انار بۇلت \ شينجياڭ گازەتىنىڭ تىلشىلەرى رىن جياڭ، ياۋ گاڭ، ۋاڭ جيڭجيڭ
8 ـ ايدىڭ 29 ـ كۇنى اشىلعان اۆتونوميالى رايوندىق پارتكوم تۇراقتى كوميتەتىنىڭ ٴماجىلىسى مادەنيەت ـ ساياحات كاسىپ سالاسىن كاسىپ سالاسى شوعىرى قاتارىنا ەنگىزىپ، اۆتونوميالى رايوننىڭ بۇرىنعى ”سەگىز ٴىرى كاسىپ سالاسى شوعىرىن“ ”توعىز ٴىرى كاسىپ سالاسى شوعىرىنا“ كەڭەيتۋدى العا قويدى.
”مادەنيەت ـ ساياحات كاسىپ سالاسىن ’توعىز ٴىرى كاسىپ سالاسى شوعىرىنا‘ ەنگىزۋ _ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن دايەكتىلەندىرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋدەگى تاعى ٴبىر شارا. تاياۋ جىلداردان بەرى شينجياڭنىڭ ساياحات جانە مادەنيەت كاسىپ سالاسىنىڭ دامۋ تەبىنى كۇشەيىپ، شينجياڭنىڭ مادەنيەت ـ ساياحات كاسىپ سالاسىنىڭ ارتقان قۇنى بۇكىل ەلدىڭ الدىڭعى قاتارىنان ورىن الدى، وسىلاردىڭ بارلىعى مادەنيەت ـ ساياحات كاسىپ سالاسىن ’توعىز ٴىرى كاسىپ سالاسى شوعىرىنا‘ ەنگىزۋدىڭ ماڭىزدى فاكتورى سانالادى“، ـ دەدى 8 ـ ايدىڭ 30 ـ كۇنى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى شۇي رۇيجۇن.
تاياۋ جىلداردان بەرى شينجياڭنىڭ مادەنيەت ـ ساياحات كاسىپ سالاسى قوردالانىپ نىعايىپ، كۇش جيناپ ەنەرگيا توپتاپ، بولاشاعى نۇرلى ماڭىزدى التىن مەزگىلدى قارسى الىپ، بايتاق تا كورىكتى شينجياڭ بارعان سايىن ادامداردىڭ كوكسەيتىن ”ارمان القابىنا“ اينالدى. دامۋى وتە تەز شينجياڭنىڭ مادەنيەت ـ ساياحات كاسىپ سالاسى كۇن سايىن جاڭادان گۇلدەنگەن ستراتەگيالىق تىرەكتى كاسىپ سالاسىنا جانە كورنەكتى ٴداۋىر ەرەكشەلىگىنە يە حالىق تۇرمىسى كاسىپ سالاسىنا، باقىت كاسىپ سالاسىنا اينالۋدا.
قورى مول، ٴورىسى كەڭ، بولاشاعى نۇرلى
”شينجياڭنىڭ مادەنيەت ـ ساياحات كاسىپ سالاسىن كاسىپ سالاسى شوعىرى قاتارىنا ەنگىزۋ شينجياڭدى مادەنيەتپەن نارلەندىرۋ جانە ساياحات ارقىلى شينجياڭدى گۇلدەندىرۋ ستراتەگياسىنىڭ ناقتى امالياتى ٴارى جۇڭگو ۇلگىسىندەگى وسىزامانداندىرۋدىڭ شينجياڭ تاراۋى قۇرىلىسىندا ساياحاتتا قۋاتتى رايون قۇرۋدىڭ ناقتى شاراسى، اسىرەسە، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتكەن مادەنيەت ـ ساياحاتتىڭ توعىسا جوعارى ساپالى دامۋىنىڭ ناقتى امالياتى“، ـ دەدى شينجياڭ قازىنا ـ ەكونوميكا داشۋەسى ساياحات شۋەيۋانىنىڭ ورىنباسار باستىعى چىڭ يفىڭ.
