”شينجياڭنىڭ ەلەكترىن سىرتقا جەتكىزۋ“ 4 ـ ارناسى ەلەكتر كوزى نىسانىنىڭ قۇرىلىسى چارقىلىقتا باستالدى
ما شيڭرۇي قيمىلعا قاتىناستى ٴارى نىسان قۇرىلىسىنىڭ باستالعاندىعىن جاريالادى
ەركىن تۇنياز، ليۋ ۋيپيڭ ارناۋ ٴسوز سويلەدى
9 - ايدىڭ 28 - كۇنى سانشيا توبى قارجى قوسىپ سالاتىن ”شينجياڭنىڭ ەلەكترىن سىرتقا جەتكىزۋ“ 4 - ارناسىنىڭ ەلەكتر كوزى نىسانى قۇرىلىسى بايىنعولين موڭعۇل اۆتونوميالى وبلىسىنىڭ چارقىلىق اۋدانىندا باستالدى. سۋرەتتە: اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، سانشيا توبىنىڭ القا باستىعى ليۋ ۋيپيڭ، سانشيا توبىنىڭ باس ديرەكتورى لي فۋمين نىسان قۇرىلىسىنىڭ تۇساۋىن بىرگە كەستى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 9 ـ ايدىڭ 28 ـ كۇنى چارقىلىقتان حابارلايدى. 9 ـ ايدىڭ 28 ـ كۇنى تۇستەن بۇرىن سانشيا توبى قارجى قوسىپ سالاتىن ”شينجياڭنىڭ ەلەكترىن سىرتقا جەتكىزۋ“ 4 ـ ارناسى ەلەكتر كوزى نىسانى قۇرىلىسى بايىنعولين موڭعۇل اۆتونوميالى وبلىسىنىڭ چارقىلىق اۋدانىندا باستالدى. اۆتونوميالى رايوندىق پارتكومنىڭ شۋجيى ما شيڭرۇي قيمىلعا قاتىناستى ٴارى نىسان قۇرىلىسىنىڭ باستالعاندىعىن جاريالادى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، سانشيا توبىنىڭ القا باستىعى ليۋ ۋيپيڭ قيمىلعا قاتىناستى ٴارى ارناۋ ٴسوز سويلەدى.
”شينجياڭنىڭ ەلەكترىن سىرتقا جەتكىزۋ“ 4 ـ ارناسىنا مولشەرمەن جالپى 100 ميلليارد يۋان قارجى قوسىلعان. وسى رەتكى قۇرىلىس باستاعان ەلەكتر كوزى نىسانى _ وڭتۇستىك شينجياڭداعى تۇڭعىش 10 ميلليون كيلوۆاتتىق دەڭگەيدەگى ”قۇمدى ٴشول، قۇبا ٴتۇز، ٴشول دالا“ سىرتقا جەتكىزۋ نىسانى، جوسپارلانعان جالپى گەنەراتور اگراگاتتارىنىڭ سيىمدىلىعى مولشەرمەن 19 ميلليون كيلوۆات بولىپ، كەيىن سىچۋانعا، چۇڭچيڭگە ەلەكتر جەتكىزۋدى پارمەندى قامتاماسىز ەتەدى. نىسان سالىنىپ بولىپ وندىرىسكە قوسىلعان سوڭ، شينجياڭنىڭ سىچۋانعا، چۇڭچيڭگە جەتكىزەتىن جاسىل ەلەكترىنىڭ ۇستايتىن سالىستىرماسى %60تەن اسادى، كەشكى قاۋىرت مەزگىلدە 5 ميلليون كيلوۆات سەنىمدى ەلەكتر تىرەگىمەن قامدايدى. مەملەكەتتىك دامۋ جانە رەفورما كوميتەتىنىڭ، ەنەرگيا مەكەمەسىنىڭ بار كۇشپەن قولداۋىندا جانە شينجياڭداعى ٴار دارەجەلى ورىنداردىڭ بىرگە قۇلشىنۋىندا، وسى نىسان مەملەكەتتىڭ جوباسىنا ەنگىزىلۋدەن سايكەستى ەلەكتر كوزى بەكىتۋدەن وتكەنگە دەيىن نە بارى 266 كۇن ۋاقىت جۇمسالىپ، بۇكىل مەملەكەت بويىنشا ”قۇمدى ٴشول، قۇبا ٴتۇز، ٴشول دالا“ ٴىرى بازاسى جانە سايكەستى ەلەكتر كوزى جوباسىنىڭ بەكىتۋدەن ەڭ تەز ٴوتۋ رەكوردى جاراتىلدى.
