— حالىق ساياسي كەڭەسى قۇرىلعاندىعىنىڭ 75 جىلدىعىن قۇتتىقتايمىز
حالىق گازەتى باسماقالاسى
ءبىر نيەتپەن ارمانعا قۇلاش ۇرىپ، ۇلى ىسكە بىرگە كىرىسىپ، بۇرىنعىعا مۇراگەر بولىپ، كەيىنگىگە جول اشىپ تاعى دا ساپارعا اتتانايىق. بيىل _ حالىق ساياسي كەڭەسى قۇرىلعاندىعىنىڭ 75 جىلدىعى. قۇلاشىن كەڭ جايعان، ايبىنى اسقاق جورىققا قايىرىلا قاراساق، ۇمىتكە تولى بولاشاققا كوز جىبەرسەك، حالىق ساياسي كەڭەسى تۇزىمىنە ويداعىداي تاباندى بولۋدىڭ، حالىق ساياسي كەڭەسى ىستەرىن ويداعىداي دامىتۋدىڭ ميلليارد حالىقتى ىنتىماقتاسا وتىرىپ كۇش ـ قۋاتتى ۇيىستىرىپ، كۇرەس جۇرگىزۋ ارقىلى ۇلى ٴىس تىندىرىپ، جۇڭگو ۇلگىسىندەگى وسىزامانداندىرۋدىڭ ايبىندى داستانىن بىرگە جازۋعا ىنتالاندىراتىندىعى داۋسىز.
75 جىلدىڭ الدىنداعى 9 ـ ايدا جۇڭگو حالقى ۇلت تاۋەلسىزدىگىنە جانە حالىق ازاتتىعىنا قول جەتكىزۋدە تاريحي سيپاتتى جەڭىسكە جەتۋدىڭ جەڭىس جىرى ىشىندە جۇڭگو حالىق ساياسي ٴماسليحات كەڭەسىنىڭ ٴبىرىنشى كەزەكتى جالپى ٴماجىلىسى اشىلدى. 75 جىلدان بەرى، جۇڭگو كوممۋنيستىك پارتياسىنىڭ باسشىلىعىندا، حالىق ساياسي كەڭەسى جاڭا جۇڭگو قۇرۋ، جاڭا جۇڭگونى كوركەيتۋ، رەفورما جولىندا ىزدەنىس جاساۋ، جۇڭگو ارمانىن جۇزەگە اسىرۋدىڭ ۇلى امالياتىنا بەلسەنە ات سالىسىپ، شۇعىلالى بارىستى باسىپ ٴوتتى. اسىرەسە، پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، حالىق ساياسي كەڭەسى ىنتىماق پەن دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، حالىق ساياسي كەڭەسىنىڭ سيپاتىنا، ورنىنا تاباندى بولىپ، ”بەستى ٴبىر تۇلعالاندىرۋ“ جالپىلىق ورنالاستىرۋىن ٴبىر تۇتاس جوسپارلاپ ىلگەرىلەتۋمەن، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋمەن تىعىز بايلانىستىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى مىقتاپ ارقاۋ ەتىپ، پارتيا مەن مەملەكەت ىستەرىنە زەيىن ـ زەردەنى، كۇش ـ قۋاتتى شوعىرلاندىرىپ، حالىق ساياسي كەڭەسى قىزمەتىنىڭ جاڭا جاعدايىن اشتى.
