مەملەكەتتىڭ ەنەرگيا حاۋىپسىزدىگىنە ٴتىپتى دە كوپ شينجياڭ ۇلەسىن قوسايىق
گازەتىمىزدىڭ شولۋشىسى
9 ـ ايدىڭ 28 ـ كۇنى ەلىمىزدىڭ ەنەرگيا سالاسىنداعى تاعى ٴبىر ەرەن ينجەنەريا _”شينجياڭنىڭ ەلەكترىن سىرتقا جەتكىزۋ“ 4 ـ ارناسى ەلەكتر كوزى نىسانى قۇرىلىسى تاكلاماكان ٴشولىنىڭ شىعىس وڭتۇستىك جيەگىندە ”جۇمىس باستاۋ دابىلىن“ قاقتى. بۇل ٴىرى ەل ينجەنەرياسى _ مەملەكەتتىڭ ەنەرگيا حاۋىپسىزدىگى كەلەلى جاعدايىن قورعاپ، چىڭدۋ _ چۇڭچيڭ قوس قالا شەڭبەرى ەكونوميكاسىنىڭ، قوعامىنىڭ جوعارى ساپالى دامۋىنا تىرەك بولىپ، شينجياڭنىڭ ەنەرگيا بايلىعى باسىمدىعىن كادەگە جاراتۋدى جەدەلدەتىپ، بايلىق ارتىقشىلىعىن تياناق ەتىپ وڭتۇستىك شينجياڭنىڭ ەرەكشە كاسىپ سالاسىنىڭ دامۋىن جەدەلدەتۋدە ماڭىزدى ٴمان الادى.
ەنەرگيا _ ونەركاسىپتىڭ ازىعى، حالىق شارۋاشىلىعىنىڭ جان تامىرى، ەنەرگيا حاۋىپسىزدىگى ەكونوميكالىق، قوعامدىق دامۋدىڭ جالپى جاعدايىنا سايادى. باس شۋجي شي جينپيڭ جاڭا داۋىردە باتىس بولىكتى قاۋىرت اشۋدى ىلگەرىلەتۋ اڭگىمە ماجىلىسىندە ”جاڭاشا ەنەرگيا جۇيەسىن قۇرۋدى جەدەلدەتىپ، ٴبىر توپ ماڭىزدى مەملەكەت ەنەرگيا بازاسىن زورايتۋ، كۇشەيتۋ“، ’”ەلەكتردى باتىستان شىعىسقا جەتكىزۋ‘ قۋاتىن جوعارىلاتۋ“ كەرەكتىگىن باسا دارىپتەدى. ”شينجياڭنىڭ ەلەكترىن سىرتقا جەتكىزۋ“ 4 ـ ارناسى قۇرىلىسىنىڭ باستالۋى باس شۋجي شي جينپيڭنىڭ ماڭىزدى ٴسوزىنىڭ رۋحىن تياناقتاندىرۋداعى ٴىس جۇزىندىك شارا، پارتيا 20 ـ قۇرىلتايىنىڭ ”جاڭاشا ەنەرگيا جۇيەسىن ورناتۋدى جەدەل جوبالاۋ“، ”ەنەرگيا ٴوندىرۋ، ۇسىنۋ، ساقتاۋ، ساتۋ جۇيەسى قۇرىلىسىن كۇشەيتۋ“ سياقتى كەلەلى ورنالاستىرۋلارىنىڭ شىن مانىندە ورىستەتىلۋى، شينجياڭنىڭ جاڭا دامۋ ارناسىمەن بەلسەنە توعىسۋىنداعى جانە وعان قىزمەت وتەۋىندەگى ناقتى ارەكەت.
”شينجياڭنىڭ ەلەكترىن سىرتقا جەتكىزۋ“ 4 ـ ارناسى _ جاڭاشا ەنەرگيا جۇيەسىن، ەلەكتر قۋاتى جۇيەسىن ورناتۋداعى ستراتەگيالىق ينجەنەريا ٴارى وڭىرلەردىڭ سايكەستى دامۋىن ىلگەرىلەتەتىن كەلەلى ينجەنەريا، قارجى قوسۋدى جەبەپ، حالىق تۇرمىسىنا تيىمدىلىك جەتكىزەتىن ٴمورال ينجەنەرياسى. ”شينجياڭنىڭ ەلەكترىن سىرتقا جەتكىزۋ“ 4 ـ ارناسىنىڭ كولەمى زور، تىرەكتىك قۋاتى، جەتەكتەۋ قۋاتى، شارپۋ كۇشى دە زور بولىپ، ەكونوميكانىڭ ارتۋىن ىلگەرىلەتۋگە، حالىقتى بايىتىپ، شەكارانى گۇلدەندىرۋدى جەبەۋگە ٴتيىمدى؛ جاڭالىق اشۋى، ۇلگى كورسەتۋى كۇشتى بولىپ، جاڭا ەنەرگيانى زور كولەمدە اشۋ، جاڭاشا وندىرگىش كۇشتى دامىتۋ جونىنەن جاڭالىق اشۋ، ۇلگى كورسەتۋ رولىنا يە؛ الدىڭعى مەرزىمدىك قىزمەتى تەز بولىپ، كەزەكتەگى ەڭ تەز جۇمىس باستاۋ شارتىن ازىرلەگەن ”قۇمدى ٴشول، قۇبا ٴتۇز، ٴشول دالا“ ٴىرى بازاسى بولىپ، شينجياڭنىڭ جوعارى ساپالى دامۋدى ىلگەرىلەتۋ تەبىنى مەن قارقىنىن تولىق ايگىلەپ، شينجياڭنىڭ تاماشا شارۋاشىلىق ـ ساۋدا ورتاسىن كورسەتتى. وسى ەرەن ينجەنەريا كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى ىلگەرىلەتۋگە ٴتيىمدى بولىپ، مەملەكەتتىڭ ستراتەگيالىق وزەكتى رايونى قۇرىلىسىنا تىرەك ازىرلەپ، وڭتۇستىك شينجياڭدى اشۋدى جەبەپ، شەكارا ٴوڭىردىڭ ورنىقتىلىعىن قورعاپ، ۇلتتار ىنتىماعىن كۇشەيتىپ، ەكونوميكانىڭ دامۋىن ىلگەرىلەتەدى. ٴسوزسىز، ساياسي دەڭگەيدى جوعارىلاتىپ، ”ٴتورت توڭكەرىس، ٴبىر سەلبەستىك“ ەنەرگيا حاۋىپسىزدىگى جاڭا ستراتەگياسىن جاپپاي تياناقتاندىرىپ، ٴار جاقتىڭ سەلبەستىگىن تەرەڭدەتىپ، بىرەگەي ينجەنەريانى، سارا ينجەنەريانى قۇلشىنا تۇلعالاۋ كەرەك.
