انار بۇلت \ شينجياڭ گازەتىنىڭ ٴتىلشىسى ياۋ گاڭ 9 ـ ايدىڭ 6 ـ كۇنى جەمسارىدان حابارلايدى. 9 ـ ايدىڭ 6 ـ كۇنى اۆتونوميالى رايوننىڭ مادەنيەت كاسىپ سالاسى ارقىلى اۋىل ـ قىستاقتىڭ گۇلدەنۋىنە قۋات ۇستەۋدى ىلگەرىلەتۋ ٴماجىلىسى جەمسارى اۋدانىندا اشىلدى. مادەنيەت جانە ساياحات مينيسترلىگىنىڭ كاسىپ سالالارىن دامىتۋ مەكەمەسىنىڭ، اۆتونوميالى رايوننىڭ مادەنيەت ـ ساياحات تاراۋلارىنىڭ، اۋىل شارۋاشىلىعى، اۋىل ـ قىستاق تاراۋلارىنىڭ، ٴارقايسى ايماق، وبلىس، قالالاردىڭ قاتىستى تاراۋلارىنىڭ جاۋاپتىلارى جانە قاتىستى ماماندار ٴبىر اراعا باس قوسىپ، مادەنيەت ٴتۇزىلىس ـ مەحانيزم رەفورماسىن تەرەڭدەتىپ، اۋىل ـ قىستاق مادەنيەت جانە ساياحات بايلىعىن ىشكەرىلەي كادەگە جاراتىپ، مادەنيەت كاسىپ سالاسىن دامىتۋ مەحانيزمىندە جاڭالىق اشىپ، اۋىل ـ قىستاقتى جاپپاي گۇلدەندىرۋگە دەم بەرۋدى بىرگە تالقىلادى.
”ىلگەرىلەتۋ ٴماجىلىسى اۆتونوميالى رايوننىڭ مادەنيەت كاسىپ سالاسى ارقىلى اۋىل ـ قىستاقتىڭ گۇلدەنۋىنە قۋات ۇستەۋ بويىنشا ۇلگى كورسەتەتىن اۋداندارىنىڭ ٴبىر تۇتاس جوسپارلاپ جوبالاۋ، رەفورما جاساپ جاڭالىق اشۋ، جەتەكشىلىك ەتىپ ۇلگى كورسەتۋ جاقتارىندا اشقان جاڭا جولدارىن ناقتى ورىندا ارالاۋ، بايقاۋ ارقىلى كوشىرۋگە، جالپىلاستىرۋعا بولاتىن تاجىريبە، ٴادىس قالىپتاستىرىپ، كوپشىلىكتىڭ ۇيرەنۋىنە، پىكىر اۋىستىرۋىنا ۇسىنىپ، اۋىل ـ قىستاقتىڭ جاپپاي گۇلدەنۋىنە بىرگە دەم بەرەدى“، ـ دەدى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى ما شۇيگو.
سوڭعى جىلدارى شينجياڭ مادەنيەت كاسىپ سالاسى ارقىلى اۋىل ـ قىستاقتىڭ گۇلدەنۋىنە قۋات ۇستەۋدى ۇزدىكسىز ىلگەرىلەتتى، قارامايلى قالاسىنىڭ ورحى رايونى، كورلا قالاسى، كوكدالا قالاسى بۇكىل ەلدەگى مادەنيەت كاسىپ سالاسى ارقىلى اۋىل ـ قىستاقتىڭ گۇلدەنۋىنە قۋات ۇستەۋ بويىنشا تۇڭعىش توپتا ۇلگى كورسەتەتىن تۇيىندەر تىزىمىنە ەنگىزىلىپ، مەملەكەتتىك اۋىل ـ قىستاق ساياحاتىنداعى 52 ٴتۇيىندى قىستاق، قالاشىق قۇرىپ، اۋىل ـ قىستاق ساياحاتىنداعى ٴبىر توپ سارا جەلىلەردى جاريالاپ ۇسىندى.
بيىل اۆتونوميالى رايوندىق مادەنيەت جانە ساياحات مەڭگەرمەسى وقۋ ـ اعارتۋ مەڭگەرمەسى، جاراتىلىستىق بايلىق مەڭگەرمەسى، اۋىل شارۋاشىلىعى، اۋىل ـ قىستاق مەڭگەرمەسى، مەملەكەتتىك وركەندەتۋ بانكەسىنىڭ شينجياڭ بولىمشە بانكەسى سياقتى تاراۋلارمەن بىرگە ٴۇرىمجى اۋدانى، جەمسارى اۋدانى سياقتى اۆتونوميالى رايوننىڭ مادەنيەت كاسىپ سالاسى ارقىلى اۋىل ـ قىستاقتىڭ گۇلدەنۋىنە قۋات ۇستەۋدەن ۇلگى كورسەتەتىن 10 اۋداندى باعالاپ شىقتى. 8 ـ ايدىڭ باسىندا اۆتونوميالى رايوننىڭ كوپتەگەن تاراۋى مادەنيەت كاسىپ سالاسى ارقىلى اۋىل ـ قىستاقتىڭ گۇلدەنۋىنە قۋات ۇستەۋ جونىندەگى اتقارۋ پىكىرىن بىرلەسىپ باسىپ تاراتىپ، مادەنيەت كاسىپ سالاسى ارقىلى اۋىل ـ قىستاقتىڭ گۇلدەنۋىنە قۋات ۇستەۋ قىزمەتىنىڭ نىساناسى مەن ٴتۇيىندى مىندەتتەرىن ايقىندادى.
