— شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ايدى بارلاۋ ينجەنەرياسىنا كوڭىل بولگەندىگى، جەتەكشىلىك ەتكەندىگى جونىندە ەستەلىك
شينحۋا اگەنتتىگىنىڭ تىلشىلەرى ۋ جيڭ، ۋىن جيڭحۋا، سۇڭ چىن
حۋاشيانىڭ مىڭ جىلدىق عارىشقا ۇشۋ ارمانى چاڭىنىڭ ايدى 20 جىل شارلاپ قايتۋىمەن ورىندالدى.
باس شۋجي شي جينپيڭ بىلاي دەپ اتاپ كورسەتتى: ”پارتيا ورتالىق كوميتەتىنىڭ ايدى بارلاۋ ينجەنەرياسىن اتقارۋ شەشىمىن جاساۋى _ جۇڭحۋا ۇلتىنىڭ تالىقپاي تالپىناتىن اسپانعا ۇشىپ ايدى قۇشاعىنا الۋ ارمانىن جۇزەگە اسىرۋ ٴۇشىن. اي شارىن بارلاۋدىڭ ٴاربىر باتىل بولجالى، ٴار رەتكى ٴساتتى اتقارىلۋى تۇگەلدەي ادامزاتتىڭ الەم شارلارىن تانۋىنىڭ جانە ودان پايدالانۋىنىڭ تولىق كورىنىسى“.
قايراتتانا ەكپىندەي ىلگەرىلەپ، كوكتەمدە گۇلدەپ، كۇزدە جەمىس بەردى. 20 جىلدان بەرى جۇڭگونىڭ ايدى بارلاۋ ينجەنەرياسى جوقتان بار بولىپ، كىشكەنەدەن ۇلكەيىپ، السىزدەن كۇشەيىپ، جوعارى ساپالى، جوعارى ٴونىمدى اي شارىن بارلاۋ جولىن اشتى.
پارتيانىڭ 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل ٴبولۋى مەن جەتەكشىلىگىندە جۇڭگونىڭ ايدى بارلاۋ ينجەنەرياسى دۇنيەنى جالت قاراتقان كەلەلى تابىستارعا قول جەتكىزىپ، الەمنىڭ سىرى جونىندە ىزدەنىس جاساۋعا، ادامزاتتىڭ قۇت ـ ىرىسىن ارتتىرۋعا تالاي رەت تىڭ ەڭبەك ٴسىڭىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە كورنەكتى ۇلەس قوستى.
باس شۋجي شي جينپيڭ بيىكتە تۇرىپ الىسقا كوز جىبەرىپ، ٴداۋىردى، اۋقىمدى باعامداپ، پارتيا مەن مەملەكەت دامۋىنىڭ جالپى جاعدايى تۇرعىسىنان اي شارىن بارلاۋ، شالعاي كەڭىستىكتى بارلاۋ سياقتى عارىش كەلەلى ينجەنەريالارىن ۇزدىكسىز اتقارۋ جونىندە ستراتەگيالىق جوبا جاساپ، عارىش ىستەرىندە قۋاتتى ەل، عىلىم ـ تەحنيكادا قۋاتتى ەل قۇرۋدى جەدەلدەتۋگە ايقىن بەتالىس كورسەتىپ، جۇڭگونىڭ ايدى بارلاۋ ينجەنەرياسىنىڭ تاريحي سەكىرۋدى جۇزەگە اسىرۋىن ىلگەرىلەتتى
2024 ـ جىلى 6 ـ ايدىڭ 25 ـ كۇنى تۇستەن كەيىن، ىشكى موڭعۇلدىڭ ٴدوربىت حوشۇنى امۋلوڭ ساحاراسى. كوگىلدىر اسپان شىمىلدىعىنىڭ استىندا قىزىل الا ۇلكەن پاراشوت باياۋ قوندى _ چاڭى _ 6 قايتۋ جابدىعى اي شارىنىڭ ارعى بەتىنىڭ ۇلگىسىن الىپ قايتا ورالدى!
53 كۇنگە جالعاسقان عارىش ساپارىن ورىنداپ، چاڭى _ 6 ادامزات تاريحىندا تۇڭعىش رەت ايدىڭ ارعى بەتىنەن ۇلگى الىپ قايتىپ كەلدى.
امەريكانىڭ «نيۋ ـ يورك ۋاقىت گازەتى» ماقالا جاريالاپ بىلاي دەدى: چاڭى _ 6 مىندەتىندە الىپ كەلىنگەن ۇلگى اي شارى مەن جەر شارىنىڭ پايدا بولۋىن زەرتتەۋدى دەرەكپەن قامداۋى مۇمكىن، بۇل جۇڭگونىڭ ايدى بارلاۋ جوسپارىنىڭ ەڭ جاڭا جەتىستىگى، جۇڭگونىڭ عارىش ىستەرىنىڭ كۇن سايىن كۇشەيگەن جالپىلىق ناقتى قۋاتىن ايگىلەدى، جۇڭگونىڭ جەلىلەس اي بارلاۋ مىندەتىنىڭ تاعى ٴبىر رەتكى جەڭىسىنىڭ بەلگىسى بولدى.
2004 ـ جىلدان باستاپ اتقارىلعان جۇڭگونىڭ ايدى بارلاۋ ينجەنەرياسى قادام سايىن ٴتۇيىلىسىپ، ۇزدىكسىز ىشكەرىلەپ، ارت ـ ارتىنان جەڭىسكە جەتتى:
2007 ـ جىلى چاڭى _ 1 ايدى ٴساتتى اينالىپ، جۇڭحۋا ۇلتىنىڭ مىڭ جىلدىق ايعا ۇشۋ ارمانىن جۇزەگە اسىردى؛
2010 ـ جىلدان 2012 ـ جىلعا دەيىن چاڭى _ 2 اي شارىن جوعارى دالدىكپەن ولشەۋ ـ سىزۋ، كۇن مەن جەر لاگرانج L2 نۇكتەسىن عىلمي بارلاۋدى جانە تۋتاتيس ۇساق قىدىرمالارىن ۇشىپ بارلاۋدى جۇزەگە اسىردى؛
2013 ـ جىلى چاڭى _ 3 ”يۇيتۋ“ اي ارباسىن الىپ اي شارىنا ٴساتتى قوندى؛
2019 ـ جىلى چاڭى _ 4 ادامزاتتىڭ تۇڭعىش رەت اي شارىنىڭ ارعى بەتىنە قونىپ شارلاۋ ـ بارلاۋ جۇرگىزۋىن جۇزەگە اسىردى؛
2020 ـ جىلى چاڭى _ 5 اي شارىنىڭ وڭ بەتىنەن 1731 گرام اي شارى ۇلگىسىن الىپ، جەر شارىنا قايتا ورالدى؛
2024 ـ جىلى چاڭى _ 6 ادامزات تاريحىندا تۇڭعىش رەت اي شارىنىڭ ارعى بەتىنەن 1935.3 گرام باعالى اي توپىراعىن الىپ كەلدى...