ەركىن تۇنياز ارناۋ سوزىندە بىلاي دەدى: باس شۋجي شي جينپيڭ شينجياڭنىڭ بايلىق ارتىقشىلىعىن، وڭىرلىك ورىن باسىمدىعىن جانە كاسىپ سالاسى نەگىزىن تياناق ەتە وتىرىپ، شينجياڭ ەرەكشەلىگىن جانە باسىمدىعىن ايگىلەيتىن وسىزاماندانعان كاسىپ سالاسى جۇيەسىن جەدەل قۇرۋعا زور ٴۇمىت ارتتى. شينجياڭ پارتيا ورتالىق كوميتەتى تۇراقتاندىرعان ”ٴۇش بازا، ٴبىر ارنا“ رەتىندە، مەملەكەتتىڭ قاجەتىن، شينجياڭنىڭ قابىلەتىن تياناق ەتە وتىرىپ، ”شينجياڭنىڭ ەلەكترىن سىرتقا جەتكىزۋدى“ جەدەل ىلگەرىلەتىپ، ەلەكتر جەتكىزۋ كولەمى بۇكىل ەلدەگى 20 ولكە، اۆتونوميالى رايون، توتە قاراستى قالانى قامتىدى، جاڭا ەنەرگيانىڭ ۇستايتىن سالىستىرماسى %30كە جۋىق بولىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋعا شينجياڭ ۇلەسىن قوستى. قازىر شينجياڭ مەملەكەتتىڭ جالپى جاعدايىنداعى ستراتەگيالىق ورنىن كوزدەپ، ”توعىز ٴىرى كاسىپ سالاسى شوعىرىن“ جەدەل قۇرىپ، جاڭاشا ەلەكتر قۋاتى جۇيەسى قۇرىلىسىن بار كۇشپەن ىلگەرىلەتىپ، ەنەرگيا بايلىعى باسىمدىعىن كادەگە جاراتۋدى ۇزدىكسىز ىلگەرىلەتىپ، مەملەكەتتىڭ ستراتەگيالىق جالپى جاعدايىنا اناعۇرلىم ويداعىداي قىزمەت وتەۋدە. سانشيا توبىنىڭ شينجياڭنىڭ ەكونوميكالىق، قوعامدىق دامۋىنا بۇرىنعىداي قولداۋ كورسەتىپ، شينجياڭدا قارجى قوسۋ تەبىنىن ۇزدىكسىز ارتتىرىپ، نىسان قۇرىلىسى اياق الىسىن بار كۇشپەن جەدەلدەتىپ، ەرتە سالىپ بولۋعا، ەرتە وندىرىسكە قوسۋعا، ەرتە ونىمدىلىككە جەتكىزۋگە شىنايى كەپىلدىك ەتۋدى ٴۇمىت ەتەمىز. ٴبىز بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن ۇزدىكسىز تۇلعالاپ، كاسىپورىنداردىڭ شينجياڭدا دامۋىنا، شينجياڭعا كەلىپ قارجى قوسۋىنا مىعىم قامتاماسىزدىق ازىرلەيمىز.