”شينجياڭنىڭ ەلەكترىن سىرتقا جەتكىزۋ“ 4 ـ ارناسى قۇرىلىسىنىڭ باستالۋى شينجياڭنىڭ تازا، تومەن كومىر قىشقىل گازدى، حاۋىپسىز، جوعارى ٴونىمدى ەنەرگيا جۇيەسىن ورناتۋىنىڭ، مەملەكەتتىڭ ەنەرگيا بايلىعى ستراتەگيالىق قامتاماسىزدىق بازاسىن تۇلعالاۋىنىڭ جاندى ىقشام كورىنىسى. كومىر، مۇناي، تابيعي گاز، جەل، كۇن نۇرى سياقتى ابزال ەنەرگيا بايلىعى باسىمدىعىن سۇيەنىش ەتە وتىرىپ، شينجياڭ جاڭا داۋىردەگى مەملەكەتتىڭ ”ٴۇش بازا، ٴبىر ارنا“ قۇرىلىسىن جاپپاي ىلگەرىلەتىپ، ”توعىز ٴىرى كاسىپ سالاسى شوعىرىن“ جەدەل قۇرىپ، سەلبەستىكتى تەرەڭدەتىپ، كەلەلى ەنەرگيا نىساندارىنىڭ تياناقتانۋىن ىلگەرىلەتىپ، ەنەرگيا بايلىعى سالاسىنىڭ ستراتەگيالىق عىلىم ـ تەحنيكا كۇشىن تۇلعالاپ، ەنەرگيا بايلىعى سىندى شينجياڭنىڭ وسى ەڭ كورنەكتى باسىمدىعىن تولىق جارىققا شىعاردى. مۇنايدىڭ، گازدىڭ ەكۆيۆالەنتى ٴۇرتىس 3 جىل بۇكىل ەل بويىنشا الدىڭعى ورىندا تۇردى، ”شينجياڭنىڭ كومىرىن سىرتقا جەتكىزۋ “ 100 ميلليون توننادان استى، جاڭادان ارتقان جاڭا ەنەرگيا گەنەراتور اگراگاتتارىنىڭ سيىمدىلىعى بۇكىل ەل بويىنشا الدىڭعى قاتاردا بولدى... شينجياڭنىڭ وسى زامانعى ەنەرگيا شارۋاشىلىعىنىڭ مەملەكەتتىڭ ەنەرگيا حاۋىپسىزدىگىن قامتاماسىز ەتۋدەگى، ەكونوميكانىڭ جوعارى ساپالى دامۋىن ىلگەرىلەتۋدەگى تىرەكتىك كۇشى مەن ۇلەس قوسۋ كۇشى ۇزدىكسىز جوعارىلادى.
شينجياڭنىڭ جاسىل ەلەكترى مىڭ شاقىرىم جول باسىپ، سىچۋانداعى، چۇڭچيڭدەگى سان مىڭ وتباسىن نۇرلاندىردى. ”شينجياڭنىڭ ەلەكترىن سىرتقا جەتكىزۋ“ 3 ـ ارناسىنىڭ، 4 ـ ارناسىنىڭ ىركەس ـ تىركەس قۇرىلىس باستاۋى شينجياڭنىڭ مەملەكەتتىڭ ەنەرگيا حاۋىپسىزدىگىنە ۇلەس قوسۋداعى ساياسي جاۋاپكەرشىلىك سەزىمىن كورنەكتىلەندىردى، شينجياڭدا جوعارىدان ـ تومەنگە دەيىن ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدەگى ۋاقىت كۇتىپ تۇرمايدى دەيتىن رەال كوكەي تەستىلىك سەزىمدى ايگىلەدى. كەلەلى ينجەنەريا نىساندارىنىڭ تيانشان الابىندا سالىنۋىنا، سالىنىپ ىسكە قوسىلۋىنا ىلەسە، شينجياڭ، ٴسوز جوق، مەملەكەت جۇكتەگەن ستراتەگيالىق ورنى مەن جاۋاپكەرشىلىگىن، بورىشىن ٴتىپتى دە ويداعىداي ارقالاپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋگە ٴتىپتى دە كوپ ۇلەس قوسادى.