كاسىپ سالاسى شوعىرى دەپ اتالۋ ٴۇشىن ٴسوزسىز تۇردە ٴوزارا بايلانىستى، ٴوزارا يەك سۇيەيتىن قىرۋار كاسىپورىندار مەن قۇرىلىمدار شوعىرى بولۋى كەرەك، ول كوپتەگەن كاسىپ سالاسىنىڭ توعىسا دامۋىن جۇزەگە اسىرىپ، سول ارقىلى كاسىپ سالاسى قۇرىلىمى دارەجەسىنىڭ وسۋىنە جانە وڭىرلىك ەكونوميكانىڭ تيپ جاڭالاۋىنا مۇمكىندىك جاساي الادى. شينجياڭنىڭ ”توعىز ٴىرى كاسىپ سالاسى شوعىرى“ شينجياڭنىڭ وسىزاماندانعان كاسىپ سالاسى جۇيەسىنىڭ دامۋىنا تىرەك بولۋ مىندەتىن ارقالايدى، ولاي بولسا، مادەنيەت ـ ساياحات كاسىپ سالاسى وسى اۋىر مىندەتتى ارقالاي الا ما؟
”شينجياڭنىڭ كوركەمدىگى، شينجياڭنىڭ كەڭ ـ بايتاقتىعى، شينجياڭنىڭ جاراسىمدىلىعى، شينجياڭنىڭ مادەنيەت قاتپارى، شينجياڭنىڭ ٴدامى، شينجياڭنىڭ العا باسۋى شينجياڭنىڭ مادەنيەت ـ ساياحات كاسىپ سالاسى شوعىرىنىڭ وزەكتى باۋراۋ قۋاتىن قالىپتاستىردى“، ـ دەدى شۇي رۇيجۇن كامىل سەنىممەن.
شينجياڭنىڭ كوركەمدىگى دەگەندە، شينجياڭنىڭ بۇكىل ەلدەگى جاراتىلىستىق بايلىعى، جەر بەدەرى سياقتىلارعا ەڭ باي، جاراتىلىستىق كورىنىسى ەڭ كوركەم ولكەلەردىڭ ٴبىرى ەكەندىگى مەڭزەلەدى، 68 ٴتۇرلى ساياحات بايلىق نەگىزگى ٴتۇرىنىڭ 56سى بار، بۇكىل ەلدىڭ ساياحات بايلىعى ٴتۇرىنىڭ %83ىن يەلەپ، بۇكىل ەل بويىنشا الدىڭعى ورىندا تۇرادى؛ شينجياڭنىڭ كەڭ ـ بايتاقتىعى دەگەندە، شينجياڭنىڭ جەر اۋدانى قۇرلىقتىق مەملەكەت جەر اۋدانىنىڭ التىدان ٴبىرىن ۇستايتىندىعى مەڭزەلەدى، ال ”ٴۇش تاۋ جانە ەكى ويپات“ سىندى وزگەشە جاعراپيالىق ەرەكشەلىك تىپتەن وزىندىك ەرەكشەلىككە يە ساياحات بايلىعىن جەتىلدىرگەن؛ شينجياڭنىڭ جاراسىمدىلىعى دەگەندە، شينجياڭ سىندى وسى توپىراقتا ٴار ۇلتتىڭ اناردىڭ دانىندەي تىعىز ۇيىسىپ، نۇر ـ شۇعىلالى مادەنيەت جاراتقاندىعى مەڭزەلەدى؛ شينجياڭنىڭ مادەنيەت قاتپارى دەگەندە، شينجياڭنىڭ تەرەڭ تاريحي مادەنيەت قاتپارى مەڭزەلەدى، 6 ورىندا دۇنيە جۇزىلىك مادەنيەت مۇرا جەرى، 133 ورىندا مەملەكەتتىك ٴتۇيىندى مادەني ەسكەرتكىشتەردى قورعاۋ ورنى، 9000نان استام ورىندا جىلجىمايتىن مادەني ەسكەرتكىش، سونداي ـ اق قىرۋار بەيزاتتىق مادەنيەت مۇرالارى بايلىعى بار؛ شينجياڭنىڭ ٴدامى دەگەندە، شينجياڭنىڭ ٴدامدى تاعامدارىنىڭ بۇكىل ەلگە تانىمالى، بۇكىل