انار بۇلت \ شينجياڭ گازەتىنىڭ ٴتىلشىسى ليۋ ي 9 ـ ايدىڭ 17 ـ كۇنى ۇرىمجىدەن حابارلايدى. 9 ـ ايدىڭ 13 ـ كۇنى ماماندار شينجياڭ اۋىل شارۋاشىلىق عىلىم اكادەمياسى استىق داقىلدارىن زەرتتەۋ ورنىنىڭ جازدىق ٴبيداي تۇقىمىن جەتىلدىرۋدە جاڭالىق اشۋ ۇجىمى تاڭداپ جەتىلدىرگەن ”لياڭچۇن 1758دىڭ“ ٴتۇسىمىن ولشەدى، مۇندا مۋ باسىندىق بىرلىك ٴونىم دەڭگەيى 796.1 كيلوگرامعا جەتىپ، مەملەكەت بويىنشا جازدىق ٴبيدايدان 100 مۋ جەردە جوعارى ٴونىم الۋ رەكوردىن جاراتتى.
سول كۇنى اۋىل شارۋاشىلىعى، اۋىل ـ قىستاق مينيسترلىگى سياقتى ورىنداردان كەلگەن ماماندار باركول قازاق اۆتونوميالى اۋدانى كۇيسۋ قالاشىعىنداعى ”لياڭچۇن 1758“ 100 مۋ جەردەن جوعارى ٴونىم الۋدان ۇلگى كورسەتۋ اتىزىنا كەلىپ، ماماندار گرۋپپاسى «بۇكىل ەلدەگى استىقتىڭ جوعارى ٴتۇسىمىن جاراتۋ بويىنشا ٴتۇسىمدى ولشەۋ، تەكسەرىپ وتكىزىپ الۋ ٴادىسىنىڭ (سىناق رەتىندە اتقارىلادى)» تالابىنا ساي، 100 مۋلىق سىناق اتىزىنىڭ ناقتى ٴونىمىن ولشەدى ٴارى ارالاسپا زاتتاردى شىعارىپ تاستاپ، سۋ قۇرامىن سىندىرىپ، ەڭ سوڭىندا بىرلىك ٴونىمدى ولشەپ شىقتى.
”لياڭچۇن 1758“ شينجياڭدا جالپىلاستىرۋعا ۇيلەسەتىن، ەرەكشە جازدىق ٴبيداي سورتى، ەرتە تۇپتەنۋ، ماساقتانۋ مولشەرى جوعارى، 1000 تال ٴدان اۋىرلىعى جوعارى جانە ساپاسى جاقسى بولۋ سياقتى ەرەكشەلىكتەرى بار. جۋىقتاعى 2 جىلداعى عىلمي زەرتتەۋدەن ۇلگى كورسەتۋ بارىسىندا بۇل سورت ٴۇرتىس مۋ باسىنان 841.6 كيلوگرام جانە 848.42 كيلوگرام ٴونىم الۋداي مەملەكەت بويىنشا ساپالى جازدىق ٴبيدايدان شاعىن كولەمنەن جوعارى ٴونىم الۋ رەكوردىن جاراتتى، بيىل بۇل رەكورد شاعىن كولەمنەن 100 مۋعا قاراي كورنەكتى ارتۋدى جۇزەگە اسىردى.
