— باس شۋجي شي جينپيڭنىڭ ورتالىق كوميتەت پارتيا مەكتەبى شينجياڭ ۇلتتار كادرلارىن باۋلۋ كلاسى اشىلعاندىعىنىڭ 70 جىلدىعى بايلانىسىمەن بەرگەن ماڭىزدى نۇسقاۋى ەكپىندەي ىلگەرىلەۋ كۇش ـ قۋاتىن ۇيىستىردى
شينحۋا اگەنتتىگىنىڭ تىلشىلەرى
بيىل _ ورتالىق كوميتەت پارتيا مەكتەبى شينجياڭ ۇلتتار كادرلارىن باۋلۋ كلاسى اشىلعاندىعىنىڭ 70 جىلدىعى. باس شۋجي شي جينپيڭ ماڭىزدى نۇسقاۋ بەرىپ: شينجياڭ كلاسىن اناعۇرلىم ساپالى، اناعۇرلىم ٴونىمدى اشۋعا قۇلشىنىپ، شينجياڭعا اناعۇرلىم كوپ ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلاردى باۋلۋ، جەتىلدىرۋ كەرەك، ـ دەپ باسا دارىپتەدى.
قالىڭ كادرلار مەن بۇقارا مىنانى ٴبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، جۇدىرىقتاي جۇمىلىپ، قايراتتانا العا ۇمتىلىپ، شينجياڭنىڭ كادرلار قوسىنى قۇرىلىسىن كۇشەيتۋ، شينجياڭنىڭ ەكونوميكالىق، قوعامدىق دامۋىن ىلگەرىلەتۋگە، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋگە اناعۇرلىم زور ۇلەس قوسامىز.
شينجياڭ ۇيعۇر اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى ٴمۇتالىپ ٴالي كەزىندە 2 رەت شينجياڭ كلاسىندا وقىپ، ۇمىتىلماس شاقتاردى وتكىزگەن ەدى.
”70 جىلدان بەرى، شينجياڭ كلاسىنىڭ ’دەن قويا ٴنار سيلاپ‘ باۋلۋىندا، وقۋ تاۋىسقان قىرۋار كۋرسانت سىننان ٴوتىپ شىڭدالىپ، شەكارا وڭىرگە تامىر تارتقان، شەكارا وڭىرگە ٴوزىن ارناعان تىرەكتى كۇش ـ قۋاتقا اينالىپ، پارتيا ورتالىق كوميتەتىنىڭ شينجياڭ قىزمەتىنە بارىنشا ٴمان بەرەتىندىگىن تولىق ايگىلەدى“. ٴمۇتالىپ ٴالي بىلاي دەدى: ٴوزىمنىڭ شينجياڭ كلاسىندا ۇيرەنگەنىمدى، يگەرگەنىمدى قاشاندا ەستە بەرىك ساقتاپ، نازاريالىق بىلىمدەردى ۇزدىكسىز ٴار ۇلت بۇقاراسىنا قىزمەت وتەۋدەگى ٴىس جۇزىندىك قابىلەتكە اينالدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە قۇلشىنا كۇش ـ قۋات قوسامىن.
”70 جىلدان بەرى، شينجياڭ كلاسى باستان ـ اياق پارتيا مەن مەملەكەت ىستەرىنىڭ دامۋ اياق الىسىنا ىلەسىپ العا باسىپ، وزگەشە بارىستى باسىپ ٴوتىپ، پارتياعا ادال، شىنايى، نازاريالىق نەگىزى بەرىك، ساياساتتى يگەرۋى تىڭعىلىقتى، حالىققا باقىت جاراتۋدى مۇرات تۇتقان ٴبىر توپ تاڭداۋلى كادردى باۋلىپ شىقتى“، باس شۋجي شي جينپيڭنىڭ شينجياڭ كلاسىنىڭ 70 جىلدىق بارىسىن بارىنشا تۇراقتاندىرۋى شينجياڭ ۇيعۇر اۆتونوميالى رايونى ٴۇرىمجى قالاسى دابانچىڭ رايوندىق پارتكومنىڭ ورىنباسار شۋجيى، رايون باستىعى گاۋ حۇڭنيدىڭ ەندىگى قۇلشىنۋ بەتالىسىن اناعۇرلىم ايقىنداپ بەردى.