جاڭا داۋىرگە قادام تاستاعاننان بەرى، دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، عىلىم ـ تەحنيكا توڭكەرىسى مەن ٴىرى ەلدەر باسەكەسىنىڭ ٴوزارا توعىسۋىنا مەڭزەس، باس شۋجي شي جينپيڭ بيىكتە تۇرىپ الىسقا كوز جىبەرىپ، ٴداۋىردى، اۋقىمدى باعامداپ، پارتيا مەن مەملەكەت دامۋىنىڭ جالپى جاعدايى تۇرعىسىنان اي شارىن بارلاۋ، شالعاي كەڭىستىكتى بارلاۋ سياقتى عارىش كەلەلى ينجەنەريالارىن ۇزدىكسىز اتقارۋ جونىندە ستراتەگيالىق جوبا جاساپ، عارىش ىستەرىندە قۋاتتى ەل، عىلىم ـ تەحنيكادا قۋاتتى ەل قۇرۋدى جەدەلدەتۋگە ايقىن بەتالىس كورسەتىپ، جۇڭگو ايدى بارلاۋ ينجەنەرياسىنىڭ تاريحي سەكىرۋدى جۇزەگە اسىرۋىن ىلگەرىلەتتى _
”كەڭىستىك تەحنيكالىق دەڭگەيى ٴبىر مەملەكەتتىڭ عىلىم ـ تەحنيكالىق قۋاتىنىڭ ماڭىزدى بەلگىسى ٴارى ٴبىر مەملەكەتتىڭ ەكونوميكالىق قۋاتىنىڭ، جالپىلىق مەملەكەت قۋاتىنىڭ، مەملەكەت قورعانىسى قۋاتىنىڭ ماڭىزدى بەلگىسى“؛
”عىلىم ـ تەحنيكادا جاڭالىق اشۋدىڭ تەرەڭدىگى كورنەكتى تەرەڭدەپ، شالعاي كەڭىستىكتى بارلاۋ عىلىم ـ تەحنيكا باسەكەسىنىڭ بيىك تۇرعىسىنا اينالدى“؛
”اماليات بىزگە ۇلى ىستەردىڭ بارلىعى جاڭالىق اشۋدى نەگىز ەتەتىندىگىن ٴتۇسىندىردى. جاڭالىق اشۋ بولاشاقتى بەلگىلەيدى. دۇنيە جۇزىندەگى عىلىم ـ تەحنيكادا قۋاتتى ەل قۇرۋ داڭعىل جول ەمەس، تەك جاڭالىق اشقاندا عانا، ورايدى الدىمەن يەلەۋگە بولادى“؛
...
سول كورىنىس باستان ـ اياق جۇڭگو ايدى بارلاۋ ينجەنەرياسىنىڭ باس جوبالاۋشىسى ۋ ۋيرىننىڭ ەسىنەن شىققان ەمەس: 2013 ـ جىلى 12 ـ ايدىڭ 15 ـ كۇنى ٴتۇن ورتاسىندا باس شۋجي شي جينپيڭ بەيجيڭ عارىشقا ۇشۋدى مەڭگەرۋ ورتالىعىنا ارنايى كەلدى.
سول كەزدە جەر شارىنان 380 مىڭ كيلومەتر شالعايداعى چاڭى _ 3 اي شارىنىڭ حۇڭۋان وڭىرىنە ٴساتتى قوندى، ”يۇيتۋ“ اي ارباسى قونۋ جابدىعىنان حاۋىپسىز شىعىپ اي بەتىنە جەتتى. ساعات 23تەن 45 مينۋت وتكەندە، جەر بەتىندەگى ساندى مالىمەتتەردى قابىلداۋ جانە ٴبىر جاقتى ەتۋ ارقىلى ۇشۋدى مەڭگەرۋ زالىنىڭ ۇلكەن ەكرانىنان ”يۇيتۋ“ اي ارباسىنىڭ انىق سۋرەتى كورىنىپ، بەس جۇلدىزدى قىزىل تۋ كوز تارتتى.
”باس شۋجي شي جينپيڭ دەن قويا كورىپ، دەن قويا تىڭداپ، كوپشىلىكپەن بىرگە شاپالاق سوقتى، سونداي ـ اق عىلمي زەرتتەۋ قىزمەتكەرلەرىنىڭ اراسىنا كەلىپ، كوپشىلىكپەن ٴبىر ـ بىردەن قول الىسىپ، سالەم جولدادى“، ـ دەدى ۋ ۋيرىن ەسكە الىپ.
پارتيا 18 ـ قۇرىلتايىنان بەرى، چاڭى _ 3، چاڭى _ 4، چاڭى _ 5 مىندەتى ٴساتتى بولعاننان كەيىن، باس شۋجي شي جينپيڭ مىندەتتىڭ زەرتتەۋىنە، سىناق ەتۋىنە قاتىناسقان قىزمەتكەرلەرمەن كەزدەسىپ، ولاردى قۇتتىقتادى جانە ولاردان حال سۇرادى، جۇڭگونىڭ ايدى بارلاۋ ينجەنەرياسىنا ٴۇمىت ارتتى جانە تالاپ قويدى.
”سوتسياليستىك وسىزاماندانعان قۇدىرەتتى ەل قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ساپارىندا ٴار كاسىپ سالاسى، ٴار ادام تۇگەلدەي ارمان ارقالاپ، ەرلىكپەن كۇرەس جاساۋى، تاباندىلىقپەن ٴبىر ٴىستى ٴبىر ىسكە جالعاپ، قۇلشىنا تالپىنۋ مەن ۇزدىكسىز كۇرەس جاساۋ بارىسىندا ارماندى جۇزەگە اسىرۋى كەرەك“.
