□ بيىل 1 ـ ايدان 8 ـ ايعا دەيىن بۇكىل شينجياڭ ەل ٴىشى ـ سىرتىنان 210 ميلليون 849 مىڭ 100 ساياحاتشى (رەت) قابىلداپ، ساياحات كىرىسى 242 ميلليارد 202 ميلليون يۋانعا جەتىپ، سايكەس مەزگىلدەگىدەن جەكە ـ جەكە %14.49 جانە %23.89 ارتتى. شينجياڭ ەل ٴىشى ـ سىرتىنداعى كوپتەگەن ساياحاتشىلاردى ىزدەنىس جاساۋعا، سەزىنۋگە باۋراۋدا
□ شينجياڭنىڭ ايبىندى تابيعات كورىنىسى مەن تەرەڭ تاريحي گۋمانيتارلىق مايەگى دۇنيە جۇزىلىك دەڭگەيدەگى ساياحات نىسانالى جەرىن قۇرۋداعى كومەسكى قۋات ەسەپتەلەدى. حالىقارالىق ساياحاتشىلار شوعىرى اراسىنداعى تۇرلىشە اۋەستىك شينجياڭ ىشىندەگى ساياحات كووپەراتيۆتەرىنە پارىقتى ساياحات ونىمدەرىن جاراتۋ ورايىن ازىرلەدى
□ كاسىپتىك، ٴازىلقوي ٴارى كوپ تىلگە جەتىك ساياحات جەتەكشىسى ساياحات كاسىبىندەگى تاپشى بايلىق سانالادى. شينجياڭدا كوپ ٴتىلدى ساياحات جەتەكشىلەرى تاپشى، الداعى جەردە ساياحات جەتەكشىلەرىنىڭ كاسىپتىك ساپاسىن، قىزمەت وتەۋ تانىمىن جانە مادەنيەت اتتاعان اۋىس ـ كۇيىس قابىلەتىن جوعارىلاتۋعا باسا ٴمان بەرۋ كەرەك
تيانشان باعامى
انار بۇلت \ شينجياڭ گازەتىنىڭ ٴتىلشىسى سۇڭ حايبو
9 ـ ايدا شينجياڭ ناعىز ادامدى باۋرايتىن مەزگىلگە ەنەدى، 9 ـ ايدىڭ 3 ـ كۇنىنەن 10 ـ كۇنىنە دەيىن انگليا، فرانسيا، گەرمانيا، يتاليا، يسپانيا، شۆەتساريا، اۆستريا سياقتى ەۆروپا ەلدەرىنەن كەلگەن ساياحات ساۋداگەرلەرى ۋاكىلدەرى شينجياڭدى ارالادى. لەنيا تاڭداۋ ۇيىرمەسىندەگىلەر جول بويى قاشقار بايىرعى قالاسى، پامير ٴۇستىرتى، يارعول بايىرعى قالاسى، بويلىق، شينجياڭ حالىقارالىق ۇلكەن بازارى سياقتى جەرلەردىڭ كوركەم كورىنىسىن تاماشالاپ، سەلبەستىك جولىن بىرگە اقىلداستى. بۇل ساپالى بايلىق پەن نىسانداردىڭ شينجياڭعا ىرگە تەبۋىنە دەم بەرىپ، ساياحاتشىلاردى شينجياڭعا كەلۋگە جەبەدى.
شەكارادان كىرىپ ساياحاتتاۋ ورلەۋى تاسقىندادى
انگليا يۋەيان شەكتى سەرىكتەستىگىنىڭ جاۋاپتىسى ۋيلليام رەننارد ٴاربىر كورىنىس وڭىرىنە بارعاندا Vlog ٴتۇسىرىپ، توراپتاستارعا شينجياڭنىڭ وزگەشەلىكتەرىن ىستىق ىقىلاسپەن تانىستىردى. ”شينجياڭنىڭ تابيعات كورىنىسى ادامدى تاڭ قالدىرادى“! ۋيلليام رەننارد قوعامدىق قارىم ـ قاتىناس مەديالارىمەن ىقپالداسۋ بارىسىندا بىلاي دەپ ورتاقتاستى: ”كوپشىلىك شينجياڭدا قالاي تاماقتانۋعا، قالاي تۇرۋعا ەرەكشە كوڭىل بولەدى، بۇل ارا وتە قولايلى، مىسالى، شەتەل اقشاسىن ايىرباستاۋ قوناق ۇيدە ـ اق ورىندالادى، ال شەكارادان ۆيزاسىز ٴوتۋ ساياساتى ٴبىزدىڭ جۇڭگو شەكاراسىنان تەز كىرۋىمىزگە مۇمكىندىك جاسادى، قازىر جۇڭگوعا ساياحاتتاي كەلۋ وتە قاراپايىم ٴىس“.