”شينجياڭ كلاسىنا كەلىپ ۇيرەنۋدە وراي قىمباتتى، بورىش داڭقتى“. گاۋ حۇڭني بىلاي دەدى: باس شۋجي شي جينپيڭنىڭ ماڭىزدى نۇسقاۋىنىڭ تالابىنا قاي ـ قاشان دا تۋرالانىپ، ولقىلىقتاردى تولىقتاپ، ٴالسىز تۇستاردى كۇشەيتىپ، پارتيانىڭ جاسامپاز نازاريالارىن تاباندىلىقپەن ۇيرەنىپ، زاڭدىلىقتى ۇعىنىپ، بەتالىستى ايقىنداپ، ٴادىستى ۇيرەنىپ، ٴىس جۇزىندىك ماسەلەلەردى شەشۋ قابىلەتىمدى ۇزدىكسىز جوعارىلاتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال دايەكتىلەندىرۋ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋ ٴۇشىن بەرىك نەگىز قالايمىن.
ورتالىق كوميتەت پارتيا مەكتەبى (مەملەكەتتىك اكىمشىلىك شۋەيۋانى) باۋلۋ ٴبولىمى شينجياڭ كادرلارىن باۋلۋ قىزمەتى كەڭسەسىنىڭ مەڭگەرۋشىسى، ۇيىمداستىرۋشى ليۋ جۇنشۇي 3 جىل شينجياڭعا كومەكتەسۋ بارىسىندا شينجياڭ حالقىمەن قويۋ دوستىق سۇيىسپەنشىلىك ورناتتى، سونداي ـ اق ٴوزىنىڭ جاۋاپكەرشىلىگىنىڭ اۋىر ەكەندىگىن اناعۇرلىم تەرەڭ سەزىندى.
”ۇيىمداستىرۋشى رەتىندە، ٴارى كۋرسانتتاردى باسقارۋ ورەمدى جوعارىلاتۋىم، ٴارى بۇكىل ىنتا ـ پەيىلمەن كۋرسانتتار ٴۇشىن ويداعىداي قىزمەت وتەۋىم كەرەك“. ليۋ جۇنشۇي بىلاي دەدى: شينجياڭ كلاسىنداعى كۋرسانتتاردىڭ ەرەكشەلىگىمەن جانە ۇيرەنۋ قاجەتىمەن ۇشتاستىرىپ، ٴبىر جاعىنان، كۋرسانتتاردى نازاريامەن قارۋلانۋدى سانالىلىقپەن كۇشەيتۋگە، نازاريالىق ساپانى جوعارىلاتۋعا، تاقىرىپتىق زەرتتەۋ جۇرگىزۋگە جەتەكتەپ، ەندى ٴبىر جاعىنان، جۇڭحۋا ۇلتى ورتاق تۇلعا تانىمىن بەكەمدەۋدى كلاس اشۋدىڭ جالپى بارىسىنا ٴسىڭىرىپ، قالىڭ كۋرسانتتاردى ”بەستى شىنايى مويىنداۋدى“ ۇزدىكسىز كۇشەيتۋگە شىن مانىندە جەتەكتەيمىن.
”باس شۋجي شي جينپيڭ ’شينجياڭ كادرلار قوسىنىنىڭ ەرەكشەلىگىمەن جانە قىزمەتتىڭ ٴىس جۇزىندىك قاجەتىمەن تىعىز بايلانىستىرىپ، ۇدايىلانعان باۋلۋ، اسىرەسە، نەگىزگى باۋلۋ مەحانيزمىن اقاۋسىزداندىرۋدى‘ باسا دارىپتەپ، ٴبىزدىڭ كەلەسى قادامداعى قىزمەتتەرىمىز ٴۇشىن نىسانانى، بەتالىستى ايقىنداپ بەردى“. ورتالىق كوميتەت پارتيا مەكتەبىنىڭ (مەملەكەتتىك اكىمشىلىك شۋەيۋانى) باس حاتشىسى، باۋلۋ ٴبولىمىنىڭ مەڭگەرۋشىسى ۋاڭ ياڭ مىنانى ٴبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ تالاپتارىن مۇقيات دايەكتىلەندىرىپ، جاڭا داۋىردەگى ۇلتتار وڭىرلەرىندەگى جاقسى كادر ولشەمىمەن تىعىز ۇشتاستىرىپ، شينجياڭ كادرلارىن تاربيەلەۋ، باۋلۋ زاڭدىلىعىن جانە كادرلاردىڭ ەسەيۋ زاڭدىلىعىن زەرتتەۋدى كۇشەيتىپ، جاڭا داۋىردەگى پارتيانىڭ جاسامپاز نازارياسىن جانە شينجياڭدى باسقارۋ جالپى جوباسى ساباق جۇيەسىن ۇزدىكسىز بايىتىپ جانە كەمەلدەندىرىپ، پارتيالىلىق شىڭدالۋ مەن ماماندىق شىنىعۋدى كۇشەيتىپ، شينجياڭ كادرلارىنىڭ مىندەت اتقارىپ، جاۋاپكەرشىلىكتى ادا ەتۋ قابىلەتى مەن ورەسىن جاپپاي جوعارىلاتامىز.
