پارتيانىڭ جالپى بەتتىك باسشىلىعىنا تاباندى بولدى جانە ونى كۇشەيتتى
— جاڭا جۇڭگو قۇرىلعاننان بەرگى 75 جىلدىق شۇعىلالى بارىستاعى تاجىريبەلەر مەن تولعانىستار جونىندە شولۋ (1)
شينحۋا اگەنتتىگىنىڭ تىلشىلەرى
ۋاقىت _ ەڭ وبيەكتيۆ كۋاگەر، سونداي ـ اق ەڭ ۇلى قالام تەربەۋشى.
75 جىلعى اۋمالى ـ توكپەلى جاعدايدا جۇڭگو كوممۋنيستىك پارتياسى جۇڭگو حالقىن باستاپ، ايبىنى اسقاق ەپوس جازدى، حالىق رەسپۋبليكاسىنىڭ تاريح پاراعىندا كوز تارتىپ تۇراتىن ۇلى ىستەردى سومدادى.
تاريح تۇمانىن كوكتەي وتكەن اقيقات مىنانداي ٴبىر بولاشاقتى اڭداتتى _
”جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس“.
تاۋلاردىڭ اسقاقتىعى قۇزار شىڭىنان كورىنەر —
پارمەندى ۇيتقى كۇش ـ قۋاتتى ۇيىستىرىپ، عىلمي نازاريا بەتالىس كورسەتتى
يرەلەڭدەگەن حۋاڭحى وزەنى ايالسىز جوڭكىلە اعۋدا.
حۋاڭحى وزەنىن تىزگىندەۋ تاريحى مەملەكەتتى باسقارۋ تاريحى دا بولىپ تابىلادى. ٴبىرقىدىرۋ ساندى مالىمەت سالىستىرماسىنان مىنانى ايقىن كورۋگە بولادى: جاڭا جۇڭگو قۇرىلۋدان بۇرىنعى 2500 جىلدان استام ۋاقىتتا حۋاڭحى وزەنىنىڭ تومەنگى اعارى ارناسىنان 1500 رەتتەن استام اسىپ، 26 رەت اعىن ارناسى وزگەرىپ، جاعالاۋداعى بۇقاراعا اۋىر ازاپ اكەلگەن؛ جاڭا جۇڭگو قۇرىلعاننان قازىرگە دەيىن حۋاڭحى وزەنى 70 نەشە جىل بويى شىلدەدەگى، كۇزگى ۇلكەن تاسقىندا بوگەتى بۇزىلماي، 20 جىلدان استام ۋاقىت اعىسى ۇزىلمەدى.
تەك جۇڭگو كوممۋنيستىك پارتياسىنىڭ باسشىلىعىندا سوتسياليستىك ٴتۇزىمنىڭ ابزالدىلىعىن ساۋلەلەندىرگەندە عانا، حۋاڭحى وزەنىن تىزگىندەۋدە ىرىقسىزدىقتان ىرىقتىلىققا دەيىنگى تاريحي بۇرىلىستى شىنايى جۇزەگە اسىرۋعا بولادى“، ـ دەپ تەرەڭ اتاپ كورسەتتى باس شۋجي شي جينپيڭ.
پارتيا 18 ـ قۇرىلتايىنان بەرى باس شۋجي شي جينپيڭ حۋاڭحى وزەنى بويىنداعى ولكە، اۆتونوميالى رايونداردى 30 نەشە رەت ىشكەرىلەي ارالاپ تەكسەرۋ جۇرگىزىپ، حۋاڭحى وزەنىن تىزگىندەۋ مەن ەل باسقارۋدىڭ تىعىز بايلانىسى جونىندە تەرەڭ تولعانىپ، جوعارى، ورتا، تومەنگى اعاردا ارناۋلى تاقىرىپتىق اڭگىمە ٴماجىلىسىن 3 رەت باسقارىپ اشىپ، حۋاڭحى وزەنىنىڭ كەنەرىنەن اسپاي اعۋىن ىلگەرىلەتۋدىڭ باياندى شاراسىن تەرەڭ جوسپارلادى. پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىندا ەكولوگيانى الدىمەن ويلاسۋ، جاسىل دامۋ سىندى جاڭا ٴداۋىردىڭ ”حۋاڭحى حورى“ جۇڭگونىڭ بايتاق دالاسىندا شىرقالۋدا.
تۋلاعان الىپ تولقىندار تىرەكتىڭ كۇشىن كورسەتەدى، ايبىندى تاۋلار اسقار شىڭىنا باعىنادى.
پارتيانىڭ ۇيتقىسىن جانە پارتيا ورتالىق كوميتەتىنىڭ بەدەلىن باتىل قورعاۋ _ پارتيانىڭ 100 جىلدىق كۇرەسىنىڭ ماڭىزدى تاريحي تاجىريبەسى، جۇڭگو كوممۋنيستىك پارتياسىنىڭ تابىسقا جەتە الۋداعى جانە ۇزدىكسىز تابىسقا جەتۋدەگى ٴتۇبىرلى ساياسي ابزالدىلىعى.
