7 ـ رەتكى ”جۇڭگو شارۋالار مول ٴونىم مەرەكەسى“ كەلۋ بايلانىسىمەن
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل ـ قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولارعا ىقىلاستى سالەم جولدادى
ٴتۇرلى ٴادىس ـ امالدارمەن اۋىل شارۋاشىلىعى ونىمدىلىگىنىڭ ارتۋىن، شارۋالار كىرىسىنىڭ ارتۋىن، اۋىل ـ قىستاق ومىرشەڭدىك كۇشىنىڭ ارتۋىن ىلگەرىلەتىپ، شارۋالار بۇقاراسىن سەزىپ، بىلە الاتىن ناقتى پايداعا يە ەتۋدى باسا دارىپتەدى
شينحۋا اگەنتتىگىنىڭ 9 ـ ايدىڭ 21 ـ كۇنى بەيجيڭنەن بەرگەن حابارى. 7 ـ رەتكى ”جۇڭگو شارۋالار مول ٴونىم مەرەكەسى“ كەلۋ بايلانىسىمەن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل ـ قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولارعا شىن ىقىلاستى سالەم جولدادى.
شي جينپيڭ بىلاي دەپ اتاپ كورسەتتى: بيىل ٴبىز ٴبىرشاما اۋىر جاراتىلىستىق اپات سياقتىلاردىڭ ٴتيىمسىز ىقپالىن جەڭىپ، جازعى استىقتىڭ ٴونىمىن ارتتىرۋدى، ەرتە پىساتىن كۇرىشتەن ورنىقتى ٴونىم الۋدى جۇزەگە اسىردىق، تۇتاس جىلدا استىقتان تاعى دا مول ٴونىم الۋدان ٴۇمىت بار، بۇل ەكونوميكانىڭ قايتا ورلەۋ، جاقسارۋ اۋقىمىن بەكەمدەۋگە جانە كۇشەيتۋگە، جوعارى ساپالى دامۋدى ىلگەرىلەتۋگە پارمەندى تىرەك ازىرلەدى.
شي جينپيڭ بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋدى ىلگەرىلەتۋدە، ٴسوز جوق، اۋىل شارۋاشىلىعىنىڭ نەگىزىن بەكەمدەۋگە بۇلجىماي تاباندى بولىپ، اۋىل ـ قىستاقتىڭ جاپپاي گۇلدەنۋىن ىلگەرىلەتۋ كەرەك. ٴار دارەجەلى پارتكوم مەن ۇكىمەت پارتيا ورتالىق كوميتەتىنىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ”مىڭ قىستاق ۇلگى كورسەتۋ، ون مىڭ قىستاقتى رەتتەۋ ـ وڭاۋ ينجەنەرياسى“ تاجىريبەسىن ۇيرەنىپ، قولدانىپ، استىقپەن جانە ماڭىزدى اۋىل شارۋاشىلىعى ونىمدەرىمەن ورنىقتى، حاۋىپسىز قامداۋدى شىن مانىندە ويداعىداي يگەرىپ، كەدەيلىكتەن ارىلتۋدان قامال الۋ تابىستارىن ۇزدىكسىز بەكەمدەپ، كەڭەيتىپ، ٴتۇرلى ٴادىس ـ امالدارمەن اۋىل شارۋاشىلىعى ونىمدىلىگىنىڭ ارتۋىن، شارۋالار كىرىسىنىڭ ارتۋىن، اۋىل ـ قىستاق ومىرشەڭدىك كۇشىنىڭ ارتۋىن ىلگەرىلەتىپ، شارۋالار بۇقاراسىن سەزىپ، بىلە الاتىن ناقتى پايداعا يە ەتۋ كەرەك. قالىڭ شارۋالار بۇقاراسىنىڭ جانە قوعامنىڭ ٴار سالاسىنىڭ بەلسەنە ارەكەتتەنىپ، نىق قادام باسىپ، اۋىل ـ قىستاقتى جاپپاي گۇلدەندىرۋدىڭ تاماشا جوباسىن رەالدىققا اينالدىرىپ، اۋىل شارۋاشىلىعىن، اۋىل ـ قىستاقتى وسىزامانداندىرۋدى جۇزەگە اسىرۋعا، اۋىل شارۋاشىلىعىندا قۋاتتى ەل قۇرۋعا نەگىز قالاۋىن ٴۇمىت ەتەمىن.
