جوعارى مەكتەپ وقۋشىلارىنىڭ باتىس بولىك ەرىكتى قىزمەت وتەۋ جوسپارى شينجياڭ ارناۋلى نىسانى قىزمەت اڭگىمە ٴماجىلىسى ۇرىمجىدە اشىلدى
باتىس بولىك جوسپارى ەرىكتىلەر قىزمەتىن ساياسي جانە جالپى جاعداي بيىگىنەن ىلگەرىلەتىپ، كورىكتى شينجياڭ قۇرۋعا جاستىق كۇشىن ۇستەۋ، پارمەندى تىرەك ازىرلەۋ كەرەك
ما شيڭرۇي، ادۇڭ ٴسوز سويلەدى، ەركىن تۇنياز باسقاردى، حى جۇڭيوۋ، جاڭ جۋ قاتىناستى
9 - ايدىڭ 27 - كۇنى جوعارى مەكتەپ وقۋشىلارىنىڭ باتىس بولىك ەرىكتى قىزمەت وتەۋ جوسپارى شينجياڭ ارناۋلى نىسانى قىزمەت اڭگىمە ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، جاستار وداعى ورتالىق كوميتەتى شۋجيچۋىنىڭ ءبىرىنشى شۋجيى ادۇڭ ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 9 ـ ايدىڭ 28 ـ كۇنى ۇرىمجىدەن حابارلايدى. 9 ـ ايدىڭ 27 ـ كۇنى تۇستەن كەيىن جوعارى مەكتەپ وقۋشىلارىنىڭ باتىس بولىك ەرىكتى قىزمەت وتەۋ جوسپارى شينجياڭ ارناۋلى نىسانى قىزمەت اڭگىمە ٴماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي، جاستار وداعى ورتالىق كوميتەتى شۋجيچۋىنىڭ ٴبىرىنشى شۋجيى ادۇڭ ماجىلىسكە قاتىناستى ٴارى ٴسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى.
ماجىلىستە اۆتونوميالى رايوندىق جاستار وداعى كوميتەتىندەگى قاتىستى جاۋاپتى جولداس جوعارى مەكتەپ وقۋشىلارىنىڭ باتىس بولىككە ەرىكتى قىزمەت وتەۋ جوسپارى شينجياڭ ارناۋلى نىسانىنىڭ جالپى تۇلعالىق جاعدايى جانە كەلەسى قادامداعى قىزمەت ويلارى جونىندە مالىمەت بەردى. باتىس بولىك جوسپارى ەرىكتىلەرىنىڭ ۋاكىلدەرى شۇي سان، گاۋ چاۋ، چيان لۇڭ، ياڭ شياۋلياڭ، ياڭ شياۋحۋا، سۇي جىنچياڭ، ۋاڭ جۇنياڭ، فۋ حۇيپيڭ، ەرىكتىلەر قىزمەت وتەگەن ورىنداردىڭ ۋاكىلى ۋاڭ يۇنجۋاڭ ٴسوز سويلەپ، شينجياڭنىڭ نەگىزگى ساتىلارىنا كەلىپ قىزمەت ىستەگەندەگى كوڭىل كۇيلەرىن جانە تابىستارىن، اسەرلەرىن ٴبولىسىپ، بورىشتى ادا ەتىپ، شەكارا وڭىرگە ۇلەس قوسۋ بەرىك بەكىمدەرىن ٴبىلدىردى. وقۋ ـ اعارتۋ مينيسترلىگىندەگى، قازىنا مينيسترلىگىندەگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى قاتىستى جولداستار پىكىر اۋىستىرىپ ٴسوز سويلەپ، كەلەسى قادامداعى قىزمەتتەردى اناعۇرلىم ويداعىداي ىستەۋ جونىندە پىكىر ـ ۇسىنىستاردى العا قويدى.
