شينحۋا اگەنتتىگىنىڭ 9 ـ ايدىڭ 13 ـ كۇنى بەيجيڭنەن بەرگەن حابارى (تىلشىلەر جياڭ لين، جوۋ يۋان). 9 ـ ايدىڭ 13 ـ كۇنى مەملەكەتتىك حالىق قۇرىلتايى تۇراقتى كوميتەتىنىڭ ٴماجىلىسى زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋدى اتقارۋ جونىندەگى قاۋلىنى داۋىسقا سالىپ ماقۇلدادى. قاۋلىعا نەگىزدەلگەندە، 2025 ـ جىلى 1 ـ ايدىڭ 1 ـ كۇنىنەن باستاپ ەلىمىز 15 جىل ۋاقىتپەن ەر جۇمىسشى ـ قىزمەتكەرلەردىڭ زاڭدا بەلگىلەنگەن زەينەتكە شىعۋ جاسىن بۇرىنعى 60 جاستان 63 جاسقا بىرتىندەپ ۇزارتادى، ايەل جۇمىسشى ـ قىزمەتكەرلەردىڭ زاڭدا بەلگىلەنگەن زەينەتكە شىعۋ جاسىن بۇرىنعى 50 جاستان، 55 جاستان جەكە ـ جەكە 55 جاسقا، 58 جاسقا بىرتىندەپ ۇزارتادى ەكەن.
بۇل جۇمىسشى ـ قىزمەتكەرلەردىڭ زاڭدا بەلگىلەنگەن زەينەتكە شىعۋ جاسىنىڭ الدىڭعى عاسىردىڭ 50 ـ جىلدارى تۇراقتاندىرىلعاننان كەيىن، 70 نەشە جىلدان بەرى تۇڭعىش رەت رەتتەلۋى.
زاڭدا بەلگىلەنگەن زەينەتكە شىعۋ جاسىن ۇزارتۋدان سىرت، قاۋلى جۇمىسشى ـ قىزمەتكەرلەردىڭ اي سايىن الاتىن نەگىزگى زەينەتاقىسىنىڭ ەڭ تومەنگى اقى تاپسىرۋ جىل شەگىنە رەتتەۋ جۇرگىزدى، مۇندا 2030 ـ جىلدان باستاپ 15 جىلدان بىرتىندەپ 20 جىلعا ۇزارتىلىپ، جىلىنا 6 اي جوعارىلاتىلادى.
زەينەتكە شىعۋ جاسىن ۇزارتۋدى ٴبىر تۇتاس اتقارۋ نەگىزىندە، قاۋلىدا مىنالارعا رۇقسات ەتىلدى: جۇمىسشى ـ قىزمەتكەرلەردىڭ ەڭ تومەنگى اقى تاپسىرۋ جىل شەگىنە جەتكەننەن كەيىن، الدىن الا زەينەتكە شىعۋعا ٴوز ەركىمەن يكەمدى تاڭداۋ جاساۋىنا بولادى، الدىن الا زەينەتكە شىعۋ ۋاقىتى، ەڭ ۇزاق بولعاندا، 3 جىلدان اسپايدى، ونىڭ ۇستىنە زەينەتكە شىعۋ جاسى زاڭدا بەلگىلەنگەن بۇرىنعى زەينەتكە شىعۋ جاسىنان تومەن بولمايدى؛ مەكەمە ـ ورىن مەن جۇمىسشى ـ قىزمەتكەرلەر اقىلداسىپ ٴبىر اۋىزدىلىققا كەلگەن العى شارت استىندا زەينەتكە شىعۋ جاسىن دا يكەمدىلىكپەن ۇزارتۋعا بولادى، ۇزارتۋ ۋاقىتى، ەڭ ۇزاق بولعاندا، 3 جىلدان اسپايدى.
زەينەتكە شىعۋ جاسىن ۇزارتۋ رەفورماسى _ جۇيەلى ينجەنەريا. جۇرتشىلىقتىڭ ايرىقشا ٴجىتى قاداعالاپ وتىرعان حالىق تۇرمىسى ماسەلەسىنە مەڭزەس، قاۋلى سونىمەن بىرگە زەينەتكەرلىك قامسىزداندىرۋىنا ىنتالاندىرۋ مەحانيزمىن اقاۋسىزداندىرۋ، جۇمىستانۋدى الدىڭعى ورىنعا قويۋ ستراتەگياسىن اتقارۋ، زاڭدا بەلگىلەنگەن زەينەتكە شىعۋ جاسىنان اسقان ەڭبەكشىلەردىڭ نەگىزگى ۇقىق ـ مۇددەسىن قامتاماسىز ەتۋ، قارتتاردى كۇتىمدەۋ، باعىپ ـ قاعۋعا اماناتتاۋ قىزمەت وتەۋى جۇيەسىن اقاۋسىزداندىرۋ سياقتىلاردى ايقىندادى. قاۋلى جاسى ۇلكەن جۇمىسسىز قالعانداردى قامتاماسىز ەتۋ جانە ەرەكشە جۇمىس ٴتۇرى سياقتىلارعا ساياتىن الدىن الا زەينەتكە شىعارۋ جونىندە ارناۋلى بەلگىلەمە جاسادى.
پارتيا 20 ـ قۇرىلتايى جانە 20 ـ كەزەكتى ورتالىق كوميتەتتىڭ ٴۇشىنشى جالپى ٴماجىلىسى زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋدى اتقارۋ جونىندە ايقىن ورنالاستىرۋ جاسادى. وسى رەت شىعارىلعان جوبا ەلىمىزدەگى ادامداردىڭ مەجەدەگى ورتاشا عۇمىرى، سالاماتتىق دەڭگەيى، جان سانى قۇرىلىمى، حالىقتىڭ ٴبىلىم الۋ دەڭگەيى، ەڭبەككۇشپەن قامداۋ سياقتى فاكتورلاردى جان ـ جاقتى ەسكەرۋ نەگىزىندە اقىلداسىپ جاسالدى.