دۇنيە جۇزىنە تانىمالى ەكەندىگى مەڭزەلەدى؛ شينجياڭنىڭ العا باسۋى دەگەندە، ەكونوميكا، قوعام، مادەنيەت، ەكولوگيالىق وركەنيەت قۇرىلىسى سياقتى جاقتاردىڭ بارلىعىندا اسا زور تابىسقا قول جەتكىزىپ، ٴار ۇلت حالقىنىڭ اسقاق تا كوتەرىڭكى رۋحاني بەينەمەن جاڭا داۋىردە ەكپىندەي ىلگەرىلەگەندىگى مەڭزەلەدى. ”وسى فاكتورلار قوسىلا كەلە شينجياڭنىڭ مادەنيەت ـ ساياحات كاسىپ سالاسىنىڭ وزەكتى باۋراۋ قۋاتى مەن باسەكەلىك قۋاتىن قالىپتاستىردى، سونداي ـ اق مادەنيەت ـ ساياحات كاسىپ سالاسى شوعىرىن جوعارى ساپالى دامىتۋعا بەرىك نەگىز قالادى“، ـ دەدى شۇي رۇيجۇن.
ٴتيىمدى ورايدى يگەرىپ، تولقىن جارا ىلگەرىلەپ، قوردالانىپ دامىدى
8 ـ ايدىڭ 30 ـ كۇنى تۇڭچىڭ ساياحات تۇعىرى «2024 ـ جىلعى جۇڭچيۋ دەمالىسىنداعى ساياحات بەتالىسى مالىمەتىن» جاريالادى، مۇندا جازعى دەمالىس كەزىندە قىزا تۇسكەن التاي كۇزگى ساياحات ورلەۋى ٴۇرتىس كوتەرىلىپ، جۇڭچيۋ دەمالىسى كەزىنىڭ الدى ـ ارتىندا قىزۋ قارسى الىناتىن ساياحات نىسانالى جەرلەرىنىڭ بىرىنە اينالماق. بۇل مالىمەتتە كورسەتىلۋىنشە، التايدىڭ قىزۋ ساياحات ورلەۋىنىڭ جالعاسۋى سولتۇستىك شينجياڭنىڭ جەلى بويىنداعى ٴارقايسى قالالارىنىڭ ساياحات ورلەۋىنىڭ كوتەرىلۋىنە دەم بەرەدى ەكەن.
ال، 8 ـ ايدىڭ 28 ـ كۇنى شيەچىڭ تۇعىرى جاريالاعان «2024 ـ جىلعى جازعى دەمالىس كەزىندەگى ساياحاتتاۋ بازارى مالىمەتىندە» كورسەتىلۋىنشە، بيىل جازعى دەمالىس كەزىندە شينجياڭعا شەكارادان كىرىپ ساياحاتتاۋ تاپسىرىسى سايكەس مەزگىلدەگىدەن %146 ارتىپ، بۇكىل شينجياڭنىڭ مادەنيەت ـ ساياحات ورلەۋى ٴۇرتىس كوتەرىلگەن، ٴۇرىمجى بۇكىل ەلدىڭ ولكە ورتالىعى قالالارى اراسىندا قوناقجاي تاپسىرىسىنىڭ ارتۋ قارقىنى الدىڭعى 10 ورىندا تۇرعان، قاشقار قالاسى، قۇلجا قالاسى جازعى دەمالىس كەزىندە بازارلى اۋدان ٴوڭىرى ساياحات قالالارى قاتارىنان ورىن العان. سونىمەن شينجياڭ ۇزدىك ”جازعى دەمالىس كەزىندەگى ساياحات ناتيجە ٴتىزىمىن“ تاعى العان.
تاياۋ جىلداردان بەرى شينجياڭنىڭ مادەنيەت ـ ساياحات كاسىپ سالاسى ەل ىشىندەگى كولەمدى ساياحات تۇعىرلارىنىڭ ٴتۇرلى تاقتا تىزىمىنەن ىلگەرىندى ـ كەيىندى كورىنىپ، شينجياڭ قىزۋ ورلەۋگە كوتەرىلۋى ەڭ جوعارى جەرلەردىڭ بىرىنە اينالدى.
