— شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ جاڭا داۋىردەگى حالىق ساياسي كەڭەسى ىستەرىنىڭ دامۋىنا جەتەكشىلىك ەتكەندىگى جونىندە ەستەلىك
شينحۋا اگەنتتىگىنىڭ تىلشىلەرى ديڭ شياۋشي، فان سىشياڭ، ۋاڭ ميڭيۇي
حالىق ساياسي كەڭەسى _ ساياسي تۇزىمدەگى ۇلى جاسامپازدىق، مەملەكەتتىڭ بايۋىن، قۇدىرەتتەنۋىن، ۇلتتىڭ گۇلدەنۋىن، حالىقتىڭ باقىتقا كەنەلۋىن جۇزەگە اسىراتىن ماڭىزدى كۇش.
جۇڭگو كوممۋنيستىك پارتياسىنىڭ 18 ـ قۇرىلتايىنان بەرى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان ۇلكەن وزگەرىستى ٴبىر تۇتاس جوسپارلاپ، ەڭ كەڭ كولەمدى وتانشىلدىق بىرلىكساپتى بەكەمدەۋدى جانە دامىتۋدى كوزدەپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، حالىق ساياسي كەڭەسى ىستەرىن جاڭالىق اشا دامۋعا جەتەكتەپ، ىلگەرىلەتىپ، ىنتىماقتى دا دەموكراتيالى، ناقتى ىستەپ العا باسقان، قارىشتاپ دامىعان جاندى جاعدايدى ۇزدىكسىز اشتى.
تاريحتىڭ الىپ قالامى شىت جاڭا كۇرەس كوورديناتاسىن بەلگىلەدى، 75 جىلدىق شۇعىلالى بارىستى باسىپ وتكەن حالىق ساياسي كەڭەسى تاعى ٴبىر تىڭ باستاماعا كوتەرىلدى _
ەكىنشى 100 جىلدىق كۇرەس نىساناسىن جۇزەگە اسىرۋ جورىعىندا جاڭا داۋىردەگى حالىق ساياسي كەڭەسى پارتيا باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋعا تاباندى بولىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ونان ارى ساۋلەلەندىرىپ، بۇرىنعىعا مۇراگەر بولىپ، كەيىنگىگە جول اشىپ، الدىڭعىلاردىڭ ٴىزىن باسىپ، بولاشاققا جول الىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە بىرگە كىرىسۋدىڭ تەلەگەي كۇشىن ۇيىستىردى.
جوبا بەلگىلەپ، بەتالىس نۇسقاپ، جالپى جاعدايدى كوزدەدى _
”ٴبىز، ٴسوز جوق، حالىق ساياسي كەڭەسى تۇزىمىنە ويداعىداي تاباندى بولۋىمىز، حالىق ساياسي كەڭەسى ىستەرىن ويداعىداي دامىتۋىمىز كەرەك“
كوكتەم باسىنداعى 3 ـ اي، الۋان گۇلدەر شەشەك اتىپ، بار الەم جاڭاردى.
2024 ـ جىلى 3 ـ ايدىڭ 6 ـ كۇنى تۇستەن كەيىن، بەيجيڭ دوستىق قوناق ٴۇيىنىڭ جۇييىڭ زالىنا بىلىكتىلەر تۇگەل جينالدى. قىزۋ دۋ قول شاپالاق ٴۇنى ىشىندە باس شۋجي شي جينپيڭ ٴماجىلىس زالىنا كىرىپ، مەملەكەتتىك ساياسي كەڭەس 14 ـ كەزەكتى كوميتەتىنىڭ 2 ـ ماجىلىسىنە قاتىناسىپ جاتقان جۇڭگو گومينداڭ توڭكەرىستىك كوميتەتىندەگى، عىلىم ـ تەحنيكا سالاسىنداعى، قورشاعان ورتا، بايلىق سالاسىنداعى مۇشەلەرگە شىن ىقىلاسپەن امانداستى ٴارى بىرىككەن گرۋپپا جيىنىنا قاتىناسىپ، كوپشىلىكتىڭ پىكىرلەرى مەن ۇسىنىستارىن تىڭدادى.
”ون نەشە جىلدان بەرى ٴار جىلى ساياسي كەڭەس مۇشەلەرىمەن كەزدەسىپ، بىرگە اڭگىمە وتكىزىپ كەلەمىن“، ـ دەدى باس شۋجي تەرەڭ سۇيىسپەنشىلىكپەن.
عىلىم ـ تەحنيكا ٴتۇزىلىسى رەفورماسىنان جاڭا دامۋ ارناسىن قۇرۋعا دەيىن، استىق حاۋىپسىزدىگىنەن ەكولوگيالىق ورتانى قورعاۋعا دەيىن، وقۋ ـ اعارتۋدان، ەمدەۋدەن قوعامدىق قامتاماسىزداندىرۋ جۇيەسىنە دەيىن، پارتيانىڭ ۇلت ساياساتىن تياناقتاندىرۋدان ەكى جاعالاۋ قاتىناسىنىڭ بەيبىت دامۋىنا دەيىن... ٴار رەتكى مەملەكەتتىك ساياسي كەڭەستىڭ جالپى ٴماجىلىسى كەزىندە، باس شۋجي شي جينپيڭ تۇگەل سالالىق گرۋپپالاردى ىشكەرىلەي ارالاپ، مۇشەلەرمەن مەملەكەت ىستەرىن بىرگە اقىلداستى.
شىنايى قامقورلىق، ىقىلاستى تاپسىرما جۇرت تىلەگىن ۇيىستىرىپ، كۇش ـ قۋاتتى سەرپىلتتى.
جۇڭگو كوممۋنيستىك پارتياسىنىڭ 18 ـ قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى پارتيا مەن مەملەكەت ىستەرى دامۋىنىڭ جالپى جاعدايىن شىعار ٴتۇيىن ەتىپ، ۇزاق بولاشاقتى كوزدەپ، تۋ ۇستاپ، باعدار بەلگىلەپ، حالىق ساياسي كەڭەسىن دەموكراتيانى ساۋلەلەندىرۋ مەن ىنتىماقتى نىعايتۋدى ٴوزارا ساباقتاستىرۋ، اقىل ـ كەڭەس بەرۋ مەن ورتاق تانىم ۇيىستىرۋ سىندى قوس باعىتتا كۇش سالۋعا تاباندى بولۋعا باستاپ، امالياتتا جاڭالىق اشۋدى، نازاريادا جاڭالىق اشۋدى، تۇزىمدە جاڭالىق اشۋدى ۇزدىكسىز ىلگەرىلەتىپ، جاڭا داۋىردەگى حالىق ساياسي كەڭەسى ىستەرىنىڭ تىڭ ىلگەرىلەۋشىلىككە، تىڭ ونىمدىلىككە قول جەتكىزۋىن ۇزدىكسىز ىلگەرىلەتتى.
2019 ـ جىلى 9 ـ ايدىڭ 20 ـ كۇنى، مەملەكەتتىك ساياسي كەڭەس زالى، ورتالىقتىڭ ساياسي كەڭەس قىزمەتى ٴماجىلىسى جانە جۇڭگو حالىق ساياسي ٴماسليحات كەڭەسى قۇرىلعاندىعىنىڭ 70 جىلدىعىن قۇتتىقتاۋ جينالىسى سالتاناتپەن اشىلدى.
جۇڭگو كوممۋنيستىك پارتياسى ورتالىق كوميتەتى اتىنان ساياسي كەڭەس قىزمەتى ٴماجىلىسىن اشۋ جۇڭگو كوممۋنيستىك پارتياسى تاريحىندا، حالىق ساياسي كەڭەسى تاريحىندا تۇڭعىش رەت بولدى.
”حالىق ساياسي كەڭەسى _ جۇڭگو كوممۋنيستىك پارتياسىنىڭ ماركسيزم ـ لەنينيزمنىڭ بىرلىكساپ نازارياسىن، ساياسي پارتيا نازارياسىن، دەموكراتيالىق ساياسي نازارياسىن جۇڭگونىڭ ٴىس جۇزىندىك جاعدايىمەن ۇشتاستىرۋىنىڭ ۇلى جەتىستىگى، جۇڭگو كوممۋنيستىك پارتياسىنىڭ دەموكراتيالىق پارتيا ـ توپتارعا، پارتيادا، توپتا جوق قايراتكەرلەرگە، حالىقتىق ۇيىمدارعا جانە ٴار ۇلت، ٴار سالاداعى قايراتكەرلەرگە باسشىلىق ەتىپ ساياسي ٴتۇزىم جاعىندا جۇرگىزگەن ۇلى جاسامپازدىعى“. باس شۋجي شي جينپيڭ تاريحي تاجىريبەلەردى تەرەڭدەي قورىتىندىلاپ، ٴداۋىردىڭ زور اۋقىمىن يگەرىپ، ٴارقايسى پارتيا ـ توپتاردىڭ، ۇيىمداردىڭ جانە ٴار ۇلت، ٴار سالا قايراتكەرلەرىنىڭ حالىق ساياسي كەڭەسى ىستەرىنىڭ جاڭالىق اشا دامۋىن ىلگەرىلەتۋ سەنىمى مەن بەكىمىن بارىنشا سەرپىلتتى.