پارتيا 18 ـ قۇرىلتايىنان بەرى شي جينپيڭ جولداستى باستى ۋاكىل ەتكەن جۇڭگو كوممۋنيستەرى ۇلى كۇرەستى، ۇلى ينجەنەريانى، ۇلى ٴىستى، ۇلى ارماندى ٴبىر تۇتاس مەڭگەرىپ، پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋىلۋىن ىلگەرىلەتتى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى.
تاۋدىڭ ايباتتى بولۋى جوتاسىنان، ٴۇيدىڭ بەرىك بولۋى ارقالىعىنان.
جاڭا داۋىردەن بەرى جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى جانە دۇنيە جۇزىندە 100 جىلدا بولماعان زور وزگەرىس جاعدايىندا، باس شۋجي شي جينپيڭ ماركسيزمدىك ساياساتكەرگە، ويشىلعا، ستراتەككە ٴتان اسقاق جىگەرمەن، كورەگەندىكپەن، كەمەڭگەرلىكپەن بۇكىل پارتيانى، بۇكىل ارميانى، بۇكىل ەلدەگى ٴار ۇلت حالقىن وزىنە سەنىپ، ٴوزىن الۋەتتەندىرۋگە، تۋراشىلدىقتان اينىماي جاڭالىق اشۋعا باستاپ، ۇزاق ۋاقىتتان بەرى شەشۋدى ويلاساق تا شەشە الماي كەلگەن كوپتەگەن قيىن ماسەلەلەردى شەشتى، بۇرىن ىستەۋدى ويعا الساق تا ىستەي الماي كەلگەن كوپتەگەن ٴىرى ىستەردى ىستەدى، جۇڭحۋا ۇلتىنىڭ ۇلى گۇلدەنۋى بوگەۋ بەرمەيتىن تاريحي ۇردىسكە قادام تاستادى.
ۇلتتى گۇلدەندىرۋ جورىعىندا ٴارى پارمەندى ۇيتقىنىڭ جەتەكشىلىگى بولۋ، ٴارى عىلمي نازاريانىڭ جەتەكشىلىگى بولۋ كەرەك.
2020 ـ جىلى 9 ـ ايدىڭ 17 ـ كۇنى حۋناندا قىزمەت تەكسەرىپ جۇرگەن باس شۋجي شي جينپيڭ مىڭ جىلدىق وقۋ ورداسى يۋەلۋ شۋەيۋانىنا باردى. سەبەزگىلەگەن جاڭبىردا باس شۋجي شاتىر ۇستاپ توبە جيەگىندەگى ”شىندىقتى ٴىس جۇزىنەن ىزدەۋ“ دەگەن ماڭدايشالىققا كوز تاستاپ ۇزاق ويعا شومدى.
”كوممۋنيستىك پارتيا قالاي تابىسقا جەتتى؟ سول جىلدارداعى شىكۋمىندەگى، نانحۋ كولىندەگى سول قايىقتاعى 10 نەشە ادامنان بۇگىنگى وسى دەڭگەيگە جەتتىك. بۇل ارالىقتاعى جولدى، ٴسوز جوق، انىق ٴتۇسىنۋ، اقيقاتتى، ٴسوز جوق، جەرگىلىكتەندىرۋ كەرەك“.
جۇڭگو كوممۋنيستىك پارتياسىنىڭ نە ٴۇشىن ىسكەر بولۋى، جۇڭگوشا سوتسياليزمنىڭ نە ٴۇشىن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا.
ماۋ زىدۇڭ يدەياسى، دىڭ شياۋپيڭ نازارياسى، ”ۇشكە ۋاكىلدىك ەتۋ“ ماڭىزدى يدەياسى، عىلمي دامۋ كوزقاراسى، شي جينپيڭ جاڭا ٴداۋىر جۇڭگوشا سوتسياليزم يدەياسى، پارتيامىز باستان ـ اياق اماليات نەگىزىندەگى نازاريادا جاڭالىق اشۋدى ىلگەرىلەتۋگە تاباندى بولىپ، باستان ـ اياق پارتيانىڭ جاسامپاز نازارياسىمەن بۇكىل پارتيانى قارۋلاندىرۋعا، حالىقتى تاربيەلەۋگە تاباندى بولىپ، يدەيادا جاڭالىق اشۋ ارقىلى اماليات وزگەرىسىنە جەتەكشىلىك ەتىپ، پارتيا مەن مەملەكەت ىستەرىنىڭ ۇزدىكسىز جەڭىستەن جاڭا جەڭىسكە بەت الۋىن ىلگەرىلەتتى.