شينجياڭ اۋىل شارۋاشىلىق عىلىم اكادەمياسى استىق داقىلدارىن زەرتتەۋ ورنىنىڭ زەرتتەۋشىسى، شينجياڭ ٴبيداي شارۋاشىلىعى تەحنيكا جۇيەسى باركول جالپىلىق سىناق پۋنكتىنىڭ باستىعى لياڭ شياۋدۇڭ بىلاي دەپ تانىستىردى: بيىل جىل باسىنان بەرى ”لياڭچۇن 1758“ عىلمي زەرتتەۋ ۇجىمى شينجياڭنىڭ ەكولوگيالىق ەرەكشەلىگىن ارقاۋ ەتىپ، شاعىن كولەمدەگى عىلمي زەرتتەۋ سىناعىن كەڭ كولەمدى جوعارى ٴونىمدى ۇلگى كورسەتۋگە وزگەرتۋدى ٴتۇيىندى قىزمەت ەتتى. عىلمي زەرتتەۋ قىزمەتكەرلەرى تۇرلىشە وڭىردە 100 مۋلىق جوعارى ٴونىمدى ۇلگى اتىزىن قۇرىپ، ۇيلەسىمدى مەزگىلدە ەرتە ەگۋ، تۇقىم مەن تىڭايتقىشتى ٴبولۋ، سۋ مەن تىڭايتقىشتى ٴبىر تۇلعالاندىرۋ سياقتى سىناق اتىزدارىندا قورىتىندىلاعان شەشۋشى تەحنيكالاردى استىق ەگەتىن ٴىرى وتباسىلارىنا جالپىلاستىرىپ، عىلىم ـ تەحنيكانى اتىز باسىنا دالمە ـ ٴدال جەتكىزدى. ۇجىم بيڭتۋان 13 ـ شى حۇڭشان ەگىس الاڭى 4 ـ ليانى قۇرعان ”لياڭچۇن 1758“ ۇلگى اتىزىندا 100 مۋ جەردە مۋ باسىنان الىناتىن بىرلىك ٴونىمدى 768.42 كيلوگرامعا جەتكىزۋدەي جاقسى ناتيجەنى قولعا كەلتىرىپ، ”لياڭچۇن 1758دىڭ“ جانە قاتىستى ەگىنشىلىك تەحنيكالارىنىڭ كوشىرۋگە، جالپىلاستىرۋعا جارامدى ەكەندىگىن ىشكەرىلەي دالەلدەدى.
وسى رەتكى ٴونىم ولشەۋ ماماندار گرۋپپاسىنىڭ باستىعى، جۇڭگو اۋىل شارۋاشىلىق عىلىم اكادەمياسى داقىل عىلىمىن زەرتتەۋ ورنىنىڭ زەرتتەۋشىسى جاۋ گۋاڭساي مىنالاردى ٴبىلدىردى: بۇل ٴونىم ولشەۋ ناتيجەسى جازدىق ٴبيداي مەن دۇمبە ٴبيدايدا ساپالى، جوعارى ٴونىمدى بولۋ جاعىنداعى پارقىن جاقىنداستىرىپ، وسى سورتتىڭ جازدىق ٴبيداي ٴونىمىن جوعارىلاتۋ جاعىنداعى وراسان زور كومەسكى كۇشىن ايگىلەدى، سونىمەن بىرگە عىلىم ـ تەحنيكا مەن ٴوندىرىستى ٴونىمدى ۇشتاستىرۋداعى ماڭىزدى جەتىستىكتىڭ كورسەتىلۋى بولىپ تابىلادى.
كەلەسى قادامدا شينجياڭ اۋىل شارۋاشىلىق عىلىم اكادەمياسى تۇرلىشە ٴبيداي ەكولوگيالىق ٴوڭىرىنىڭ تۇقىم سورتى مەن ەگۋ تەحنيكاسىنا بولعان عىلىم ـ تەحنيكالىق سۇرانىسىن ۇزدىكسىز ارقاۋ ەتىپ، ەرەكشە سورتتى سۇرىپتاپ جەتىلدىرۋدى جانە ساپالى، جوعارى ٴونىمدى شەشۋشى تەحنيكالاردان قامال الۋدى كۇشەيتىپ، ساپالى تۇقىم، تاماشا ٴادىس، قۇنارلى اتىز ٴبىر تۇلعالانعان كاسىپ سالاسىنىڭ تىرەك بولۋىن، جەتەكشىلىك ەتۋىن اتقارىپ، تۇتاس تىزبەكتى عىلىم ـ تەحنيكالىق قىزمەت وتەۋدى دالمە ـ ٴدال ويداعىداي ىستەپ، سىناق اتىزدارىنىڭ جوعارى ٴونىمدى تەحنيكالىق شارالارىنىڭ وندىرىستە كەڭ كولەمدە تياناقتانۋىنا شىنايى كەپىلدىك ەتىپ، مەملەكەتتىڭ استىق حاۋىپسىزدىگىن قامتاماسىز ەتۋگە اناعۇرلىم زور ۇلەس قوسادى.