باس شۋجي شي جينپيڭنىڭ ”جاڭا داۋىردەگى پارتيانىڭ جاسامپاز نازارياسىمەن تاعاندى بەكەمدەپ، نەگىزدى جەتىلدىرىپ، زەيىن ـ زەردەنى ۇيىستىرىپ، رۋحتى سومداۋعا تاباندى بولىپ، جۇڭحۋا ۇلتى ورتاق تۇلعا تانىمىن بەكەمدەۋدى كلاس اشۋدىڭ تۇتاس بارىسىنا ٴسىڭىرۋ كەرەكتىگىن“ باسا دارىپتەۋى ورتالىق كوميتەت پارتيا مەكتەبى (مەملەكەتتىك اكىمشىلىك شۋەيۋانى) ادەبيەت ـ تاريح وقىتۋىن زەرتتەۋ ٴبولىمىنىڭ دوتسەنتى ۋاڭ شۇيگە بۇدان بىلايعى وقىتۋدىڭ ماڭىزدى ٴتۇيىنىن اناعۇرلىم ايقىنداپ بەردى.
”مەن نازاريالىق ٴبىلىمىمدى ۇزدىكسىز تەرەڭدەتۋ، عىلمي قاعيدا نەگىزىمدى بەكەمدەۋ، شينجياڭنىڭ ٴوڭىر احۋالىن ىشكەرىلەي ۇعىسۋ سياقتى جاقتاردان كىرىسىپ، ماڭىزدى نۇسقاۋدىڭ رۋحىن كۇندەلىكتى وقىتۋعا سىڭىرەمىن“. تالاي جىل شينجياڭ كلاسىنا ساباق بەرىپ كەلگەن مۇعالىم رەتىندە، ۋاڭ شۇي مىنانى ٴبىلدىردى: شي جينپيڭ جاڭا ٴداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، جەتە ٴتۇسىنىپ، ٴپان، ماماندىق بىلىمدەرىمەن ۇشتاستىرىپ، كۋرسانتتاردىڭ پارتيانىڭ جاسامپاز نازارياسىن تولىق تۇسىنۋىنە كومەكتەسىپ، جۇڭحۋا ۇلتى ورتاق تۇلعا تانىمىن بەكەمدەۋدى ساباققا ٴسىڭىرىپ، كۋرسانتتاردىڭ كوڭىل تۇكپىرىنە ۇيالاتامىن.
نازاريا _ امالياتتىڭ جەتەكشىسى، يدەيا _ ارەكەتتىڭ باعدارناماسى.
باس شۋجي شي جينپيڭنىڭ ماڭىزدى نۇسقاۋىن ۇيرەنۋگە دەرەۋ كىرىسكەن ورتالىق كوميتەت پارتيا مەكتەبى (مەملەكەتتىك اكىمشىلىك شۋەيۋانى) حالىقارالىق ستراتەگيا زەرتتەۋ ورنىنىڭ پروفەسسورى شياڭ سۇڭلين ۇلت سالاسىنداعى نەگىزدىك نازاريالىق ماسەلەلەر مەن كەلەلى رەال ماسەلەلەردى زەرتتەۋدى كۇشەيتۋدىڭ ماڭىزدىلىعىن اناعۇرلىم سەزىندى.
”جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ۇلت سالاسىنداعى نەگىزدىك نازاريالىق ماسەلەلەر مەن كەلەلى رەال ماسەلەلەردى زەرتتەۋدى كۇشەيتۋ زەرتتەۋ جەتىستىكتەرىمەن قايتا اينالىپ وقۋ ـ اعارتۋدى، وقىتۋدى سۇيەمەلدەۋگە پايدالى“. شياڭ سۇڭلين مىنانى ٴبىلدىردى: بۇدان بىلايعى وقىتۋ امالياتىندا زەرتتەۋ، تەكسەرۋ ـ زەرتتەۋ بارىسىمەن ۇشتاستىرىپ، جىبەك جولى ەكونوميكالىق بەلدەۋى قۇرىلىسى، شينجياڭ ٴوندىرىس ـ قۇرىلىس بيڭتۋانىنىڭ دامۋى سياقتىلار جونىندەگى تاقىرىپتىق زەرتتەۋدى كۇشەيتىپ، كۋرسانتتاردىڭ ۇيرەنۋ، قىزمەت دامۋ قاجەتىن اناعۇرلىم ويداعىداي قاناعاتتاندىرىپ، شينجياڭ كلاسىنىڭ وقىتۋ ساپاسىن ونان ارى جوعارىلاتامىز.