يدەيانى ازات ەتۋ، شىندىقتى ٴىس جۇزىنەن ىزدەۋ، داۋىرمەن بىرگە العا ىلگەرىلەۋ، شىندىققا جۇگىنىپ ناقتى ٴىس ىستەۋ.
”ەكى ۇشتاستىرۋدان“، ”التىعا، ٴسوز جوق، تاباندى بولۋدان” “وندى ايقىنداۋعا“، ”ون تورتكە تاباندى بولۋعا“، ” 13 جاقتاعى تابىسقا“ دەيىن شي جينپيڭ جاڭا ٴداۋىر جۇڭگوشا سوتسياليزم يدەياسى سىندى زامانىمىزداعى جۇڭگو ماركسيزمى، 21 ـ عاسىر ماركسيزمى جۇڭگو سۇراۋىنا، دۇنيە ٴجۇزى سۇراۋىنا، حالىق سۇراۋىنا، ٴداۋىر سۇراۋىنا تەرەڭ جاۋاپ بەرىپ، ۇلتتى گۇلدەندىرۋدىڭ ايبىندى جورىعىنا عىلمي جەتەكشىلىك ەتتى.
ۇيتقى _ كۇش، يدەيا _ تۋ.
پارتيانىڭ ٴۇشىنشى تاريحي قارارىندا مىنالار ايقىن اتاپ كورسەتىلدى: ”پارتيانىڭ شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرۋى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرۋى بۇكىل پارتيانىڭ، بۇكىل ارميانىڭ، بۇكىل ەلدەگى ٴار ۇلت حالقىنىڭ ورتاق تىلەگىن بەينەلەدى، بۇل جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋىنىڭ تاريحي ٴۇردىسىن ىلگەرىلەتۋ جونىنەن شەشۋشى مانگە يە“.
بۇل ”بۇرىن ٴبىزدىڭ نە ٴۇشىن تابىسقا جەتكەنىمىزدىڭ“ تەرەڭ قورىتىندىسى، سونداي ـ اق ”بولاشاقتا قايتكەندە ۇزدىكسىز تابىسقا جەتە الاتىندىعىمىزدىڭ“ ارەكەت باعدارناماسى.
بۇكىل دەنەنىڭ كۇشىن بىلەككە، بۇكىل بىلەكتىڭ كۇشىن ساۋساققا شوعىرلاندىرۋ —
قۋاتتى باسشىلىق قابىلەتى ەل باسقارۋدىڭ جالپـى بارىسىمەن، ٴار جاعىمەن ساباقتاستى
2021 ـ جىلى 9 ـ ايدىڭ 13 ـ كۇنى شانشيدە قىزمەت تەكسەرىپ جۇرگەن باس شۋجي شي جينپيڭ يۇيلينگە كەلىپ، ياڭجياگوۋ توڭكەرىستىك ەسكى جۇرتىن ارالادى.
70 نەشە جىلدىڭ الدىندا جۇڭگو كوممۋنيستىك پارتياسى ورتالىق كوميتەتىنىڭ ورگانى وسى اڭعاردا 120 كۇن تۇردى، ماۋ زىدۇڭ جولداس ىلگەرى وسى ارادا 40تان استام شىعارما جانە 80نەن استام تەلەگرامما جازىپ، بۇكىل ەلدىڭ ازاتتىق سوعىسىنا قولباسشىلىق ەتتى.
راديو ستانسياسى ەلەكتر تولقىنىمەن پارتيا ورتالىق كوميتەتىنىڭ ٴۇنى شانبەيدەگى جەر كەپەدەن چاڭجياڭ وزەنىنىڭ وڭتۇستىگى مەن سولتۇستىگىنە جەتكىزىلىپ، بۇكىل پارتيا، بۇكىل ارميا شارتسىز بۇيرىق اتقارىپ، قولباسشىلىققا قۇلاق اسىپ، شايقاس مايدانىندا بوگەۋ بەرمەس تەبىن بايقاتىپ، جاۋدى جەڭدى.
بۇگىنگى ارقىلى كەشەگىنى ەسكە العان باس شۋجي شي جينپيڭ بىلاي دەپ تەرەڭ اتاپ كورسەتتى: پارتيانىڭ باسشىلىعىنا باستان ـ اياق تاباندى بولىپ جانە ونى كەمەلدەندىرىپ، پارتيانىڭ عىلمي بيلىك جۇرگىزۋ، دەموكراتيالى بيلىك جۇرگىزۋ، زاڭ بويىنشا بيلىك جۇرگىزۋ دەڭگەيىن ۇزدىكسىز جوعارىلاتىپ، پارتيانىڭ جالپى جاعدايدى تۇگەل مەڭگەرەتىن، ٴار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرۋ كەرەك.