سوڭعى جىلدارى شينجياڭ حالىققا قولايلى قىزمەت وتەۋ جانە نەگىزدىك قۇرىلعى جاعىندا ۇسىنىلىم سەرپىنىن ارتتىرىپ، شينجياڭعا كەلگەن ساياحاتشىلارعا تاماشا ساياحات سەزىنۋىن ۇسىندى. ساندى مالىمەتتە كورسەتىلۋىنشە، بيىل 1 ـ ايدان 8 ـ ايعا دەيىن بۇكىل شينجياڭ بويىنشا ەل ٴىشى ـ سىرتىنان 210 ميلليون 849 مىڭ 100 ساياحاتشى (رەت) قابىلدانىپ، ساياحات كىرىسى 242 ميلليارد 202 ميلليون يۋانعا جەتىپ، سايكەس مەزگىلدەگىدەن جەكە ـ جەكە %14.49 جانە %23.89 ارتقان. شينجياڭ ەل ٴىشى ـ سىرتىنداعى كوپتەگەن ساياحاتشىلاردى ىزدەنىس جاساۋعا، سەزىنۋگە باۋراۋدا.
قاشقار بايىرعى قالا كورىنىس وڭىرىندەگى ٴبىر نان دۇكەنىنىڭ الدىندا، يتاليا ازيا ساياحات كووپەراتيۆى جۇڭگو بازارىنىڭ جاۋاپتىسى پاۋل پەگوروتي ٴداستۇرلى نان جابۋ ونەرىن قىزىعا تاماشالادى. قىزارا پىسىپ، بۋى بۇرقىراعان نان توناردان شىقتى، اۋادا ادامدى ەلىتەتىن ٴبيدايدىڭ حوش ٴيىسى اڭقيدى، پاۋل پەگوروتي قول تەلەفونىمەن اقى تولەۋ ەكىلىگىن جايمالادى، ”ديڭ“ ەتكەن داۋىس شىعىپ، اقى تولەۋ ٴساتتى بولدى، ول كۇلىمسىرەي ناندى سەرىكتەرىمەن ٴبولىسىپ بىرگە ٴدام تاتتى.
جۇڭگو اتقارعان 144 ساعاتتىق شەكارادان ۆيزاسىز ٴوتۋ ساياساتىنىڭ ارقاسىندا، شينجياڭنىڭ شەكارادان كىرۋ ساياحاتى بازارىنىڭ ارتۋ قارقىنى كورنەكتى بولدى، ال ”شەتكە قاقپايتىن“ اقى تولەۋ فورماسىن سەزىنۋ حالىقارالىق ساياحاتشىلاردىڭ شينجياڭ ساپارىن تەرەڭ سەزىنۋىندە كەم بولسا بولمايتىن شەشۋشى بۋىنعا اينالدى. اۆتونوميالى رايوندىق مادەنيەت جانە ساياحات مەڭگەرمەسىنىڭ ماتەريالىندا كورسەتىلۋىنشە، شينجياڭ شەكارا سىرتىنداعى بانكە كارتچكاسىمەن اقى تولەۋدى بەلسەنە جالپىلاستىرعان، 3 جۇلدىزدى جانە ودان جوعارى دارەجەلى قوناق ٴۇي، A دارەجەلى كورىنىس ٴوڭىرى سياقتىلار شەتەل كارتچكاسىنا ارنالعان POS اپپاراتىن ازىرلەۋدە، سونداي ـ اق شەتەل اقشاسىن ايىرباستاۋ تۇيىندەرىن قۇرىپ، حالىقارالىق ساياحاتشىلاردىڭ تاماقتانۋ، جاتىن ورىن، ٴجۇرىس ـ تۇرىس، پايدالانۋ جاعىنداعى قولايلى قاجەتىن قاناعاتتاندىرىپ، ساياحات سەزىنۋىن جوعارىلاتقان.