2021 ـ جىلى 2 ـ ايدىڭ 22 ـ كۇنى تۇستەن بۇرىن حالىق سارايىندا شىراقتار سامالاداي جارقىراپ، جىلى لەپ ەستى. باس شۋجي شي جينپيڭ چاڭى _ 5 مىندەتىنىڭ زەرتتەۋىنە، سىناق ەتۋىنە قاتىناسقان قىزمەتكەرلەردىڭ ۋاكىلدەرىمەن بىرگە سۋرەتكە ٴتۇستى، ونىڭ قاسىندا ايدى بارلاۋ ينجەنەرياسىنىڭ تۇڭعىش باس جوبالاۋشىسى، جاسى 90نان اسقان سۇن جيادۇڭ اكادەميك جانە ايدى بارلاۋ ينجەنەرياسىنىڭ تۇڭعىش باس قولباسشىسى، جاسى 80نەن اسقان لۋان ىنجيە اكادەميك وتىردى.
سۋرەتتەردە كۇلىمسىرەگەن بەينەلەر قالدى؛ تاپسىرمالار جۇرت كوڭىلىن جەلپىندىردى.
”دارىندىلاردى دامىتۋ مەحانيزمىن كۇش سالا كەمەلدەندىرىپ، عىلىم ـ تەحنيكا قىزمەتكەرلەرىنىڭ جاڭالىق اشۋىن، جاسامپازدىق جاراتۋىن بارىنشا قولداۋ جانە جىگەرلەندىرۋ كەرەك“؛
”ٴبىر سارىندىلىققا بوي ۇرماي، دارىندىلاردى كورەگەندىكپەن تانۋ، تاڭداۋلى جاس دارىندىلاردى جابال ىستەتىپ، ولاردىڭ ەرلىكپەن جاڭالىق اشۋىنا، قارا ٴۇزىپ العا شىعۋىنا ساحنا ازىرلەۋ كەرەك“؛
”اناعۇرلىم كوپ عالىمدى، باستاماشى دارىندىلاردى، جاس تالانتتاردى جانە جاسامپاز قوسىندى جۇرەكتىلىكپەن ٴداۋىردىڭ الدىڭعى لەگىندە تۇرىپ، جىگەرلەنە العا باسىپ، ناقتى ىستەر تىندىرۋ ارقىلى تىڭ ناتيجە جاراتۋعا، ۇلى ىستەردى ىلگەرىلەتۋ بارىسىندا ٴومىر قۇنىن جۇزەگە اسىرۋعا شابىتتاندىرۋ كەرەك“؛
...
ارماننان باستاۋ الىپ، جاڭالىق اشۋدى نەگىز ەتىپ، ناقتى ىستەۋمەن ورىندالدى.
20 جىل كوزدى اشىپ ـ جۇمعانشا وتە شىقتى، جۇڭگونىڭ ايدى بارلاۋداعى ”دوستار شەڭبەرى“ ۇزدىكسىز كەڭەيدى.
چاڭى _ 6 ەۆروپا عارىش مەكەمەسىنەن، فرانسيادان، يتاليادان، پاكيستاننان كەلگەن 4 حالىقارالىق عىلىم جۇگىن الىپ ٴجۇردى؛ چاڭى _ 7 مىندەتى 6 حالىقارالىق جۇكتى تاڭدادى؛ چاڭى _ 8 مىندەتى حالىقارالىق قوعامدى مولشەرمەن 200 كيلوگرام جۇكتى الىپ ٴجۇرۋ كەڭىستىگىمەن قامداپ، 30 نەشە سەلبەستىك ٴوتىنىشىن تاپسىرىپ الدى.
بيىل 5 ـ ايدا بىرلەسكەن مەملەكەتتەر ۇيىمى سىرتقى كەڭىستىك ىستەرى مەكەمەسىنىڭ باستىعى حوللا مايني چاڭى _ 6نىڭ ۇشۋىن ناقتى ورىندا كوزدەن كەشىرگەننەن كەيىن، جۇڭگونىڭ ايدى بارلاۋ، عارىش اپپاراتىنىڭ ٴار ەلدىڭ جۇگىن الىپ ۇشۋدا ايگىلەگەن حالقارالىق سەلبەستىك رۋحىن القادى، جۇڭگونىڭ ادامزاتتىڭ سىرتقى كەڭىستىك جونىندە ىزدەنىس جاساۋىنا اناعۇرلىم زور ۇلەس قوسۋىن ٴۇمىت ەتتى.
بيىل 7 ـ ايدا باس شۋجي شي جينپيڭ ”شاڭحاي سەلبەستىك ۇيىمى +“ استانا باسشىلار ماجىلىسىنە قاتىناسقاندا مىنانى ٴبىلدىردى: جۇڭگو جاق تاراپتاردىڭ ”حالقارالىق اي شارى عىلمي زەرتتەۋ پۋنكتى قۇرىلىسىنا ات سالىسۋىن“ قارسى الادى.
سوڭعى جىلدارى باس شۋجي شي جينپيڭ حالىقارالىق ورىنداردا حالىقارالىق اي شارى عىلمي زەرتتەۋ پۋنكتى قۇرىلىسى سەلبەستىگىن تالاي رەت ىلگەرىلەتتى. قازىر 10 نەشە مەملەكەت (حالىقارالىق ۇيىم) جانە 40تان استام حالىقارالىق قۇرىلىم جۇڭگومەن قاتىستى سەلبەستىك كەلىسىمىن جاساستى.
”جۇڭگو ٴار ەلمەن بىرگە اۋىس ـ كۇيىستى، سەلبەستىكتى كۇشەيتىپ، الەمنىڭ سىرى جونىندە بىرگە ىزدەنىس جاساپ، سىرتقى كەڭىستىكتەن بەيبىت پايدالانىپ، عارىش تەحنيكاسىنىڭ دۇنيە جۇزىندەگى ٴار ەل حالقىنا ٴتىپتى دە زور باقىت جاراتۋىن ىلگەرىلەتۋدى قالايدى“.
جاڭا داۋىردە جۇڭگونىڭ ادامزاتتىڭ تاعدىرلاس ورتاق تۇلعاسىن قۇرۋ ايبىندى سەرتى ارىندى دا تەبىندى بولدى!