قىزۋ ورلەۋگە كوتەرىلۋدىڭ استارىندا شينجياڭنىڭ مادەنيەت ـ ساياحات كاسىپ سالاسى قاۋىرت دامۋدى جۇزەگە اسىرىپ، مادەنيەت ـ ساياحات بازارى جىلدام زورايۋداي شىندىق جاتىر. 2023 ـ جىلى شينجياڭ ەل ٴىشى ـ سىرتىنان 265 ميلليون 440 مىڭ 300 ساياحاتشى (رەت) قابىلداپ، ساياحات جالپى كىرىسى 296 ميلليارد 715 ميلليون يۋان بولىپ، تاريحتا ەڭ جوعارى دەڭگەي جاراتتى. بيىل 1 ـ ايدان 7 ـ ايعا دەيىن بۇكىل رايون ەل ٴىشى ـ سىرتىنان جالپى 165 ميلليون ساياحاتشى (رەت) قابىلداپ، ساياحات كىرىسى 186 ميلليارد 851 ميلليون يۋان بولىپ، سايكەس مەزگىلدەگىدەن جەكە ـ جەكە %15.16 جانە %28.53 ارتتى.
قازىرگى تاڭدا مادەنيەت ـ ساياحات كاسىپ سالاسىن دامىتۋ جاعىندا شينجياڭدا قاتار بىرگە ىلگەرىلەۋ، كوپ سالادا باسىپ وزۋ جاعدايى جارىققا شىقتى _ قار ـ مۇز ساياحاتى بۇكىل ەلدىڭ الدىڭعى قاتارىندا ٴجۇرىپ، شاڭعى الاڭدارىنىڭ سانى مەن كولەمى بۇكىل ەلدە ٴبىرىنشى ورىن يەلەدى؛ ٴوز كولىگىمەن ساياحاتتاۋ بۇكىل ەلدە ”ٴبىرىنشى شارشى قاتارعا“ ٴوتىپ، جۇڭگونىڭ ٴوز كولىگىمەن ساياحاتتاۋ جەلى باعدارلاۋىشىنا اينالدى؛ مايتاۋ _ كۇشار تاس جولى، S101 جەلىسى، G219 جەلىسى سياقتىلار ەل ىشىندەگى ٴوز كولىگىمەن ساياحاتتايتىن سارا جەلىگە اينالدى؛ ەرەكشە ساياحاتتىڭ دامۋى تەبىندى بولدى... ساياحات كاسىپ كۇيى بارعان سايىن بايىدى.
مادەنيەت ـ ساياحات كاسىپ سالاسىنىڭ شوعىرلانۋ اسەرى بارعان سايىن كورنەكتىلەنىپ، ”ساياحات كاسىبىنىڭ ’تاماقتانۋ، قونالقى، ٴجۇرىس ـ تۇرىس، ساياحاتتاۋ، زات ساتىپ الۋ، كوڭىل اشۋ‘ سىندى 6 فاكتورىنا قوسىلعان قارجى كولەمى ۇزدىكسىز كەڭەيىپ، شينجياڭنىڭ قوناقجاي كاسىبىنىڭ تاياۋ 2 جىلداعى دامۋ ارىنى كۇشەيىپ، بۇرىنعى نەشە 10 جىلداعى دامۋ جاعدايىن باسىپ وزدى. وسىلاردىڭ بارلىعى شينجياڭنىڭ مادەنيەت ـ ساياحات كاسىپ سالاسى شوعىرىنىڭ كەلەلى دامۋ ورايىن قارسى الاتىندىعىن اڭعارتادى“، ـ دەدى شۇي رۇيجۇن.