دۇنيە جۇزىلىك ساياحات ۇيىمىنىڭ ساياحات مامانى ماري پيەر مورتي بىلاي دەدى: ”مەيلى قىسقا ارالىقتى ساياحات بولسىن، الدە ۇزىن ارالىقتى ساياحات بولسىن، حالىقارالىق ساياحاتشىلار كيەر كيىم، ىشەر اس، جاتىن ورىن، ٴجۇرىس ـ تۇرىستىڭ بارلىعىن ويلاستىرادى، جۇڭگونىڭ بۇل جاعىنداعى قۇلشىنىستارى وتە جاقسى بولعان، ەۆروپاداعى ساياحات ساۋداگەرلەرى ەلىنە ورالعان سوڭ، شينجياڭنىڭ قولايلى قىزمەت وتەۋ ادىستەرىن قاريدارلارعا تانىستىراتىن بولادى“.
دالمە ـ ٴدال بەلگىلەپ، باسەكەلىك قۋاتتى جوعارىلاتتى
”جاقىنعى جىلداردان بەرى توپتىق ساياحاتتاۋ حالىقارالىق ساياحاتشىلاردىڭ شينجياڭعا كەلۋدەگى باستى تاڭداۋى بولىپ كەلدى، ايتسە دە بيىل دەربەس ساياحاتتايتىندار نەداۋىر كوبەيىپ، باسىم كوپ ساندى ساياحاتشى ەركىن ساپارعا شىعۋعا بەيىمدەلدى“. شينجياڭ مەيچىڭ زايشيان حالىقارالىق ساياحات كووپەراتيۆى شەكتى جاۋاپكەرشىلىك سەرىكتەستىگىنىڭ باس ديرەكتورى جاڭ ليچين بىلاي دەدى: 9 ـ ايدىڭ 9 ـ كۇنى وتكىزىلگەن 2024 ـ جىلعى ەۆروپا ەلدەرى ساياحات ساۋداگەرلەرىنىڭ شينجياڭعا بارىپ لەنيا تاڭداۋ ۇيىرمەسىندەگىلەر بايلىعىن ۇشتاستىرۋ ماجىلىسىندە، مەن شينجياڭ ىشىندەگى كوپتەگەن ساياحات ساۋداگەرلەرىمەن بىرگە ەۆروپا ساياحات ساۋداگەرلەرىنە مول ساياحات ونىمدەرىن تانىستىردىم، بۇل ونىمدەر قىسقا ارالىقتى تاماشالاۋدان ۇزىن ارالىقتى ساياحاتتاۋعا دەيىنگى ٴتۇرلى فورمانى قامتيدى، مۇنداعى ماقسات _ حالىقارالىق ساياحاتشىلاردىڭ دارالىق پەن تەرەڭدىكتى سەزىنۋ قاجەتىن قاناعاتتاندىرۋ، شينجياڭ ساياحات كاسىبىمەن شۇعىلدانۋشىلار شەكارادان كىرىپ ساياحاتتاۋ بازارىنىڭ سۇرانىسىنا جەدەل ٴۇن قوسۋ قابىلەتىن جوعارىلاتۋدا.
حالىقارالىق ۇيشە اۆتوكولىك جانە دالا لاگەر قوعامىنىڭ ٴتوراعاسى رىلار فيليپ كۋت كەزىندە ەۆروپا _ امەريكا ساياحاتشىلارىن شينجياڭعا كەلىپ كولىكتى ٴوزى ايداپ ساياحاتتاۋعا ۇيىمداستىرعان، ولار قۇمىلدىڭ داحايداۋىنان شىعىپ، ونان تۇرپان، اقسۋ، قاشقار سياقتى جەرلەرگە بارىپ، شينجياڭنىڭ كوركەم كورىنىسىنەن ەرەكشە اسەر العان. ”حالىقارالىق ساياحاتشىلار شينجياڭدا كولىكتى ٴوزى ايداپ ساياحاتتاۋدى ۇناتادى، ٴبىر جاعىنان، جەر بەدەرىنىڭ الۋان تۇرلىلىگى جانە كولىكتى ٴوزى ايداپ ساياحاتتاۋداعى ٴبىرشاما كەمەلدى قىزمەت وتەۋ قۇرىلعىلارى بولعاندىعىندا؛ ەندى ٴبىر جاعىنان، شينجياڭ _ بايىرعى جىبەك جولىنىڭ ماڭىزدى ارناسى، كولىكتى ٴوزى ايداپ ساياحاتتايتىندار جول بويىنداعى بايىرعى قالا جۇرتتارىنان، تاريحي حيكايالاردان دا كوپتەگەن مادەنيەتتى سەزىنەدى، ـ دەدى ول.
