انار بۇلت \ شينجياڭ گازەتىنىڭ ٴتىلشىسى ليۋ ي 9 ـ ايدىڭ 19 ـ كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتى اقپارات كەڭسەسى اشقان ”شينجياڭنىڭ نازاردى توعىز ٴىرى كاسىپ سالاسى شوعىرى قۇرىلىسىنا شوعىرلاندىرۋى“ جەلىلەس نەگىزگى تاقىرىپتىق اقپار جاريالاۋ ماجىلىسىنەن (استىق، ماي كاسىپ سالاسى شوعىرى ارناۋلى الاڭى) ۇعىسۋىمىزشا، بيىل جىل باسىنان بەرى شينجياڭ بۇكىل ەلدەگى ساپالى ەگىن، مال شارۋاشىلىق ونىمدەرىمەن ماڭىزدى قامداۋ بازاسىن قۇرۋ ستراتەگيالىق ورنىن تياناق ەتىپ، شينجياڭنىڭ ەرەكشەلىگىن جانە باسىمدىعىن ايگىلەيتىن وسى زامانعى استىق، ماي كاسىپ سالاسى جۇيەسىن جەدەل ورناتىپ، بۇكىل رايونىمىزدىڭ استىق، ماي كاسىپ سالاسى شوعىرىنىڭ جالپى تۇلعالىق دامۋى ورنىقتى جاقسارىپ، استىقتىڭ بىرلىك ٴونىمىن جوعارىلاتۋ، اۋىل شارۋاشىلىعىنا پايدالانىلاتىن تۇقىم حاۋىپسىزدىگى، مايلى داقىلداردىڭ تۇراقتى ٴتۇسىمى سياقتى جاقتاردا بەلسەندى ىلگەرىلەۋشىلىككە قول جەتكىزىپ، مەملەكەتتىڭ استىق حاۋىپسىزدىگىن جانە ماڭىزدى اۋىل شارۋاشىلىق ونىمدەرىمەن قامداۋدى قامتاماسىز ەتۋدەگى ۇلەس قوسۋ دارەجەسىن ۇزدىكسىز جوعارىلاتقان.
”استىقتان ٴونىم الا الۋعا، قامداي الۋعا، ساپالى قامداۋعا شىنايى كەپىلدىك ەتۋ كەرەك“. اۆتونوميالى رايوندىق پارتكوم اۋىل ـ قىستاق قىزمەتى كەڭسەسىنىڭ مەڭگەرۋشىسى، اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى پارتيا باسشىلىق گرۋپپاسىنىڭ شۋجيى شيە يىڭجوۋ بىلاي دەپ تانىستىردى: بيىل جىل باسىنان بەرى شينجياڭ بازاردى بەتالىس، كاسىپ سالاسىن جەتەكشى، كاسىپورىندى نەگىزگى تۇلعا، بازانى سۇيەنىش ەتىپ، وسى زامانعى تۇقىم شارۋاشىلىعىنىڭ ٴوندىرىس، وقىتۋ، زەرتتەۋدى ٴوزارا ۇشتاستىرۋدى، جەتىلدىرۋ، كوبەيتۋ، جالپىلاستىرۋدى ٴبىر تۇلعالاندىرىپ دامىتۋدى ىلگەرىلەتىپ، استىق ٴونىمىن ارتتىرۋداعى ”چيپ“ ماسەلەسىن قاينارىنان شەشتى. 2024 ـ جىلى بۇكىل رايونىمىزدا ەگىس داقىلدارى تۇقىمىن جەتىلدىرۋ نيەتىندەگى جەر كولەمى 4 ميلليون 547 مىڭ مۋ بولىپ، ٴونىم مولشەرى ٴبىر ميلليون 400 مىڭ توننادان اسىپ، وندىرىلگەن بۋدانداستىرىلعان جۇگەرى تۇقىمىنىڭ %95ى حيلۇڭجياڭ، شاندۇڭ سياقتى ولكەلەرگە اپارىلىپ، شينجياڭ ىشىندە اۋىل شارۋاشىلىق ٴوندىرىسىن قامتاماسىز ەتۋمەن بىرگە، بۇكىل ەلدىڭ اۋىل شارۋاشىلىق وندىرىسىندە پايدالانىلاتىن تۇقىم حاۋىپسىزدىگىنە شينجياڭ ۇلەسىن قوستى.