جۇڭگو كوممۋنيستىك پارتياسى بىرلىكساپ ساياساتىن ورتاعا قويعاندىعىنىڭ 100 جىلدىعى تۇسىندا ورتالىقتىڭ بىرلىكساپ قىزمەتى ماجىلىسىنە قاتىناسىپ، جاڭا داۋىردەگى پارتيانىڭ بىرلىكساپ قىزمەتىن ورنالاستىردى؛ شەكاراداعى ۇلتتار وڭىرلەرىن ىشكەرىلەي ارالاپ قىزمەت تەكسەرىپ، جۇڭحۋا ۇلتى ورتاق تۇلعا تانىمىن بەكەمدەۋدى ىلگەرىلەتتى؛ دۇنيە جۇزىلىك حۋاچياۋ، حۋارىن قوعامدىق ۇيىمدارى بىرلەسكەن دوستىق جينالىسىنىڭ ۋاكىلدەرىمەن ىقىلاستى تۇردە كەزدەسىپ، قالىڭ حۋاچياۋلاردى، حۋارىنداردى ۇلتتى گۇلدەندىرۋگە اقىل ـ پاراسات ارناپ، كۇش قوسۋعا باستادى؛ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندە تالاي رەت ماڭىزدى نۇسقاۋ بەردى... باس شۋجي شي جينپيڭ حالىق ساياسي كەڭەسى قىزمەتىن ەل باسقارۋدا ماڭىزدى ورىنعا قويىپ، جاڭا داۋىردەگى حالىق ساياسي كەڭەسى ىستەرىنىڭ دامۋىنا ايقىن بەتالىس كورسەتىپ، ٴتۇبىرلى بويسۇنۋ ولشەمىن ازىرلەدى.
جوعارى ارقىلى تومەنگە باستاماشىلىق ەتىپ، ۇلگى كورسەتىپ جەتەكشىلىك ەتتى.
2012 ـ جىلى 12 ـ ايدىڭ 25 ـ كۇنى ساعات 9دان 10 مينۋت مولشەرىندە، ەكى مينبۋس ”3 ـ قىركۇيەك“ ٴىلمي قوعامى ورتالىق ورگانىنا كىردى، باس شۋجي شي جينپيڭ نىق قادام باسىپ كولىكتەن ٴتۇستى.
12 ـ ايدىڭ 24 ـ كۇنىنەن 25 ـ كۇنىنە دەيىن، ٴارقايسى دەموكراتيالىق پارتيا ـ توپتار جانە ساۋدا ـ ونەركاسىپشىلەر بىرلەستىگى جاڭا مەن كونەنى اۋىستىرۋدى ٴساتتى ورىنداپ كوپ وتپەي، باس شۋجي نولدەن تومەن 10 نەشە سەلتسي گرادۋس ايازعا قاراماي، 8 دەموكراتيالىق پارتيا ـ توپتىڭ ورتالىق كوميتەتتەرىن جانە مەملەكەتتىك ساۋدا ـ ونەركاسىپشىلەر بىرلەستىگىن ٴبىر ـ بىردەن ارالاپ شىقتى.
باس شۋجي شي جينپيڭ ٴاربىر جولداستىڭ قولىن قىسا ۇستاپ، دەموكراتيالىق پارتيا ـ توپتارداعى اعا بۋىن باسشىلارمەن بارىس ـ كەلىس جاساعان كورىنىستەردى قويۋ سۇيىسپەنشىلىكپەن ەسكە الدى؛ دەموكراتيالىق پارتيا ـ توپتاردىڭ ورتالىق كوميتەتتەرىنىڭ جانە مەملەكەتتىك ساۋدا ـ ونەركاسىپشىلەر بىرلەستىگىنىڭ جاۋاپتىلارىمەن اڭگىمە ٴماجىلىسىن وتكىزىپ، وتانشىلدىق بىرلىكساپتى بەكەمدەۋدى جانە دامىتۋدى، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولۋ جانە ونى كەمەلدەندىرۋ ۇلى جوسپارىن بىرگە اقىلداستى.
باس شۋجي شي جينپيڭ بىلاي دەپ اتاپ كورسەتتى: ” ’حالىقتىڭ ٴۇنىن كىشى پەيىلدىلىكپەن تىڭداپ، مەيلى قۇلاققا جاعىمدى، الدە جاعىمسىز بولسىن، دۇرىس پىكىر بولسا قابىلداۋ كەرەك‘. بۇل بيلىك باسىنداعى پارتيادا بولۋعا ٴتيىستى دارقاندىق. ’مەملەكەت ٴىسىن اقىلداسقاندا ۇناتۋ ـ ۇناتپاۋعا قاراي ۇيعارىم جاساماي، قايتا ٴسوزدىڭ دۇرىس ـ بۇرىستىعىنا قاراي ۇيعارىم جاساۋ كەرەك‘، بۇل ۇكىمەت جۇمىسىنا ات سالىساتىن پارتيادا بولۋعا ٴتيىستى جاۋاپكەرشىلىك“.
پارتيا سىرتىنداعى قايراتكەرلەر اڭگىمە ماجىلىسىندە بۇكپەسىز اڭگىمەلەستى، پارتيا سىرتىنداعى قايراتكەرلەرمەن كوكتەم مەرەكەسىن بىرگە قارسى العاندا ىقىلاستى تۇردە امانداستى، مەملەكەتتىك ساياسي كەڭەستىڭ جاڭا جىل شاي ماجىلىسىندە دوستىقتى اقتارىلا اڭگىمەلەدى... باس شۋجي شي جينپيڭ باستاماشىلدىقپەن ۇلگى بولىپ، جاڭا داۋىردەگى حالىق ساياسي كەڭەسى قىزمەتىنىڭ جانە كوپ پارتيا سەلبەستىگىنىڭ جاڭا بەينەنى ايگىلەۋىن، جاڭا قادام تاستاۋىن ىلگەرىلەتتى.
بۇل ۇزدىكسىز كەمەلدەنگەن جوعارى دەڭگەيلى جوبانىڭ ”تولىق كورىنىستىك كەسكىنى“ _
جۇڭگو كوممۋنيستىك پارتياسى 18 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ىلگەرىلەتۋدى ورنالاستىرىپ، ”ٴتارتىبى ۇيلەسىمدى، بۋىنى كەمەلدى كەڭەستىك دەموكراتيا جۇيەسىن ورناتۋدى“ العا قويدى؛
جۇڭگو كوممۋنيستىك پارتياسىنىڭ 19 ـ قۇرىلتايى سوتسياليستىك كەڭەستىك دەموكراتيانىڭ ماڭىزدى رولىن ساۋلەلەندىرۋدى، ”ساياسي پارتيا كەڭەسىن، حالىق قۇرىلتايى كەڭەسىن، ۇكىمەت كەڭەسىن، ساياسي كەڭەس كەڭەسىن، حالىقتىق توپتار كەڭەسىن، نەگىزگى ساتى كەڭەسىن جانە قوعامدىق ۇيىمدار كەڭەسىن ٴبىر تۇتاس جوسپارلاپ ىلگەرىلەتۋدى“ باسا دارىپتەدى؛
جۇڭگو كوممۋنيستىك پارتياسى 19 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى حالىق ساياسي كەڭەسىنىڭ ساياسي ۇيىم جانە دەموكراتيالىق فورما رەتىندەگى ونىمدىلىگىن ساۋلەلەندىرۋدى، ”حالىق ساياسي كەڭەسىنىڭ ارناۋلى كەڭەس قۇرىلىمى ٴتۇزىمىن كەمەلدەندىرىپ، كەڭەس فورماسىن بايىتىپ، كەڭەس ەرەجەسىن اقاۋسىزداندىرىپ، سالالاردىڭ ورنالاستىرۋىن جاقسارتۋدى“ تالاپ ەتتى؛
جۇڭگو كوممۋنيستىك پارتياسىنىڭ 20 ـ قۇرىلتايى ”تۇزىمدەندىرۋ، ولشەمدەندىرۋ، تارتىپتەندىرۋ سياقتى يقۋات قۇرىلىسىن كۇشەيتىپ، كەڭەستىك ىقپالداستىقتى تەرەڭدەتۋ، پىكىردى تولىق جەتكىزۋ، ورتاق تانىمدى كەڭ كولەمدە ۇيىستىرۋ دەڭگەيىن جوعارىلاتۋدى“ اتاپ كورسەتتى؛
جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى جالپى بارىستىق حالىق دەموكراتياسى ٴتۇزىمى جۇيەسىن اقاۋسىزداندىرۋ بيىگىنەن كەڭەستىڭ دەموكراتيا مەحانيزمىن اقاۋسىزداندىرۋ جونىندە ورنالاستىرۋ جاساپ، ”حالىق ساياسي كەڭەسىنىڭ قوعام جاعدايىن، حالىق اۋانىن اڭىس ەتۋ، بۇقارامەن بايلانىس ورناتۋ، حالىققا قىزمەت وتەۋ مەحانيزمى قۇرىلىسىن كۇشەيتۋ“ سياقتى رەفورما مىندەتتەرىن العا قويدى.