ليۋ ۋيپيڭ مىنالاردى ٴبىلدىردى: ”شينجياڭنىڭ ەلەكترىن سىرتقا جەتكىزۋ“ 4 ـ ارناسى ەلەكتر كوزى نىسانى _ باس شۋجي شي جينپيڭنىڭ جاڭاشا ەنەرگيا جۇيەسىن جەدەل قۇرۋ، وسىزاماندانعان كاسىپ سالاسى جۇيەسىن جەدەل ورناتۋ جونىندەگى ماڭىزدى تالابىن تياناقتاندىراتىن كەلەلى ينجەنەريا، شينجياڭنىڭ مەملەكەتتىڭ ەنەرگيا بايلىعى جاعىنداعى ستراتەگيالىق قامتاماسىزدىق بازاسىن تۇلعالاۋىنا، جاسىل، جاڭادان گۇلدەنگەن كاسىپ سالاسىنىڭ وڭتۇستىك شينجياڭعا قاراي شوعىرلانۋىن جەتەكتەۋگە، جاڭاشا ەلەكتر قۋاتى جۇيەسىن جەدەل ورناتۋعا، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە ماڭىزدى تىرەك ازىرلەيدى. بۇگىنگى تاڭداعى شينجياڭدا بايلىق جانە وڭىرلىك ورىن باسىمدىعى جەدەل جارىققا شىعىپ، جوعارى ساپالى دامۋدىڭ ارىنى تەبىندەپ، شارۋاشىلىق ـ ساۋدا ورتاسى ۇزدىكسىز ساپالىلانىپ، مەملەكەت مەنشىگىندەگى مال ـ مۇلىككە، ورتالىق كاسىپورىندارىنا كەڭ ساحنا ازىرلەدى. سانشيا توبى ورتالىق كاسىپورنىنىڭ جاۋاپكەرشىلىك ارقالاۋىن اناعۇرلىم كۇشەيتىپ، جوعارى ولشەم، جوعارى ونىمدىلىك، جوعارى ساپامەن نىسان قۇرىلىسىن جەدەلدەتىپ، شينجياڭنىڭ ”توعىز ٴىرى كاسىپ سالاسى شوعىرى“ قۇرىلىسىنا بەلسەنە ات سالىسىپ جانە توعىسىپ، جاڭا داۋىردەگى ورتالىق كاسىپورىندارى مەن جەرگىلىكتى ورىندار سەلبەستىگىنىڭ جاڭا ۇلگىسىن قۇلشىنا تۇلعالاپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە تىڭ دا اناعۇرلىم زور ۇلەس قوسادى.
سانشيا توبىنىڭ قاتىستى جاۋاپتىسى نىسان جاعدايىنان مالىمەت بەردى، بايىنعولين وبلىستىق پارتكومداعى نەگىزگى جاۋاپتى جولداس لەبىز ٴبىلدىردى.
چىن ۋيجۇن قۇرىلىس باستاۋ قيمىلىن باسقاردى. ٴيۇسۇپجان مامەت جانە اۆتونوميالى رايوندىق ۇكىمەتتىڭ، ساياسي كەڭەستىڭ، بيڭتۋاننىڭ قاتىستى باسشىلارى، سانشيا توبىنىڭ قاتىستى قىزمەتكەرلەرى، اۆتونوميالى رايوننىڭ ٴبىر ٴبولىم ورىندارىنداعى جانە ورتالىقتىڭ شينجياڭدا تۇراتىن قاتىستى كاسىپورىندارىنداعى جاۋاپتى جولداستار، ايماق، وبلىس، قالالارداعى سالاعا جاۋاپتى جولداستار، قۇرىلىستى سالۋشىلار ۋاكىلدەرى قيمىلعا قاتىناستى.