شي جينپيڭ جولداستى ۇيتقى ەتكەن پارتيا ورتالىق كوميتەتى ٴبىر تۇتاس جوسپارلاپ، قولباسشىلىق ەتىپ، تىعىز ورنالاستىرۋ جاساپ، مەملەكەتتىڭ ستراتەگيالىق عىلىم ـ تەحنيكا قۋاتىن نىعايتىپ، بۇكىل مەملەكەت بويىنشا جۇمىلاتىن جاڭاشا ٴتۇزىلىستى اقاۋسىزداندىردى، جۇڭگونىڭ ايدى بارلاۋ ينجەنەرياسى دۇنيە ٴجۇزى عارىش عىلىم ـ تەحنيكاسىنىڭ تىڭ بيىگىنە ەرلىكپەن شىعىپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنىپ ٴوزىن الۋەتتەندىرۋدى جۇزەگە اسىرۋدىڭ جاڭا جورىعىن باستادى
نەشە مىڭ جىلدان بەرى، ادامزات ايعا قۇشتار بولعانىمەن، تەك ايدىڭ وڭ بەتىن عانا كوردى. ايدىڭ قاشاندا بىزگە تەرىس قاراپ تۇراتىن ارعى بەتى سىرلى دا بايىرعى بولاتىن. 20 ـ عاسىردىڭ 50 ـ جىلدارىنان باستاپ، دۇنيە جۇزىندە 100دەن استام رەت اي شارىنا بارلاۋ ٴجۇرىلىپ، 10 رەت اي شارىنىڭ وڭ بەتىنەن ۇلگى الىپ قايتۋ جۇزەگە اسىرىلدى.
ايدىڭ ارعى بەتىنىڭ تىلسىمدىگى مەن سىرلىلىعى سىن سايىسقا تولى بولدى. امەريكا بروۋن داشۋەسىنىڭ وقىمىستىسى جامس حەد: ەگەر ايدىڭ ارعى بەتىنەن الىپ كەلگەن ۇلگى بولماسا، عالىمدار اي شارىنىڭ كەمەلدى اسپان دەنەسى بولۋ جاعدايىن تۇبەگەيلى تۇسىنە المايدى ەكەن، ـ دەپ كۇرسىنگەن بولاتىن.
”باسقالار باسىپ كورمەگەن جولمەن جۇرۋگە باتىل بولىپ، قامال الىپ، قيىنشىلىقتاردى جەڭۋ بارىسىندا ۇزدىك بولۋعا ۇزدىكسىز تالپىنۋ كەرەك“.
شي جينپيڭ جولداستى ۇيتقى ەتكەن پارتيا ورتالىق كوميتەتى ٴبىر تۇتاس جوسپارلاپ، قولباسشىلىق ەتىپ، تىعىز ورنالاستىرۋ جاساپ، مەملەكەتتىڭ ستراتەگيالىق عىلىم ـ تەحنيكا قۋاتىن نىعايتىپ، بۇكىل مەملەكەت بويىنشا جۇمىلاتىن جاڭاشا ٴتۇزىلىستى اقاۋسىزداندىردى، جۇڭگونىڭ ايدى بارلاۋ ينجەنەرياسى دۇنيە ٴجۇزى عارىش عىلىم ـ تەحنيكاسىنىڭ تىڭ بيىگىنە ەرلىكپەن شىعىپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنىپ ٴوزىن الۋەتتەندىرۋدى جۇزەگە اسىرۋدىڭ جاڭا جورىعىن باستادى.
2019 ـ جىلى 1 ـ ايدا چاڭى _ 4 ايدىڭ ارعى بەتىنە قونۋ سىندى دۇنيە جۇزىلىك قيىن تاقىرىپتى شەشتى.
2020 ـ جىلى 12 ـ ايدا چاڭى _ 5 اي شارىنىڭ وڭ بەتىنىڭ سولتۇستىك جارتى شارىنان قازىرگە دەيىنگى زەرتتەۋدە بايقالعان ”ەڭ جاس“ اي توپىراعىن ٴساتتى الىپ كەلدى.
2024 ـ جىلى 6 ـ ايدىڭ 25 ـ كۇنى چاڭى _ 6 ادامزات تاريحىندا تۇڭعىش رەت ايدىڭ ارعى بەتىنىڭ ۇلگىسىن الىپ قايتتى.
”ٴبىز باسقالاردان الدا جۇرۋدە نەگە سۇيەنەمىز“؟ چاڭى _ 5، چاڭى _ 6 مىندەتىنىڭ باس جوبالاۋشىسى حۋ حاۋ تەبىرەنە بىلاي دەدى: ”سوتسياليزمنىڭ كۇشتى شوعىرلاندىرا وتىرىپ ٴىرى ىستەر تىندىراتىن ٴداستۇرلى باسىمدىعى بولماسا، بۇكىل مەملەكەت بويىنشا جۇمىلاتىن جاڭاشا ٴتۇزىلىس تىرەگى بولماسا، جۇڭگونىڭ ايدى بارلاۋ ينجەنەرياسىنىڭ 17 جىلعا جالعاسقان ’اينالۋ، قونۋ، قايتۋ‘ سىندى 3 قادامدىق جوباسىنىڭ ۋاعىندا ورىندالۋى مۇمكىن ەمەس ەدى“.
”نىسان العاش جوسپارعا الىنعاندا، ەل ٴىشى ـ سىرتىندا دەرلىك ۇلگى الۋعا بولاتىن دايىن جوبا جوق ەدى، اق قاعازعا ٴوز جۇيەمىزدى ورناتۋ اسا قيىن بولدى“، ـ دەدى ەلىمىزدىڭ ايدى بارلاۋ تاسىمال راكەتاسىنىڭ ۇلگىسىن تاڭداپ دالەلدەۋدى باسقارعان چاڭجىڭ جەلىلەس تاسىمال راكەتاسىنىڭ جوعارى دارەجەلى اقىلشىسى، جۇڭگو ينجەنەريا اكادەمياسىنىڭ اكادەميگى لۇڭ يۋەحاۋ بۇكپەسىز تۇردە.
قونۋ، ۇشۋ سىناق الاڭى سياقتى ٴىرى تيپتى سىناق قۇرىلعىلارىن سالۋدان تەرەڭ كەڭىستىك ساندى مالىمەتىن قابىلداۋ پۋنكتىن، ۇلگىنى ساقتاۋ ورتالىعىن جانە امەريكامەن، ەۆروپامەن يىق تىرەسە الاتىن الەمدىك تەرەڭ كەڭىستىكتى ولشەۋ ـ مەڭگەرۋ تورىن قۇرىپ شىعۋعا دەيىن، چاڭجىڭ _ 5 تاسىمال راكەتاسىن زەرتتەپ جاساۋدان تومەن ەندىكتەگى حاينان ۋىنچاڭ ۇشىرۋ الاڭىن قۇرۋعا دەيىن... ۇلى جوسپار سوڭىنا دەيىن كەسكىندەلىپ، بۇكىل ەل جوعارىدان تومەنگە دەيىن ٴبىر تۇتاس جۇيە بولدى.