بۇل بارعان سايىن ايقىندالعان جاڭالىق اشا دامۋدىڭ ”كومپاسى“ _
ٴتۇبىرلى پرينسيپكە بويسۇنىپ، ”حالىق ساياسي كەڭەسى ىستەرى دۇرىس بەتالىسپەن دامۋى ٴۇشىن، ٴسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولۋدان تيتتەي دە اۋىتقىماۋ كەرەكتىگىن“ باسا دارىپتەدى؛
سيپاتىن، ورنىن ايقىنداپ، ”حالىق ساياسي كەڭەسى بىرلىكساپ ۇيىمى، كوپ پارتيا سەلبەستىگى جانە ساياسي كەڭەس قۇرىلىمى، حالىق دەموكراتياسىنىڭ ماڭىزدى جۇزەگە اسۋ فورماسى رەتىندە، سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى، مەملەكەتتى باسقارۋ جۇيەسىنىڭ ماڭىزدى قۇرامداس بولىگى، جۇڭگوشا ەرەكشەلىككە يە تۇزىمدىك ورنالاستىرۋ“ ەكەندىگىن العا قويدى؛
ەرەكشەلىكتى، ابزالدىلىقتى كورنەكتىلەندىرىپ، سوتسياليستىك كەڭەستىك دەموكراتيانىڭ ەلىمىزدە تامىرى، قاينارى، ومىرشەڭدىگى بار ەكەندىگىن، ”دەموكراتيانىڭ فورماسىن بايىتىپ، دەموكراتيانىڭ ارناسىن كەڭەيتىپ، دەموكراتيانىڭ ماعىناسىن تەرەڭدەتكەندىگىن“ اتاپ كورسەتتى؛
حالىقتى بارىنەن جوعارى قويۋدان جازباي، ”حالىق ساياسي كەڭەسى حالىق ٴۇشىن بولۋعا تاباندى بولۋدى“، ”حالىقتىڭ تاماشا تۇرمىسقا قاجەتىن ۇزدىكسىز قاناعاتتاندىرۋدى، حالىق تۇرمىسىنىڭ جاقسارۋىن جەبەۋدى ماڭىزدى كۇش سالۋ ٴتۇيىنى ەتىپ، بۇقارانىڭ ٴۇنىن تىڭداپ، بۇقارانىڭ ارمان ـ تىلەگىن بەينەلەۋدى“ تالاپ ەتتى؛
... ...
ٴبىر قىدىرۋ ماڭىزدى تۇجىرىمدار جاڭا داۋىردە قانداي ساياسي كەڭەس قۇرۋ، حالىق ساياسي كەڭەسى ىستەرىنىڭ دامۋىن قالاي ىلگەرىلەتۋ سىندى كەلەلى تاقىرىپتىق ماسەلەگە عىلمي جاۋاپ بەرىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە ونى جاقسارتۋ جونىندەگى ماڭىزدى يدەياسىن قالىپتاستىرىپ، جۇڭگو كوممۋنيستىك پارتياسىنىڭ حالىق ساياسي كەڭەسى قىزمەتىنىڭ زاڭدىلىعى جونىندەگى تانىمىنىڭ تىڭ بيىككە كوتەرىلگەندىگىن ايگىلەپ، جاڭا ٴداۋىردىڭ جاڭا جورىعىندا حالىق ساياسي كەڭەسى قىزمەتىن ويداعىداي ىستەۋگە ٴتۇبىرلى بويسۇنۋ ولشەمىن ازىرلەدى.
يدەيا تۋى باعدار كورسەتىپ، ايبىندى ٴىستىڭ تىڭ تاراۋى جازىلدى.
شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، حالىق ساياسي كەڭەسى مۇراگەرلىك ەتۋ بارىسىندا دامىپ، دامۋ بارىسىندا جاڭالىق اشىپ، جاڭا ٴداۋىردىڭ جاڭا جورىعىندا ۇلى امالياتقا بەلسەنە ات سالىسىپ، تاسقىنداعان تىڭ تىرشىلىك تىنىسىن، ومىرشەڭدىك كۇشىن ۇزدىكسىز قاۋلاتتى.
ۇسىنىس قويىپ، مەملەكەت ىستەرىن اقىلداسىپ، دامۋدى جەبەدى _
”حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ويداعىداي ساۋلەلەندىرىپ، كەڭەستىك دەموكراتيانى فۋنكتسيانى اتقارۋدىڭ بۇكىل بارىسىمەن ساباقتاستىرۋ كەرەك“
”الەم تۇرعىسىنان كوز سالساڭ، كورمەيتىنىڭ جوق؛ الەم تۇرعىسىنان قۇلاق تۇرسەڭ، ەستىمەيتىنىڭ جوق، الەم تۇرعىسىنان وي جۇگىرتسەڭ، بىلمەيتىنىڭ جوق“.
2014 ـ جىلى 9 ـ ايدىڭ 21 ـ كۇنى جۇڭگو حالىق ساياسي ٴماسليحات كەڭەسى قۇرىلعاندىعىنىڭ 65 جىلدىعىن قۇتتىقتاۋ جينالىسىندا باس شۋجي شي جينپيڭ بىلاي دەپ ايقىن اتاپ كورسەتتى: ”دەموكراتيالىق ورتالىقتاندىرۋ ٴادىسى ارقىلى ٴسوز سويلەۋ ارناسىن كەڭەيتىپ، كوپتىڭ اقىل ـ پاراساتىن كەڭىنەن قابىلداۋ كەرەك“.
جۇڭگو كوممۋنيستىك پارتياسىنىڭ 18 ـ قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى جالپى بارىستىق حالىق دەموكراتياسىن دامىتۋدى كوزدە ۇستاپ، حالىق ساياسي كەڭەسىن رەفورما وي جەلىسى، جاڭالىق اشۋ ۇستانىمى، ناقتى شارا ارقىلى كەڭەستىك دەموكراتيا قۇرىلىسىن زور كۇشپەن كۇشەيتۋگە جەتەكتەپ، كەڭەستىك دەموكراتيانى ساياسي كەڭەستىڭ، دەموكراتيالىق باقىلاۋدىڭ، ۇكىمەت ىسىنە قاتىناسىپ كەڭەس بەرۋدىڭ تۇتاس بارىسىنا ٴسىڭىرىپ، حالىق ساياسي كەڭەسى ٴتۇزىمىنىڭ ابزالدىلىعىن مەملەكەتتى باسقارۋ ونىمدىلىگىنە اينالدىردى.
كەڭەستىك دەموكراتيانىڭ مازمۇنى اناعۇرلىم بايىدى _
2015 ـ جىلى جۇڭگو كوممۋنيستىك پارتياسى ورتالىق كوميتەتى كەڭسەسى «حالىق ساياسي كەڭەسىنىڭ كەڭەستىك دەموكراتيا قۇرىلىسىن كۇشەيتۋ جونىندەگى اتقارۋ پىكىرىن» باسىپ تاراتىپ، ”اماليات بارىسىندا كەڭەسۋ مازمۇنىن بايىتۋدى“ تالاپ ەتىپ، ”ٴار دارەجەلى ساياسي كەڭەستەردى جاعدايدىڭ دامۋىنا ساي، پارتيا مەن مەملەكەتتىڭ وزەكتى قىزمەتىن ارقاۋ ەتىپ، ٴىس جۇزىندىك جاعدايمەن ۇشتاستىرا وتىرىپ كەڭەسۋ مازمۇنىن بايىتىپ، كەڭەسۋ كولەمىن كەڭەيتۋگە شابىتتاندىرۋ كەرەك“ دەپ ايقىندادى.