كوپشىلىكتىڭ ٴسوزىن تىڭداعاننان كەيىن، ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان ۇزاق ۋاقىتتان بەرى شينجياڭ قىزمەتىنە كوڭىل ٴبولىپ، قولداۋ كورسەتىپ كەلگەن كوممۋنيستىك جاستار وداعى ورتالىق كوميتەتىنە جانە وقۋ ـ اعارتۋ مينيسترلىگىنە، قازىنا مينيسترلىگىنە، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنە، شينجياڭدا قالتقىسىز ۇلەس قوسىپ كەلگەن باتىس بولىك جوسپارى ەرىكتىلەرىنە شىن جۇرەكتەن العىس ايتتى. ول بىلاي دەدى: كوممۋنيستىك جاستار وداعى ورتالىق كوميتەتى باس شۋجي شي جينپيڭنىڭ جاس ەرىكتىلەر قىزمەتى جونىندەگى ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرىن، ورنالاستىرۋلارىن باتىل تياناقتاندىرىپ، قالىڭ جاستاردى باتىس بولىكتەگى كەڭ ـ بايتاق دالادا قابىلەتتەرىن ايگىلەپ، ۇلەس قوسۋعا، ەڭبەك كورسەتۋگە جۇمىلدىردى. 21 جىلدان بەرى، باتىس بولىك جوسپارى ەرىكتىلەرى توپ ـ توبىمەن شينجياڭعا كەلىپ ۇلەس قوسىپ، شينجياڭدا ەسەيىپ، شينجياڭدا قالىپ دامىپ، شينجياڭنىڭ رەفورما، دامۋ، ورنىقتىلىق ىستەرىنە بەلسەنە ات سالىسىپ، قوعام ورنىقتىلىعى مەن باياندى تىنىشتىقتى جۇزەگە اسىرۋدى ىلگەرىلەتۋگە ماڭىزدى ۇلەس قوستى.
ما شيڭرۇي بىلاي دەپ اتاپ كورسەتتى: جوعارى مەكتەپ وقۋشىلارىنىڭ باتىس بولىك ەرىكتى قىزمەت وتەۋ جوسپارىنىڭ شينجياڭ ارناۋلى نىسانىن اتقارۋ _ پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، جاڭا داۋىردە باتىس بولىكتى قاۋىرت اشۋدى اناعۇرلىم ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ جاڭا جورىعىندا شينجياڭ قىزمەتىن تىڭعىلىقتى تۇردە ويداعىداي ىستەۋدەگى ماڭىزدى شارا. جەر ـ جەر، تاراۋلار وسى قىزمەتتىڭ ماڭىزدىلىعى مەن كوكەي تەستىلىگىن تەرەڭ تانىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋ سىندى جالپى جاعداي بيىگىندە تۇرىپ، جۇيەلى جوسپارلاپ، ىشكەرىلەي ىلگەرىلەتىپ، ناقتى ونىمدىلىككە قول جەتكىزۋگە شىنايى كەپىلدىك ەتۋى كەرەك. ۇيىمدىق باسشىلىقتى كۇشەيتىپ، قىزمەت مەحانيزمىن اقاۋسىزداندىرىپ، قابىلداۋ، باسقارۋ، باۋلۋ، ىستەتۋ، شينجياڭدا الىپ قالۋ سياقتى جالپى بارىستىق قىزمەتتى ٴبىر تۇتاس جوسپارلاپ ويداعىداي ىستەپ، جالپى تۇلعالىق ونىمدىلىكتى ۇزدىكسىز جوعارىلاتۋ كەرەك. شينجياڭنىڭ سۇرانىسىن يگەرىپ، ادام مەن قىزمەت ورنىنىڭ دالمە ـ ٴدال سايكەسۋىن كۇشەيتىپ، وڭتۇستىك شينجياڭعا بەيىمدەۋگە، نەگىزگى ساتىعا بەيىمدەۋگە باسا ٴمان بەرىپ، وقۋ ـ اعارتۋ، ەمدەۋ، نەگىزگى