جاڭا جۇڭگو قۇرىلعان 75 جىلدان بەرى ٴبىر ـ بىرلەگەن شىندىق ”جۇڭگو كوممۋنيستىك پارتياسىنىڭ تەڭدەسسىز پارمەندى باسشىلىق قابىلەتى داۋىل تۇرىپ، نوسەر جاۋعان كەزدەگى جۇڭگو حالقىنىڭ ەڭ سەنىمدى تىرەگى“ ەكەندىگىن تالاسسىز دالەلدەدى.
بەرىك نىساناعا جەتەكشىلىك ەتۋ قابىلەتى مۇراتتان جازباي كۇرەس جۇرگىزۋ بەتالىسىن كورسەتتى _
”مەنىڭشە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ _ جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى“. 2012 ـ جىلى 11 ـ ايدىڭ سوڭىندا مەملەكەتتىك مۇراجايدىڭ «گۇلدەنۋ جولى» كورمەسىن ەكسكۋرسيالاعاندا باس شۋجي شي جينپيڭ وسىلاي دەپ سالتاناتتى جاريالادى.
جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن كوزدەۋ، جۇڭگو كوممۋنيستەرى وسى اۋەلگى ماقساتى مەن بورىشىنان باستان ـ اياق جازبادى. ايبىندى نىسانا ارقىلى باعدارعا جەتەكشىلىك ەتىپ، كۇش ـ قۋات ۇيىستىرعان جۇڭگو كوممۋنيستەرىنىڭ كوز اياسى كەڭ دە بەرىك.
جاڭا جۇڭگو قۇرىلعاننان كەيىن ”ٴتورتتى وسىزامانداندىرۋ“ ستراتەگياسى كەسكىندەلىپ، اسقاق سەزىم جالىنداعان كۇرەس جىلدارىن مازداتتى؛ رەفورما تولقىنى جوڭكىلگەن كەزدە، ” 3 قادامعا ٴبولىپ ٴجۇرۋ“ جول كارتاسى داۋىرگە ىلەسۋدىڭ جويقىن كۇشىن قاۋلاتتى؛ جاڭا داۋىرگە قادام تاستاعاندا جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتىپ، سان ميلليونداعان حالىقتىڭ جارقىن بولاشاققا قاراي ەرلىكپەن العا ىلگەرىلەۋىنە جەتەكشىلىك ەتتى.
”ۇلكەن ويدى” “شاعىن نىسانامەن“ ٴوزارا ۇشتاستىرعان جۇڭگو كوممۋنيستەرى باستان ـ اياق مۇرات ـ سەنىم تۋىن بيىك ۇستاپ، وسكەلەڭ ستراتەگيالىق سانالىلىقپەن العان بەتىنەن قايتپاي، ايالسىز قاداممەن العا ىلگەرىلەدى.
75 جىلدان بەرى پارتيامىز 14 رەتكى ”بەسجىلدىق جوبانى (جوسپار)“ ۇزدىكسىز جاساپ جانە اتقارىپ، ”اۆتوكولىك، ۇشاق، تانكى، تراكتور جاساي الماۋدان“ تەمىر جولدى چيڭحاي _ شيزاڭعا جەتكىزۋدى، كەمەجايدى بەس مۇحيتپەن تۇتاستىرۋدى، شىنجوۋدىڭ الەم كەڭىستىگىن شارلاۋىن، ”جۋرۇڭنىڭ“ مارستى بارلاۋىن جۇزەگە اسىرۋعا دەيىنگى تالاي ـ تالاي بەلگى ىسپەتتى جۇڭگو كەرەمەتتەرىن ساباقتاستىردى.
قۋاتتى ۇيىمدىق قابىلەت بۇكىل پارتيانىڭ ويدى ٴبىر اراعا شوعىرلاندىرۋىنا، كۇشتى ٴبىر اراعا جۇمساۋىنا شىنايى كەپىلدىك ەتتى _
”بەس دارەجەلى شۋجيلەر قاتار تۇرعان“ سۋرەت جۇڭگونىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدەگى شەشۋشى ٴتۇيىنىن اڭعارتتى:
2020 ـ جىلى 4 ـ اي، شانشي پيڭلي اۋدانى نۇيۋا فىڭحۋاڭ شاي كاسىبى وسى زامانعى ۇلگى كورسەتۋ باقشا اۋماعىندا باس شۋجي شي جينپيڭ كۇلىمسىرەي جۇمىس ۇستىندەگى شاي شارۋالارىنا قاراي ٴجۇردى. سۋرەتتە پارتيانىڭ باس شۋجيى، ولكەلىك پارتكوم شۋجيى، قالالىق پارتكوم شۋجيى، اۋداندىق پارتكوم شۋجيى، قىستاق پارتيا ياچەيكاسى شۋجيى ٴبىر ۋاقىتتا كەدەيلەردى سۇيەمەلدەۋ ٴبىرىنشى شەبىندە بوي كورسەتتى.
كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ شايقاس مايدانىندا پارتيا ورتالىق كوميتەتى بۇيرىق تۇسىرىسىمەن 255 مىڭ قىستاقتا تۇراتىن قىزمەت اترەتى، 3 ميلليوننان استام ٴبىرىنشى شۋجي جانە قىستاقتا تۇراتىن كادر قالىڭ اۋىل ـ قىستاق كادرلارىمەن بىرگە اتوي سالىپ ۇمتىلىپ، ادامزاتتىڭ كەدەيلىككە قارسى كۇرەسىنىڭ ۇلى امالياتىن جازدى.
پارتيانىڭ كۇشى ۇيىمنان كەلەدى. قاتاڭ ۇيىمدىق جۇيە ماركستىك ساياسي پارتيانىڭ ابزالدىلىق قاينارى، كۇش قاينارى.
75 جىلدان بەرى قان مەن ٴورت ارالاسقان امەريكا جيھانگەرلىگىنە قارسى تۇرىپ چاۋشيانعا كومەكتەسۋدەن مينۋت، سەكۋندتى قولدان بەرمەي جەر سىلكىنىسىنە قارسى اتتانىپ اپاتتان قۇتقارۋعا دەيىن، 100 جىلدا كەزدەسپەگەن ەرەكشە اۋىر تاسقىننان ورشەلەنە تاپ بەرگەن عاسىرلىق ىندەتكە دەيىن... ٴار رەتكى قيىن ـ قىستاۋ ساتتەردە پارتيا تۋىنىڭ نۇسقاعانى بۇيرىق بەتالىسى بولدى، ٴار دارەجەلى پارتيا ۇيىمدارى پارتيا ورتالىق كوميتەتىنىڭ ۇندەۋىنە باتىل ٴۇن قوسىپ، جاۋىنگەر قورعاندىق رولىن تولىق ساۋلەلەندىردى، قالىڭ پارتيا مۇشەلەرى مەن كادرلار ادىلەت جولىندا ەشتەڭەدەن ايانباي اتويلاپ الدا ٴجۇرىپ، قاراماققا مۇمكىن ەمەستەي كورىنەتىن تالاي ـ تالاي جۇڭگو كەرەمەتىن جاراتتى.
جوعارىدان تومەنگە دەيىنگى، جوعارى ٴونىمدى ٴارى ىركىلىسسىز ۇيىمدىق جۇيە بۇكىل پارتيادا جوعارىدان تومەنگە دەيىن ”بۇكىل دەنەنىڭ كۇشىن بىلەككە، بۇكىل بىلەكتىڭ كۇشىن ساۋساققا شوعىرلاندىرۋىنا، وزگەرىستەردى ەڭسەرىپ، ەش قيىندىققا بوگەلمەي، جۇدىرىقتاي جۇمىلۋىنا“ شىنايى كەپىلدىك ەتىپ، پارتيانىڭ ۇيىمدىق قۋاتىن مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدىڭ ٴار جاعىندا شىن مانىندە دايەكتىلەندىردى، تياناقتاندىردى.
جوعارى ٴونىمدى ارەكەت قابىلەتى تياناقتاندىرۋدى مىقتى يگەرۋ بارىسىندا قيالعا سالىنبادى، جاساندىلىققا بوي ۇرمادى _
بوحايمەن شەكتەسكەن، ”ٴۇش تەرىستىكتى“ باۋرايىنا العان، استانا ىرگەسىندەگى ماڭىزدى جەردە ”بولاشاق قالانىڭ“ نوبايى العاش رەت كەسكىندەلدى.
قىسقا عانا 7 جىلدان استام ۋاقىتتا شيۇڭان جاڭا رايونىنىڭ جوقتان بارلىققا كەلىپ دامۋى ٴدال جۇڭگو كوممۋنيستىك پارتياسىنىڭ قۋاتتى ارەكەت قابىلەتىنىڭ جاندى انىقتاماسى.
حالىقتى باستاپ ” 1 ـ بەسجىلدىق“ جوسپاردى الدىن الا نورمادان اسىرا ورىنداۋدان داچيڭ مۇناي الابى، قىزىل تۋ توعانى، ”ەكى بومبى، ٴبىر جاساندى سەرىك“ سياقتى ۇلى تابىستاردى جاراتۋعا دەيىن، ەكونوميكالىق ەرەكشە رايوننان ەركىن ساۋدا سىناق رايونىنا، ەركىن ساۋدا پورتىنا دەيىن، جۇڭگو كوممۋنيستىك پارتياسى تاسقا تاڭبا، تەمىرگە ٴىز قالدىرىپ، ۇلى جوسپاردى بىرتىندەپ ناقتى كورىنىسكە اينالدىردى.
”قۋاتتى ارەكەت قابىلەتى جۇڭگو كوممۋنيستىك پارتياسىنىڭ بيلىك جۇرگىزۋ قابىلەتىنىڭ ماڭىزدى بەينەسى، مۇنداي ارەكەت قابىلەتى قارقىن مەن سەرپىن سىندى ەكى جاقتا دا ايگىلەندى“، ـ دەدى يتاليا حالىقارالىق ماسەلە وقىمىستىسى جياڭ. اي. ۋالولي سۇيىنە.