رەفورمانىڭ، دامۋدىڭ، ورنىقتىلىقتىڭ ماڭىزدى سالالارىمەن، شەشۋشى بۋىندارىمەن مىقتاپ ۇشتاستىرىپ، شەشىم جاساۋدىڭ قاجەتىنە ۇيلەسىپ، بۇقارانىڭ تىلەگىن اڭىس ەتتى، حالىق ساياسي كەڭەسى كەڭەس تاقىرىبىن دەن قويا تاڭداپ، كەڭەس كولەمى بۇرىنعى نەگىزىنەن ەكونوميكا مەن قوعام سالاسىنا شوعىرلانۋدان ”بەستى ٴبىر تۇلعالاندىرۋ“ جالپى تۇلعالىق ورنالاستىرۋى مەن ”ٴتورتتى جاپپاي ورىنداۋ“ ستراتەگيالىق ورنالاستىرۋىن قامتىعان ٴار جاققا كەڭەيدى.
12 ـ كەزەكتى مەملەكەتتىك ساياسي كەڭەستەن بەرى، جىلدىق كەڭەسۋ جوسپارىن جاساۋ ارقىلى ٴتۇيىندى كەڭەس تاقىرىپتارىن بەلگىلەۋ ٴادىسىن قالىپتاستىرۋ جونىندە ىزدەنىس جاساپ، كەڭ كولەمدە پىكىر الۋ، پارتيا، ۇكىمەت تاراۋلارىمەن تولىق پىكىرلەسۋ نەگىزىندە، ٴتۇيىندى كەڭەس تاقىرىپتارى مەن ۇسىنىستارىن ورتاعا قويىپ، كەڭەسۋ جوسپارى جوباسىن جاساپ، جۇڭگو كوممۋنيستىك پارتياسى ورتالىق كوميتەتىنەن نۇسقاۋ سۇراپ، ماقۇلداۋىنان وتكىزگەننەن كەيىن اتقاردى.
بۇگىنگى كۇندە، ۇلكەنى حالىق شارۋاشىلىعى مەن قوعامدىق دامۋ جوباسىن جاساۋدان، كىشىسى قوجالىق باسقارۋ، قوقىر ـ قوقسىقتى تۇرگە ايىرۋدى ىلگەرىلەتۋ سياقتىلارعا دەيىن، ساياسي كەڭەستە كەڭەس وتكىزىپ، عىلمي، دەموكراتيالى شەشىم جاساۋعا جان ـ جاقتى دەم بەرەتىن بولدى.
ۇكىمەت ٴىسىن كەڭەسۋ فورماسى اناعۇرلىم كوپ نەگىزدەندى _
2024 ـ جىلى 4 ـ ايدىڭ 26 ـ كۇنى مەملەكەتتىك ساياسي كەڭەستىڭ ”جاساندى زەردەنىڭ كوپ كورىنىستى قولدانىلۋىن تەرەڭدەتىپ، وسى زامانعى كاسىپ سالاسىنىڭ جوعارى ساپالى دامۋ دەڭگەيىن جوعارىلاتۋ“ اتىنداعى الىس ارالىقتى كەڭەس ٴماجىلىسى اشىلدى.
ٴماجىلىس الاڭىندا الىس ارالىقتان بايلانىس ورناتۋعا پايدالانىلعان ۇلكەن ەكراندا حۋناننىڭ حىڭياڭ قالاسىنداعى ٴبىر جولدا اۆتوماتتى اۆتوكولىكپەن جول ولشەگەن كورىنىس دەر كەزىندە جەتكىزىلىپ تۇردى، ساڭىراۋقۇلاق اۆتوموبيل بىرلەستىگىنىڭ قۇرۋشىسى، قوسىمشا CEO جۋ لەي مۇشەلەرگە ناق مايداندا تۇسىنىك جاسادى.
الىس ارالىقتى كەڭەسۋ كەڭىستىكتىڭ ەندىگارى كەدەرگى بولماۋىنا مۇمكىندىك جاساپ، جاڭا داۋىردەگى حالىق ساياسي كەڭەسىنىڭ داۋىرمەن بىرگە العا باسىپ، ۇكىمەت ٴىسىن كەڭەسۋ فورماسىن بايىتقاندىعىنىڭ جاندى كارتيناسىنا اينالدى.
قوس اپتالىق كەڭەسۋ اڭگىمە ٴماجىلىسىن اشۋدان الىس ارالىقتى كەڭەس ٴماجىلىسىن اشۋ جونىندە ىزدەنىس جاساۋعا دەيىن؛ ارناۋلى تاقىرىپتا ۇكىمەت ٴىسىن كەڭەسۋ سيپاتتى تۇراقتى كوميتەت ٴماجىلىسىنىڭ ٴتارتىبىن ساپالىلاندىرۋدان ارناۋلى تاقىرىپتاعى كەڭەس ٴماجىلىسىنىڭ اشىلۋ رەت سانىن كوبەيتۋگە دەيىن؛ سالالاردىڭ كەڭەس ٴماجىلىسىن جۇيەلىلەندىرۋدەن ماماندار كەڭەس ٴماجىلىسىن بەلگىلەۋگە دەيىن...
10 نەشە جىل ىزدەنۋ، جاڭالىق اشۋ ارقىلى مەملەكەتتىك ساياسي كەڭەس جالپى ٴماجىلىستى باستاماشى، ارناۋلى تاقىرىپتا ۇكىمەت ٴىسىن كەڭەسۋ سيپاتتى تۇراقتى كوميتەت ٴماجىلىسى مەن ارناۋلى تاقىرىپتاعى كەڭەس ٴماجىلىسىن ٴتۇيىن، قوس اپتالىق كەڭەس اڭگىمە ٴماجىلىسى، الىس ارالىقتى كەڭەس ٴماجىلىسى، ماماندار كەڭەس ٴماجىلىسى، باعىتتامالى كەڭەس ٴماجىلىسى، ۇسىنىس جوبالاردى ٴبىر جاقتى ەتۋ كەڭەس ٴماجىلىسى سياقتىلاردى داعدىلى كۇي ەتكەن ۇكىمەت ٴىسىن كەڭەسۋ جاعدايىن قالىپتاستىرىپ، ىشكەرىلەي كەڭەسۋ ساپاسى مەن دەڭگەيىن ۇزدىكسىز جوعارىلاتتى.
كەڭەس ٴتۇزىمى جۇيەسى اناعۇرلىم كەمەلدەندى _
”كەڭەستىك دەموكراتيا ٴتۇزىمى قۇرىلىسىن كۇشەيتىپ، كەمەلدى ٴتۇزىم ٴتارتىبى مەن قاتىناسۋ امالياتىن قالىپتاستىرىپ، حالىقتىڭ كۇندەلىكتى ساياسي ومىردە كەڭ كولەمدى، ۇزدىكسىز، ىشكەرىلەي قاتىناسۋ ۇقىعى بولۋىنا كەپىلدىك ەتۋ كەرەك“، ـ دەپ اتاپ كورسەتتى باس شۋجي شي جينپيڭ.
جۇڭگو كوممۋنيستىك پارتياسى ورتالىق كوميتەتى ىلگەرىندى ـ كەيىندى «سوتسياليستىك كەڭەستىك دەموكراتيا قۇرىلىسىن كۇشەيتۋ جونىندەگى پىكىرى»، «حالىق ساياسي كەڭەسىنىڭ كەڭەستىك دەموكراتيا قۇرىلىسىن كۇشەيتۋ جونىندەگى اتقارۋ پىكىرى»، «ساياسي پارتيالاردىڭ كەڭەسىن كۇشەيتۋ جونىندەگى اتقارۋ پىكىرى»، «جاڭا داۋىردە حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى پىكىر»، «جۇڭگو كوممۋنيستىك پارتياسىنىڭ ساياسي كەڭەس قىزمەت ەرەجەسى» سياقتى ٴبىر قىدىرۋ تۇزىمدىك حۇجاتتاردى جاساپ، العا قويىپ، مەملەكەتتىك ساياسي كەڭەس ۇزدىكسىز دايەكتىلەندىرىپ، تياناقتاندىرىپ، نەنى كەڭەسۋدى، كىممەن كەڭەسۋدى، قالاي كەڭەسۋدى، كەڭەسۋ جەتىستىكتەرىن قالاي پايدالانۋدى اناعۇرلىم ايقىنداپ، ۇقىق پەن جاۋاپكەرشىلىگى ايقىن، ٴتارتىبى جۇيەلى، قاتىناسى ىركىلىسسىز، اينالىمى ٴونىمدى كەڭەستىك دەموكراتيا ٴتۇزىمى جۇيەسىن ورناتتى.
جاڭا جاعدايعا ۇيلەسىپ، جاڭا ولشەم بەلگىلەپ، جاڭا دامۋدى ىلگەرىلەتتى. سوتسياليستىك كەڭەستىك دەموكراتيا ٴتۇزىمىنىڭ ”نەگىزگى جۇلگەسى“ كۇن سايىن كەمەلدەنىپ، نەگىزدەلەتىن ٴتۇزىمى، بويسۇناتىن قاعيداسى، باسشىلىققا الاتىن ەرەجەسى، باعىناتىن ٴتارتىبى ٴتىپتى دە كۇشەيە ٴتۇستى.