شينجياڭ ۇيعۇر اۆتونوميالى رايوندىق پارتكوم ۇيىمداستىرۋ ٴبولىمى كادرلاردى تاربيەلەۋ باسقارماسىنىڭ باستىعى تان چيڭ مىنانى ٴبىلدىردى: باس شۋجي شي جينپيڭنىڭ تاپسىرماسىن ەستە بەرىك ساقتاپ، شوعىرلاپ تاربيەلەۋگە ۇيىمداستىرۋ مەحانيزمىن ونان ارى كەمەلدەندىرىپ، ورتالىق كوميتەت پەن مەملەكەتتىڭ قاتىستى تاراۋلارىنا بەلسەنە سايكەسىپ، شينجياڭ كلاسىن ويداعىداي جۇرگىزۋگە پارمەندى قامتاماسىزدىق ازىرلەپ، ٴار سالا، ٴار كاسىپتەگى تاڭداۋلى جاس كادرلاردى شىنايى تاڭداپ، جونەلتىپ، ولاردى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ شينجياڭ امالياتىندا اتويشى، ونەگە بولۋعا جەتەكتەپ، شينجياڭ كلاسىن ٴار ۇلت تاڭداۋلى كادرلارىن تاربيەلەۋدىڭ، باۋلۋدىڭ ماڭىزدى دانەكەرى، ەرەكشە ماركاسى ەتىپ تۇلعالاۋعا قۇلشىنامىز.
شينجياڭ قىزمەتىن ويداعىداي ىستەۋ كەلەلى جاعدايعا سايادى، بۇكىل پارتيانىڭ، بۇكىل مەملەكەتتىڭ ٴىرى ٴىسى. جاڭا داۋىردە شينجياڭعا باعىتتامالى كومەكتەسۋ قىزمەتى كورنەكتى ناتيجەگە قول جەتكىزىپ، شينجياڭ ەكونوميكانىڭ دامۋ جىلدامدىعى ەڭ تەز، نەگىزدىك قۇرىلعىلارعا قارجى قوسۋ سەرپىنى ەڭ زور، حالىق تۇرمىسىنىڭ يگىلىككە كەنەلۋى ەڭ كوپ مەزگىلدى قارسى الدى.
ۇزاق ۋاقىت الدىڭعى شەپتە تاپجىلماي ىستەگەن شينجياڭ ۇيعۇر اۆتونوميالى رايونى لوپنۇر اۋداندىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسىنىڭ مادەني ەسكەرتكىشتەردى قورعاۋعا جاۋاپتى پارتيالى كادرى عوپۇر قۇربان بۇل جونىندە تەرەڭ اسەرگە يە.
”مەن باس شۋجي شي جينپيڭنىڭ ماڭىزدى نۇسقاۋىنىڭ رۋحىن جەتەكشى ەتىپ، پارتيالىلىق جەتىلىم مەن مادەني ەسكەرتكىشتەردى قورعاۋ جاعىنداعى كاسىپتىك قابىلەتىمدى ۇزدىكسىز جوعارىلاتىپ، بۇقارانىڭ مادەني تۇرمىسىنا قىزمەت وتەۋگە جانە ونى بايىتۋعا اناعۇرلىم كوپ زەيىن ـ زەردەمدى سالامىن“. عوپۇر قۇربان مىنانى ٴبىلدىردى: جۇڭحۋا ۇلتى ورتاق تۇلعا تانىمىن بەكەمدەۋدى مادەني ەسكەرتكىشتەردى قورعاۋ قىزمەتىمەن ونان ارى توعىستىرىپ، جۇڭحۋانىڭ تاڭداۋلى ٴداستۇرلى مادەنيەتىنىڭ بۇقارانىڭ كۇندەلىكتى تۇرمىسىنا ٴسىڭۋىن ىلگەرىلەتىپ، مادەني ەسكەرتكىشتەردى سويلەتىپ، تاريحتى سويلەتىپ، مادەنيەتتى سويلەتىپ، جۇڭحۋا ۇلتى بەرەكەلى شاڭىراعىنىڭ حيكايالارىن ويداعىداي بايانداپ، كورىكتى شينجياڭ قۇرۋ بارىسىندا ٴوز بورىشىم مەن جاۋاپكەرشىلىگىمدى وتەيمىن.
(شينحۋا اگەنتتىگىنىڭ 9 ـ ايدىڭ 22 ـ كۇنى بەيجيڭنەن بەرگەن حابارى)
