انار بۇلت \ شينجياڭ گازەتىنىڭ ٴتىلشىسى يۇي جياڭيان 9 ـ ايدىڭ 16 ـ كۇنى ۇرىمجىدەن حابارلايدى. 9 ـ ايدىڭ 7 ـ كۇنى لوپ اۋدانى شارباق قالاشىعى كوچارىق قىستاعى مەيىر جەتكىزىپ جىلۋ اتاۋ قيمىلىن قارسى الدى _ چيانبايدۋ حالىقارالىق جارناسى مەڭگەرىلەتىن شەكتى سەرىكتەستىگى ۇيىمداستىرىپ قۇرعان جىلى سامال ارەكەتى شاعىن گرۋپپاسى 2 مەكتەپكە 1325 جۇپ سپورت شاقايىن ۇسىندى.
جىلۋ بۇيىمدارىن قابىلداعان 2 مەكتەپ _ حوتان ايماعى كەريا اۋدانى تۋراقاز اۋىلدىق سەنترلى باستاۋىش مەكتەبى جانە لوپ اۋدانى شارباق قالاشىعى 1 ـ جالعاستىرىپ وقۋ تۇزىمىندەگى مەكتەپ. ”ادالدىقپەن سۇيىسپەنشىلىك جانە مەيىر جەتكىزەيىك“. جىلۋ اتاۋ سالتىندا چيانبايدۋ حالىقارالىق جارناسى مەڭگەرىلەتىن شەكتى سەرىكتەستىگىنىڭ باس جوراسى يۋان جىنحۋا بىلاي دەدى: اناعۇرلىم كوپ كاسىپورىننىڭ جىلۋ اتاۋ ۇتىلامالى تاياقشاسىن جالعاستىرىپ، وسى مەيىردى ۇزاق ۋاقىت جالعاستىرۋىن ٴۇمىت ەتەمىن.
شارباق قالاشىعى كوچارىق قىستاعى _ اۆتونوميالى رايوندىق پارتكوم ورنالاستىرعان رەفورمانى تۇيىندە سىناق ەتەتىن ماڭىزدى قىستاق، قوعامدىق كۇشتەردىڭ اۋىل ـ قىستاقتىڭ گۇلدەنۋىنە دەم بەرۋى رەفورماسىن تۇيىندە سىناق ەتۋ جونىندە ىزدەنىس جاساۋ ٴۇشىن، شينجياڭ كوچا مادەنيەت عىلىم ـ تەحنيكا شەكتى سەرىكتەستىگى شينجياڭ كوچا اۋىل ـ قىستاقتىڭ بىرگە بايۋى قورىن قۇرۋدى باستادى، ماقساتى: قوعامداعى مەيىر جەتكىزەتىن كۇشتەردى لوپ اۋدانىنداعى ەرەكشە قيىنشىلىعى بار قاۋىمعا كومەكتەسۋگە، ولاردى سۇيەمەلدەۋگە جاپپاي اتتانىسقا كەلتىرۋ ارقىلى قوعامدىق كۇشتەردىڭ حوتان ايماعىنداعى اۋىل ـ قىستاقتىڭ بىرگە بايۋىنا دەم بەرۋ باياندى مەحانيزمىن ورناتۋ جونىندە ىزدەنىس جاساۋ.
شينجياڭ _ ٴبىر تۇتاس جۇيە، وڭتۇستىك شينجياڭ شاحمات كوزى. 2020 ـ جىلى وڭتۇستىك شينجياڭداعى ەڭ سوڭعى 10 اۋدان بۇكىل ەلمەن بىرگە كەدەيلىكتەن ارىلۋدان قامال الۋدا جەڭىسكە جەتىپ، مۇلدە كەدەيلىك جانە وڭىرلىك تۇتاس تۇلعالىق كەدەيلىك ماسەلەسىن شەشكەنىمەن، الايدا وڭتۇستىك شينجياڭ وڭىرىندە كاسىپ سالاسىنىڭ دامۋى ارتتا قالعان، قوعامدىق قۇرىلىم جالاڭ بولۋ سياقتىلار سەبەپتى كەدەيلىكتەن ارىلۋ نەگىزى ٴالى دە تىم بەرىك ەمەس، سىرتقى كۇشتەردى ەنگىزۋ ارقىلى اۋىل ـ قىستاقتىڭ جاپپاي گۇلدەنۋىن، بۇقارانىڭ بىرگە بايۋىن ىلگەرىلەتۋگە تۋرا كەلەدى.
پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە الەۋمەتتىك يگىلىك، قايىرىمدىلىق ىستەرىن دامىتۋعا قولداۋ كورسەتۋ كەرەك دەپ ورتاعا قويىلدى. قايىرىمدىلىق ىستەرى جۇڭگوشا سوتسياليزم ىستەرىنىڭ ماڭىزدى قۇرامداس بولىگى، قوعامنىڭ ادىلدىگىن، تۋراشىلدىعىن جەبەۋدە، بىرگە بايۋدى جۇزەگە اسىرۋدى ىلگەرىلەتۋدە ماڭىزدى ٴمان الادى. اۆتونوميالى رايوندىق پارتكوم ساياسات زەرتتەۋ كەڭسەسىنىڭ (رەفورما كەڭسەسى) كادرى اكبارجان ياسىن مىنالاردى ٴبىلدىردى: حوتان ايماعىندا تۇڭعىش كوچا اۋىل ـ قىستاقتى بىرگە بايىتۋ قورى قوعامىن قۇرۋ جونىندە ىزدەنىس جاساعاندا، ٴبىر جاعىنان، اناعۇرلىم كوپ قوعامدىق كۇشتى حوتان ايماعىنداعى ەرەكشە قيىنشىلىعى بار قاۋىمدى كومەكتەسىپ ـ سۇيەمەلدەۋگە باۋراپ جانە جەتەكتەپ، بالالاردىڭ وقۋى، شيپاگەرگە كورىنۋ، ەمدەلۋ، مۇگەدەكتەردى قۇتقارۋ، كومەكتەسۋ، كاسىپ سالاسى ارقىلى كومەكتەسۋ، سۇيەمەلدەۋ سياقتى جاقتاردا الەۋمەتتىك يگىلىك جىلۋىن اتاۋدى ورىستەتىپ، ٴوندىرىس، تۇرمىس بارىسىندا ٴدوپ كەلگەن قيىنشىلىقتاردى جانە ماسەلەلەردى شەشۋگە كومەكتەسۋگە بولادى؛ ەندى ٴبىر جاعىنان، ”قايىرىمدىلىق + قور“، ”قايىرىمدىلىق + كاسىپ سالاسى“، ”قايىرىمدىلىق + قوعامدىق ۇيىم“، ”قايىرىمدىلىق + ينتەرنەت“، ”قايىرىمدىلىق + ۇستىندە تارتۋ ەتۋ“ سياقتى جىلۋ اتاۋدىڭ جاڭا ۇلگىسىن قاراستىرىپ، وڭتۇستىك شينجياڭنىڭ قايىرىمدىلىق ىستەرىنىڭ جوعارى ساپالى دامۋىنا كوشىرۋگە بولاتىن، جالپىلاستىرۋعا بولاتىن تاجىريبە ازىرلەۋگە بولادى.
شينجياڭ كوچا اۋىل ـ قىستاقتىڭ بىرگە بايۋى قور قوعامى الەۋمەتتىك يگىلىك تۇعىرى رەتىندە، بۇدان بىلاي قوعامنىڭ ٴار سالاسىنان قور قوعامىنىڭ ماقساتىنا ۇيلەسەتىن ٴتۇرلى قايىرىمدىلىق قارجىسىن كەڭىنەن جيناپ، تابيعي ادامنىڭ، زاڭدىق يەنىڭ، سونداي ـ اق باسقا دا قوعامدىق ۇيىمداردىڭ جىلۋىن قابىلدايدى ٴارى اۆتونوميالى رايوندىق حالىق ىستەرى مەڭگەرمەسىمەن تىعىز سەلبەسىپ، ۇكىمەت تاپسىرعان ارناۋلى جىلۋدى قابىلدايدى.
بۇدان تىس، اتالعان قور قوعامى ٴتۇرلى الەۋمەتتىك يگىلىك جىلۋ اتاۋ قيمىلدارىن وتكىزىپ، ينتەرنەت جەلىسىندەگى، ينتەرنەت جەلىسىنەن تىسقارى ٴوزارا ۇشتاستىرىلعان كوپ نەگىزدى تاسىلمەن قارجى جيناۋدان جاسامپازدىقپەن پايدالانىپ، قوعامنىڭ ات سالىسۋ دارەجەسى جوعارى، ىقپال كۇشى كەڭ جىلۋ اتاۋ ەكولوگيالىق جۇيەسىن تۇلعالاپ، حوتان ايماعىنىڭ اۋىل ـ قىستاقتى گۇلدەندىرۋىنە اناعۇرلىم ويداعىداي قولداۋ كورسەتەدى جانە مۇنى ىلگەرىلەتەدى.