”ٴىس بولسا كوبىرەك اقىلداسۋ، ٴىس بولسا جاقسىراق اقىلداسۋ، ٴىس بولسا اقىلداسا ٴبىلۋ كەرەك“.
2018 ـ جىلى 3 ـ ايدىڭ 4 ـ كۇنى باس شۋجي شي جينپيڭ مەملەكەتتىك ساياسي كەڭەس 13 ـ كەزەكتى كوميتەتىنىڭ 1 ـ ماجىلىسىنە قاتىناسىپ جاتقان جۇڭگو دەموكراتيالىق وداعى، جۇڭگو ادىلەت پارتياسى، پارتيادا، توپتا جوق قايراتكەرلەر، چياۋمين ىستەرى بىرلەستىگى سالاسىنداعى مۇشەلەرگە امانداسا بارىپ، ”ۇكىمەت ىسىنە ات سالىسۋدا ماڭىزدى تۇيىنگە ات سالىسۋ، ۇكىمەت ٴىسىن كەڭەسۋدە شەشۋشى تۇستى كەڭەسۋ، كەڭەسە ٴبىلۋ، ۇكىمەت ٴىسىن كەڭەسۋگە شەبەر بولۋ جاعىندا ناقتى ونىمدىلىككە قول جەتكىزۋگە قۇلشىنۋ“ كەرەكتىگىن باسا دارىپتەدى.
جاڭا داۋىردەن بەرى، جالىندى دەموكراتيالىق اماليات، ٴتۇرلى جاڭالىق اشقان دەموكراتيالىق فورمالار ارقىلى حالىق ساياسي كەڭەسى ”ٴسوزدىڭ نەگىزى بولۋىنا، ٴسوزدىڭ ٴجونى بولۋىنا، ٴسوزدىڭ ۇيلەسىمدى بولۋىنا، ٴسوزدىڭ دايەكتى بولۋىنا“ كۇش سالىپ، كەڭەستىك دەموكراتيانىڭ عىلميلىعىن، ونىمدىلىگىن ۇزدىكسىز جوعارىلاتتى.
_ ”تەرەڭدىك“ دەگەن ٴسوزدى كورنەكتىلەندىردى.
عىلىم ـ تەحنيكا ٴتۇزىلىسى رەفورماسى جونىندە ۇكىمەت ٴىسىن كەڭەسۋدى كوزدەپ، 12 ـ كەزەكتى مەملەكەتتىك ساياسي كەڭەس ”عىلىم ـ تەحنيكا ٴتۇزىلىسى رەفورماسىن تەرەڭدەتىپ، ٴتول جاسامپازدىق قۋاتتى كۇش سالا جوعارىلاتۋ“ توڭىرەگىندە قوس اپتالىق كەڭەسۋ اڭگىمە ٴماجىلىسىن اشتى، 13 ـ كەزەكتى مەملەكەتتىك ساياسي كەڭەس ”جاڭالىق اشۋ ارقىلى دامۋعا دەم بەرۋدى“ ارقاۋ ەتىپ ارناۋلى تاقىرىپتىق كەڭەس جيىنىن وتكىزدى، 14 ـ كەزەكتى مەملەكەتتىك ساياسي كەڭەس ”عىلىم ـ تەحنيكادا جاڭالىق اشۋ جۇيەسىن كەمەلدەندىرىپ، جاڭالىق اشۋ ارقىلى دامۋعا دەم بەرۋ ستراتەگياسىن جەدەل اتقارۋ“ توڭىرەگىندە ارناۋلى تاقىرىپتا ۇكىمەت ٴىسىن كەڭەسۋ سيپاتتى تۇراقتى كوميتەت ٴماجىلىسىن اشتى؛
نازاردى قارا توپىراق ماسەلەسىنە شوعىرلاندىرىپ دەموكراتيالىق باقىلاۋ جۇرگىزدى، 2021 ـ جىلى قارا توپىراقتىڭ ازۋ جاعدايىنا ٴتۇيىندى تۇردە تەكسەرۋ ـ زەرتتەۋ جۇرگىزدى، 2022 ـ جىلى قورعاۋعا قارجى قوسۋ، قارجىنىڭ پايدالانىلۋىن باسقارۋ جانە قارا توپىراقتى ەگىستىك جەردەگى سۋ مەن توپىراقتىڭ شايىلۋىن باسقارۋ ماسەلەسىنە نازار اۋداردى، 2023 ـ جىلى «جۇڭحۋا حالىق رەسپۋبليكاسىنىڭ قارا توپىراقتى قورعاۋ زاڭىن» دايەكتىلەندىرۋدى، تياناقتاندىرۋدى ىلگەرىلەتتى، 2024 ـ جىلى عىلىم ـ تەحنيكالىق تىرەكتى كۇشەيتىپ، قارا توپىراقتى قورعاۋعا باسا ٴمان بەردى؛
كەلەلى شەشىمدەر مەن ورنالاستىرۋلاردى ارقاۋ ەتىپ ىشكەرىلەي زەرتتەۋ جۇرگىزدى، 2023 ـ جىلى ارناۋلى كوميتەت اتتاعان، سالا اتتاعان كەلەلى ارناۋلى تاقىرىپتار جونىندە تەكسەرۋ ـ زەرتتەۋ جۇرگىزىپ، مەملەكەتتىك ساياسي كەڭەستىڭ نەگىزگى باسشى جولداستارى تاقىرىپ كورسەتىپ، ٴتوراعالار ٴماجىلىسىنىڭ مۇشەلەرى اترەت باستاپ، ”چاڭجياڭ ەكونوميكالىق بەلدەۋىنىڭ دامۋىن جاپپاي ىلگەرىلەتۋ“، ”جاڭا لاستاۋشى زاتتاردى وڭاۋدى ىلگەرىلەتۋ“، ”جاڭاشا قالا ـ قالاشىقتاندىرۋ قۇرىلىسىن ىلگەرىلەتۋ“ سىندى 3 نەگىزگى تاقىرىپپەن مىقتاپ ۇشتاستىرىپ، قۇندى ادىستەر مەن شارالاردى العا قويىپ، جۇڭگو كوممۋنيستىك پارتياسى ورتالىق كوميتەتىندەگى، مەملەكەتتىك كەڭەستەگى باسشى جولداستاردىڭ جانە قاتىستى تاراۋلاردىڭ شەشىم جاساۋىنا پايدالانۋىنا ۇسىندى؛
. . .
تامىرى تەرەڭ بولعاندا عانا، جاپىراعى جايقالادى. جاڭا داۋىردەگى حالىق ساياسي كەڭەسى ىشكەرىلەي اقىل ـ كەڭەس بەرۋگە، ۇزدىكسىز دەم بەرۋگە، بىرتىندەپ ىلگەرىلەتۋگە، ۇزاق ۋاقىت ۇلەس قوسۋعا تاباندى بولدى.
_ ”ارناۋلى“ دەگەن سوزبەن مىقتاپ ۇشتاستىردى.
2023 ـ جىلى 3 ـ ايدا مەملەكەتتىك ساياسي كەڭەس 14 ـ كەزەكتى كوميتەتىنىڭ 1 ـ ماجىلىسىندە جاڭادان قوسىلعان ورتا، بايلىق سالاسى تۇڭعىش رەت بوي كورسەتتى.
كەلەسى جىلى 3 ـ ايدا باس شۋجي شي جينپيڭ مەملەكەتتىك ەكى ٴماجىلىس كەزىندە جۇڭگو گومينداڭ توڭكەرىستىك كوميتەتىندەگى، عىلىم ـ تەحنيكا سالاسىنداعى، قورشاعان ورتا، بايلىق سالاسىنداعى مۇشەلەردىڭ بىرىككەن گرۋپپا جيىنىنا قاتىناسىپ، ”قالىڭ قورشاعان ورتا، بايلىق سالاسىنداعى قايراتكەرلەر كاسىپ سالاسى باسىمدىعىن ساۋلەلەندىرىپ، دامۋ ٴتاسىلىنىڭ جاسىل تيپ جاڭالاۋىن ىلگەرىلەتۋدە بەلسەندى رول اتقاردى“، ـ دەپ باسا دارىپتەدى.
ٴبىر جىلدان بەرگى مىندەت وتەۋگە قايىرىلا قاراساق، قورشاعان ورتا، بايلىق سالاسىنداعى مۇشەلەر كاسىپتىك ەرەكشەلىگىمەن ۇشتاستىرىپ، نازاردى ەكولوگيالىق ورتانى قورعاۋ، كورىكتى جۇڭگو قۇرىلىسى سالاسىنداعى قاتىستى ماسەلەلەرگە شوعىرلاندىرا وتىرىپ، اقىل ـ كەڭەس بەرىپ، 160تان استام ۇسىنىس جوبا تاپسىرىپ، قوعام جاعدايى مەن حالىق تىلەگى ينفورماتسياسىنان 200دەن استامىن جولدادى.
