شينحۋا اگەنتتىگىنىڭ 9 ـ ايدىڭ 25 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جۋىقتا «جۇمىستاندىرۋدى الدىمەن ويلاستىرۋ ستراتەگياسىن اتقارىپ، جوعارى ساپالى تولىق جۇمىستاندىرۋدى جەبەۋ جونىندەگى پىكىردى» باسىپ تاراتتى.
«پىكىردە» مىنالار تالاپ ەتىلدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، حالىقتى وزەك ەتۋ سىندى دامۋ يدەياسىنا تاباندى بولىپ، ەڭبەكشىلەر ٴوز كۇشىنە سۇيەنىپ جۇمىستانۋ، بازار ارقىلى جۇمىستاندىرۋدى رەتتەۋ، ۇكىمەت جۇمىستاندىرۋدى جەبەۋ جانە شارۋاشىلىق قۇرۋعا دەم بەرۋ باعىتىن جاپپاي دايەكتىلەندىرىپ، جوعارى ساپالى دامۋدى ىلگەرىلەتۋدى نەگىز، جۇمىستاندىرۋدى الدىمەن ويلاستىرۋ ستراتەگياسىن اتقارۋدى جەتەكشى، جۇمىستاندىرۋدى الدىمەن ويلاستىرۋ ساياساتىن كۇشەيتۋدى تۇتقا، قۇرىلىمدىق جۇمىستانۋ قايشىلىعىن شەشۋدى كۇش سالۋ ٴتۇيىنى، جۇمىستاندىرۋ ٴتۇزىلىس ـ مەحانيزم رەفورماسىن تەرەڭدەتۋدى قوزعاۋشى كۇش، كولەمدى جۇمىسسىز قالۋ حاۋىپ ـ قاتەرىن تۋدىرماۋدى تومەنگى شەك ەتىپ، جۇمىستاندىرۋدىڭ ساپاسىنىڭ ٴونىمدى جوعارىلاۋى مەن مولشەرىنىڭ ۇيلەسىمدى ارتۋىن ۇزدىكسىز جەبەپ، ەڭبەكشىلەردىڭ قىزمەتىنىڭ ورنىقتى، كىرىسىنىڭ ۇيلەسىمدى، قامتاماسىزدىعى سەنىمدى، كاسىبى حاۋىپسىز بولۋ سياقتىلاردى جۇزەگە اسىرۋدى ىلگەرىلەتىپ، قالىڭ ەڭبەكشىلەردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە پارمەندى تىرەك ازىرلەۋ كەرەك.
قۇلشىنىس جاساۋ ارقىلى جۇمىستاندىرۋ ورايى تولىق، جۇمىستاندىرۋ ورتاسى ٴادىل، جۇمىستاندىرۋ قۇرىلىمى ساپالى، ادام مەن قىزمەت ورنىن سايكەستىرۋ جوعارى ٴونىمدى، ەڭبەك قاتىناسى جاراسىمدى بولعان جاعدايدى بىرتىندەپ قالىپتاستىرىپ، جۇيەلى شوعىرلانعان، سايكەسە بىرلەسىپ ارەكەتتەنەتىن، سيفرلى قۋات ۇستەيتىن، باسقارۋى عىلمي، زاڭمەن قامتاماسىز ەتىلەتىن جۇمىستاندىرۋ قىزمەت جۇيەسىن اناعۇرلىم كەمەلدەندىرۋ كەرەك. قالا ـ قالاشىقتا جۇمىستاندىرۋدى ورنىقتى ارتتىرىپ، جۇمىسسىز قالۋ دەڭگەيىن ٴونىمدى مەڭگەرىپ، ەڭبەككە قاتىناسۋ سالىستىرماسىن نەگىزىنەن ورنىقتىرىپ، وسىزاماندانعان ادام كۇشى بايلىعىن جەدەل قالىپتاستىرىپ، جۇمىستاندىرۋعا الەۋمەتتىك قىزمەت وتەۋ جۇيەسىن اناعۇرلىم كەمەلدەندىرىپ، ورتا كىرىستى قاۋىمنىڭ كولەمىن ورنىقتى كەڭەيتىپ، قوعامدىق قامسىزداندىرۋدىڭ قامتۋ كولەمىن ۇزدىكسىز كەڭەيتىپ، ەڭبەكشىلەردىڭ جۇمىستانۋ ۇقىق ـ مۇددەسىن ٴونىمدى قورعاپ، بارلىق ادامنىڭ قاجىرلىلىقپەن قۇلشىنۋ ارقىلى وزىندىك دامۋدى جۇزەگە اسىرۋ ورايىنا يە بولۋىنا مۇمكىندىك جاساۋ كەرەك.
«پىكىردە» ەكونوميكالىق، قوعامدىق دامۋ مەن جۇمىستاندىرۋدى جەبەۋدىڭ سايكەسە بىرلەسىپ ارەكەتتەنۋىن ىلگەرىلەتۋ، قۇرىلىمدىق جۇمىستانۋ قايشىلىعىن كۇش سالا شەشۋ، ٴتۇيىندى قاۋىمنىڭ جۇمىستانۋىن قولداۋ جۇيەسىن كەمەلدەندىرۋ، جۇمىستانۋعا دالمە ـ ٴدال، جوعارى ٴونىمدى الەۋمەتتىك قىزمەت وتەۋ جۇيەسىن اقاۋسىزداندىرۋ، ەڭبەكشىلەردىڭ جۇمىستانۋ ۇقىق ـ مۇددەسىن قامتاماسىز ەتۋ دەڭگەيىن جوعارىلاتۋ، جوعارى ساپالى تولىق جۇمىستاندىرۋدى جەبەۋدىڭ قىزمەت بىرىككەن كۇشىن ۇيىستىرۋ سياقتى جاقتار جونىنەن 24 ٴتۇرلى ورنالاستىرۋ جاسالدى.