اماليات مىنانى كورسەتتى: حالىق ساياسي كەڭەسى _ جۇڭگو كوممۋنيستىك پارتياسىنىڭ ماركسيزم ـ لەنينيزمنىڭ بىرلىكساپ نازارياسىن، ساياسي پارتيا نازارياسىن، دەموكراتيالىق ساياسي نازارياسىن جۇڭگونىڭ امالياتىمەن ٴوزارا ۇشتاستىرۋىنىڭ ۇلى جەتىستىگى، جۇڭگو كوممۋنيستىك پارتياسىنىڭ دەموكراتيالىق پارتيا ـ توپتارعا، پارتيادا، توپتا جوق قايراتكەرلەرگە، حالىقتىق ۇيىمدارعا جانە ٴار ۇلت، ٴار سالا قايراتكەرلەرىنە باسشىلىق ەتىپ ساياسي تۇزىمدە جاساعان ۇلى جاسامپازدىعى. حالىق ساياسي كەڭەسى _ بىرلىكساپ ۇيىمى، كوپ پارتيا سەلبەستىگى مەن ساياسي ٴماسليحات ورگانى، حالىق دەموكراتياسىن ماڭىزدى جۇزەگە اسىرۋ فورماسى رەتىندە، سوتسياليستىك كەڭەس دەموكراتياسىنىڭ ماڭىزدى ارناسى جانە ارناۋلى كەڭەس قۇرىلىمى، مەملەكەتتى باسقارۋ جۇيەسىنىڭ ماڭىزدى قۇرامداس بولىگى، جۇڭگوشا ەرەكشەلىككە يە تۇزىمدىك ورنالاستىرۋ. جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى مەن ساياسي ٴماسليحات تۇزىمىنە تاباندى بولىپ جانە ونى كەمەلدەندىرىپ، پارتيا باسشىلىعىنىڭ، بىرلىكساپتىڭ، كەڭەستىك دەموكراتيانىڭ ورگانيكالى ۇشتاسۋىنا تاباندى بولىپ، دەموكراتيانى ساۋلەلەندىرۋ مەن ىنتىماقتى نىعايتۋدى ٴوزارا تۇتاستىرۋعا، سىندارلى اقىل ـ كەڭەس بەرۋ مەن ورتاق تانىم ۇيىستىرۋدىڭ قوس باعىتتا كۇش سالۋىنا تاباندى بولىپ، جاڭا داۋىردەگى ساياسي كەڭەس قىزمەتى مەن كوپ پارتيا سەلبەستىگى ىستەرىنىڭ ۇزدىكسىز تىڭ ساتىعا قادام تاستاۋىن ىلگەرىلەتۋ كەرەك.
جاڭا ٴداۋىر باستالعاننان بەرى، باس شۋجي شي جينپيڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندە ٴبىر قىدىرۋ جاڭا يدەيانى، جاڭا كوزقاراستى، جاڭا تۇجىرىمدى العا قويىپ، حالىق ساياسي كەڭەسىنىڭ ورنىن، رولىن، نساناسىن، مىندەتىن، قىزمەت جاۋاپكەرشىلىگىن، بورىشىن، امالياتتىق تالابىن ىشكەرىلەي ٴتۇسىندىرىپ، بەتالىستىق، جالپى جاعدايلىق، ستراتەگيالىق ٴبىر قىدىرۋ كەلەلى ماسەلەلەرگە عىلمي جاۋاپ بەردى، ول جاڭا داۋىردەگى حالىق ساياسي كەڭەسى قىزمەتىنە جەتەكشىلىك ەتەتىن قۇدىرەتتى يدەيالىق قارۋ. شي جينپيڭ جاڭا ٴداۋىر جۇڭگوشا سوتسياليزم يدەياسىن ساياسي كەڭەس قىزمەتىن جاپپاي مەڭگەرەتىن جالپى باعدارلاما ەتىپ، حالىق ساياسي كەڭەسى ىستەرى دامۋىنىڭ دۇرىس ساياسي بەتالىسىنا شىنايى كەپىلدىك ەتىپ، ىنتىماقتاسا كۇرەس جۇرگىزۋدىڭ ورتاق يدەيالىق نەگىزىن بەكەمدەۋ كەرەك. باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، پارتيانىڭ حالىق ساياسي كەڭەسى قىزمەتىنە جاپپاي باسشىلىعىنا تاباندى بولىپ جانە ونى كۇشەيتىپ، نازاردى جاڭا ٴداۋىردىڭ جاڭا جورىعىندا پارتيا مەن مەملەكەتتىڭ وزەكتى مىندەتىن اتقارۋعا، جاۋاپكەرلىگىن ادا ەتۋگە شوعىرلاندىرىپ، باستان ـ اياق پارتيا مەن مەملەكەت قىزمەتىنىڭ كەلەلى جاعدايىندا قىزمەتتى جوسپارلاپ جانە ورىستەتىپ، ساياسي ٴماسليحات، دەموكراتيالىق باقىلاۋ، ۇكىمەت ىسىنە اقىل ـ كەڭەس بەرۋ دەڭگەيىن جوعارىلاتۋ كەرەك.