ۇكىمەت، ارميا، عىلمي زەرتتەۋ قۇرىلىمدارى، كاسىپورىندار سايكەسە ىلگەرىلەتىپ، ينجەنەريا جالپى تۇلعاسى جانە بارلاۋ اسپابى (جاساندى سەرىك)، تاسىمال راكەتاسى، ۇشىرۋ جانە قايتارىپ اكەلۋ، ولشەۋ ـ مەڭگەرۋ، جەر بەتىندە پايدالانۋ سياقتى 5 ۇلكەن جۇيە شوعىرلانىپ ٴبىر تۇلعاعا اينالدى. مۇنىڭ ىشىندەگى ٴارقانداي ٴبىر جۇيەنى جەكە الىپ شىقساق، ايتىلمىس ”قالىڭ ادامنىڭ جۇدىرىقتاي جۇمىلۋى“ بولماق.
20 جىلدان بەرى كولەمى زور، جۇيەسى كۇردەلى، جوعارى دەڭگەيدە شوعىرلانعان مۇنداي ينجەنەريا جەر شارى مەن اي شارىنىڭ اۋىسۋ وربيتا جوباسى، اي بەتىنە جەڭىل قونۋ، اي بەتىنەن ۇشىپ جوعارى ورلەۋ، اي وربيتاسىندا توعىسىپ ٴتۇيىلىسۋ، جوعارى قارقىنمەن قايتا ورالۋ سياقتى شەشۋشى تەحنيكالاردان ىركەس ـ تىركەس قامال الىپ، جاڭا بولشەك، جاڭا ماتەريال، جاڭا تەحنولوگيا، جاڭا ەنەرگيا سياقتى سالالارداعى تەحنيكادا جاڭالىق اشۋدى ىلگەرىلەتىپ، ”كورسەتكىشتى تومەندەتپەۋ، اياق الىستى كەشەۋىلدەتپەۋ، قارجىنى مولايتپاۋ، مىندەتتى نورمادان اسىرىپ ورىنداۋ“ سىندى جۇڭگو كەرەمەتىن جاراتتى.
شي جينپيڭ جولداستى ۇيتقى ەتكەن پارتيا ورتالىق كوميتەتى دامۋعا جاڭالىق اشۋ ارقىلى دەم بەرۋ ستراتەگياسىن اتقارۋدى ىشكەرىلەي ىلگەرىلەتىپ، جاڭاشىل مەملەكەتتى جەدەل قۇرۋ ستراتەگيالىق مىندەتىن العا قويىپ، 2035 ـ جىلى عىلىم ـ تەحنيكادا قۋاتتى ەل قۇرىپ شىعۋ كۇرەس نىساناسىن تۇراقتاندىرىپ، عىلىم ـ تەحنيكا ٴتۇزىلىسى رەفورماسىن ۇزدىكسىز تەرەڭدەتىپ، عىلىم ـ تەحنيكا قىزمەتكەرلەرىنىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتىپ، عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى پارمەندى ىلگەرىلەتتى، ەلىمىزدىڭ عىلىم ـ تەحنيكا ىستەرىندە تاريحي سيپاتتى تابىسقا قول جەتىپ، تاريحي سيپاتتى وزگەرىس تۋىلدى، ايدى بارلاۋ ينجەنەرياسىن جەدەل ىلگەرىلەتۋگە بەرىك نەگىز قالاندى.
ەرلىك جانە كۇش كۇرەس جۇرگىزۋ بارىسىندا شىڭدالادى.
”جاڭا ٴداۋىر _ كۇرەسكەرلەردىڭ ٴداۋىرى. جاڭا ٴداۋىر _ كۇرەس جۇرگىزۋ بارىسىندا ۇلى ىستەردى ورىندايتىن، دارىندىلاردى جەتىلدىرەتىن ٴداۋىر“.
باس شۋجي شي جينپيڭنىڭ ۇندەۋى سان مىڭداعان مەكەمە ـ ورىننىڭ، نەشە 10 مىڭ عىلىم ـ تەحنيكا قىزمەتكەرىنىڭ جۇرەك قانى مەن اقىل ـ پاراساتىن ۇيىستىرىپ، ويلاۋعا، ىسكەرلىك كورسەتۋگە باتىل، ىستەۋگە، ىستەن ناتيجە شىعارۋعا شەبەر قىرۋار ايدى بارلاپ ارمانعا ۇمتىلۋشىلاردى باۋلىدى.
قانشاما ٴتۇن كوز شىرىمىن المادى، قانشاما رەت كۇشىنەن قالدىرىپ، قايتا باستان باستادى. جاڭا مىندەت تالابىنا سايكەسۋ ٴۇشىن، چاڭى _ 6نى زەرتتەۋ ـ جاساۋ قىزمەتكەرلەرى چاڭى _ 5 نەگىزىندە قىرۋار بەيىمدەۋ جانە ساپالىلاندىرۋ جوباسىن ورىستەتىپ، ”جوبانى جوعارى شەككە جەتكىزە ورىندادى“، ”ٴبىر تال بۇراندا شەگەدەن دە وقىس جاعداي تۋىلۋىنا جول بەرمەدى“.
باز كەشۋدى ويلاپ كورمەدى، ويتكەنى باس شۋجي شي جينپيڭنىڭ ٴماندى دە سۇيىسپەنشىلىككە تولى سوزدەرىن ەستەن شىعارمادى _
2020 ـ جىلى 12 ـ ايدىڭ 31 ـ كۇنى باس شۋجي شي جينپيڭ جاڭا جىلدى قۇتتىقتاۋ سوزىندە ”چاڭى _ 5“ سياقتى عىلمي بارلاۋدا ورىندالعان كەلەلى ناتيجەلەردى مىسالعا كەلتىردى.
2021 ـ جىلى 2 ـ ايدىڭ 22 ـ كۇنى باس شۋجي شي جينپيڭ ايدى بارلاۋ ينجەنەرياسى چاڭى _ 5تىڭ زەرتتەۋ، سىناق ەتۋ مىندەتىنە ات سالىسقان قىزمەتكەرلەر ۋاكىلدەرىمەن كەزدەسكەندە ٴارى اي شارىنان الىنعان ۇلگى جانە ايدى بارلاۋ ينجەنەرياسى جەتىستىگى كورمەسىن ەكسكۋرسيالاعاندا، كوپشىلىكتى ”بۇكىل مەملەكەت بويىنشا جۇمىلاتىن جاڭاشا ٴتۇزىلىس باسىمدىعىن ۇزدىكسىز ساۋلەلەندىرىپ، دەربەس جاڭالىق اشۋ قىزمەت تەبىنىن ارتتىرۋ كەرەك“ دەپ شابىتتاندىردى.