2023 ـ جىلى بۇكىل شينجياڭدا 146 قوناقجاي نىسانى جاڭادان سالىندى، ۇزدىكسىز سالىندى، بۇعان شامامەن 44 ميلليارد 41 ميلليون يۋان قارجى قوسىلدى. بيىل بەس جۇلدىز دارەجەلى ولشەم جانە كولەم بويىنشا قۇرىلعان قوناقجاي 31گە جەتىپ، جالپى 31 ميلليارد 680 ميلليون يۋان قارجى قوسىلاتىندىعى مەجەلەندى. مۇنىڭ ىشىندە بيىلعى جوسپار بويىنشا 14 قوناقجايدىڭ قۇرىلىسى اياقتاپ، بۇعان جالپى 5 ميلليارد 746 ميلليون يۋان قارجى قوسىلادى.
كەزەكتە، شينجياڭ جۇڭلۇي توبى، لۇيفا توبى، حۋاچياۋچىڭ توبى، جيڭدۇڭ توبى، تۇڭچىڭ توبى سياقتى ەل ىشىندەگى كوپتەگەن كولەمدى كاسىپورىندارمەن ستراتەگيالىق سەلبەستىك كەلىسىمىنە قول قويىستى. ەل ىشىندەگى مادەنيەت ـ ساياحاتتاعى باس كاسىپورىندار ىركەس ـ تىركەس شينجياڭعا كەلىپ، مادەنيەت ـ ساياحات كاسىپ سالاسىنىڭ شالقار ايدىنىن جانداندىردى، اۆتونوميالى رايوننىڭ جانە ايماق، وبلىس، قالالاردىڭ مادەنيەت ـ ساياحاتقا قارجى قوسۋ توبى سەرىكتەستىكتەرى ىلگەرىندى ـ كەيىندى قۇرىلىپ، مەملەكەت مەنشىگىندەگى، حالىقتىق كاسىپورىندار بىرگە جورىققا شىققان دامۋ ارناسىن قالىپتاستىردى.
جەتەكشىلىك سيپاتى مەن بايلانىستىلىق دەڭگەيى ەڭ جوعارى كاسىپ سالاسىنىڭ ٴبىرى رەتىندە مادەنيەت ـ ساياحات كاسىپ سالاسىنىڭ ”ٴبىر كاسىپ گۇلدەنسە، 100 كاسىپ وركەندەيدى“ دەيتىن سيپاتى كۇن سايىن كورنەكتىلەندى. قاتىستى ماتەريالداردا كورسەتىلۋىنشە، ساياحات كاسىبى جەتەكتەگەن قاتىستى كاسىپ سالاسى ارتىپ 110 نەشە بولعان. ساياحات كىرىسى ٴار ٴبىر يۋان ارتقان سايىن قاتىستى كاسىپتەردە 4.5 يۋان كىرىس ارتۋدى جەبەدى؛ ساياحاتقا قوسىلعان قارجى ٴبىر يۋان ارتقان سايىن باسقا كاسىپتەردە 5 يۋان قارجى قوسىلۋدى جەبەدى؛ بىلتىر بۇكىل شينجياڭدا ساياحات كاسىبىمەن شۇعىلدانعان شارۋاشىلىق تۇلعاسى 370 مىڭنان اسىپ، قۋاتتى ”كوبەيتكىش اسەرىندە“ ساياحاتتىڭ جوعارى، تومەن بۋىنىنا ساياتىن قىرۋار كاسىپتەر وسىعان بايلانىستى يگىلىككە كەنەلگەن، مۇندا جۇمىستاندىرۋدى كەڭەيتۋ، حالىقتى بايىتۋ، حالىققا تيىمدىلىك جاساۋ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ ەرەكشەلىگى دارەجە بويىنشا كەڭەيىپ، اتى زاتىنا ساي حالىق تۇرمىسى كاسىپ سالاسىنا، باقىت كاسىپ سالاسىنا اينالعان.