ساتىنى باسقارۋ، كاسىپ سالاسىن دامىتۋ سياقتى ٴتۇيىندى سالالارعا بەيىمدەپ، باتىس بولىك جوسپارى ەرىكتىلەرىنىڭ رولىن مۇمكىندىگىنشە ساۋلەلەندىرۋ كەرەك. قامقورلىق جاساۋدى، ىنتالاندىرۋدى كۇشەيتىپ، قىزمەت وتەۋدى، قامتاماسىزداندىرۋدى ساپالىلاندىرىپ، قيىنشىلىقتاردى، ماسەلەلەردى دەر كەزىندە شەشىپ، قالىڭ جاستاردىڭ جاقسى سىرلاسى، جان اشىرى، جول باستاۋشىسى بولۋ كەرەك. جاڭا جورىقتا شينجياڭنىڭ جوعارى ساپالى دامۋىنىڭ بولاشاعى كەڭ، باتىس بولىك جوسپارى ەرىكتىلەرى زور ىسكەرلىك كورسەتە الادى. كوپشىلىكتىڭ باس شۋجي شي جينپيڭنىڭ تاپسىرماسىن ەستە بەرىك ساقتاپ، ەرىكتىلەر رۋحىن اسقاقتاتىپ، وتانشىلدىق سۇيىسپەنشىلىكتى، وتان ٴۇمىتىن اقتاۋ جىگەرىن، قۋاتتى ەل قۇرۋ تىلەگىن شينجياڭعا قىزمەت وتەۋ قىزمەتىمەن توعىستىرىپ، امالياتتىق شىڭدالۋدى كۇشەيتىپ، قابىلەتتەرىن قۇلشىنا جوعارىلاتىپ، شىنايى دارىن، ناقتى ونەرمەن نەگىزگى ساتىعا تامىر تارتىپ، بۇقاراعا قىزمەت وتەپ، كورىكتى شينجياڭدى كوركەيتۋ بارىسىندا ەرلىكپەن كۇرەس جۇرگىزىپ، ۇلەس قوسۋدى مۇرات ەتىپ، ٴومىر قۇندىلىعىن جۇزەگە اسىرۋىن ٴۇمىت ەتەمىن.
ادۇڭ مىنالاردى ٴبىلدىردى: جوعارى مەكتەپ وقۋشىلارىنىڭ باتىس بولىك ەرىكتى قىزمەت وتەۋ جوسپارى اتقارىلعان 21 جىلدان بەرى بەلسەندى ونىمدىلىكتەرگە قول جەتكىزىپ، الدەقاشان ساياسي ينجەنەرياعا، ادام تاربيەلەۋ ينجەنەرياسىنا، حالىق تۇرمىسى ينجەنەرياسىنا، ۇلتتار ىنتىماعى ينجەنەرياسىنا اينالدى. باتىس بولىك جوسپارى شينجياڭ ارناۋلى نىسانىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋدە يدەيا مەن ارەكەتتى باس شۋجي شي جينپيڭنىڭ ٴبىر قىدىرۋ جەلىلەس ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ تالابىمەن شىنايى بىرلىككە كەلتىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ىشكەرىلەي دايەكتىلەندىرىپ، شينجياڭعا قىزمەت وتەۋ قىزمەتى مەن جاستاردىڭ اقاۋسىز ەسەيۋىنە جەتەكشىلىك ەتۋدىڭ ورگانيكالى بىرلىگىن ىلگەرىلەتىپ، باتىس بولىك جوسپارى شينجياڭ ارناۋلى نىسان قىزمەتىنىڭ ساياسي ونىمدىلىگىن، قوعامدىق ونىمدىلىگىن ۇزدىكسىز جوعارىلاتۋ كەرەك. شي جينپيڭ جاڭا ٴداۋىر جۇڭگوشا سوتسياليزم يدەياسى ارقىلى رۋح سومداۋعا، ادام تاربيەلەۋگە تاباندى بولىپ، ٴار ۇلت جاستارىنا، ورەندەرىنە جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ جاندى امالياتىن ويداعىداي بايانداپ، توراڭعى رۋحىن، بيڭتۋان رۋحىن جالعاستىرىپ، شينجياڭداعى