جۋىق جىلدارى شينجياڭداعى كوپتەگەن كورىنىس وڭىرلەرى، باقشالار كولىكتى ٴوزى ايداپ ساياحاتتاعاندارعا قاراتا كولىكتى تەگىن توقتاتۋ ساياساتىن العا قويىپ، ەسىك بەلەتىنە تيىمدىلىك جاساپ، ساياحاتشىلاردىڭ ساياحاتتاۋ وزىندىك قۇنىن تومەندەتتى. بۇدان سىرت، كوپتەگەن كورىنىس وڭىرلەرى، ساياحات تاس جولى بويىندا اۆتوكولىك توقتاتۋ الاڭى، تازالىق ٴۇيى، اسحانا سياقتى قىزمەت وتەۋ قۇرىلعىلارى قوسىلىپ، كولىكتى ٴوزى ايداپ ساياحاتتايتىندارعا اناعۇرلىم تاماشا ساياحات اسەرىن ازىرلەدى.
”ىشكەرىلەي تەكسەرۋ ـ زەرتتەۋ ارقىلى ٴبىز ەۆروپا، امەريكا ساياحاتشىلارىنىڭ وڭتۇستىك شينجياڭ لەنياسىنا قىزىعاتىندىعىن بايقادىق، سالىستىرا قاراعاندا، شىعىس وڭتۇستىك ازيالىق ساياحاتشىلار سولتۇستىك شينجياڭنىڭ جاراتىلىستىق كورىنىس جەلىسىنە اناعۇرلىم بەيىم ەكەن“، ـ دەدى جۇڭگو جاستار ساياحات كووپەراتيۆى شينجياڭ حالىقارالىق ساياحات كووپەراتيۆى شەكتى جاۋاپكەرشىلىك سەرىكتەستىگىنىڭ باس جۇمىس جۇرگىزۋشىسى، ورىنباسار باس ديرەكتورى مادەنيەت حەلىل تالداۋ جاساپ.
حالىقارالىق ساياحاتشىلار شوعىرى اراسىنداعى تۇرلىشە اۋەستىك شينجياڭ ىشىندەگى ساياحات سەرىكتەستىكتەرىنە دە پارىقتى ساياحات ونىمدەرىن جاراتۋ ورايىن ازىرلەدى. ”ٴبىز دە كوپتەگەن ساياحاتشىنىڭ شينجياڭعا كەلىپ ەرەكشە ساياحات نىساندارىن، مىسالى، تاۋعا شىعۋ، جاياۋ ٴجۇرۋ، ۆەلوسيپەد ٴمىنۋ سياقتىلاردى تاڭدايتىندىعىن بايقادىق، حالىقارالىق ساياحاتشىلاردىڭ ساياحات ونىمدەرى جونىندەگى مۇنداي تالابى ٴتىپتى دە دارا، كاسىبي، سوندىقتان ٴبىزدىڭ باسەكە سيپاتىن، ىزدەنىس سيپاتىن، حاۋىپسىزدىكتى ٴبىر تۇلعالاندىرعان ەرەكشە ساياحات ونىمدەرىن جوبالاۋىمىزدى قاجەت ەتەدى“، ـ دەدى مادەنيەت حەلىل.