”شينجياڭنىڭ مادەنيەت ـ ساياحات كاسىپ سالاسىنىڭ ەكونوميكالىق دامۋدى جەبەۋ، تاماشا تۇرمىسقا قىزمەت وتەۋ، رۋحاني مەكەن قۇرۋ، وركەنيەتتەردىڭ ٴوزارا ۇلگى الۋىن جەبەۋ سياقتى ٴبىرقىدىرۋ اسا زور رولى جارىققا شىعۋدا، وسى نىسانالاردىڭ بارلىعى مادەنيەت ـ ساياحاتتىڭ توعىسا دامۋى بارىسىندا شىنايى تياناقتانادى. مۇنان سىرت، مادەنيەت ـ ساياحات كاسىپ سالاسى جۇمىستاندىرۋدى جەبەۋ، اۋىل ـ قىستاقتى گۇلدەندىرۋ، بىرگە بايۋ سياقتى جاقتاردىڭ بارلىعىندا ەرەكشە پارمەندى تۇتقا سانالادى“، ـ دەدى اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋان) ەكونوميا وقىتۋ ـ زەرتتەۋ ٴبولىمىنىڭ دوتسەنتى تان يۇڭشيان.
ورايدى يگەرىپ، ۋاقىتتى قولدان بەرمەي، نىق قاداممەن شاپشاڭ ىلگەرىلەدى
اۋقىمدى يگەرىپ، ورايدى قولدان جىبەرمەۋ كەرەك.
مادەنيەت ـ ساياحات كاسىپ سالاسى كاسىپ سالاسى شوعىرى قاتارىنا ەنگىزىلگەننەن كەيىن، مادەنيەت ـ ساياحات كاسىپتىك قايراتكەرلەرى شاتتانىپ جىگەرلەنۋمەن بىرگە، اسا زور جاۋاپكەرشىلىكتى تىپتەن سەزىندى.
”مادەنيەت ـ ساياحات كاسىپ سالاسى شوعىرىنىڭ بولاشاق دامۋىندا الدىمەن جوعارى دەڭگەيدە جوبالاۋدى كۇشەيتىپ، قۇرىلىس جوباسىن ويداعىداي ىستەپ، جوسپارلاپ ورنالاستىرۋدى ويداعىداي ىستەپ، كاسىپ سالاسى شوعىرىنىڭ دامۋ ويىمەن تۇتاس تۇلعالىق كاسىپ سالاسىنىڭ دامۋى مەن ورنالاسىمىنا جەتەكشىلىك ەتۋ كەرەك“، شۇي رۇيجۇن بىلاي دەپ قارادى: ”مەملەكەت جاساعان «ساياحات ارقىلى شينجياڭدى گۇلدەندىرۋ جوباسى (2030 _ 2021 ـ جىل)» بويىنشا اۆتونوميالى رايون جاساعان «وڭتۇستىك شينجياڭنىڭ وڭىرلىك ساياحاتىن دامىتۋ جوباسى (2030 _ 2023 ـ جىل)»، «اۆتونوميالى رايوننىڭ ساياحات كاسىبىنىڭ جوعارى ساپالى دامۋىن جەدەل ىلگەرىلەتۋ جونىندەگى 3 جىلدىق ارەكەت جوباسى (2026 _ 2024 ـ جىل)» سياقتى ارناۋلى جوبا مەن جەلىلەس ساياسات ـ شارالاردىڭ جەتەكشىلىگىندە جوعارى ساپالى دامۋ تالابىنا ساي، جوعارى دەڭگەيلى جوبانى ونان ارى جاساپ، مادەنيەت ـ ساياحات كاسىپ سالاسى شوعىرىنىڭ دامۋىنا اناعۇرلىم ويداعىداي جەتەكشىلىك ەتۋ كەرەك“.
