انار بۇلت \ شينجياڭ گازەتىنىڭ ٴتىلشىسى يىن لۋ 9 ـ ايدىڭ 5 ـ كۇنى ۇرىمجىدەن حابارلايدى. تۇڭعىش كەزەكتى شينجياڭ جالپى حالىقتىق كىتاپ وقۋ جينالىسى جانە 2024 ـ جىلعى شينجياڭ كىتاپ كورمەسى 9 ـ ايدىڭ 13 ـ كۇنىنەن 16 ـ كۇنىنە دەيىن شينجياڭ حالىقارالىق ٴماجىلىس ـ كورمە ورتالىعىندا وتكىزىلەدى.
شينجياڭ جالپى حالىقتىق كىتاپ وقۋ جينالىسىن اۆتونوميالى رايوندىق پارتكوم ۇگىت ٴبولىمى ۇيىمداستىرىپ وتكىزدى، نەگىزگى تاقىرىبى _ ”كىتاپ وقۋ مەرەيىنە شومعان شينجياڭ قۇرىپ، وسى زامانعى وركەنيەتتەن بىرگە يگىلىكتەنەيىك“، ول جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، تۇتاس قوعامدا كىتاپ وقۋعا قۇشتار بولۋ، جاقسى كىتاپ وقۋ، كىتاپ وقۋعا شەبەر بولۋ قويۋ رايىن قالىپتاستىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا بەرىك يدەيالىق كەپىل جانە قۋاتتى رۋحاني كۇش ازىرلەيدى.
وسى ارالىقتا اشىلۋ سالتى، ”كىتاپ وقىپ، شينجياڭدى مادەنيەتپەن نارلەندىرۋ“ 2024 ـ جىلعى شينجياڭ كىتاپ كورمەسى، ”كىتاپ وقۋ مەرەيىنە شومعان شينجياڭ قۇرىپ، وسى زامانعى وركەنيەتتەن بىرگە يگىلىكتەنەيىك“ نەگىزگى تاقىرىپتىق لەكسيا ٴماجىلىسى، شينجياڭ باسىلىمدارىنىڭ جوعارى ساپالى دامۋىن ىلگەرىلەتۋ ارناۋلى تاقىرىپتىق اڭگىمە ٴماجىلىسى، جاستار مەن ورەندەردىڭ كىتاپ وقۋىن جالپىلاستىرۋ ارناۋلى تاقىرىپتىق اڭگىمە ٴماجىلىسى، جالپى حالىقتىڭ كىتاپ وقۋىنا سيفرمەن قۋات ۇستەۋ ارناۋلى تاقىرىپتىق اڭگىمە ٴماجىلىسى، ناقتى كىتاپ دۇكەندەرىنىڭ الەۋمەتتىك مادەنيەت قىزمەت وتەۋىنە ات سالىسۋ ارناۋلى تاقىرىپتىق اڭگىمە ٴماجىلىسى، ”كىتاپ وقۋ مەرەيىنە شومعان شينجياڭ“ جالپى حالىقتىق كىتاپ وقۋ جەتىستىك كورمەسى، ”تيانشاندى مادەنيەتپەن نارلەندىرۋ“ كىتاپ وقۋ كەشى قيمىلى، تيانشان كىتاپ بازارى حالىققا تيىمدىلىك جاساۋ بويىنشا كىتاپ ساتۋ سياقتى قيمىلدار وتكىزىلەدى.
شينجياڭ كىتاپ كورمەسى شينجياڭ حالىقارالىق ٴماجىلىس ـ كورمە ورتالىعىنىڭ 2 ـ ٴنومىرلى سارايىنا جانە 3 ـ ٴنومىرلى سارايىنا ورنالاسقان، مۇندا نەگىزگى قوناق قالا بولعان شاڭحاي كورمە اۋماعى، نەگىزگى قوناق ورىن بولعان جۇڭگو باسپا ٴسوز توبى كورمە اۋماعى ورنالاستىرىلعان، تاعى نەگىزگى تاقىرىپتىق باسىلىمدار كورمە اۋماعى، ورتالىقتىڭ قاتىستى باسپا ٴسوز ورىندارىنىڭ كورمە اۋماعى، رايون سىرتىنداعى قاتىستى ولكە، قالالاردىڭ باسپا ٴسوز ورىندارىنىڭ كورمە اۋماعى، شينجياڭ باسپا ٴسوز ورىندارىنىڭ كورمە اۋماعى، حالىق باسقارۋىنداعى تاراتۋ ورىندارىنىڭ كورمە اۋماعى، جالپىلىق كورمە اۋماعى سياقتىلار دا بار.
بۇل جولى شينجياڭنىڭ ٴىشى ـ سىرتىنان كەلگەن 330دان استام باسپا ٴسوز، تاراتۋ ورنى كورمەگە قاتىناسادى، 44 مىڭ تۇردەن استام كىتاپ كورمەگە قاتىناسىپ، 200دەن استام كىتاپ وقۋ قيمىلى ىركەس ـ تىركەس وتكىزىلەدى. مۇنىڭ ىشىندە شينجياڭ حالىقارالىق ٴماجىلىس ـ كورمە ورتالىعىنىڭ نەگىزگى ٴماجىلىس الاڭىندا 40 رەت قيمىل وتكىزىلىپ، ورتالىق ادەبيەت جانە تاريح زەرتتەۋ سارايىنىڭ قىزمەتكەرى گى جيانشيۇڭ، ماۋدۇن ادەبيەت سيلىعىنىڭ يەگەرى ليۋ لياڭچىڭ قاتارلى ايگىلى جازۋشىلار ۇسىنىس ەتىلىپ لەكسيا جانە كىتاپ وقۋ اسەرىن ٴبولىسۋ قيمىلى وتەدى. شينجياڭ جالپى حالىقتىق كىتاپ وقۋ جينالىسى كەزىندە شينجياڭ شينحۋا كىتاپ دۇكەنى تاراتۋ شەكتى جاۋاپكەرشىلىك سەرىكتەستىگى وقىرمانداردى حالىققا تيىمدىلىك جاساۋ بويىنشا 24 ميلليون يۋاندىق كىتاپ ساتىپ الۋ بەلەتىمەن قامدايدى، كورمەگە قاتىناسقان قاتىستى ورىندار جالپى قۇنى 7 ميلليون يۋاندىق كىتاپ جىلۋعا اتادى، ۇسىندى.