تۇقىم شارۋاشىلىعىن نەگىز ەتە وتىرىپ شينجياڭ ”100 مۋلىق قامال الۋ، 1000 مۋلىق قۇرۋ، 10 مىڭ مۋلىق ۇلگى كورسەتۋدى“ ىشكەرىلەي ورىستەتىپ، اۋىل شارۋاشىلىعى، اۋىل ـ قىستاق تاراۋلارى ٴبيداي، جۇگەرىنى جوعارى ٴونىمدى جەتىلدىرۋ تەحنيكالىق جوباسىن جاساپ، جەتەكشى سورتتى ايقىنداپ، شەشۋشى تەحنيكالاردى شوعىرلى جالپىلاستىردى. شينجياڭ ٴبيداي، جۇگەرى، سويا بۇرشاق، مايلى داقىل سىندى 4 استىق، ماي تۇرىندەگى وسى زامانعى اۋىل شارۋاشىلىق كاسىپ سالاسى تەحنيكا جۇيەسىن ارناۋلى قۇرىپ، ٴبىر توپ تاڭداۋلى مامانداردان ۇيىمداسقان ماماندار توبىن، ٴوندىرىستىڭ ٴبىرىنشى شەبىنە قىزمەت وتەۋگە تاڭداپ جىبەرىپ، استىق، ماي كاسىپ سالاسىندا عىلىم ـ تەحنيكادا جاڭالىق اشۋدا ناقتى ونىمدىلىككە قول جەتكىزۋدى ىلگەرىلەتتى. ٴار جاقتىڭ بىرگە قۇلشىنۋىندا، بيىل شينجياڭدا دۇمبە ٴبيدايدىڭ 100 مۋلىق، 1000 مۋلىق، 10 مىڭ مۋلىق شوعىرلى، تۇتاسقان اۋماعى تۇگەلدەي مەملەكەت بويىنشا كەڭ كولەمدى دۇمبە ٴبيداي بىرلىك ٴونىمىنىڭ ەڭ جوعارى رەكوردىن جاراتتى، استىقتىڭ كەڭ كولەمدى بىرلىك ٴونىمىن جوعارىلاتۋدىڭ ”شينجياڭ جوباسى“ اۋىل شارۋاشىلىعى، اۋىل ـ قىستاق مينيسترلىگىنىڭ ايرىقشا تۇراقتاندىرۋىنا يە بولدى.
سونىمەن بىرگە، شينجياڭ ورتالىق پەن اۆتونوميالى رايوننىڭ اۋىل شارۋاشىلىعىنا ساياتىن ٴتۇرلى قازىنالىق قارجىسى بويىنشا ٴبىر تۇتاس جوسپارلاۋ، قولداۋ تەبىنىن ۇزدىكسىز ارتتىرىپ، ٴبيداي مەن سويا بۇرشاق ەگۋ قوسىمشا قاراجاتىن تياناقتاندىرىپ، جەر ـ جەردىڭ استىق ەگۋ، استىقتى مىقتى يگەرۋ بەلسەندىلىگىن تولىق جۇمىلدىرىپ، استىق، ماي ٴوندىرىسى ٴۇشىن بەرىك ساياساتتىق كەپىلدىك ازىرلەدى. بيىل بۇكىل رايونىمىزدا كۇنباعىس، قىشى، سويا بۇرشاق سياقتى مايلى داقىلداردىڭ ەگىلگەن جەر اۋدانى 2 ميلليون مۋ اينالاسىندا بولىپ، الدىڭعى جىلداعىمەن سالىستىرعاندا ٴسال ارتتى، مەجەمەن ماقتا ٴشيتىنىڭ ٴونىم مولشەرى 6 ميلليون 400 مىڭ توننا، ماقتا ٴشيتى مايىنىڭ ٴونىم مولشەرى 600 مىڭ توننا بولىپ، مەملەكەتتىڭ ”ماي قۇتىسىنىڭ“ ماڭىزدى قامداۋ قاينارىنا اينالدى.
اۋىل شارۋاشىلىق جاعدايى ينفورماتسياسىندا كورسەتىلۋىنشە، قازىر شينجياڭدا استىق، مايلى داقىل ەگۋ جىلدىق ٴوندىرىس مىندەتى تۇگەلدەي اسىرا ورىندالىپ، ٴوندىرىس جاعدايى جالپى جاقتان بۇرىنعى جىلدارداعىدان جاقسى بولعان، سوڭعى مەزگىلدە اۋىر جاراتىلىستىق اپات تۋىلماعان جاعدايدا، تۇتاس جىلدا استىق وندىرىسىنەن تاعى دا مول ٴونىم الىنىپ، جاڭادان ٴبىر ميلليون توننادان استام استىق ٴوندىرىس قۋاتىن ارتتىرۋ نىساناسىنىڭ جۇزەگە اسۋىنان ٴۇمىت بار كورىنەدى.