شۇي رۇيجۇن مىنالاردى ٴبىلدىردى: شينجياڭ اسا تاماشا مادەنيەت ـ ساياحات بايلىعى باسىمدىعىنا يە، جاڭالىق اشا دامۋ جاعىندا كۇش سالىپ، ەڭ جاڭا دامۋ ۇستانىمىنان پايدالانىپ مادەنيەت ـ ساياحات كاسىپ سالاسى شوعىرىنىڭ دامۋىنا جەتەكشىلىك ەتۋ كەرەك. سونىمەن بىرگە دارىندىلار قۇرىلىسى كەم بولسا بولمايدى. مادەنيەت ـ ساياحاتتىڭ توعىسا دامۋى جاعىندا دارىندىلاردى جەتەكشى ەتىپ، دارىندىلاردى باۋراپ، دارىندىلاردى ويداعىداي ىستەتىپ، دارىندىلار ارقىلى مادەنيەت ـ ساياحات كاسىپ سالاسى شوعىرىنىڭ دامۋىن جەبەپ، كاسىپ سالاسى شوعىرىنىڭ دامۋىنا جەتەكشىلىك ەتۋ، سونداي ـ اق سارا جەلى، سارا كورىنىس ٴوڭىرىن تۇلعالاۋ كەرەك، ”مۇنان سىرت، تاعى مادەنيەت ـ ساياحات كاسىپ سالاسى شوعىرىنىڭ كاسىپ سالاسى تىزبەگىن ونان ارى كەمەلدەندىرۋ، اشۋ، جوبالاۋ، قىزمەت وتەۋ، ساتۋ، ۇگىتتەۋ سياقتى بىرنەشە بۋىندى شارپىپ، نازاردى مادەنيەت ـ ساياحات كاسىپ سالاسىنىڭ دامۋداعى ولقىلىقتارىنا شوعىرلاندىرىپ، كاسىپ سالاسى شوعىرىن جەدەل جەتىلدىرۋ، زورايتۋ كەرەك“.
چىڭ يفىڭ بىلاي دەپ قارادى: مادەنيەت ـ ساياحات كاسىپ سالاسىنىڭ كاسىپ باسقارۋشىلارىنىڭ، كاسىپورىن تيجاراتىن جۇرگىزۋشىلەرىنىڭ، كاسىپ سالاسىمەن شۇعىلدانۋشىلاردىڭ بارلىعى نازاردى كاسىپ سالاسى شوعىرىنىڭ دامۋىنا شوعىرلاندىرىپ، ناقتى شارا قولدانىپ، مادەنيەت ـ ساياحات كاسىپ سالاسىنىڭ قارىشتاپ دامۋىن ىلگەرىلەتۋ كەرەك، ”دامۋ ورايىن مىقتى يگەرىپ، شينجياڭ ساياحاتىنىڭ باسىمدىق كومەسكى كۇشىن تولىق جارىققا شىعارۋ كەرەك. مادەنيەت جانە ساياحات مينيسترلىگى جاريالاعان «شينجياڭنىڭ ساياحات تۇتىنۋىن جەبەيتىن ارناۋلى ارەكەت جوسپارى قىزمەت جوباسىنان» جانە اۆتونوميالى رايون جاريالاعان «اۆتونوميالى رايوننىڭ ساياحات كاسىبىنىڭ جوعارى ساپالى دامۋىن جەدەل ىلگەرىلەتۋ جونىندەگى 3 جىلدىق ارەكەت جوباسىنان (2026 _ 2024 ـ جىل)» شىنايى ويداعىداي پايدالانىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، شينجياڭ ساياحاتىنىڭ تۇتاس تۇلعالىق ساپاسى مەن دەڭگەيىن كۇش سالا جوعارىلاتىپ، مەملەكەتتىك ساياحات كاسىبىن جوعارى ساپالى دامىتۋدىڭ ەرەكشە ۇلگىسىن جانە دۇنيە جۇزىلىك ماڭىزدى ساياحات نىسانالى جەرىن قۇلشىنا تۇلعالاۋ كەرەك“.