بەتالىستى يگەرۋ، كەلەلى جاعدايدى جوسپارلاۋ، ساياسات بەلگىلەۋ، رەفورمانى جەبەۋ، ساياسي باسشىلىق قابىلەتى، يدەيالىق جەتەكشىلىك قابىلەتى، بۇقارالىق ۇيىمداستىرۋ قابىلەتى، قوعامدىق ۇندەۋ قابىلەتى، جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ٴتۇزىمنىڭ ەڭ ۇلكەن ابزالدىلىعى.
تەمىر سوقساڭ، قۇرىش بول —
قاجىماي ـ تالماي ۇلى ٴوز ـ وزىنە توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتتى
”بۇكىل پارتياداعى جولداستار، ٴسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاۋى، ٴسوز جوق، كىشى پەيىل، بايسالدى بولىپ، قاجىرلىلىقپەن كۇرەس جۇرگىزۋى، ٴسوز جوق، كۇرەس جۇرگىزۋگە باتىل، كۇرەس جۇرگىزۋگە شەبەر بولۋى كەرەك“.
2022 ـ جىلى 10 ـ ايدا باس شۋجي شي جينپيڭ پارتيا 20 ـ قۇرىلتايىندا ”ٴۇش ٴسوز جوق“ ارقىلى بۇكىل پارتياعا ەسكەرتۋ بەردى. 70 نەشە جىلدىڭ الدىندا ماۋ زىدۇڭ جولداس ”ەكى ٴسوز جوق“ ارقىلى بۇكىل پارتيانى ساقتاندىرعان بولاتىن.
”ەكى ٴسوز جوقتان” “ٴۇش ٴسوز جوققا“ دەيىن وزگەرمەگەنى _ جۇڭگو كوممۋنيستەرىنىڭ ”ەمتيحان تاپسىرۋ“ سەرگەكتىگى مەن تاباندىلىعىن ماڭگى ساقتاعاندىعى.
تەمىر سوقساڭ، قۇرىش بول. پارتيا تاريحىنا قايىرىلا قاراساق، پارتيامىز قاي ـ قاشان قوعامدىق توڭكەرىستى ىلگەرىلەتۋمەن بىرگە، ٴوز ـ وزىنە توڭكەرىس جاساۋدى ىلگەرىلەتۋگە باتىل بولىپ، پارتيانى جاپپاي قاتاڭ باسقارۋدىڭ ساياسي جەتەكشىلىك جانە ساياسي قامتاماسىزدىق رولىن تولىق ساۋلەلەندىرىپ، پارتيانىڭ قاسيەتىن ساقتاۋىنا، ٴتۇسىن وزگەرتپەۋىنە، سيپاتىن ساقتاۋىنا شىنايى كەپىلدىك ەتىپ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تاريحي ۇردىسىندە باستان ـ اياق پارمەندى باسشىلىق ۇيتقىعا اينالدى.
ساياسي جاقتان جەتەكشىلىك ەتۋگە باستان ـ اياق تاباندى بولىپ، بۇكىل پارتيانى ”بەرىك قۇرىش“ ەتىپ شىڭدادى _
2023 ـ جىلى 12 ـ ايدىڭ 27 ـ كۇنى جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسى» تولىعىمەن جاريالاندى، بۇل پارتيا 18 ـ قۇرىلتايىنان بەرى پارتيا ورتالىق كوميتەتىنىڭ وسى ەرەجەگە 3 ـ رەت وزگەرىس ەنگىزۋى.
وزگەرىس ەنگىزىلگەننەن كەيىنگى ەرەجە پارتيا 20 ـ قۇرىلتايىنىڭ پارتيانىڭ جالپى بەتتىك باسشىلىعىنا جانە پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولۋ جانە كۇشەيتۋ جونىندەگى ورنالاستىرۋلارىن، تالاپتارىن باتىل دايەكتىلەندىرىپ، تياناقتاندىرىپ، ساياسي ٴتارتىپ پەن ساياسي قاعيدانى ونان ارى قاتايتىپ، ٴتۇرلى ٴتارتىپتىڭ جاپپاي قاتاڭ بولۋىنا جەتەكشىلىك ەتتى.
پارتيانىڭ ساياسي قۇرىلىسى _ پارتيانىڭ ٴتۇبىرلى قۇرىلىسى، پارتيا قۇرىلىسىنىڭ بەتالىسى مەن ونىمدىلىگىن بەلگىلەيدى.