ٴار ۇلت جاستارىنىڭ، ورەندەرىنىڭ پارتيانىڭ سوزىنە قۇلاق اسۋ، پارتياعا ىلەسۋ يدەيالىق نەگىزىن بەكەمدەۋ كەرەك. جۇڭحۋا ۇلتى ورتاق تۇلعا تانىمىن بەكەمدەۋ تاربيەسىن ناقتى، جاندى، ٴونىمدى ورىستەتىپ، جاستار مەن ورەندەر بويىنشا ۇلتتار ىنتىماعىنداعى ”ٴجۇز، مىڭ، ون مىڭ“ ينجەنەرياسىن ىشكەرىلەي اتقارىپ، ٴار ۇلت جاستارى مەن ورەندەرىنىڭ ارالاسۋىن، ىشتەسۋىن، توعىسۋىن جەبەپ، ٴار ۇلت جاستارى مەن ورەندەرىن پارتيانىڭ توڭىرەگىنە تىعىز ىنتىماقتاستىرۋ كەرەك. وزەكتى ارقاۋ ەتىپ، كەلەلى جاعدايعا قىزمەت وتەپ، شينجياڭنىڭ ”توعىز ٴىرى كاسىپ سالاسى شوعىرى“، ەركىن ساۋدا سىناق رايونى قۇرىلىسى سياقتى قىزمەتتەرىمەن تىعىز بايلانىستىرىپ، ”جاستىقتىڭ“ ماركالىق رولىن ساۋلەلەندىرىپ، بيڭتۋان مەن جەرگىلىكتى ورىنداعى كوممۋنيستىك جاستار وداعىنىڭ ٴتۇيىلىسۋىن، سايكەسۋىن كۇشەيتىپ، دانەكەر نىسانداردى كەڭەيتىپ، ٴتىپتى دە كوپ جاس دارىندىنى شينجياڭعا كەلۋگە، شينجياڭدا تامىر تارتۋعا جەتەكتەۋ كەرەك. باسقارۋ، قىزمەت وتەۋ جۇيەسىن كەمەلدەندىرىپ، ەرىكتىلەرگە شىن مانىندە كوڭىل ٴبولىپ، قامقورلىق جاساپ، قىزمەت ٴتارتىبىن قاتايتىپ، فورماشىلدىقتان ساقتانۋ كەرەك. باتىس بولىك جوسپارى ەرىكتىلەرىنىڭ مۇرات جەلكەنىن كەڭ جايىپ، شىنايى قابىلەت شىڭداپ، ٴداۋىر بورىشىن باتىلدىقپەن ارقالاپ، مۇراتتى، باتىلدىقپەن جاۋاپكەرشىلىك ارقالايتىن، جاپا ـ ماشاقاتقا شىدامدى، كۇرەس جۇرگىزۋدى قالايتىن جاڭا ٴداۋىردىڭ جاقسى جاستارى بولۋىن، جاستىق كوكتەمدەرىن شينجياڭ سىندى وسىناۋ ىستىق توپىراقتا قۇلپىرتىپ، جۇڭگو ۇلگىسىندەگى وسىزامانداندىرۋ ٴۇشىن باتىلدىقپەن جاۋاپكەرشىلىك جانە بورىش ارقالايتىن جاستىق تاراۋىن قۇلشىنا جازۋىن ٴۇمىت ەتەمىن.
جاستار وداعى ورتالىق كوميتەتىندەگى جانە وقۋ ـ اعارتۋ مينيسترلىگىندەگى، قازىنا مينيسترلىگىندەگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى قاتىستى جولداستار ماجىلىسكە قاتىناستى.
ۋاڭ جيانشين، قادەن كابەن، ۋاڭ لين، اۆتونوميالى رايوندىق حالىق قۇرىلتايى تۇراقتى كوميتەتىندەگى، ساياسي كەڭەستەگى، بيڭتۋانداعى قاتىستى باسشىلار، اۆتونوميالى رايوننىڭ جانە بيڭتۋاننىڭ قاتىستى ورىندارىنداعى جاۋاپتى جولداستار، باتىس بولىك جوسپارى ەرىكتىلەرىنىڭ ۋاكىلدەرى، ت. ب ماجىلىسكە قاتىناستى. ٴارقايسى ايماق، وبلىس، قالادا، اۋدان، قالا، رايوندا جانە بيڭتۋاننىڭ ٴارقايسى شى، قالاسىندا، تۋان ـ الاڭدارىندا بولىمشە ٴماجىلىس الاڭى ورنالاستىرىلدى.