جەر شارى مەن اي شارىنىڭ جاڭا ”چۋەچياۋ كوپىرىن“ سالدى، اي شارىنىڭ ارعى بەتىنە ”كەرەمەت قونۋدى“ جۇزەگە اسىردى، ”اسىل قاراستىرۋدا“ ”جىلدام، ورنىقتى، ٴدال“ بولۋعا كۇش سالدى، اي شارىنىڭ ارعى بەتىنەن ۇشۋدا ”ٴۇش باسقىشپەن ٴجۇردى“، اي شارىنىڭ ارعى بەتىندەگى اسىلدار ”ۇيگە قايتۋ ارناۋلى كولىگىنە“ شىقتى...
چاڭى _ 6 اي شارىن كەرى اينالۋ وربيتاسىن جوبالاۋ جانە مەڭگەرۋ، اي شارىنىڭ ارعى بەتىنەن زەردەلى تۇردە ۇلگى الۋ، اي شارىنىڭ ارعى بەتىنەن ۇشىپ جوعارى ورلەۋ سياقتى ٴۇش ۇلكەن تەحنيكادان قامال الۋدى جۇزەگە اسىرىپ، ەلىمىزدىڭ قازىرگە دەيىنگى ەڭ كۇردەلى تەرەڭ كەڭىستىكتى بارلاۋ مىندەتىن ورىستەتىپ، ەڭ سوڭىندا تارتىمدى، ەرەن عارىشتىق كۇش جالعاۋدى ورىندادى.
”سىزدەردىڭ كورنەكتى ۇلەستەرىڭىزدى وتان مەن حالىق ماڭگى ەستە ساقتايدى“! باس شۋجي شي جينپيڭنىڭ ايدى بارلاۋ ينجەنەرياسى چاڭى _ 6 مىندەتىنىڭ تولىق تابىستى بولعاندىعىنا قۇتتىقتاۋ تەلەگرامماسىن جولداۋى مەملەكەتتىك عارىش مەكەمەسى ايدى بارلاۋ جانە عارىش ينجەنەرياسى ورتالىعىنىڭ مەڭگەرۋشىسى گۋان فىڭدى قاباعات جەلپىندىردى: ”شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جەتەكشىلىگىندە، جۇڭگونىڭ ايدى بارلاۋ ينجەنەرياسى نىق قادام باسىپ، ارشىنداي العا ىلگەرىلەيدى“!
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگونىڭ ايدى بارلاۋ ينجەنەرياسى اناعۇرلىم ايبىندى ٴداۋىر داستانىن جازۋدا، جۇڭحۋا ۇلتىنىڭ ۇلى گۇلدەنۋى ارمانىنىڭ ادامزات وركەنيەتىنىڭ العا باسۋ تاريحىنا جازىلاتىندىعى ٴشۇباسىز
7 ـ ايدىڭ سوڭعى شەنىندە تايلاندتىڭ شىليجي پاتشا حانىمى مەملەكەتتىك ٴماجىلىس ورتالىعىندا جۇڭگودان كەلگەن چاڭى _ 5تىڭ اي شارى توپىراق ۇلگىسى قالىڭ كورەرمەندى باۋرادى.
77 جاستاعى بانگكوك قالا تۇرعىنى ۋيجيدا جۇڭگونىڭ ايدى بارلاۋ ينجەنەرياسى مەن اي شارى توپىراعىن الۋ بارىسىنا قاتىستى عىلىم جالپىلاستىرۋ تانىستىرۋىن مۇقيات وقۋمەن قاتار، ”كەرەمەت“ دەگەندى ٴالسىن ـ ٴالى اۋىزعا الدى.
جۇڭگونىڭ ايدى بارلاۋ ينجەنەرياسى باستان ـ اياق ”تەڭ تۇرعىدا ٴوزارا پايدا جەتكىزۋ، بەيبىت پايدالانۋ، سەلبەسىپ تەڭ يگىلىككە كەنەلۋ“ پرينسيبىنەن جازباي، بۇكىل دۇنيە جۇزىنە شىن ىقىلاستى قۇشاعىن اشتى، ”چاڭى تاسى“، اي شارىنىڭ توپىراعىنداعى مولەكۋلالىق سۋ سياقتى بايقاۋلار ادامزاتتىڭ اي شارى جانە كۇن جۇيەسى جونىندەگى تانىمىن تەرەڭدەتتى.
بۇگىنگى كۇندى كەشەگى كۇنمەن سالىستىرساق، سان قيلى زور وزگەرىس تۋىلدى.
جۇڭگو ايدى بارلاۋ ينجەنەرياسى اي شارىنان عىلمي پايدالانۋ بويىنشا تۇڭعىش باس عالىم وۋياڭ زىيۋان اكادەميك 1978 ـ جىلى 5 ـ ايدا امەريكانىڭ جۇڭگوعا ٴبىر گرام اۋىرلىقتاعى اي شارى تاۋ جىنىسى ۇلگىسىن بەرگەندىگىن، مەملەكەتتىڭ ونىڭ جارتىسىن عىلمي زەرتتەۋگە پايدالانۋدى، جارتىسىن بۇقاراعا كورسەتۋدى ۇيعارعاندىعىن ۇمىتپايدى. ”سول كەزدە جۇڭگونىڭ ٴوزى الىپ قايتقان اي شارى توپىراعى بولۋىن ارماندادىم“، ـ دەدى ول.
2020 ـ جىلى 12 ـ ايدىڭ 17 ـ كۇنى تاڭ سارىدە ىشكى موڭعۇلدىڭ ٴدوربىت حوشۇنىنداعى نولدەن تومەن 20 دا 30 سەلتسي گرادۋس قارلى جازىقتا اق سامايلى قاريا كوزىنە ىستىق جاس الدى _ ول ايدى بارلاۋ ينجەنەرياسى ”اينالۋ، قونۋ، قايتۋ“ سىندى ٴۇش باسقىشپەن ٴجۇرۋ جوباسىن باسقارعان، العا قويعان ايدى بارلاۋ ينجەنەرياسىنىڭ تۇڭعىش باس قولباسشىسى لۋان ىنجيە اكادەميك ەدى.
”چاڭى _ 5تى، ٴسوز جوق، ٴوزىم ۇيگە قايتارىپ اكەلۋىم كەرەك، بۇل ٴبىزدىڭ وتانعا بەرگەن ۋادەمىز“، ـ دەدى لۋان ىنجيە.