جاڭا جۇڭگو قۇرىلعاننان كەيىن ”ساياسي قىزمەت بارلىق ەكونوميكالىق قىزمەتتىڭ جان تامىرى“ دەگەندى العا قويۋدان رەفورما جاساعاننان، ەسىك اشقاننان كەيىن ”قاي ۋاقىتتا دا ساياسيدى دارىپتەۋىمىز كەرەك“ دەگەندى باسا دارىپتەۋگە دەيىن، پارتيانىڭ وزەكتى مىندەتىن ارقاۋ ەتىپ، پارتيا قۇرىلىسىن ساياسي جاقتان كۇشەيتۋ تالابىن باستان ـ اياق دايەكتىلەندىردى.
پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا داۋىردەگى پارتيا قۇرىلىسىنىڭ باس تالابىن العا قويىپ، پارتيانىڭ ساياسي قۇرىلىسىن ماڭداي الدى ورىنعا قويۋدى باسا دارىپتەپ، پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن قورعاۋدىڭ ٴتۇرلى ٴتۇزىمىن اقاۋسىزداندىرىپ، پارتيانىڭ ىنتىماعى، بىرلىگى ونان ارى بەكەمدەلىپ، ساياسي ەكولوگيا ۇزدىكسىز جاقساردى.
پارتيانىڭ ساياسي قۇرىلىسى ارقىلى ٴبىر تۇتاس جەتەكشىلىك ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، بۇكىل پارتيا ”بەرىك قۇرىش بولىپ“ ىنتىماقتاسىپ، بىركەلكى اياق الىسپەن العا ىلگەرىلەدى.
جۇيەلى شوعىرلاندىرۋعا باستان ـ اياق تاباندى بولىپ، ٴوز ـ وزىنە توڭكەرىس جاساۋدىڭ كەشەندى شاراسىن ويداعىداي جۇرگىزدى _
ٴوز ـ وزىنە توڭكەرىس جاساۋعا باتىل بولۋ، پارتيانى قاتاڭ باسقارۋ، قاتاڭ جونگە سالۋ _ پارتيامىزدىڭ ەڭ ايقىن قاسيەتى.
جاڭا جۇڭگو قۇرىلعاننان كەيىن ليۋ چيڭشان، جاڭ زىشاندى ٴولىم جازاسىنا بۇيىرعان ”رەسپۋبليكانىڭ شىرىكتەسۋگە قارسى تۇرۋداعى ٴبىرىنشى دەلوسىنان“ رەفورما جاساعاننان، ەسىك اشقاننان كەيىن ”ٴبىر جاعىنان، رەفورما جاساۋدى، ەسىك اشۋدى يگەرۋ، ەندى ٴبىر جاعىنان، شىرىكتەسكەندەردى جازالاۋدى يگەرۋگە“ تاباندى بولۋعا، ودان جاڭا داۋىردە ”مىڭداعان ادامدى رەنجىتسە دە، ٴبىر ميلليارد 400 ميلليون حالىقتىڭ ٴۇمىتىن اقتاۋداي“ باتىلدىقپەن، ارىنمەن اۋرۋدى ايىقتىرىپ، بىلىقپالىقتى وڭاۋعا دەيىن، شىرىكتەسۋگە قارسى تۇرۋ كۇرەسىنىڭ ۇستەم جەڭىسكە قول جەتكىزۋىن ىلگەرىلەتتى ٴارى ونى جاپپاي بەكەمدەدى...
75 جىلدان بەرى پارتيامىز پارتيانى قاتاڭ باسقارۋعا، قاتاڭ جونگە سالۋعا باستان ـ اياق تاباندى بولىپ، شىرىكتەسۋگە قارسى تۇرۋدىڭ، پاك، كىرشىكسىز ساياسي قۇرۋدىڭ ”كەشەندى شاراسىن“ قولدانىپ، پارتيانىڭ ٴوزىن ـ ٴوزى كىرشىكسىزدەندىرۋ، ٴوزىن ـ ٴوزى كەمەلدەندىرۋ، ٴوزىن ـ ٴوزى جاڭالاۋ، ٴوزىن ـ ٴوزى جوعارىلاتۋ قابىلەتىن ۇزدىكسىز كۇشەيتىپ، پارتيانىڭ قاۋلاعان ومىرشەڭدىك كۇشى مەن قۇدىرەتتى جاۋىنگەرلىك قۋاتىن ماڭگى ساقتاۋىنا شىنايى كەپىلدىك ەتتى.
ستيل قۇرىلىسى ارقىلى باستاما اشىپ، قامال الىپ، ورتالىقتىڭ 8 ٴتۇرلى بەلگىلەمەسى رۋحىن دايەكتىلەندىرۋدى، تياناقتاندىرۋدى ماڭىزدى تۇتقا ەتۋدەن ”جولبارىس سوعۋعا“، ”شىبىن قاعۋعا“، ”تۇلكى اۋلاۋعا“ كوپ جاقتان كۇش سالۋعا، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالاندىرا ىلگەرىلەتۋگە، ودان پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ٴتارتىپ قۇرىلىسىن جاپپاي ىلگەرىلەتۋگە دەيىن ٴتۇزىم قۇرىلىسىن ونىمەن ساباقتاستىردى...