شار تاراپتىڭ ارداگەرلەرىن قابىلداپ، ٴار سالانىڭ ەگەيلەرىن جينادى.
حالىق ساياسي كەڭەسى بەلسەنە جاڭالىق اشىپ، ىرىقتىلىقپەن ىسكەرلىك كورسەتىپ، ۇكىمەت ىسىنە اقىل ـ كەڭەس بەرۋدە اناعۇرلىم دايەكتى ۇسىنىس بەرىپ، قيسىندى سويلەپ، ٴونىمدى كەڭەسىپ، ارناۋلى كەڭەس قۇرىلىمى ٴتىپتى دە ەرەكشەلىككە يە بولدى، ساپالى بولدى، جوعارى دەڭگەيدە بولدى.
_ ”شىنايىلىقتى“ امالياتتا ايگىلەدى.
”بۇگىن كوپشىلىكتىڭ پىكىرلەرى مەن ۇسىنىستارىن بەتپە ـ بەت تىڭداۋ ٴۇشىن اڭگىمە ٴماجىلىسىن اشىپ وتىرمىز“.
2024 ـ جىلى 5 ـ ايدىڭ 20 ـ كۇنى باس شۋجي شي جينپيڭ پارتيا سىرتىنداعى قايراتكەرلەر اڭگىمە ٴماجىلىسىن باسقارىپ اشىپ، ٴارقايسى دەموكراتيالىق پارتيا ـ توپتار ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگى جاۋاپتىلارىنىڭ جانە پارتيادا، توپتا جوق قايراتكەرلەر ۋاكىلدەرىنىڭ پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسىنىڭ قاۋلى نۇسقاسى جونىندەگى پىكىرلەرىن جانە ۇسىنىستارىن تىڭدادى.
ماجىلىستە باس شۋجي شي جينپيڭ مۇقيات ەستەلىك الىپ، ٴالسىن ـ ٴالى ٴسوز قىستىرىپ، كوپشىلىكپەن ىشكەرىلەي پىكىر اۋىستىرىپ وتىردى. ٴماجىلىس اياقتاعاننان كەيىن، باس شۋجي بىلاي دەپ تاپسىردى: ”بۇگىنگى اڭگىمە ماجىلىسىنەن كەيىن، كوپشىلىكتىڭ ۇزدىكسىز ىشكەرىلەي تولعانىپ جانە زەرتتەپ، ٴار سالاداعى نازار اۋدارۋعا تاتيتىن احۋالدار مەن ٴارقايسى جاقتىڭ اڭىسى ٴبىرشاما شوعىرلانعان پىكىر ـ ۇسىنىستاردى جيناپ، دەر كەزىندە جۇڭگو كوممۋنيستىك پارتياسى ورتالىق كوميتەتىنە اڭىس ەتىپ، جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسىن ويداعىداي اشۋعا بەلسەنە ۇلەس قوسۋىنا بولادى“.
”دەموكراتيا ٴتىزىپ قوياتىن اشەكەي بۇيىم ەمەس، قايتا ونىمەن حالىق شەشۋدى قاجەت ەتىپ وتىرعان ماسەلەلەر شەشىلەدى“، ”شىن سويلەۋگە، اقىل ايتۋعا باتىل بولىپ، ناقتى جاعدايدى دەر كەزىندە اڭىس ەتىپ، باتىلدىقپەن ۇسىنىس بەرىپ جانە سىن ايتىپ، جەتەرسىزدىكتەردى تاۋىپ، ماسەلەلەردى شەشۋگە كومەكتەسىپ، ٴتۇرلى رەفورما، دامۋ شارالارىنىڭ ناقتى تياناقتانۋىن ىلگەرىلەتۋ كەرەك“...
باس شۋجي شي جينپيڭ قالىڭ ساياسي كەڭەس مۇشەلەرىن ”شىنايى كەڭەسىپ، ناقتى كەڭەسىپ، ناقتى جاعدايدى ايتىپ، تاماشا كەڭەس بەرىپ“، ”نە ىستەدىك“، ”قانشالىق ىستەدىك“ دەگەنگە نازار اۋدارۋدان ”قانداي ونىمدىلىك جاراتتىق“ دەگەنگە بۇرىلىس جاساۋعا قۇلشىنىپ، ۇكىمەت ٴىسىن كەڭەسۋ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋگە جەتەكتەدى.
كەڭەسۋ ارقىلى ورتاقتىققا ۇمتىلۋعا، سەلبەسۋ ارقىلى ٴىس بىتىرۋگە بولادى.
حالىق ساياسي كەڭەسى جوعارى دەڭگەيدەگى ٴماسىليحات ارقىلى جوعارى ساپالى دەموكراتيانى ىلگەرىلەتۋگە دەم بەرىپ، جوعارى ساپالى دەموكراتيامەن جوعارى ٴونىمدى باسقارۋعا دەم بەرىپ، حالىق دەموكراتياسى دامۋىنىڭ ٴتىپتى دە كەڭ، ٴتىپتى دە تولىق، ٴتىپتى دە اقاۋسىز بولۋىن ىلگەرىلەتىپ، ەلىمىزدىڭ سوتسياليستىك دەموكراتيالىق ساياسيىنىڭ دامۋىنا جاڭا قوزعاۋشى كۇش ۇستەپ، جاڭا داۋىردەگى جۇڭگوشا سوتسياليزم ىستەرىنىڭ دامۋىن ىلگەرىلەتۋگە جاڭا ۇلەس قوستى.
جۇدىرىقتاي جۇمىلىپ بولاشاققا بەت الدى _
”جاڭا ٴداۋىردىڭ جاڭا جورىعىنداعى نىسانالاردى، مىندەتتەردى ٴتىپتى دە ويداعىداي جۇزەگە اسىرۋعا اقىل ـ پاراسات جانە كۇش ـ قۋات ۇيىستىرۋ كەرەك“
2023 ـ جىلى 12 ـ ايدىڭ 29 ـ كۇنى تۇستەن بۇرىن، مەملەكەتتىك ساياسي كەڭەس زالىنىڭ 3 ـ قاباتىنداعى ۇلكەن زالدا شىراقتار جايناپ، قىزۋ مەرەيگە شومدى.
بەس جۇلدىز، ٴتىستى دوڭگەلەك، ٴبيداي ماساعى، قاريتا مەن ٴتورت قىزىل تۋ ٴبىر ـ ٴبىرىن نۇرلاندىردى، جۇڭگو حالىق ساياسي ٴماسىليحات كەڭەسىنىڭ بەلگىسى ٴماجىلىس الاڭىندا بيىك ٴىلىنىپ، حالىق ساياسي كەڭەسىنىڭ مىزعىماس اۋەلگى ماقساتىن جارقىراتتى.
”مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ەڭ ۇلكەن سەنترلەس شەڭبەرىن ويداعىداي سىزىپ، ىنتىماق ارقىلى كۇش ـ قۋات ۇيىستىرىپ، كۇرەس ارقىلى ۇلى ٴىستى سومداپ، جۇڭگو ۇلگىسىندەگى وسىزامانداندىرۋدىڭ ايبىندى داستانىن بىرگە جازايىق“! مەملەكەتتىك ساياسي كەڭەستىڭ جاڭا جىلعا ارناعان شاي ماجىلىسىندە باس شۋجي شي جينپيڭ ماڭىزدى ٴسوز سويلەپ، جاڭا داۋىردە حالىق ساياسي كەڭەسى ىستەرىن ۇزدىكسىز العا ىلگەرىلەتۋدىڭ دابىلىن قاقتى.
قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، جۇڭحۋا ۇلتىنىڭ ۇلى گۇلدەنۋى شەشۋشى جولعا قادام باستى.
نىساناعا نەعۇرلىم جاقىنداعان سايىن، جاعداي سولعۇرلىم كۇردەلەنە تۇسەدى، مىندەت نەعۇرلىم جاپالى بولعان سايىن، حالىق ساياسي كەڭەس قىزمەتىن سولعۇرلىم زور كۇشپەن ىلگەرىلەتىپ، پارتيا مەن مەملەكەت ىستەرىنىڭ دامۋى ٴۇشىن، جۇرت تىلەگىن ۇيىستىرۋ، دەم بەرۋ، بىرىككەن كۇش قوسۋ كەرەك.