اي سارايىنان اسىل قاراستىرۋ _ جۇڭحۋا ۇلتىنىڭ قان تامىرىنا سىڭگەن رومانتيكالى تالپىنىسى، ونان دا ماڭىزدىسى، جاڭا جۇڭگونىڭ ٴوز كۇشىنە سۇيەنىپ ٴومىر ٴسۇرۋ، قاجىرلىلىقپەن كۇرەس جۇرگىزۋ بارىسىنىڭ ىقشام كورىنىسى.
1970 ـ جىلى 4 ـ ايدىڭ 24 ـ كۇنى ەلىمىزدىڭ تۇڭعىش جاساندى جەر سەرىگى ”دۇڭفاڭحۇڭ _ 1“ ٴساتتى ۇشىرىلىپ، جۇڭحۋا ۇلتىنىڭ الەمنىڭ سىرى جونىندە ىزدەنىس جاساۋ، كەڭىستىكتەن بەيبىت پايدالانۋ، ادامزاتقا باقىت جاراتۋ شىمىلدىعىن اشتى. باس شۋجي شي جينپيڭ ىلگەرى تەرەڭ سۇيىسپەنشىلىكپەن: ”يانچۋان اۋدانى لياڭجياحى قىستاعىندا زيالى جاس بولىپ جۇرگەنىمدە، ٴساتتى ۇشىرىلعان حاباردى ەستىپ ەرەكشە اسەرلەندىم“، ـ دەپ ەسكە العان بولاتىن.
بۇگىنگى ارقىلى كەشەگىنى ەسكە الساق، اسقاق سەزىمگە بولەنەمىز.
چاڭى _ 1 اي شارى وربيتاسىنا ٴساتتى كىرگەندە، بەيجيڭ عارىشقا ۇشۋدى مەڭگەرۋ ورتالىعىنداعى سۇن جيادۇڭ اكادەميك تەبىرەنگەنىنەن كوپشىلىكپەن قۇشاق ايقاستىردى؛ چاڭى _ 4 الەم كەمەسى ايدىڭ ارعى بەتىنە ٴساتتى جەڭىل قونعاندا، يە پەيجيان اكادەميك چاڭى _ 4 بارلاۋ اسپابى نىسانىنىڭ اتقارۋشى باس باقىلاۋشىسى جاڭ حىمەن قوس قولداپ قول الىستى؛ ”پاڭۋ“ چاڭجىڭ _ 5 جەلىلەس تاسىمال راكەتاسى ساتسىزدىككە ۇشىراعاننان تيان ـ ۋىن _ 1، چاڭى _ 5 ٴساتتى ۇشىرىلعانعا دەيىن، چاڭجىڭ _ 5 جەلىلەس تاسىمال راكەتاسىنىڭ باس جوبالاۋشىسى لي دۇڭ اكادەميك پەن ۇجىم مۇشەلەرى كەڭىستىككە قاراپ، تاپجىلماي ۇزاق تۇردى...
”ٴسوز جوق، ىستەيمىز، ٴسوز جوق، قولدان كەلەدى“ دەگەن مۇرات ـ سەنىمنەن جازباي، نەشە ۇرپاق عارىش عىلمي زەرتتەۋ قىزمەتكەرلەرى قايسارلىقپەن كۇرەس جۇرگىزىپ، ۇلەس قوسىپ، قۇرباندىق بەردى!
چاڭى _ 3 مىندەتىن تولىق ورىنداعاننان كەيىن، زاپاستا تۇرعان چاڭى _ 4 الدىڭعىنىڭ ٴىزىن باسىپ، تاعى دا اي شارىنىڭ وڭ بەتىنە قونا ما؛ الدە اي شارىنىڭ ارعى بەتىنە باتىلدىقپەن قادام تاستاپ، ”ەلسىز وڭىرگە“ عىلمي زەرتتەۋ جۇرگىزۋ كەرەك پە؟
قايتا ـ قايتا دالەلدەۋ ارقىلى مىناداي ۇيعارىم جاسالدى: چاڭى _ 4كە اناعۇرلىم كۇشتى تىرشىلىك قۋاتىن جانە اناعۇرلىم كوپ يقۋات جۇكتەپ، وسى ارقىلى بۇرىن ادامزاتتىڭ بارلاۋ اسپابىنىڭ اياعى مۇلدە جەتپەگەن اي شارىنىڭ ارعى بەتىن زەرتتەۋ كەرەك!
چاڭى _ 5 مىندەتىن تولىق ورىنداعاننان كەيىن، باس شۋجي شي جينپيڭ قۇتتىقتاۋ تەلەگرامماسىندا ”ارمانعا ۇمتىلۋ، باتىلدىقپەن ىزدەنۋ، سايكەسە قامال الۋ، سەلبەسىپ بىرگە جەڭىسكە جەتۋ“ سىندى ايدى بارلاۋ رۋحىن العا قويدى.
مەملەكەتتىك عارىش مەكەمەسىنىڭ باستىعى جاڭ كىجيان بىلاي دەدى: ايدى بارلاۋ رۋحى ٴارى ”ەكى بومبى، ٴبىر جاساندى سەرىك“ رۋحىنىڭ، عارىشقا ادام الىپ ۇشۋ رۋحىنىڭ جالعاستىرىلۋى جانە ۇلاستىرىلۋى، ٴارى ايقىن جاڭا داۋىرلىك ەرەكشەلىككە يە، ەلىمىزدىڭ عارىش ىستەرىنىڭ ۇزدىكسىز تىڭ جەڭىستەرگە قول جەتكىزۋىندەگى تەلەگەي قوزعاۋشى كۇشكە اينالدى.
”جۇڭگو ارمانى _ تاريحي، رەال ٴارى بولاشاقتىق ارمان؛ مەملەكەتتىڭ، ۇلتتىڭ، سونداي ـ اق ٴاربىر جۇڭگولىقتىڭ ارمانى؛ ٴبىزدىڭ ارمانىمىز، اسىرەسە، جاستاردىڭ ارمانى“. جۇڭحۋا ۇلتىنىڭ ۇلى گۇلدەنۋى قالىڭ جاستاردىڭ كۇش جالعاپ كۇرەس جۇرگىزۋىندە تۇبىندە رەالدىققا اينالادى“. باس شۋجي شي جينپيڭنىڭ ىقىلاستى ٴتالىمى سۇن زىجوۋدىڭ قۇلاق تۇبىندە جاڭعىرىپ تۇرادى.
