”ات ٴۇستى ساياحاتىنا“ تاعى دا تىڭ ورىن قوسىلدى
تيانشان تورى - شينجياڭ گازەتىنىڭ حابارى (سۋرەتىن ءتۇسىرىپ، ماقالاسىن جازعان ءتىلشى حان لياڭ). 9 - ايدىڭ 1 - كۇنى ٴۇرىمجى قالاسىندا جاڭادان سالىنعان مادەنيەت - ساياحات جاڭا نىسانى − ٴۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) شيحۋ ٴمالىسى ماجياجۋاڭزى قىستاعىنا ورنالاسقان جىلقى مادەنيەتى كاسىپ سالاسى باقشاسىنىڭ 1 - مەرزىمدىك باقشا رايونى سىرتقا قاراتا اشىلىپ، ساياحاتشىلاردى قارسى الدى.
9 ـ ايدىڭ 1 ـ كۇنى ساياحاتشىلار ەرگەجەيلى جىلقىلاردى كورۋدە.
ات ونەرىن كورسەتۋ، مادەنيەتتى ايگىلەۋ، ساياحات، سەيىل ـ سەرۋەن ٴبىر تۇلعالانعان جالپىلىق مادەنيەت ـ ساياحات تۇعىرى رەتىندە، بۇل كاسىپ سالاسى باقشاسىنىڭ سالىنۋى قالا تۇرعىندارىنىڭ مادەني تۇرمىسىن بايىتىپ قانا قويماي، ٴۇرىمجى قالاسىنىڭ ساياحات كاسىبىنىڭ دامۋىنا تىڭ ومىرشەڭدىك كۇش قوسىپ، ۇرىمجىگە جاڭا مادەنيەت تانىسقىسىن قوستى.
بۇل كاسىپ سالاسى باقشاسىن شينجياڭ جۇنچى تىڭحاۋ جىلقى مادەنيەت شەكتى سەرىكتەستىگى قارجى قوسىپ سالعان، نىسانعا جالپى 300 ميلليون يۋان قارجى قوسىلىپ، 3 مەرزىم بويىنشا اتقارىلادى. 1 ـ مەرزىمدىك ينجەنەريا ٴساتتى ورىندالدى، قىزىل توبەلى، جاسىل شالعىندى باقشا رايونىندا اقالتەكە، نيدەرلاند فريزماسى، ۇلى بريتانيانىڭ ەدىلان الاسا اسىل تۇقىمدى جىلقىسى سياقتى ەل ٴىشى ـ سىرتىنداعى 10 نەشە ٴتۇرلى ءدۇلدۇل كۇن نۇرىندا جايىلۋدا. ءدۇلدۇلدەر ۇيرەتۋشى ۇستازدىڭ دەن قويا قاراۋىمەن الداعى قاتىناساتىن جارىسقا دايىندىق جاساۋدا.
9 ـ ايدىڭ 1 ـ كۇنى ساياحاتشىلار جىلقى مادەنيەتى كاسىپ سالاسى باقشاسىندا اتقا مىنۋدە.
شينجياڭ جۇنچى تىڭحاۋ جىلقى مادەنيەت شەكتى سەرىكتەستىگىنىڭ القا باستىعى جاڭ شياۋبيننىڭ تانىستىرۋىنا قاراعاندا، جىلقى مادەنيەتى كاسىپ سالاسى باقشاسىنىڭ 1 ـ مەرزىمدىك نىسانى نەگىزىنەن ات بايگەسى، كوكپار سياقتى جارىس قيمىلدارىن ۇستىنە العان، سونداي ـ اق ات ويىنى رايونى مەن ٴمىنىس رايونىن قۇرىپ، ساياحاتشىلاردىڭ تاماشالاۋىنا، اتپەن ىقپالداسۋىنا مۇمكىندىك جاساعان. سونىمەن بىرگە، باقشا رايونى قازاق ۇلتىنىڭ ٴداستۇرلى كوكپار جارىسى رايونىن اشتى، مۇنداعى ماقسات وسى ٴداستۇرلى نىسان ارقىلى شينجياڭنىڭ جىلقى مادەنيەتى ساياحات كاسىپ سالاسىنىڭ دامۋىن ىلگەرىلەتۋ. جاڭ شياۋبين مىنالاردى ٴبىلدىردى: ”ٴبىز مەجەمەن 9 ـ ايدىڭ 21 ـ كۇنى ءبىرىنشى مايدان ٴۇرىمجى ات بايگەسى جارىسىن وتكىزبەكشىمىز، قازىر ٴتۇرلى دايىندىق جۇمىستارىن قاۋىرت جۇرگىزۋدەمىز“.
9 ـ ايدىڭ 1 ـ كۇنى جىلقى مادەنيەتى كاسىپ سالاسى باقشاسىنىڭ قىزمەتكەرلەرى ات ۇيرەتۋدە.
9 ـ ايدىڭ 1 ـ كۇنى جىلقى مادەنيەتى كاسىپ سالاسى باقشاسىنىڭ قىزمەتكەرلەرى ات ونەرىن كورسەتۋدە.
ٴتۇرلى جارىس جانە ويىن كورسەتۋ قيمىلدارىنان سىرت، جىلقى مادەنيەتى كاسىپ سالاسى باقشاسى ات ونەرى مادەنيەتىن جالپىلاستىرۋعا ٴمان بەردى. باقشا رايونىندا ات ونەرى تاربيەسى، ات ونەرى كلۋبى، زەرتتەۋ ـ ۇيرەنۋ بازاسى سياقتى قۇرىلعىلار سالىنىپ، جاستار مەن ورەندەرگە جانە ات ونەرى اۋەسكەرلەرىنە جۇيەلى ات ونەرى تاربيەسى جانە باستان كەشىرۋ ساباعى بەرىلەدى. بۇل شارا ٴتىپتى دە كوپ ات ونەرى دارىندىلارىن جەتىلدىرۋگە سەپتىگىن تيگىزىپ قالماستان، ٴتىپتى دە كوپ ادامنىڭ ات ونەرىن تۇسىنۋىنە، ات ونەرىن سۇيۋىنە مۇمكىندىك جاسايدى.
9 ـ ايدىڭ 1 ـ كۇنى جىلقى مادەنيەتى كاسىپ سالاسى باقشاسىنىڭ قىزمەتكەرلەرى جىلقىلارعا جەم بەرۋدە.
ماجياجۋاڭزى قىستاعى پارتيا ياچەيكاسىنىڭ شۋجيى مۇرزات اليبەك بىلاي دەدى: ”جىلقى مادەنيەتى كاسىپ سالاسى باقشاسىنىڭ قۇرىلىپ پايدالانىلۋى قىستاعىمىزدىڭ تانىمالىلىعىن ارتتىرىپ قانا قويماي، قىستاق تۇرعىندارىنىڭ جۇمىستانۋىن دا جەبەدى. جارىس كەزىندە، ٴبىز تاعى قىستاقتىڭ بايلىعىنان پايدالانىپ ساياحاتشىلارعا حالىقتىق تۇسەلحانا ازىرلەۋ سياقتى قىزمەتتەردى وتەيمىز“، ـ دەدى.