كەڭەستىك دەموكراتيا _ جالپى بارىستىق حالىق دەموكراتياسىن امالياتتا ايگىلەۋدىڭ ماڭىزدى فورماسى، پارتيانىڭ حالىققا باسشىلىق ەتىپ مەملەكەتتى ٴونىمدى باسقارۋىنىڭ، حالىقتىڭ وزىنە ـ ٴوزى قوجايىن بولۋىنا كەپىلدىك ەتۋدىڭ ماڭىزدى تۇزىمدىك جوباسى، ەلىمىزدىڭ سوتسياليستىك دەموكراتيالىق ساياسيىنىڭ وزىنە ٴتان فورماسى مەن وزگەشە باسىمدىعى. جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى مەن ساياسي كەڭەس ٴتۇزىمى ەلىمىزدىڭ ٴبىر نەگىزگى ساياسي ٴتۇزىمى رەتىندە، جۇڭگو توپىراعىنان ٴوسىپ جەتىلگەن جاڭاشا ساياسي پارتيا ٴتۇزىمى بولىپ، ورتاق تانىمدى ۇيىستىرۋ، شەشىم جاساۋدى ساپالىلاندىرۋ، قاتىناستاردى سايكەستىرۋ، ورنىقتىلىقتى قورعاۋ سياقتى جاقتاردا وزگەشە رول اتقارادى، زور باسىمدىققا جانە قۇدىرەتتى تىرشىلىك قۋاتىنا يە. ەلىمىزدىڭ جاڭاشا ساياسي پارتيا تۇزىمىنە تاباندى بولىپ جانە ونى كەمەلدەندىرىپ، جاڭا داۋىردەگى كوپ پارتيا سەلبەستىگىنىڭ ٴتىپتى دە ولشەمدى، ٴتارتىپتى، جاندى دا جالىندى بولۋىن ىلگەرىلەتۋ كەرەك، حالىق ساياسي كەڭەسى دەموكراتيالىق پارتيا ـ توپتار مەن پارتيادا، توپتا جوق قايراتكەرلەردىڭ ساياسي كەڭەستە رولدارىن ٴتىپتى دە ويداعىداي ساۋلەلەندىرۋىنە شارت ـ جاعداي ازىرلەۋى كەرەك. حالىق ساياسي كەڭەسى كەڭەسۋ بارىسىندا جاپپاي ىنتىماقتاسۋدى جەبەپ، كوپ پارتيا سەلبەستىگىن ىلگەرىلەتىپ، حالىق دەموكراتياسىن امالياتتا ايگىلەپ، جۇڭگونىڭ سوتسياليستىك دەموكراتياسىنىڭ ٴىس بولسا كوبىرەك اقىلداسۋ، ىسكە جولىققاندا كوبىرەك اقىلداسۋ، جۇمىس ىستەگەندە كوبىرەك اقىلداسۋ ەرەكشەلىگى مەن باسىمدىعىن تولىق ايگىلەدى، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ويداعىداي ساۋلەلەندىرىپ، كەڭەستىك دەموكراتيانى فۋنكتسيانى اتقارۋدىڭ جالپى بارىسىنا ٴسىڭىرۋ كەرەك. حالىق ساياسي كەڭەسى بىرلىكساپ ۇيىمىندىق فۋنكتسياسىن ساۋلەلەندىرىپ، ۇلى ىنتىماققا، ۇلى بىرلىككە تاباندى بولىپ، بىركەلكىلىك پەن الۋان تۇرلىلىكتىڭ بىرلىگىنە تاباندى بولىپ، ورتاق يدەيالىق ساياسي نەگىزدى ۇزدىكسىز بەكەمدەپ، يدەيا ـ ساياسي ارقىلى جەتەكشىلىك ەتۋدى كۇشەيتىپ، كەڭىنەن ورتاق تانىم ۇيىستىرىپ، ەڭ ۇلكەن ورتاق بولگىشتى قۇلشىنا قاراستىرىپ، ەڭ ۇلكەن سەنترلەس شەڭبەردى سىزىپ، ۇلتتى گۇلدەندىرۋدى جۇزەگە اسىرۋدىڭ تەلەگەي كۇشىن توپتاۋى كەرەك.
كەڭەسۋ ارقىلى ورتاقتىققا ۇمتىلۋعا، سەلبەسۋ ارقىلى ٴىس بىتىرۋگە بولادى. داڭق پەن ارمانعا تولى جاڭا جورىقتا ەكپىندەي العا ىلگەرىلگەن حالىق ساياسي كەڭەسىنىڭ بورىشى داڭقتى، جاۋاپكەرشىلىگى اۋىر. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىندە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، ٴبىر نيەت، ٴبىر تىلەكتە بولىپ، كوپ بولىپ كۇش سالىپ، اقىل قوسىپ، سەنىمدى بەكەمدەپ، قايراتتانا العا ىلگەرىلەسەك، ٴسوزسىز، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە تىڭ ٴارى ٴتىپتى دە زور ۇلەس قوسا الاتىن بولامىز.
(شينحۋا اگەنتتىگىنىڭ 9 ـ ايدىڭ 19 ـ كۇنى بەيجيڭنەن بەرگەن حابارى)
