انار بۇلت \ شينجياڭ گازەتىنىڭ ٴتىلشىسى جاڭ يۇنمەي 9 ـ ايدىڭ 28 ـ كۇنى ۇرىمجىدەن حابارلايدى. 9 ـ ايدىڭ 28 ـ كۇنى اۆتونوميالى رايوننىڭ پارتيا قۇرىلىسىن يگەرىپ، اۋىل ـ قىستاقتىڭ گۇلدەنۋىن جەبەۋدى ىلگەرىلەتۋ ٴماجىلىسى ۇرىمجىدە اشىلدى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ٴبولىمىنىڭ باستىعى ۋاڭ لين ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: سوڭعى جىلدارى بۇكىل رايونداعى ٴار دارەجەلى پارتيا ۇيىمدارى باس شۋجي شي جينپيڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندەگى ماڭىزدى بايىمداۋلارىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، اۋىل شارۋاشىلىعىن، اۋىل ـ قىستاقتى الدىمەن دامىتۋعا تاباندى بولىپ، قالا مەن اۋىلدىڭ توعىسپالى دامۋىنا تاباندى بولىپ، پارتيا قۇرىلىسىن جەتەكشى ەتۋگە تاباندى بولىپ، ۇيىمدىق جۇيە مەن قىزمەت كۇشىنىڭ نەگىزگى ساتىعا تىكە جەتۋىن ىلگەرىلەتىپ، اۋىل ـ قىستاقتى جاپپاي گۇلدەندىرۋدە ۇزدىكسىز ماندىك ىلگەرىلەۋشىلىككە قول جەتكىزدى.
ٴماجىلىس مىنالاردى باسا دارىپتەدى: جەر ـ جەر، تاراۋلار، ورىندار ىشكەرىلەي ۇيرەنىپ، جەتە ٴتۇسىنىپ، باس شۋجي شي جينپيڭنىڭ ماڭىزدى بايىمداۋلارىنىڭ رۋحىن جاپپاي دايەكتىلەندىرىپ، قايراتتانا العا ۇمتىلىپ، قاجىرلىلىقپەن بەرىلە ىستەپ، قىستاقتا تۇرۋ قىزمەتىن ۇزدىكسىز كۇشەيتىپ، ساپالىلاندىرىپ، ”بەستە جاقسى“ قىستاق پارتيا ۇيىمى قۇرىلىسىن ۇزدىكسىز تەرەڭدەتىپ، اۋىل ـ قىستاقتى گۇلدەندىرۋ ماڭىزدى مىندەتىن ارقالاي الاتىن قاتاڭ ۇيىمدىق جۇيەنى، پارمەندى تىرەكتى قوسىندى كۇش سالا سومداپ، جاڭاشا اۋىل ـ قىستاق كوللەكتيۆ شارۋاشىلىعىن بەلسەنە، ورنىقتى زورايتىپ، ەگىنشى ـ مالشىلاردىڭ كىرىسىن ٴتۇرلى ٴادىس ـ امالمەن ارتتىرىپ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋدە، اۋىل ـ قىستاقتىڭ گۇلدەنۋىن جەبەۋدە جاڭا جاعداي اشۋدى ىلگەرىلەتىپ، اۋىل ـ قىستاق كاسىپ سالاسىنىڭ دامۋ دەڭگەيىن، اۋىل ـ قىستاق قۇرىلىسىنىڭ دەڭگەيىن، اۋىل ـ قىستاقتى باسقارۋ دەڭگەيىن كۇش سالا جوعارىلاتىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى ونان ارى ويداعىداي قۇرۋ كەرەك.
ٴماجىلىس مىنالاردى تالاپ ەتتى: جاعدايدى يگەرىپ، دەڭگەيدى جوعارىلاتىپ، تياناقتاندىرۋدى مىقتى يگەرىپ، اۋىل ـ قىستاق پارتيا ۇيىمدارىنىڭ شۋجيلەرى مەن تىرەكتى قوسىندارىن كۇشەيتۋ، نەگىزگى ساتى كادرلارىنىڭ قابىلەتىن، ساپاسىن ارتتىرۋ، قىستاق دارەجەلى ۇيىمدىق جۇيەنى قاتايتۋ، نەگىزگى ساتى باسقارۋ دەڭگەيىن جوعارىلاتۋ، حالىقتى بايىتىپ، قىستاقتى قۇدىرەتتەندىرۋدى ىلگەرىلەتۋ جونىندە بارىنشا كۇش سالىپ، پارتيا قۇرىلىسىن يگەرىپ، اۋىل ـ قىستاقتىڭ گۇلدەنۋىن جەبەۋ دەڭگەيىن شىنايى جوعارىلاتۋ كەرەك.
ماجىلىستە اۆتونوميالى رايون بويىنشا اۋىل ـ قىستاقتى گۇلدەندىرۋدە جاۋاپكەرشىلىك ارقالاپ، ىسكەرلىك كورسەتكەن جاقسى ياچەيكا شۋجيلەرى ماداقتالىپ ـ سيلاندى، 5 ورىن تاجىريبە اۋىستىردى.