قۇرىلىس باستاۋ قيمىلىنان كەيىن ما شيڭرۇي، ەركىن تۇنياز قاتارلىلار چارقىلىق 750 كيلوۆولتتىق كەرنەۋ وزگەرتۋ پۋنكتىنىڭ جاڭادان سالىنعان ينجەنەريا قۇرىلىسى الاڭىنا كەلىپ قۇرىلىس جاعدايى جونىندەگى تانىستىرۋدى تىڭداپ، كەلەلى نىسانداردى ىلگەرىلەتۋ قىزمەتىنە ناقتى ورىندا تەكسەرۋ ـ زەرتتەۋ جۇرگىزدى. ما شيڭرۇي بىلاي دەپ باسا دارىپتەدى: باس شۋجي شي جينپيڭنىڭ مەملەكەتتىڭ ەنەرگيا حاۋىپسىزدىگى جونىندەگى ماڭىزدى بايىمداۋلارىنىڭ جانە شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، مەملەكەت ەنەرگيا حاۋىپسىزدىگىنىڭ جاڭا ستراتەگياسىنا قىزمەت وتەۋدىڭ كەلەلى جاۋاپكەرشىلىگىن باتىل ارقالاپ، نازاردى مەملەكەتتىڭ ەنەرگيا بايلىعى جاعىنداعى ستراتەگيالىق قامتاماسىزدىق بازاسىن قۇرۋعا شوعىرلاندىرىپ، ەنەرگيا بايلىعىنىڭ كومەسكى كۇشىن جارىققا شىعارۋدى ۇزدىكسىز ىلگەرىلەتىپ، ەرەكشەلىككە، باسىمدىققا يە كاسىپ سالاسى شوعىرىن زورايتىپ، كۇشەيتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە ۇلەس قوسۋ دەڭگەيىن ۇزدىكسىز جوعارىلاتۋ كەرەك. ”شينجياڭنىڭ ەلەكترىن سىرتقا جەتكىزۋ“ 4 ـ ارناسى ەلەكتر كوزى نىسان قۇرىلىسىن وراي ەتىپ، سىرتقا جەتكىزۋ ارناسىن جەدەل قۇرۋدى، سىرتقا جەتكىزۋ كولەمىن ورنىقتى كەڭەيتۋدى بەلسەنە ىلگەرىلەتىپ، شينجياڭنىڭ بايلىعىنىڭ جانە كاسىپ سالاسىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن شىنايى ساۋلەلەندىرۋ كەرەك. نازاردى جاڭاشا ەلەكتر قۋاتى جۇيەسىن قۇرۋعا شوعىرلاندىرىپ، تارىم ويپاتىن اينالعان 750 كيلوۆولتتىق اينالما تورى سياقتى كەلەلى ەلەكتر قۋاتى ينجەنەريا قۇرىلىسىن جەدەلدەتىپ، تاكلاماكان ٴشول جيەگى توسقاۋىل شايقاسىن ىلگەرىلەتۋمەن ۇشتاستىرىپ، تازا ەنەرگيانى زور كۇشپەن دامىتىپ، وڭتۇستىك شينجياڭنىڭ جوعارى ساپالى دامۋىنا پارمەندى تىرەك بولۋ كەرەك. نازاردى تۇتاس جىلداعى ەكونوميكالىق، قوعامدىق دامۋ نىسانا ـ مىندەتتەرىن ورىنداۋعا شوعىرلاندىرىپ، ٴتيىمدى قۇرىلىس مەزگىلىن مىقتاپ يگەرىپ، ٴتۇيىندى كاسىپ سالاسى تىزبەگى مەن كەلەلى نىساندار قۇرىلىسىنىڭ ساپاسىن جوعارىلاتىپ، ونىمدىلىگىن ارتتىرۋدى تەبىندى ىلگەرىلەتىپ، قارجى قوسۋدىڭ شەشۋشى رولىن ۇزدىكسىز ساۋلەلەندىرىپ، ەكونوميكانىڭ ارتۋىنا جاڭا قوزعاۋشى قۋات ۇستەۋ كەرەك.