چىڭ يفىڭ مىناداي ۇسىنىس بەردى: ساياحات كاسىپ كۇيىن ٴۇرتىس بايىتىپ، ”شينجياڭ جاقسى جەر“ اتتى ماركانى ايگىلەۋ كەرەك.”تاماقتانۋ، قونالقى، ٴجۇرىس ـ تۇرىس، ساياحاتتاۋ، زات ساتىپ الۋ، كوڭىل اشۋ“ كاسىپ سالاسى تىزبەگىن ۇزدىكسىز ۇزارتىپ، كۇشتى شوعىرلاندىرا وتىرىپ قار ـ مۇز ساياحاتى، ەكولوگيالىق ساياحات، تاريحي گۋمانيتارلىق ساياحات، شەكارا ساياحاتى سياقتى ٴبىر توپ مەملەكەت دارەجەلى، دۇنيە ٴجۇزى دارەجەلى تانىمالى ساياحات ماركاسىن تۇلعالاپ، اناعۇرلىم كوپ ساياحاتشىنىڭ شينجياڭدى تاڭداۋىنا، شينجياڭدى جاقسى كورۋىنە مۇمكىندىك جاساۋ؛ مادەنيەت ـ ساياحاتتىڭ توعىسۋىن بەلسەنە تەرەڭدەتىپ، شينجياڭدى ەل ٴىشى ـ سىرتىنداعى ساياحاتشىلاردىڭ اڭسايتىن ”ارمان القابىنا“ اينالدىرۋ كەرەك. جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، شينجياڭدى مادەنيەتپەن نارلەندىرۋدى ىشكەرىلەي اتقارىپ، ساپالى مادەنيەت ـ ساياحات بايلىعىن كادەگە جاراتۋدى، پايدالانۋدى تەزدەتۋ كەرەك. اسىرەسە، وڭتۇستىك شينجياڭدى ٴتۇيىن ەتىپ، تاكلامان ٴشولىن اينالىپ وتەتىن ساياحات اينالما جەلىسىن جەدەل قۇرىپ، جىبەك جولى مادەنيەت جانە حالىقتىق سالت ـ سانا، ادەت ـ عۇرىپ ساياحاتىنىڭ نىسانالى جەرىن تۇلعالاپ، ۇلتتاردىڭ ارالاسۋىن، ىشتەسۋىن، توعىسۋىن اناعۇرلىم ويداعىداي جەبەۋ كەرەك.
”ساياحات ورتاسىن بار كۇشپەن ساپالىلاندىرىپ، ساياحاتشىلاردىڭ سەزىنۋ اسەرى مەن رازىلىق دەڭگەيىن جاپپاي جوعارىلاتۋ كەرەك. ’ساياحاتتىق قىزمەت وتەۋ ساپاسىن جوعارىلاتۋدىڭ جىلدىق ارەكەتىن‘ تۇتقا ەتىپ، ساياحات نەگىزدىك قۇرىلعى قۇرىلىستارى تەبىنىن ارتتىرىپ، ساياحات بازارى ورتاسىن وڭاۋدى كۇشەيتۋ كەرەك“. چىڭ يفىڭ بىلاي دەدى: ساياحاتپەن بايۋدى كۇش سالا جەبەپ، ساياحات كاسىبىن حالىقتى بايىتىپ، حالىق تۇرمىسىنا تيىمدىلىك جاسايتىن حالىق تۇرمىسى كاسىپ سالاسى، باقىت كاسىپ سالاسى ەتىپ شىن مانىندە قۇرىپ شىعىپ، ساياحاتتىڭ جەتەكتەۋ اسەرىن تولىق ساۋلەلەندىرىپ، ٴار ۇلت بۇقاراسىنىڭ تۇراقتى جۇمىستانۋدى، كىرىستەرىن ٴۇرتىس ارتتىرۋدى جۇزەگە اسىرىپ، ساياحاتتى دامىتۋ جەتىستىگىنەن تولىق يگىلىكتەنۋىنە مۇمكىندىك جاساۋ كەرەك.
”بولاشاقتا شينجياڭنىڭ مادەنيەت ـ ساياحات كاسىپ سالاسى، ٴسوز جوق، ٴۇرتىس دامىپ، زورايتىپ، مادەنيەت ـ ساياحاتتىڭ توعىسۋى، ٴسوز جوق، ٴۇرتىس تەرەڭدەپ، ناقتىلانىپ، ’شينجياڭ جاقسى جەر‘ ماركاسى ونان ارى جۇرت جۇرەگىنە تەرەڭ ۇيالاپ، ’ارمان القابى‘ حيكاياسى شينجياڭدا اناعۇرلىم تارتىمدىلىعىن ايگىلەيتىن بولادى“، ـ دەدى تان يۇڭشيان ۇمىتپەن.