2013 ـ جىلى 4 ـ مامىر جاستار مەرەكەسىندە باس شۋجي شي جينپيڭ جۇڭگو عارىش عىلىم ـ تەحنيكا توبى سەرىكتەستىگىنىڭ جۇڭگو كەڭىستىك تەحنيكاسىن زەرتتەۋ ورنىنا كەلىپ، سۇن زىجوۋ سياقتى ٴار سالاداعى تاڭداۋلى جاستاردىڭ ۋاكىلدەرىمەن اڭگىمەلەسىپ، پىكىر اۋىستىردى.
34 جاسىندا چاڭى _ 1 جاساندى سەرىگىنىڭ ورىنباسار باس جوبالاۋشىسى بولىپ تاعايىندالعاننان 38 جاسىندا چاڭى _ 3 بارلاۋ اسپابى جۇيەسىنىڭ باس جوبالاۋشىسى بولىپ تاعايىندالعانعا، ودان قازىر مارستى بارلاۋ مىندەتىن ارقالاعان بارلاۋ اسپابى جۇيەسىنىڭ باس جوبالاۋشىسى بولعانعا دەيىن سۇن زىجوۋ باستان ـ اياق وسى ٴسوز ارقىلى ۇجىمداعى جاستارعا: ”عارىش ارمانى ارقىلى جۇڭگو ارمانىن ورىندايىق“ دەپ شابىت بەرىپ كەلەدى.
كەزىندە چاڭى _ 6 وربيتالىق جابدىعىن قۇراستىرۋ مىندەتىن ارقالاعان ”90 ـ جىلداردىڭ تۇلەگى“ تەحنيكالىق جاۋاپتى چىن ۋىنچىڭ مەن 95 ـ جىلدان كەيىن تۋعان شاكىرتى گۋ ۋيدى ”ۋاقىتتى ۇتۋ ۋاقىت كەستەسىن“ ”جۇڭگونىڭ ايدى بارلاۋ مىندەتتەمەسىنە“ ەنگىزدى _
2026 ـ جىلدىڭ الدى ـ ارتىندا چاڭى _ 7 ۇشىرىلىپ، اي شارىنىڭ وڭتۇستىك ۇيەگىنىڭ قورشاعان ورتاسى مەن بايلىعىن بارلاۋ قىزمەتى ورىستەتىلەدى؛ 2028 ـ جىلدىڭ الدى ـ ارتىندا چاڭى _ 8 ۇشىرىلىپ، اي شارى بايلىعىن اۋەلگى ورنىندا پايدالانۋ تەحنيكاسى دالەلدەن وتكىزىلەدى؛ 2030 ـ جىلدان بۇرىن جۇڭگولىقتاردىڭ ايعا شىعۋى جۇزەگە اسىرىلادى؛ 2035 ـ جىلدان بۇرىن حالىقارالىق اي شارى عىلمي زەرتتەۋ پۋنكتىنىڭ نەگىزگى تۇلعاسى قۇرىلادى...
جۇڭحۋا ۇلتىنىڭ قاجىماي ـ تالماي تالپىنعان اي بارلاۋ ارمانى جاڭا ٴداۋىردىڭ ەكپىندەي ىلگەرىلەۋشىلەرىن جىگەرلەندىردى. بيىل 9 ـ ايدىڭ 1 ـ كۇنى بۇكىل ەلدەگى ورتا، باستاۋىش مەكتەپ وقۋشىلارى ”وقۋ باستاعانداعى العاشقى ساباقتى“ بىرگە تىڭدادى، بۇيراتاسقا ”توقىلعان“ بەس جۇلدىزدى قىزىل تۋ ايدىڭ ارعى بەتىنەن كورىنگەن كورىنىس ساباقتاستاردى جىگەرلەندىردى.
”ٴبىز جۇلدىزدى اسپانعا كوز جىبەرىپ، جۇڭگو ۇلگىسىندەگى وسىزامانداندىرۋ قۇرىلىسىنا تىڭعىلىقتى تۇردە بەلسەنە ات سالىسىپ، ۇلتتىڭ گۇلدەنۋى سىندى اۋىر مىندەتتى ارقالايتىن ٴداۋىردىڭ جاڭا ادامى بولۋعا قۇلشىنامىز“، ـ دەدى چيڭحۋا داشۋەسىنە قاراستى ورتا مەكتەپتىڭ وقۋشىسى شيۇڭ يۇيفان.
ارماننىڭ اسقاقتىعى العا باسۋ قارقىنىن بەلگىلەيدى.
بۇرىنعىلاردىڭ قولىنان كەلمەگەن جۇڭگونىڭ اي شارىن بارلاۋىندا قانشاما اسقاق ارمان بولسا، سونشاما قايىسپاس قايسارلىق بار!
گۇلدەنۋدى مۇرات ەتكەن جۇڭحۋا پەرزەنتتەرى جونىندە قانشاما قيىنشىلىق، سىن ـ سايىس بولسا، سونشاما اسەرلى سەزىم مەن كۇش ـ قۋات بار!
”سىزدەردىڭ قولايلى ساتتەن پايدالانىپ العا ۇمتىلىپ، اي شارى ۇلگىسىن عىلمي زەرتتەۋدى مۇقيات ورىستەتىپ، تەرەڭ كەڭىستىكتى بارلاۋ ـ ولشەۋ سياقتى عارىش كەلەلى ينجەنەرياسىن ۇزدىكسىز ويداعىداي اتقارىپ، حالىقارالىق اۋىس ـ كۇيىستى، سەلبەستىكتى كۇشەيتىپ، عارىش ىستەرىندە قۋاتتى ەل نىساناسىنا قاراي باتىلدىقپەن العا ىلگەرىلەپ، الەمنىڭ سىرىن زەرتتەپ، ادامزاتتىڭ قۇت ـ ىرىسىن ارتتىرۋعا تاعى دا تىڭ ەڭبەك ٴسىڭىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە تىڭ ۇلەس قوسۋلارىڭىزدى ٴۇمىت ەتەمىن“.
ارمان بىزگە قول بۇلعايدى، بورىش جورىققا جەبەيدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جۇڭگونىڭ ايدى بارلاۋ ينجەنەرياسى اناعۇرلىم ايبىندى ٴداۋىر داستانىن جازۋدا، جۇڭحۋا ۇلتىنىڭ ۇلى گۇلدەنۋى ارمانىنىڭ ادامزات وركەنيەتىنىڭ العا باسۋ تاريحىنا جازىلاتىندىعى ٴشۇباسىز!
(شينحۋا اگەنتتىگىنىڭ 9 ـ ايدىڭ 22 ـ كۇنى بەيجيڭنەن بەرگەن حابارى)
