزدىگىنە سايادى، جۇڭحۋا ۇلتىنىڭ ۇلى گۇلدەنۋىنە سايادى، كەلەلى رەال مانگە جانە ۇزاق بولاشاقتىق ستراتەگيالىق مانگە يە. تاريح پەن رەالدىق حاۋىپسىزدىك پەن ورنىقتىلىق بولماسا، بارلىق ىستەن اۋىز اشۋعا بولمايتىندىعىن قايتا ـ قايتا دالەلدەدى. قوعام ورنىقتى، جاراسىمدى بولعاندا عانا، ساياحاتشىلار توپ ـ توبىمەن كەلەدى، كاسىپورىندار الاڭسىز قارجى قوسادى، دارىندىلار كەلىپ تامىر تارتىپ، شارۋاشىلىق قۇرادى، شينجياڭنىڭ مول جاراتىلىستىق بايلىعى مەن وزگەشە وڭىرلىك ورىن باسىمدىعى سوندا عانا تولىق ساۋلەلەنەدى، ەكونوميكاسى سوندا عانا باياندى، اقاۋسىز داميدى. دامۋ مەن حاۋىپسىزدىكتى، ەسىك اشۋ مەن ورنىقتىلىقتى، ٴسوز جوق، اناعۇرلىم جاقسى ٴبىر تۇتاس جوسپارلاپ، قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، ورنىقتىلىق ارقىلى دامۋعا شىنايى كەپىلدىك ەتۋ، دامۋ ارقىلى ورنىقتىلىقتى جەبەۋ كەرەك.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەتۋگە تاباندى بولىپ، شينجياڭدى زاڭمەن باسقارۋعا، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا، كەشەندى شارا قولدانۋعا تاباندى بولىپ، قوعامدىق كەلەلى جاعدايدىڭ ٴۇرتىس ورنىقتى بولۋىنا شىنايى كەپىلدىك ەتتى. تيانشان الابىنداعى كورىنىس وڭىرلەرىندە اۆتوكولىكتەر قايشالىسۋدان شەكارا وتكەلدەرىندەگى ساۋداگەرلەردىڭ ٴيىن تىرەسۋىنە دەيىن، ونان شينجياڭ ەركىن ساۋدا سىناق رايونىنىڭ رەفورمانى تۇيىندە سىناق ەتۋ مىندەتتەرىنىڭ ورنىقتى ىلگەرىلەۋىنە دەيىن، تيانشان الابىندا تىنىش، بەرەكەلى، قارىشتاپ دامىعان جاڭا بەت ـ بەينە، جاڭا راي جارىققا شىقتى، ٴار ۇلت كادرلارى مەن بۇقاراسىنىڭ جىگەرى تاسقىنداپ، كوكىرەك تولى اسقاق سەزىممەن جوعارى ساپالى دامۋدى تىڭعىلىقتى ىلگەرىلەتۋ بارىسىندا ىنتىماقتاسا تىزە قوسا وتىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن بىرگە ىلگەرىلەتتى.
بۇگىنگى شينجياڭ جوعارى ساپالى دامۋدىڭ شەشۋشى كەزەڭىندە تۇر، كەلەلى ستراتەگيالىق ورايعا ٴدوپ كەلۋمەن بىرگە، نەمقۇرايدى قاراۋعا بولمايتىن حاۋىپ ـ قاتەرلەر مەن سىن ـ سايىستارعا دا ٴدوپ كەلىپ وتىر، ٴسوز جوق، ورنىقتىلىقتى يگەرۋ مەن دامۋدى جەبەۋ سىندى ەكى جاقتاعى قىزمەتتى ٴبىر تۇتاس جوسپارلاۋدى، ۇشتاستىرۋدى كۇشەيتىپ، دامۋ مەن حاۋىپسىزدىككە تەڭ ٴمان بەرۋگە تاباندى بولىپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ۇتىمدى ىقپالداستىعىن جۇزەگە اسىرۋ كەرەك. قوعام ورنىقتىلىعىن قورعاۋ جاۋاپكەرشىلىك ٴتۇزىمىن تياناقتاندىرىپ، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋ، ۇدايىلاندىرۋ قىزمەت جۇيەسىن كەمەلدەندىرىپ، شينجياڭنىڭ قوعامدىق كەلەلى جاعدايىنىڭ ٴۇرتىس ورنىقتىلىعىن، ۇزاق ۋاقىتتىق ورنىقتىلىعىن باتىل قورعاۋ؛ الەۋمەتتىك حاۋىپسىزدىكتى باسقارۋ مەحانيزمىن كەمەلدەندىرىپ، قوعامدىق باسقارۋ جۇيەسىن اقاۋسىزداندىرۋ؛ شينجياڭعا ساياتىن سىرتقا باعىتتالعان كۇرەس قىزمەت مەحانيزمىن اقاۋسىزداندىرىپ، شينجياڭعا ساياتىن حالىقارالىق تاراتۋ قابىلەتىن جوعارىلاتۋ؛ شەكارانى ورنىقتىرۋ، شەكارانى بەكەمدەۋ قىزمەت مەحانيزمىن اقاۋسىزداندىرىپ، مەملەكەت قورعانىسى مەن ارميانى وسىزامانداندىرۋ قۇرىلىسىنا قولداۋ كورسەتىپ، مەملەكەتتىڭ وڭىرلىك حاۋىپسىزدىگىن قورعاۋدىڭ ستراتەگيالىق قالتقىسىن قالىپتاستىرۋ كەرەك.
مەملەكەت حاۋىپسىزدىگى _ ۇلتتىڭ گۇلدەنۋىنىڭ نەگىزى، قوعام ورنىقتىلىعى _ مەملەكەتتىڭ قۇدىرەتتەنۋىنىڭ العى شارتى. ٴبىز جالپى تۇلعالىق مەملەكەت حاۋىپسىزدىگى كوزقاراسىن بۇلجىماي دايەكتىلەندىرىپ، قوعام ورنىقتىلىعىن قورعاۋدى ماڭداي الدى ورىنعا قويۋعا تاباندى بولىپ، مەملەكەت حاۋىپسىزدىگىن قورعاۋ ٴتۇزىلىس ـ مەحانيزمىن كەمەلدەندىرىپ، مەملەكەت حاۋىپسىزدىگىن قورعاۋ قابىلەتىن كۇشەيتىپ، ٴتۇرلى قىزمەتتەردى جاپپاي جوسپارلاپ، ورنالاستىرىپ، ىلگەرىلەتىپ، تياناقتاندىرىپ، قوعام ورنىقتىلىعىن قورعاۋ، باياندى تىنىشتىقتى ىلگەرىلەتۋدەگى ٴىس جۇزىندىك ارەكەتىمىز ارقىلى مەملەكەت حاۋىپسىزدىگىنىڭ كەلەلى جاعدايىنا ٴتيىستى ۇلەس قوسۋىمىز كەرەك.
