8 ـ ايدىڭ 25 ـ كۇنى بۇراتالا قالاسى بىلىنحارمودون اۋىلى جوكىن قىستاعىندا ەگىنشى جاڭ چاڭنيان ٴۇيىنىڭ شاعىن اۋلاسىندا قول تەلەفونىنان جوعارى ولشەمدى ەگىنجاي جۇيەسىن اشىپ، ەكراندى جەڭىل ٴتۇرتىپ، سۋ مەن تىڭايتقىشتى دالمە ـ ٴدال ۇلەستىرۋ ارقىلى ٴار ٴتۇپ ماقتانىڭ تامىر جۇيەسىنە جەتكىزدى.
بۇگىنگى تاڭدا، مول سۋمەن قاپتاتىپ سۋارۋ اۋىل شارۋاشىلىعى وندىرىسىندە كوپ كەزدەسپەيدى، ٴداستۇرلى سۋارۋ ٴتاسىلىنىڭ ورنىن بىرتىندەپ سۋ مەن تىڭايتقىشتى زەردەلى ٴبىر تۇلعالاندىرۋ تەحنيكاسى باستى، ٴداستۇرلى اۋىل شارۋاشىلىعىنداعى ”اسپانعا قاراۋدان“ زەردەلى اۋىل شارۋاشىلىعىمەن شۇعىلدانىپ ”ەكرانعا قاراۋعا“ قاراي ويىسىپ، اۋىل شارۋاشىلىعى ٴوندىرىسىنىڭ باياندى دامۋىنا تىڭ ومىرشەڭدىك كۇش ۇستەدى.
سۋ مەن تىڭايتقىشتى زەردەلى ٴبىر تۇلعالاندىرۋ تەحنيكاسى دەگەنىمىز توپىراق ورتاسىن سەزىنۋ، زەردەلى دايىندالعان تىڭايتقىش بەرۋ، سۋارۋ جانە تىڭايتقىش بەرۋ، ٴدارى ىستەتۋ ٴبىر تۇلعالاندىرىلعان دالمە ـ ٴدال اۋىل شارۋاشىلىق تەحنيكاسىن قولدانىپ، سۋ مەن تىڭايتقىشتى دالمە ـ ٴدال رەتتەۋ ـ مەڭگەرۋ تەحنيكاسى ارقىلى كولەمدى اتىزداردى باسقارۋدى كورسەتەدى، بۇل ٴارى ۋاقىت، كۇش ۇنەمدەيدى، ٴارى وزىندىك قۇندى ۇنەمدەپ، كىرىستى ارتتىرادى.
جۇزەگە اسىرۋ ٴتاسىلى جاعىندا، سۋ مەن تىڭايتقىشتى زەردەلى ٴبىر تۇلعالاندىرۋ تەحنيكاسىندا تامشىلاتىپ سۋارۋ، بۇركىپ سۋارۋ، شاعىن كولەمدە بۇركىپ سۋارۋ سياقتى كوپ ٴتۇرلى ۇلگىنى قولدانىپ، ەگىس داقىلدارىنىڭ ٴتۇرى، توپىراق ٴتۇرى جانە كليمات شارت ـ جاعدايى سياقتى فاكتورلارعا قاراي يكەمدى تاڭداۋعا بولادى. باقىلاۋ ـ ولشەۋ ساندى مالىمەتتەرى نەگىزىندە، شارۋالار ەگىس داقىلدارىنىڭ ٴوسۋ پەريودى، توپىراق ٴتۇرى، كليمات شارت ـ جاعدايى سياقتى فاكتورلارعا قاراي، سۋارۋ ۋاقىتى، سۋارۋ مولشەرى، سۋ مەن تىڭايتقىش سالىستىرماسى سياقتى پارامەترلەردى رەتتەپ، قاقپاقشا، سۋ ناسوسى، تىڭايتقىش بەرۋ ماشيناسى سياقتى جابدىقتاردى اۆتوماتتى مەڭگەرۋ ارقىلى سۋ مەن تىڭايتقىشتى دالمە ـ ٴدال جەتكىزۋدى جۇزەگە اسىرادى.
”سۋ مەن تىڭايتقىشتى زەردەلى ٴبىر تۇلعالاندىرۋ تەحنيكاسى سۋ مەن تىڭايتقىش مولشەرىن دالمە ـ ٴدال مەڭگەرۋ ارقىلى حيميالىق تىڭايتقىشتىڭ، ەگىس دارىلەرىنىڭ پايدالانىلۋ مولشەرىن تومەندەتىپ، ەكولوگيالىق ورتانى قورعاپ، اۋىل شارۋاشىلىعىنىڭ ٴوندىرىس ونىمدىلىگىن جوعارىلاتتى“. بۇراتالا قالالىق اۋىل شارۋاشىلىعى تەحنيكاسىن جالپىلاستىرۋ ورتالىعى توپىراق تىڭايتقىش پۋنكتىنىڭ باستىعى پاتىگۇل كەلەسى قادامدا ٴتىپتى كوپ شارۋانى سۋ مەن تىڭايتقىشتى زەردەلى ٴبىر تۇلعالاندىرۋ تەحنيكاسىن قولدانۋعا بەلسەنە باستايتىندىقتارىن ايتتى.
(انار بۇلت \ شينجياڭ گازەتىنىڭ ٴتىلشىسى سۇڭ يا ـ ۋىن رەتتەگەن)