جۇڭگو ساياحات ساباعى سايتى حالىقارالىق ساياحات ساۋداگەرلەرىنىڭ جۇڭگونىڭ ساياحاتىن تۇسىنۋىنە اناعۇرلىم كوپ ينفورماتسيا ازىرلەدى، حالىقارالىق ساياحات ساۋداگەرلەرى سايتتىڭ مازمۇنىنا نەگىزدەلىپ، ونى تۇسىنۋگە وڭاي، مەڭگەرىمدىلىگى كۇشتى ساياحات جەلىسىن جوبالاۋ جوباسىنا اينالدىرىپ، ساياحات ونىمدەرىن تەز شىعارۋىنا بولادى. جۇڭگو ساياحات ساباعى تورابىنىڭ كەسكىن ساباعى رەجيسسەرى ۋاڭ مي بىلاي دەدى: ”ەۆروپا ەلدەرى ساياحات ساۋداگەرلەرىنىڭ شينجياڭعا بارىپ لەنيا تاڭداۋ ۇيىرمەسىنىڭ قيمىلىن مىسالعا الساق، ٴبىز بەينەجازبا ارقىلى ەستەلىككە الىپ، شينجياڭنىڭ گۋمانيتارلىق سالت ـ سانا ەرەكشەلىكتەرىن جان ـ جاقتى، كوپ تۇرعىدان ايگىلەدىك، ساباق جەلىگە شىعارىلعاننان كەيىن اعىلشىن ٴتىلى، فرانسۋز ٴتىلى، نەمىس ٴتىلى جانە يسپان ٴتىلى سياقتى كوپ تىلدە جالعاپ تاراتىپ، شينجياڭنىڭ ساياحات بايلىعىن بۇكىل دۇنيە جۇزىنە تانىستىرامىز“.
شينجياڭنىڭ كوركەم جاراتىلىستىق كورىنىسى مەن تەرەڭ تاريحي، گۋمانيتارلىق مايەگى دۇنيە جۇزىلىك دەڭگەيدەگى ساياحات نىسانالى جەرىن قۇرۋداعى كومەسكى قۋات ەسەپتەلەدى.
مىندەت اۋىر، جول ۇزاق، وزىندىك قۋاتتى ويداعىداي كۇشەيتۋ كەرەك
”يارعول بايىرعى قالاسى _ بايىرعى جىبەك جولىنداعى ماڭىزدى قالاشىق...“. 9 ـ ايدىڭ 8 ـ كۇنى لەنيا تاڭداۋ ۇيىرمەسى تۇرپان قالاسىنىڭ يارعول بايىرعى قالاسى، بويلىق، كارىز سياقتى كورىنىس وڭىرلەرىنە كەلدى، ولار ساياحات جەتەكشىسى احمەت قادىردىڭ جاندى كاسىپتىك تۇسىندىرمەسى ارقىلى وسى كورىنىس وڭىرلەرىنىڭ تاريحي استارى مەن قىزىقتى اڭگىمەلەرى جونىندە اناعۇرلىم تەرەڭ تۇسىنىككە يە بولدى، ەۆروپا ساياحات ساۋداگەرلەرى احمەت قادىردىڭ كاسىپتى سۇيەتىن ساياحات جەتەكشىسى ەكەندىگىن اۋىز جاپپاي ماقتادى.
كاسىپتىك، ٴازىلقوي ٴارى كوپ ٴتۇرلى تىلگە جەتىك ساياحات جەتەكشىسى ساياحات كاسىبىندەگى تاپشى بايلىق. شينجياڭ جۇڭگو ساياحات كووپەراتيۆى شەكتى سەرىكتەستىگى كاسىپ ٴبولىمىنىڭ جاۋاپتىسى بىلاي دەدى: ”شينجياڭدا كوپ ٴتىلدى ساياحات جەتەكشىلەرى دارىندىلارى تاپشى، بۇدان بىلاي ساياحات جەتەكشىلەرىنىڭ كاسىپتىك ساپاسىن، قىزمەت وتەۋ تانىمىن جانە مادەنيەت اتتاعان اۋىس ـ كۇيىس قابىلەتىن جوعارىلاتۋعا باسا ٴمان بەرۋ كەرەك“. بۇل جاعداي كەزەكتەگى ساياحات بازارىنىڭ بەساسپاپ ساياحات جەتەكشىسىنە بولعان قاجەتىن كورنەكتىلەندىردى.
شينجياڭ جۇڭمەي حالىقارالىق ساياحات كووپەراتيۆى شەكتى سەرىكتەستىگىنىڭ باس ديرەكتورى لي جيڭ بىلاي دەدى: ”ساياحاتشىلارعا تىكەلەي قىزمەت وتەۋ ۇلگىسى دە حالىقارالىق ساياحاتشىلاردى شينجياڭعا كەلىپ ساياحاتتاۋعا باۋرايتىن جولداردىڭ ٴبىرى، الايدا قازىر شينجياڭنىڭ حالىقارالىق ساياحات بازارىنداعى ساياحاتشىلارعا تىكەلەي قىزمەت وتەۋ تيجاراتى ٴالى كەمەلدەنبەگەن، اسىرەسە، شەتەلدەن تىكەلەي تاپسىرىس بەرۋ ارناسى تاپشى، كوپ ساندى حالىقارالىق ساياحاتشىلار ٴالى دە ٴۇشىنشى جاقتىڭ ۋاكىلدىك ساۋداگەرى نەمەسە جەلىدەگى ساياحات تۇعىرى ارقىلى جانامالاي تاپسىرىس بەرۋگە مۇقتاج بولىپ وتىر.
