_ اۆتونوميالى رايوندىق 10 ـ كەزەكتى پارتكوم ون ەكىنشى جالپى ٴماجىلىسىنىڭ رۋحىن دايەكتىلەندىرۋ، تياناقتاندىرۋ تۋرالى
□ گازەتىمىزدىڭ شولۋشىسى
پارتيانىڭ باسشىلىعى _ رەفورمانى ونان ارى جاپپاي تەرەڭدەتۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴتۇبىرلى كەپىلى. اۆتونوميالى رايوندىق 10 ـ كەزەكتى پارتكوم ون ەكىنشى جالپى ماجىلىسىندە قاراپ ماقۇلدانعان «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ تۋرالى قاۋلىسىندا» پارتيانىڭ باسشىلىعى مەن پارتيا قۇرىلىسىنىڭ ٴتۇزىم رەفورماسى ارناۋلى ٴبىر بولىككە ٴبولىنىپ ورنالاستىرىلىپ، پارتيانىڭ جالپى بەتتىك باسشىلىعىنا تاباندى بولۋدى جانە ونى كۇشەيتۋدى رەفورمانى اناعۇرلىم جاپپاي تەرەڭدەتۋدىڭ ساياسي جەتەكشىلىگى جانە ساياسي قامتاماسىزدىعى ەتكەن تەرەڭ تولعانىسىن ايگىلەدى.
پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ «جۇڭگو كوممۋنيستىك پارتياسى ورتالىق كوميتەتىنىڭ رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسى» تاجىريبەلەردى قورىتىندىلاۋ، ٴمانىن بايىمداۋ، پرينسيپتەردى العا قويۋ، شارالاردى ورنالاستىرۋ بارىسىندا بارلىعىندا پارتيانىڭ باسشىلىعى مەن پارتيا قۇرىلىسىن ماڭىزدى مازمۇن ەتتى، اسىرەسە، ”نازاردى پارتيانىڭ باسشىلىق دەڭگەيى مەن ۇزاق ۋاقىت بيلىك جۇرگىزۋ قابىلەتىن جوعارىلاتۋعا شوعىرلاندىرۋدى“ ”نازاردى جەتىگە شوعىرلاندىرۋدىڭ“ ٴبىر مازمۇنى ەتتى. ”التىعا تاباندى بولۋ“ كەلەلى پرينسيبىندە ”پارتيانىڭ جالپى بەتتىك باسشىلىعىنا تاباندى بولۋدى“ ماڭداي الدى ورىنعا قويدى. پارتيانىڭ پارمەندى باسشىلىعى بولعاندا عانا، رەفورمانىڭ دۇرىس بەتالىسىن جاقسى يگەرە الامىز، سوندا عانا ٴبىر تۇتاس جۇيە قالىپتاستىرىپ، جۇدىرىقتاي جۇمىلىپ، قامال الۋدىڭ، قيىنشىلىقتاردى جەڭۋدىڭ، رەفورما جاساپ جاڭالىق اشۋدىڭ قۋاتتى كۇشىن ۇيىستىرا الامىز.
پارتيا 18 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن بەرى، اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيا قۇرىلىسىنىڭ جالپى تالابى مەن جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ”ەمتيحان تاپسىرۋ“ سەرگەكتىگى مەن تاباندىلىعىن ساقتاپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، پارتيا قۇرىلىسى ٴتۇزىمى رەفورماسىن تەرەڭدەتىپ، پارتيا قۇرىلىسىنىڭ ٴتۇزىم ابزالدىلىعىن دامۋ ابزالدىلىعىنا جانە باسقارۋ ونىمدىلىگىنە ۇزدىكسىز اينالدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا پارمەندى ساياسي كەپىلدىك ازىرلەدى. اماليات مىنانى دالەلدەدى: رەفورما تۇرعىسىنان تاپجىلماۋعا، بەتالىسىنان اۋىتقىماۋعا شىنايى كەپىلدىك ەتىپ، رەفورمانى ونان ارى جاپپاي تەرەڭدەتۋدىڭ عىلميلىعىن، بولجامدىلىعىن، ىرىقتىلىعىن، جاسامپازدىعىن كۇشەيتۋدە، ٴسوز جوق، پارتيانىڭ جالپى بەتتىك باسشىلىعىنا تاباندى بولۋ كەرەك.