جاڭا ٴداۋىردىڭ جاڭا جورىعىندا، حالىق ساياسي كەڭەسى جۇڭگو كوممۋنيستىك پارتياسىنىڭ جالپى بەتتىك باسشىلىعىنا تاباندى بولىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دايەكتىلەنۋىن، تياناقتانۋىن بۇلجىتپاي ىلگەرىلەتتى _
2023 ـ جىلى 10 ـ ايدا، باس شۋجي شي جينپيڭ ورتالىقتىڭ فينانس قىزمەتى ماجىلىسىنە قاتىناسىپ ٴارى ماڭىزدى ٴسوز سويلەپ، فينانستىڭ جوعارى ساپالى دامۋىن ىلگەرىلەتۋ جونىندە جاپپاي ورنالاستىرۋ جاسادى.
ۇزاق وتپەي مەملەكەتتىك ساياسي كەڭەس ”فينانستىڭ جوعارى ساپالى دامۋىن ىلگەرىلەتۋ“ نەگىزگى تاقىرىبى بويىنشا گۋاڭدۇڭنىڭ حۇيجوۋ، دۇڭگۋان، شىنجىن سياقتى جەرلەرىندە تەكسەرۋ ـ زەرتتەۋ جۇرگىزىپ، ىلگەرىندى ـ كەيىندى 3 رەت اڭگىمە ٴماجىلىسىن اشىپ فينانستىڭ دامۋ جاعدايىن ۇعىستى. 2024 ـ جىلى مەملەكەتتىك ساياسي كەڭەستىڭ تۇڭعىش رەتكى قوس اپتالىق كەڭەس اڭگىمە ٴماجىلىسى نازاردى تاعى دا وسى نەگىزگى تاقىرىپقا شوعىرلاندىردى.
كەلەلى جاعدايدا وي جۇگىرتتى، كەلەلى جاعدايدا جوسپارلادى، كەلەلى جاعدايدا ارەكەتتەندى.
14 ـ كەزەكتى مەملەكەتتىك ساياسي كەڭەس ٴتۇرلى كەڭەس ماجىلىستەرىنىڭ، ۇكىمەت ٴىسىن كەڭەسۋ قيمىلدارىنىڭ الدىندا باس شۋجي شي جينپيڭنىڭ ماڭىزدى سوزدەرىنىڭ جانە نۇسقاۋلارىنىڭ رۋحىن، جۇڭگو كوممۋنيستىك پارتياسى ورتالىق كوميتەتىنىڭ قاتىستى كەلەلى شەشىمدەرىن، ورنالاستىرۋلارىن ۇيرەنۋگە ۇيىمداستىرىپ، يدەيا ـ ساياسي ارقىلى ۇكىمەت ٴىسىن كەڭەسۋگە جەتەكشىلىك ەتۋگە تاباندى بولدى.
2023 ـ جىلى جۇڭگو كوممۋنيستىك پارتياسى 20 ـ قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى. مەملەكەتتىك ساياسي كەڭەس پارتيا باسشىلىق گرۋپپاسى ٴماجىلىسى، ٴتوراعالار ٴماجىلىسى باس شۋجي شي جينپيڭنىڭ 182 ەڭ جاڭا ماڭىزدى ٴسوزىنىڭ جانە ماڭىزدى نۇسقاۋىنىڭ، بەكىتۋىنىڭ رۋحىن 19 رەت جەتكىزدى، ۇيرەندى، دايەكتىلەندىردى؛ شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ اڭگىمە ٴماجىلىسىن 35 رەت اشىپ، 34 سالانى جاپپاي قامتىدى.
ساياسي بەتالىستى ٴدال يگەردى، ساياسي پرينسيپتى بەرىك ساقتادى، ساياسي جاۋاپكەرشىلىكتى وتەدى.
2023 ـ جىلى مەملەكەتتىك ساياسي كەڭەس 17 رەت تەكسەرۋ جۇرگىزدى، قىزمەت تەكسەردى، مۇشەلەردەن 202 ادام (رەت) قاتىناستى. مۇشەلەر شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ اقيقات كۇشىن جانە امالياتتىق ۇلى كۇشىن شىنايى ٴتۇسىنىپ، ىنتىماقتاسا كۇرەس جۇرگىزۋدىڭ ورتاق يدەيالىق ساياسي نەگىزىن بەكەمدەدى.
2024 ـ جىلى 3 ـ ايدىڭ 28 ـ كۇنى مەملەكەتتىك ساياسي كەڭەس كەڭسەسى 2024 ـ جىلعى ٴبىرىنشى ماۋسىمدىق نازاريا زەرتتەۋ ـ تالقىلاۋ ٴماجىلىسىن اشىپ، ”شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جۇيەسى“ توڭىرەگىندە زەرتتەۋ ـ تالقى جۇرگىزىپ، پىكىر اۋستىرىپ، نازارياداعى سەرگەكتىكپەن ساياسيداعى تاباندىلىقتى مىقتاپ ورناتىپ، يدەيالىق سانالىلىق ارقىلى ارەكەتتەگى سانالىلىققا جەتەكشىلىك ەتتى.
دەڭگەيى اناعۇرلىم جوعارى، كوزاياسى اناعۇرلىم كەڭ، سەرپىنى اناعۇرلىم كۇشتى بولدى. حالىق ساياسي كەڭەسى ”ەكىنى تۇراقتاندىرۋدى“ تاباندىلىقپەن قولداۋدى، ”ەكىنى قورعاۋدى“ باتىل ورىنداۋدى قىزمەت مىندەتىن وتەۋ ارەكەتىندە تياناقتاندىردى، قىزمەت تابىستارىندا بەينەلەدى.
جاڭا ٴداۋىردىڭ جاڭا جورىعىندا، قالىڭ ساياسي كەڭەس مۇشەلەرى مەملەكەت ٴۇشىن مىندەتىن وتەپ، حالىق ٴۇشىن جاۋاپكەرشىلىگىن ادا ەتىپ، قابىلەتتەرىن، دەڭگەيلەرىن جاپپاي جوعارىلاتتى _
بۇل ٴبىر ”سان الۋان ٴتۇستى“ ۇسىنىس جوبانىڭ العاشقى نۇسقاسى: قىزىل، كوك، سارى، جاسىل، كۇلگىن... مەملەكەتتىك ساياسي كەڭەستىڭ مۇشەسى، شانشي ولكەلىك جوعارى حالىق سوتى مەكەمەسىنىڭ ورىنباسار باستىعى گۇڭ فۋۋىن A4 قاعازىنا قايتا ـ قايتا سىزىپ، قايتا ـ قايتا وزگەرتتى، ٴار رەت وزگەرتكەندە ۇقسامايتىن رەڭمەن بەلگى قويدى.
ساياسي كەڭەستىڭ ۇسىنىس جوبالارى كوپتىگىمەن ەمەس، دالدىگىمەن باعالى. قىسقا عانا ٴبىر مىڭ نەشە ارىپتىك ۇسىنىس جوبا ٴۇشىن، گۇڭ فۋۋىن ىلگەرىندى ـ كەيىندى 10 نەشە ارناۋلى تاقىرىپتاعى دالەلدەۋ ٴماجىلىسىن باسقارىپ اشىپ، 100 نەشە رەت وزگەرىس ەنگىزدى. بارعان سايىن كەمەلدەندىرۋ _ ونىڭ باستان ـ اياق قىزمەت مىندەتىن وتەۋگە قويعان تالابى.
”ساياسي كەڭەستى ٴتۇسىنۋ، كەڭەسۋدى ٴبىلۋ، ۇكىمەت ٴىسىن كەڭەسۋگە شەبەر بولۋ، تارتىپكە بويسۇنۋ، قاعيدانى دارىپتەۋ، ٴمورالعا ٴمان بەرۋ“، باس شۋجي شي جينپيڭ 18 ارىپپەن ساياسي كەڭەس مۇشەلەرىنىڭ ارەكەت ولشەمىن دالمە ـ ٴدال تۇجىرىمدادى.
2023 ـ جىلى 5 ـ ايدىڭ 30 ـ كۇنى مەملەكەتتىك ساياسي كەڭەس جانە ونىڭ ورگانى 14 ـ كەزەكتى مەملەكەتتىك ساياسي كەڭەستىڭ جاڭادان تاعايىندالعان مۇشەلەرىنىڭ ۇيرەنۋ، زەرتتەۋ ـ تالقىلاۋ كۋرسىن وتكىزدى، مەملەكەتتىك ساياسي كەڭەس ٴتوراعالار ٴماجىلىسىنىڭ مۇشەلەرى ساباق سويلەدى.
3 كۇندىك زەرتتەۋ ـ تالقىلاۋ كۋرسى جاندى ”قىزمەت مىندەتىن وتەۋ جالپىلىق ٴبىلىم ساباعىنا“ اينالىپ، ساياسي كەڭەس مۇشەلەرىنىڭ ساياسي يگەرۋ قابىلەتىن، تەكسەرۋ ـ زەرتتەۋ قابىلەتىن، بۇقارامەن بايلانىس جاساۋ قابىلەتىن، سەلبەسىپ بىرگە قىزمەت ىستەۋ قابىلەتىن جاپپاي جوعارىلاتۋىنا جەتەكشىلىك ەتىپ، مۇشەلەر قوسىنى قۇرىلىسىن ىلگەرىلەتتى.
