2024 ـ جىلعى ٴبىلىم بەرىپ ادام تاربيەلەۋدەگى مەملەكەتتىك ونەگەلەر ەسىمدىگى جاريالاندى
رايونىمىزدان ٴبىر وقىتۋشى تاڭدالدى
انار بۇلت \ شينجياڭ گازەتىنىڭ ٴتىلشىسى جاۋ شييا 9 ـ ايدىڭ 6 ـ كۇنى ۇرىمجىدەن حابارلايدى. 9 ـ ايدىڭ 6 ـ كۇنى وقۋ ـ اعارتۋ مينيسترلىگى 2024 ـ جىلعى ٴبىلىم بەرىپ ادام تاربيەلەۋدەگى مەملەكەتتىك ونەگەلەردىڭ ەسىمدىگىن جاريالادى، شينجياڭ اۋىل شارۋاشىلىق كاسىپتىك ـ تەحنيكالىق داشۋەسى ماركسيزم شۋەيۋانى پارتيا باس ياچەيكاسىنىڭ شۋجيى، باستىعى، پروفەسسور ۋاڭ شۋەلي تاڭدالدى.
ۋاڭ شۋەلي ۇزاق ۋاقىت بويى يدەيا ـ ساياسي نازاريا ساباعىن وقىتۋدىڭ ٴبىرىنشى شەبىنە تامىر تارتتى، وقىتۋشىلىقپەن شۇعىلدانعان 36 جىلدان بەرى، ول دەن قويا ٴبىلىم بەرىپ، دەن قويا ادام تاربيەلەپ، كاسىپتىك مەكتەپتەردەگى وقۋشىلاردىڭ ەرەكشەلىگىنە مەڭزەس، وقۋشىلاردىڭ اڭگىمەگە قىزىعۋىن كىرىسۋ ٴتۇيىنى ەتىپ، ”مىسالداردى جەتەكشى، ماسەلەنى وزەك ەتۋ“ سياقتى زەرتتەۋ ۇلگىسىندەگى ارناۋلى وقىتۋ ۇلگىسىن جاراتتى. وقۋشىلار ساباق باعالاعاندا جاپپاي بىلاي دەپ اڭىس ەتتى: ”ۋاڭ مۇعالىمنىڭ ساباعىن تىڭداعاندا ۋاقىتتىڭ قالاي وتكەنىن بىلمەي قالامىز، الايدا ۇيرەنۋ، ىزدەنۋ بارىسىندا ونىڭ ۇيرەتكەن ادام بولۋ پرينسيبى مەن ومىرلىك قۇن بەتالىسىنا كامىل سەنىم ارتامىز“ .
جۋىق جىلدارى ۋاڭ شۋەلي تىرەكتى وقىتۋشىلار ۇجىمىن باستاپ، وسى مەكتەپتىڭ ماركسيزم شۋەيۋانى زەرتتەپ اشقان ”ي ـ ۋاڭ چيڭشىن“ اۆتونوميالى رايوندىق كاسىپتىك مەكتەپتەردىڭ يدەيا ـ ساياسي نازاريا تاربيەسى جىلجىمالى ۇيرەنۋ تۇعىرىن سۇيەنىش ەتىپ، مەملەكەتتىك يدەيا ـ ساياسي وقىتۋىندا سارا ساباق قالىپتاستىرىپ، ساپالى ساباقتار بويىنشا بايلىقتان بىرگە يگىلىكتەنۋدى جۇزەگە اسىردى. ول مەملەكەتتىك قوعامدىق عىلىمدار قورى سياقتى 12 زەرتتەۋ تاقىرىبىن باسقارىپ جانە وعان قاتىناسىپ، 10 عىلمي شىعارما، وقۋلىق جازىپ، قۇراستىرىپ، كاسىپتىك مەكتەپتەردىڭ يدەيا ـ ساياسي ساباعىن وقىتۋ رەفورماسىن قۇندى تاجىريبەلەرمەن قامدادى. مەملەكەتتىك ەڭ تاڭداۋلى يدەيا ساياسي ساباعى وقىتۋشىسى، مەملەكەت دارەجەلى ايگىلى وقىتۋشى سياقتى داڭقتارعا يە بولعان.
”ٴبىلىم بەرىپ ادام تاربيەلەۋدەگى مەملەكەتتىك ونەگەلەر قاتارىنا تاڭدالۋ مەن ٴۇشىن قۋزاۋ، ونان دا ماڭىزدىسى، جاۋاپكەرشىلىك“. ۋاڭ شۋەلي بىلاي دەدى: يدەيا ـ ساياسي ساباعىنىڭ باۋىرمالدىعى مەن باعىتتامالىلىعىن جوعارىلاتۋعا ۇزدىكسىز كۇش سالىپ، وقىتۋدى زەرتتەۋ مەن جاڭالىق اشۋدى كۇشەيتىپ، ٴتىپتى دە كوپ وقۋشىنىڭ يدەيا ـ ساياسي نازاريا ساباعىنان ادام بولۋ، ٴىس ىستەۋ اقىل ـ پاراساتىن قابىلداپ، ارمانعا قانات جالعايتىن يدەيالىق كۇش الۋىنا مۇمكىندىك جاسايمىن.