رەفورما جالعاسا بەرەدى، اياقتامايدى. قازىر شينجياڭ جوعارىدان تومەنگە دەيىن جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋ نىسانا ـ مىندەتتەرىن كوزدەپ، جوعارى ساپالى دامۋدىڭ ماڭىزدى ستراتەگيالىق وراي مەزگىلىن قارسى الدى. دەسەدە مىنانى دا كورە ٴبىلۋىمىز كەرەك: شينجياڭنىڭ رەفورمادا، دامۋدا، ورنىقتىلىقتا ٴدوپ كەلىپ وتىرعان تەرەڭ قاتپارلى قايشىلىقتارىنان تايساۋعا، اينالىپ وتۋگە كەلمەيدى، جوعارى ساپالى دامۋدى ىلگەرىلەتۋدە ٴالى دە كوپتەگەن توسقاۋىل تۇيىندەر، كەدەرگىلەر بار، بۇلار وراسان زور ساياسي باتىلدىق جانە قاجىماس ەرىك ـ جىگەر ارقىلى ٴسىڭىستى كىناراتتار مەن قاساڭ دەرتتەردى الاستاۋدى، مۇددەلەردەگى قاساڭدىق ـ قورشاۋلاردى تالقانداۋدى، يدەيا ـ كوزقاراستاعى جانە ٴتۇزىلىس ـ مەحانيزمدەگى كىناراتتاردى جويۋدى قاجەت ەتەدى، كەڭ كولەمدە زەيىن ـ زەردەنى ۇيىستىرىپ، كۇش ـ قۋات توپتاپ، رەفورماعا ٴتيىمدى قوعامدىق پىكىر رايىن جانە ساياسي ەكولوگيا قالىپتاستىرۋدى قاجەت ەتەدى. وسىنىڭ بارلىعى پارتيانىڭ پارمەندى باسشىلىعىنان ايرىلا المايدى.
جاڭا ٴداۋىردىڭ جاڭا جورىعىندا، پارتيانىڭ رەفورمانى ونان ارى جاپپاي تەرەڭدەتۋگە باسشىلىعىنا تاباندى بولىپ جانە ونى كۇشەيتىپ، رەفورمانى يگەرۋدىڭ ساياسي جاۋاپكەرشىلىگىن باتىل ارقالاپ، ٴتۇرلى رەفورما مىندەتتەرىنىڭ تياناقتانىپ ونىمدىلىك كورسەتۋىن ىلگەرىلەتۋ كەرەك. پارتيا ورتالىق كوميتەتىنىڭ رەفورمانى ونان ارى جاپپاي تەرەڭدەتۋگە بولعان ورتالىقتانعان ٴبىر تۇتاس باسشىلىعىن باتىل قورعاپ، شينجياڭ رەفورماسىنىڭ باستان ـ اياق دۇرىس ساياسي بەتالىسپەن العا ىلگەرىلەۋىنە شىنايى كەپىلدىك ەتۋ كەرەك. پارتيانىڭ باسشىلىعىن رەفورمانىڭ تۇتاس بارىسىنا سىڭىرۋگە تاباندى بولىپ، پارتيانىڭ بەتالىستى يگەرۋ، كەلەلى جاعدايدى جوسپارلاۋ، ساياسات بەلگىلەۋ، رەفورمانى جەبەۋ قابىلەتىن ۇزدىكسىز جوعارىلاتۋ كەرەك. دۇرىس رەفورما ٴادىسىن يگەرىپ جانە ونى ويداعىداي قولدانىپ، جۇيە كوزقاراسىنا تاباندى بولىپ، رەفورمانىڭ جالپى تۇلعالىق ونىمدىلىگىن ۇزدىكسىز جوعارىلاتۋ كەرەك. شەگە قاعۋ رۋحىن بەرىك ورناتىپ، رەفورمانى ىلگەرىلەتۋ، تياناقتاندىرۋ قىزمەت مەحانيزمىن اقاۋسىزداندىرۋ كەرەك. جاۋاپكەرشىلىك ارقالاپ ىسكەرلىك كورسەتۋدىڭ، قامال الىپ قيىندىقتاردى جەڭۋدىڭ ايقىن باعدارىن ورناتىپ، قاتەلىككە كەشىرىممەن قاراۋ، قاتەلىكتى تۇزەتۋ مەحانيزمىن اقاۋسىزداندىرىپ، نەگىزگى ساتى مەن بۇقارانىڭ ٴتول جاسامپازدىق رۋحىنا قۇرمەت ەتىپ، باتىلدىقپەن رەفورما جاسايتىن، باتىلدىقپەن جاڭالىق اشاتىن قويۋ راي قالىپتاستىرۋ كەرەك. پارتيا قۇرىلىسى ٴتۇزىمى رەفورماسىن تەرەڭدەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، نەگىزگى ساتىنىڭ اۋىرتپالىعىن جەڭىلدەتۋدىڭ ۇزاق ٴونىمدى مەحانيزمىن اقاۋسىزداندىرۋ كەرەك.
تاۋدىڭ ايباتتى بولۋى جوتاسىنان، ٴۇيدىڭ بەرىك بولۋى ٴماتشاسىنان. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيانىڭ جالپى بەتتىك باسشىلىعىنا تيتتەي دە اۋىتقىماي تاباندى بولىپ جانە ونى كۇشەيتىپ، رەفورمانى جوسپارلاۋ جانە ىلگەرىلەتۋ قابىلەتىن ۇزدىكسىز جوعارىلاتىپ، رەفورمانى ونان ارى جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە قۇدىرەتتى قوزعاۋشى كۇش جانە تۇزىمدىك قامتاماسىزدىق ازىرلەيىك!