قابىلەتتى، ونەردى جوعارىلاتىپ، كۇرەس جاساۋ رۋحىن اسقاقتاتتى.
”نەگىزگى ساتىعا بارۋ، مەكتەپكە بارۋ، الەۋمەتتىك اۋماققا بارۋ، اۋىل ـ قىستاققا بارۋ، دامۋى كەنجە وڭىرلەرگە بارۋ، قالىڭ قاۋىمنىڭ جانىنا بارۋ...“
14 ـ كەزەكتى مەملەكەتتىك ساياسي كەڭەس مۇشەلەردىڭ مىندەت اتقارۋ بويىنشا ”حالىق ٴۇشىن قىزمەت ىستەۋ“ قيمىلىن ورنالاستىرىپ، ورىستەتىپ، مەملەكەتتىك ساياسي كەڭەس مۇشەلەرىنىڭ ٴوز ەرەكشەلىكتەرىن جانە ارتىقشىلىقتارىن ساۋلەلەندىرىپ، نازاردى حالىق تۇرمىسىنا شوعىرلاندىرىپ، تۇتاس قوعامعا باعىتتاپ شامالارىنىڭ كەلىسىنشە قىزمەت وتەۋگە ۇندەدى.
عىلمي ساباقحانالار، ارناۋلى قيمىلدار، حالىقتى ۋايىمنان ارىلتىپ، قيىندىقتاردى شەشۋ... قالىڭ مۇشەلەر جاۋاپكەرشىلىكتى كوكەيگە ۇيالاتىپ، جاۋاپكەرشىلىكتى ارقالاپ، جاۋاپكەرشىلىك اتقارۋدى ٴىس ـ ارەكەتتە ايگىلەپ، وتاننىڭ ٴۇمىتىن اقتاۋ جىگەرىن، حالىققا قىزمەت وتەۋ نيەتىن جانە مىندەت اتقارۋ قابىلەتىن اناعۇرلىم ويداعىداي ۇشتاستىرىپ، قاجىرلىلىقپەن ىلگەرىلەۋ مىزعىماس جىگەرىمەن ساياسي كەڭەس مۇشەلەرىنىڭ جاڭا جاۋاپكەرشىلىك ارقالاۋىن قۇلشىنا ايگىلەدى.
جاڭا ٴداۋىردىڭ جاڭا جورىعىندا حالىق ساياسي كەڭەسى ۇلى ىنتىماققا، ۇلى بىرلىككە تاباندى بولىپ، ۇلى ىستەردى بىرگە كىرىسىپ ىلگەرىلەتۋدە تاعى دا جاڭا شۇعىلا جاراتتى _
2023 ـ جىلى 3 ـ ايدىڭ 5 ـ كۇنى تۇستەن كەيىن ساعات 3 مەزگىلى، حالىق سارايىنىڭ جينسى زالى، مەملەكەتتىك ساياسي كەڭەس 14 ـ كەزەكتى كوميتەتى 1 ـ ٴماجىلىسى تىلشىلەر ٴماجىلىسىن وتكىزدى.
جۇڭگولىق، شەتەلدىك تىلشىلەردىڭ الدىندا، جاڭا كەزەكتى دەموكراتيالىق پارتيا ـ توپتاردىڭ ورتالىق كوميتەتتەرىنىڭ جانە مەملەكەتتىك ساۋدا ـ ونەركاسىپشىلەر بىرلەستىگىنىڭ ٴتوراعالارى توپتىق بوي كورسەتىپ، مىنالاردى ٴبىلدىردى: جۇڭگونىڭ جاڭاشا ساياسي پارتيا تۇزىمىنە ويداعىداي تاباندى بولىپ، ونى ويداعىداي دامىتىپ، ويداعىداي كەمەلدەندىرىپ، ساۋدا ـ ونەركاسىپشىلەر بىرلەستىگىنىڭ تاڭداۋلى ٴداستۇرىن جالعاستىرىپ جانە ساۋلەلەندىرىپ، جۇڭگو كوممۋنيستىك پارتياسىمەن قيىن ـ قىستاۋ كۇندەردە بىرگە بولىپ، ٴبىر ـ بىرىمىزگە شىنايى ادال بولىپ، جاپپاي سوتسياليستىك وسىزاماندانعان مەملەكەت قۇرۋعا تىڭ دا اناعۇرلىم زور ۇلەس قوسامىز.
ٴزاۋلىم عيمارات ٴبىر اعاشتان سالىنبايدى؛ شالقار تەڭىز ٴبىر وزەننەن قۇرالمايدى.
حالىق ساياسي كەڭەسى تۇعىرلاردى، دانەكەرلەردى ۇزدىكسىز مولايتىپ، ىنتىماقتى، بىرلىكتى كۇشەيتىپ، ساياسي پارتيا قاتىناسىنىڭ، ۇلت قاتىناسىنىڭ، ٴدىن قاتىناسىنىڭ، جىك قاتىناسىنىڭ، ەل ٴىشى ـ سىرتىنداعى باۋىرلاستار قاتىناسىنىڭ جاراسىمدىلىعىن جەبەپ، ەل ٴىشى ـ سىرتىنداعى جۇڭحۋا پەرزەنتتەرىنىڭ نيەتتەس بولىپ جۇڭگو ارمانىن بىرگە جۇزەگە اسىرۋدىڭ قۋاتتى بىرىككەن كۇشىن قالىپتاستىرۋىن جەبەدى.
1949 ـ جىلى 9 ـ اي، جۇڭنانحاي حۋايرىنتاڭ.
ايبىندى جەڭىس ٴانى اۋەنى ىشىندە جۇڭگو حالىق ساياسي ٴماسىليحات كەڭەسىنىڭ 1 ـ كەزەكتى جالپى ٴماجىلىسى جەڭىسپەن اشىلدى. بارلىق وتانشىل دەموكراتيالىق كۇشتەر ٴبىر ارادا باس قوسىپ، تەرەڭ سۇيىسپەنشىلىكپەن كەزدەسىپ، جۇڭگو كوممۋنيستىك پارتياسىنىڭ باسشىلىعىندا مەملەكەت قۇرۋدى اقىلداسۋدىڭ، ۇلى ىستەردى بىرگە جاراتۋدىڭ جاڭا ٴداۋىرىن بىرگە اشتى.
ماۋ زىدۇڭ جولداس اشىلۋ سوزىندە اسقاق داۋىسپەن بىلاي دەدى: ”ٴبىزدىڭ ٴىسىمىز ادامزات تاريحىنا جازىلادى، ول مىنانى ايگىلەيدى: ادامزات جالپى سانىنىڭ تورتتەن ٴبىرىن ۇستايتىن جۇڭگولىقتار وسىدان باستاپ ەڭسە كوتەردى“.
سانسىز جۇلدىز تەمىر قازىقتى اينالادى، مىڭداعان وزەن شىعىسقا قاراي اعادى.
”بۇكىل حالىق ويدى ٴبىر اراعا شوعىرلاندىرىپ، كۇشتى ٴبىر اراعا جۇمساپ، قيىن ـ قىستاۋدا بىلەك بىرىكتىرىپ، ەل بىرلىگىنەن قامال تۇرعىزىپ، باتىلدىقپەن كۇرەس جۇرگىزگەندە، شەبەرلىكپەن كۇرەس جۇرگىزگەندە عانا، تىڭ دا اناعۇرلىم زور جەڭىستەرگە ۇزدىكسىز قول جەتكىزۋگە بولادى“. باس شۋجي شي جينپيڭنىڭ سالتاناتپەن جاريالاعان ٴاربىر ٴسوزى جاندى دا تارتىمدى، ماڭىزى زور.
كۇشتى شىعىس جەلىندە كەمە العا جىلجىدى، اساۋ تولقىندا بۋىرقانا العا ۇمتىلدى.
شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە تىعىز ىنتىماقتاسىپ، حالىق ساياسي كەڭەسى جۇڭگوشا سوتسياليزم ۇلى تۋىن بيىك ۇستاپ، ٴبىر نيەت، ٴبىر تىلەكتە بولا وتىرىپ، وزىنە سەنىپ، ٴوزىن الۋەتتەندىرىپ، ىنتىماقتاسا ەكپىندەي ىلگەرىلەپ، ٴورىس اشا جاڭالىق اشىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ايبىندى نىساناسىنا قاراي كەۋدە كەرە ارشىندى قادام تاستاپ، اتويلاپ العا ىلگەرىلەيدى.
(شينحۋا اگەنتتىگىنىڭ 9 ـ ايدىڭ 19 ـ كۇنى بەيجيڭنەن بەرگەن حابارى)