”بۇدان سىرت، حالىقارالىق اۋە جەلىسىنىڭ ٴبىرشاما از بولۋى حالىقارالىق ساياحاتشىلاردىڭ شينجياڭعا كەلىپ ساياحاتتاۋىنا تۇساۋ بولدى. فرانسيا CTS ساياحات كووپەراتيۆىنىڭ جاۋاپتىسى بىلاي دەدى: ”جول ارالىعىنان قاراعاندا، ەۆروپا قۇرلىعىنان ۇشاقپەن جۇڭگوعا بارۋدا شينجياڭ ەڭ قولايلى“. الايدا، قازىر ەۆروپادا شينجياڭعا توتە ۇشاتىن كەزەكشى ۇشاق تاپشى بولعاندىقتان، كوپتەگەن حالىقارالىق جولاۋشىلار الدىمەن لاجىسىز بەيجيڭ، شاڭحاي سياقتى ٴىرى قالالارعا بارىپ، ودان ۇشاق اۋىستىرىپ تاعى بىرنەشە ساعاتتا شينجياڭعا جەتەدى، بۇلاي بولعاندا ساياحاتشىلاردىڭ ۋاقىت وزىندىك قۇنى ارتادى“.
نازار اۋدارۋعا تاتيتىنى، ٴتىپتى دە كوپ حالىقارالىق ساياحاتشىلاردىڭ شينجياڭعا ساياحاتتاي كەلۋىنە بايلانىستى، شينجياڭ ساياحات كاسىبىنىڭ حالىقارالانۋ اياق الىسى جەدەلدەدى. بيىل جىل باسىنان بەرى شينجياڭ حالىقتىق اۆياتسياسى 27 حالىقارالىق جولاۋشى تاسىمال اۋە جەلىسىن ىسكە قوسىپ، بولاشاقتا حالىقارالىق كەزەكشى ۇشاقتى ونان ارى كوبەيتۋگە، اۋە جەلىلەرىنىڭ ورنالاسۋىن ساپالىلاندىرۋعا بەرىك نەگىز قالادى.
شينجياڭ ساياحات كووپەراتيۆى قوعامىنىڭ باستىعى ۋ فىڭ مىناداي ۇسىنىس بەردى: ”كورىنىس وڭىرلەرىنىڭ الدىن الا كەلىسۋ بارىسىن قاراپايىمداستىرىپ، كوپ تىلدەگى جەلىدە الدىن الا كەلىسۋدى جالپىلاستىرۋ ٴارى ۇكىمەت جاق تۇعىرىن ساپالىلاندىرىپ، پاسپورت پەن باسقا دا ساياحات كۋالىكتەرىمەن الدىن الا كەلىسىپ بەلەت ساتىپ الۋعا قولداۋ كورسەتۋ كەرەك. سونىمەن بىرگە كورىنىس وڭىرلەرىنىڭ بەلەت تەكسەرۋ جۇيەسىنىڭ دەڭگەيىن جوعارىلاتىپ جانە كەمەلدەندىرىپ، شەتەلدىك ساياحاتشىلاردىڭ ەل ىشىندەگى ساياحاتشىلار سياقتى كورىنىس وڭىرلەرىنە، باقشاعا وڭاي كىرۋىنە كەپىلدىك ەتۋ كەرەك. مادەنيەت ـ ساياحات ورىندارى كوپ تىلدەگى بەلگى مەن ماتەريالدى كوبەيتىپ، شەتەل تىلىندە كەڭەس سۇراۋ بويىنشا قىزمەت وتەۋ قابىلەتىن جوعارىلاتىپ، شەكارادان كىرگەن ساياحاتشىلاردىڭ سەزىنۋىن بايىتۋى كەرەك“.