جاڭا داۋىردەن بەرى ٴبىر قىدىرۋ ۇستانىمدا جاڭالىق اشۋ مەن امالياتتا جاڭالىق اشۋ پارتيا قۇرىلىسى سىندى جاڭا ۇلى ينجەنەريانى جاڭا كەزەڭگە ىلگەرىلەتىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىنە ـ ٴوزى توڭكەرىس جاساۋ جونىندەگى ماڭىزدى يدەياسىن قالىپتاستىرىپ، پارتيامىز وزىنە ـ ٴوزى توڭكەرىس جاساۋعا سۇيەنىپ تاريح پەريودىنان اتتاپ ٴوتۋدىڭ ”ەكىنشى جاۋابىن“ تاپتى.
كۇشىنەن قالدىرۋ مەن قۇرۋدى قاتار جۇرگىزۋگە باستان ـ اياق تاباندى بولىپ، پارتيا قۇرىلىسى ٴتۇزىمى رەفورماسىن ۇزدىكسىز ىلگەرىلەتتى _
2021 ـ جىلى 7 ـ ايدىڭ 1 ـ كۇنى باس شۋجي شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا پارتيامىز ”ٴبىرشاما كەمەلدى پارتيا ىشىندەگى زاڭ ـ ەرەجە جۇيەسىن قالىپتاستىردى“ دەپ اتاپ كورسەتتى.
جاڭا جۇڭگو قۇرىلعاننان كەيىن پارتيانىڭ ىنتىماعىن كۇشەيتۋ جونىندەگى قاراردى جاساۋدان رەفورما جاساعاننان، ەسىك اشقاننان كەيىن پارتيانىڭ ىشكى ساياسي تۇرمىسى جونىندەگى ٴبىر قىدىرۋ ولشەمدەردى العا قويۋعا، ودان جاڭا داۋىردە ٴبىر قىدىرۋ نەگىزدىك سيپاتتى پارتيا ىشىندەگى زاڭ ـ ەرەجەنى جاساۋعا، وعان وزگەرىس ەنگىزۋگە دەيىن پارتيانى جاپپاي قاتاڭ باسقارۋ جۇيەسى ونان ارى اقاۋسىزداندىرىلدى...
كۇللى دۇنيە جۇزىنە كوز جىبەرەر بولساق، ٴارقانداي ٴبىر باسقا ساياسي پارتيا جۇڭگو كوممۋنيستىك پارتياسى سياقتى پارتيانى قاتاڭ باسقارىپ، قاتاڭ جونگە سالعان ەمەس، جۇڭگو كوممۋنيستىك پارتياسى سياقتى پارتيانى جاپپاي قاتاڭ باسقارۋدىڭ وسىنشاما عىلمي دا قاتاڭ جۇيەسىن ورناتقان ەمەس.
2024 ـ جىلى 7 ـ ايدا پارتيا 20 ـ كەزەكتى ورتالىق كوميتەتى ٴۇشىنشى جالپى ماجىلىسىندە ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى قاۋلىسىندا» پارتيا قۇرىلىسى ٴتۇزىم رەفورماسىن ماڭىزدى ورىنعا قويىپ ٴبىر تۇتاس جوسپارلاپ، ۇزدىكسىز ىلگەرىلەتىپ، ٴبىر قىدىرۋ ناقتى ورنالاستىرۋلار جاسادى، بۇل پارتيانىڭ باسشىلىق ٴتۇزىم ابزالدىلىعىنىڭ ەل باسقارۋدىڭ ٴىس جۇزىندىك ونىمدىلىگىنە اناعۇرلىم ويداعىداي اينالۋىن ىلگەرىلەتۋ جونىنەن ماڭىزدى ٴمان الادى.
جاڭا جورىقتا ەكپىندەي ىلگەرىلەپ، جەلكەن جايىپ تاعى دا اتتاندى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيانىڭ جالپى بەتتىك باسشىلىعىنا باستان ـ اياق تاباندى بولعاندا جانە ونى كۇشەيتكەندە، ٴسوز جوق، بۇكىل پارتيانىڭ، بۇكىل ەلدەگى ٴار ۇلت حالقىنىڭ ىنتىماقتاسا كۇرەس جۇرگىزۋىنىڭ تەلەگەي كۇشىن ۇيىستىرۋعا، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا جاڭا اناعۇرلىم زور جەڭىسكە قول جەتكىزۋگە، جاڭا اناعۇرلىم زور كەرەمەتتەر جاراتۋعا بولادى.
(شينحۋا اگەنتتىگىنىڭ 9 ـ ايدىڭ 24 ـ كۇنى بەيجيڭنەن بەرگەن حابارى)
